Irtijol

Fikr keldi-yu ketdi... Aslida kamida 1 oy tanaffus qilmoqchi edim, lekin Xolajonim "Sening kayfiyating Amerikaning ob-havosidan ham tezroq oʻzgaradi", deganlari gap haq ekan. Bilasizmi, hozir nimaga eʼtibor berdim? Bu sahifani men yuritishni boshlagan vaqtimni esladim. U vaqtlar Irtijol emas, balki Uchqator edi. Buni eskidan bor boʻlgan sodiqlarimiz bilishadi. Xullas, men oʻsha yuritganim — Uchqatorning muhitini sogʻindim. Oʻsha Uchqatorni olgan vaqtimda 46 odam ichida yuritgan muhitimni sogʻindim. Erkin, bemalol istaganimni yozardim. Hozir bu yer eski muhitda emas. Qandaydir rasmiyat kuchli, samimiyat yoʻqolgandek. Balki bu sizlarga sezilmagandir, ammo men negadir boshqalar fikriga eʼtibor beryapman. Baʼzi postlar yozyapman, yuborish vaqtida "Nima deyisharkin?", "Nima deb oʻylasharkin?" degan fikrlar bilan qancha postlarni oʻchiribman. Sahifada erkin fikrlash huquqimni yoʻqotib qoʻydim goʻyo. Xullas, men oʻzim istagandek, "nima deyisharkin" degan fikrlarsiz erkin yuritmayapman. Ikki kunda "Eʼtibor savdogarlari" sahifani tark etishdi. Ishoning, ich-ichimdan juda xursandman. Shuningdek, men boshqa sahifalarni ham tark etishda davom etyapman. Men har kimning sahifasida ikki sababdan boʻlaman: yoki manfaat olaman, yoki qiziqaman. Qolgan vaqtimga esa ularni aybdor qilmayman, vaqtimni oʻgʻirlaydi ham demayman. Chunki oʻz xohishim. Sizlarga ham gapning indallosini qilib aytsam, bundan keyin Irtijol sahifasida qanday postlar bor boʻladi — oʻzimga ham nomaʼlum. Muhimi, erkin va samimiy boʻlaman. Bu esa men uchun juda muhim. Oʻylab qarasam, sizlar gapirayotgan gaplar menga bir tiyin ekan. Hattoki bir tiyin ham koʻp... Hurmatimni bilaman, hurmatingizni qilaman. Hurmatingizni biling, boʻlmasa oʻrgataman. Bemalol sahifani tark etishingiz mumkin. Menga sahifa soni emas, sahifadagi insonlar samimiyati va fikri muhim. Fursatdan foydalanib, bu narsa haqida oʻylab koʻrishimni maslahat bergan Yusuf akamga minnatdorchiligimni bildiraman. Shuningdek, gap-soʻzlarsiz shunchaki sahifa yuritish uslubi bilan menga zoʻr fikrlar va foyda bergan Oddiy Human, Iqtibos, Tamrin, Al-ayn va Ey nafs sahifa mualliflariga ham samimiy tashakkurimni aytaman. Hurmat bilan Irtijol sahifasi muallifi Aisha Abdulloh. Irtijol

Sahifa faoliyati noma’lum muddatga to‘xtatildi... Assalomu alaykum va rahmatullohi va barokatuh.