قناه الرادود الحسيني كرار الحجيمي_Karar Al-Hajimi

ستشهاد النبي محمد ص احاه يابويه احاه ......... الله يساعد ام حسين   دمع العين غطاها راح البي تشد الحيل  جا ياهو البقه وياها طاحت عالنعش وتصح  اه يافرگت الوالد خلصت ونتهت وياك  والعشرة گضيناها بويه ويانضر عيني    لا تمشي وتخليني فراگك والله يجويني احاه يابويه احاه ،،،،،،،،،،،،،،،،،،،،،،،،،،،،،،،،،،،،،، بيتك موحش ابلياك   بويه ومختنگ بابك يمي وانه احن عليك  وشلون احمل غيابك گالو من طحت مسموم  تنزف والوجه اصفر اشتم جرحك تمنيت  بس ما اندل صوابك بنيتك انه التحبها    لاتمشي وتتعبها نار ابروحي اتشبها احاه يابويه احاه ،،،،،،،،،،،،،،،،،،،،،،،،،،،،،،،،،،،،،، الماعنده ابو بالبيت   يعرف خنگت المغرب لو بعده بشبابه يضيع  من گد البجي يشيب يابويه العمر شيفيد   لو ماشوفن اعيونك ترجع لو اموت وياك  والله فراگك ايتعب اه ياوحشت عيوني   من بعدك ذبل لوني بدفنك خل يدفنوني احاه يابويه احاه ،،،،،،،،،،،،،،،،،،،،،،،،،،،،،،،،،،،،، خلافك يارسول الله   توجع طگت الهامه حيدر باجر بلا حيل   ويدفعوني گدامه ضلعي ينعصر بلباب  ويطيح الضنه الغالي براسه يجلب البسمار  وتلزگ جمره بجدامه تكتل كسرت الخاطر    ريتك يالنبي حاضر شحجي بغربة العاشر احاه يابويه احاه ،،،،،،،،،،،،،،،،،،،،،،،،،،،،،،،،،،،،،، باجر عالوطيه حسين  ويدوس المهر صدره من گد ماثگيل هواي  الحافر يعبر الضهره باجر  بالخيام  النار   وزينب تصعد الهزله وانه وبالگبر اسمع   تصرخ يمه يالزهره باجر تحترگ خيمه    وزينب تطلع بهيمه شيحمله السبي وضيمه احاه يابويه احاه ابوفايز الرافضي

. مكسـور ظـهـر حسيـن ويـنـوح عـمـچــن يـعـلـويـات مــذبــوح بطــرف الخـيـام ينـوّد الحسين لحگنـه طلـعـت بالبچي الــروح يصيح اشلون بيه .. بـعذاب الـغـاضريه .. تـره الفـاگـد يـهلنه .. يموت المات أخيه .. طاح العباس ،، لطمن يالعلويات مخسوف بـدر السـاده عـالـگـاع ومـا ضـل بـعـد لأم عـون فــزاع طـاح الـثـگيـل وبـيـرغه أنـداس يا يـــوم الأســود يــوم الــوداع مصـيبه الله وأكبـر .. غريبه أم عون بالبر .. يكـسـرتنه الچبـيره .. وعلي هاليوم أگشر .. يطيح الكون .. مو دمك يعباس هضمه وتغيب أسود عله الكون طـاح الگـمـر عـبـاس يأم عـون امن الخيمه طلعـن صيحن أحا راحـــوا عله أخـيامـچ يـطـبون راااح الـبـي أمـلـكم .. عله الشاطي علمكم .. عگب عيـونه صعبه .. بعد ياهــو اليلمـكم .. راح يشوفون ،، خدر الهاشميات عـبــاس يـابـو الـغـيـره والـزوّد طايـحلك الـمــاي أرجــع أردود ترضهه هــدت عالخـيم خــيـل ياليسوه موتك خمش الأخدود يتيمه بصف يتيمه .. سوه يركضن هضيمه .. يصيحن وين عمنه .. بعد ما عـدنه خيمه .. ماشاف اشلون ،، وصلت للعبي النار درب الـشـريعـه ابـعـيد يا نـاس شيـوصل أچـدامـي اعله عـباس چـا غـيـر حـامي العـيـله كــفـال وخـدر العـقيله اهـواي حـسّـاس علينه الخيل غارت .. حرمنه بهيّم ضاعت .. عجيبه اشلون نايم .. هضيمه الدنيه دارت .. الناس اتريد ،، زينب تمشي للشام - خيري الصفراني #محرم_1448_هـ_

‏@𝑨𝒉𝒎𝒆𝒅.:يـا يـمـه *** يـا يـمـه ----------------------------------------- الخيل بيـنـي وبينك يـالـمـا تـحـرك عينك يـايـمـه الله يعـينـك ... مـن هدوا الخياله بـس العطش يـبرالك يـل هـاضـمـك چتاك چا ليش محد شالك ... مـن هدوا الخياله اسـمـع يـگـولـون الـعـده حـسـيـن ضــل لــوحـده امـشـونـه وخـنــفـرهـده 🌊🌊🌊🌊🌊🌊 ليش عله وجهك طايح يـل مـا يـهـزك صـايـح چـا ويـن حيلك رويح ... يمخوف الخياله وسـفـه يـزلـمـة هاشم دارت عـلـيــك الــوادم ما بيك شي ضل سالم ... يمخوف الخياله امـنـيـن اجـيـبـلـك عـلـي يـفـرع الـك يـالــمـنـولـي ويـشـيـلـك يـجـيبـك الي 🌊🌊🌊🌊🌊🌊 گــوم شــد احــزامــك اوليدي عـين اجدامك ركضت غرب لخيامك ... والخيل والخياله يل ماڪو واحد عانك يـاهـو الـيـرد عـدوانك حـرگـوا خيم نسوانك ... والخيل والخياله نـسـوانـك بـلايـه خـيـم چـا وين منواهه الحـرم اتـلاحـگ الـهـن بالـعـلـم 🌊🌊🌊🌊🌊🌊 نـوم الرمـل مـو نومك مـر عـلـه زينب يومك يالـمـاخـذين هدومك ... من هدوا الخياله ياريته ڪون العاشر لا صـبـح و لا صـايـر خـلاك وحـدك حـايـر ... من هدوا الخياله اسم الله يبني من العطش يـالـفـوگـك تـراب انـفـرش الـرمـح صـايـرلـك نــعــش ----------------------------------------- #الشاعر_محد_حلو_الزيادي

لطميه ثگيله للأربعين (الواليهه تشچي) ردت زينب الواليهه تشچي عن ظيم و مرار الگوم تحچي اتگلهم بسكم النوم جبت الروس هاليوم ما عندي سند عدمن اوچي عن ظيم و مرار الگوم تحچي جابت روسهم ويلي العقيله و عالوليان مدمعهه تسيله اتگلهم جيت والسفره طويله من امصابكم روحي نحيله وين اشكيهه الهموم جبت الروس هاليوم ما ادري الزمان ايسوي هيچي عن ظيم و مرار الگوم تحچي ما ادري الزمان ايخون بيه وتاليهه ادخل الديوان اميه چنت امدللـه و زمخوا عليه و بالشامات صاحولي السبيه و اهل ادموعي ادموم جبت الروس هاليوم يتلگوني اخوتي گلت بلچي عن ظيم و مرار الگوم تحچي گلت بلچي اخوتي ليه يگومون عن ظيمي و مراري هم ينشدون و ايگولن اجتنه الغاليه ام عون بس احسابي ابد ما چان مظنون حزني يبقه للدوم جبت الروس هاليوم مهظومه اگعدت بالحومه تبچي عن ظيم و مرار الگوم تحچي تبچي اعله الاخو الما گام ليهه رجعت زينب و خلصت سبيهه تنشد وين گبرك يا وليهه و السجاد گام ايدلي بيهه يا خويه يا مظلوم جبت الروس هاليوم منك شعتذر ما اعرف احچي عن ظيم و مرار الگوم تحچي شحچي و شعتذر خليت بنتك بالشامات من شبگت رگبتك هظمه ما سدت منهه هظمتك شلتهه ميته خويه انوب شلتك خويه اگعدلي و گوم جبت الروس هاليوم ردت شوفتكم وما ردت كلشي عن ظيم و مرار الگوم تحچي ✍🏻خادم اهل البيت عليهم السلام الشاعر جعفر الساعدي غير مبري الذمه من يحذف اسم الشاعر او ينسب الرثاء لشخص اخر

نعي للحسن **** شفت حسين ون وبكلبه حسرات وذب عمامته وصاح الحسن مات وكلهن ركضن النعشه الحنينات حرامات الاخو يرحل حرامات اعاين بالحسن كامو يغسلون وفوك الخد يصب ضل دمع العيون بخوي الناس اشوفنهم يشيعون وبالجناز اصيحن خل يتانون جا ليش النعش بسهام يرموه ورفضو يم كبر جده يدفنوه التراب اعله الحسن ضلو يهيلوه وكوه حسين من الكبر شالوه الك ماتم بنص الكلب ينصب ودمعي اعليك طول الوكت ينصب نعشك يالحسن بسهام ينصب انكسر كلب السمه بهاي المسيه البشر ينبذل لو بالمال ساموه الحسن باب الكرم والجود سموه اهل الحقد جبده اشلون سموه وبجتله افجعو سيد البريه الحسن بالكون ما نلكه شباها وهاي الناس ما تنصف شباها الظالم بالكلب ناره شباها وضل ايلوج ابن حامي الحميه الشاعر تحسين الخفاجي

قصيدة مضيف الحنانه••& فـاتـح مـضـيفه ورحب بـزواره ابن لصدر مايطفى عزمه وناره ـــــــــــــــــــــــــــــــــــــــــــــــــــ فاتح مضيفه والگلب بالـخدمه ونـصاره شـدو بالـعـزم والهمه متحزمه كلهه بالصدر محتزمه نـور الگـلب الـعين الحسين متحزمين نبض العراق وكشخته وبتاره ـــــــــــــــــــــــــــــــــــــــــــــــــــ ابن النجف والـحوزه صدر امره بـزوار جـده يـخدم ابـكـل عـبره فارس لخدمه تلقب من لحضره يـشـبـع هـله ويـروح طيب مضيفه جروح وكل دول تحضر مضيفه اخباره ـــــــــــــــــــــــــــــــــــــــــــــــــــ زاد الهواشهم مـابــرد مــن وزع بكثر الهلا وشوفت السيد تشبع المايقـنع بـهـذا العـشگ لا يقـنع بچـفه يـصب الـزاد من وجه يطي مراد خسران كلمن ماوصل يـم داره ـــــــــــــــــــــــــــــــــــــــــــــــــــ مثل الگمر ضوه المضيف بخده خسرانه كلـمن مـااخذ مـن عنده ابن الصدر بالخـدمه يـندب جده بالخدمه يامولاي يابعد هاي وهاي تـفـضل يـزايـر مـايـرد خـطاره ـــــــــــــــــــــــــــــــــــــــــــــــــــ حياكم الله والهله اعله السانه وشـما يصب زاده كـثر مولانه وخير الـعراق ابسيد الـحـنانه مثل الحسن زاده يشبع هـله مراده چفيته خضره وبيها تكتل شاره ـــــــــــــــــــــــــــــــــــــــــــــــــــ خادم يصير ابن الصدر لجداده بجفوفه خير وناس تـاكل زاده شايل حنان وغترته من الساده شـايل كـرم جـده ضـل خيره يتبده لجل الحسين شماتعب مناره ـــــــــــــــــــــــــــــــــــــــــــــــــــ الشاعر مهندالعايدي تمت بفضل الله وال محمد ع نسالكم الدعاء

قصيدة شجاعة الكريم••|| نزال شامخ بديوانك بالحرب نيشانك ـــــــــــــــــــــــــــــــــــــــــــــــــــ شگد چبير بعين ربك يالحسن معدل وبيك السوالف ينحچن من تدگ فرسانهم دگ گهوه مثل ابوك معدل وچفك رزن الله حط عنوانك٪٪٪ بالحرب نيشانك ـــــــــــــــــــــــــــــــــــــــــــــــــــ چــن ابـوك بهـيبته شـايـل فـقار لجيش حسباله حطب شاعلهه نار هيه هـاي زلام هـاشم بـالصعاب والله نـزلـكم وقــار بـضل وقــار جن علي بركانك ٪٪٪ بالحرب نيشانك ـــــــــــــــــــــــــــــــــــــــــــــــــــ يا حلات زلام هاشم كل وكت طبهه ابوالقاسم حلاته بالبشت مهيل وكله عطر وكت الحرب شورطاكم وخو زينب من چفت راهب بعدوانك ٪٪٪ بالحرب نيشانك ـــــــــــــــــــــــــــــــــــــــــــــــــــ هذا طبع الحسن والله لو نزل الخيل ركبهه زلمهه وما يچل طب عليهه بالحرب طبت زلم مثل ابوه وشمرته حرب الجمل يالبخيت بشانك ٪٪٪ بالحرب نيشانك ـــــــــــــــــــــــــــــــــــــــــــــــــــ دوخاهم والزلم صارت ردم لمايلوحه بسيفه بالخزره نعدم چنه حمزه وبالسطر چفه ثگيل هايه تربات الهواشم والعنم والعشگ ميدانك ٪٪٪ بالحرب نيشانك ـــــــــــــــــــــــــــــــــــــــــــــــــــ عزباهـه وبالحـرب شـع دوره سيفه حار وبيهه طگته مروه بهـزت الفنـچان هـــــزرگـابهه هيچي خلاهه الزلم مشموره كفها كف ردانك ٪٪٪بالحرب نيشانك ««««««««««««««««««««««««««««««««« الشاعر مهندالعايدي تمت بفضل الله وال محمد ع نسالكم الدعاء

هاي الگوم... شد حيلك يبو سكينه ____ يا ند للزلم يل ما لگولك ند مهرك هذا يبته وعل معسكر هد غيم غيض بيهم ورتجز ورعد وصيح الراد يوصل للخيم وينه @@@@@@@@@@@@ يا شيخ المراجل يا عجيد الگوم كون تصير حمره الكاع هذا اليوم خل طير المنيه اعله الرگاب يحوم طيح الروس حدرك ولتفت لينه @@@@@@@@@@@@ دلهم للحرب وبزود هاشم كر يومك مو سهل يحسين يومك مر خلها منين ما سيفك يميل تفر ريس گوم ما تنهز يوالينه @@@@@@@@@@@@ عيد امجاد حيدر ياشهم ياحيد هاي الكوم راسك يابو سكنه تريد حيلك حيل ساده ومايرك ويبيد غير بسيف حيدر خاف ناسينه @@@@@@@@@@@@ ذب خاچيتك وبعصابتي اتحزم چنه نريد ماي اليوم نطلب دم بيهم كون سيفك يرجع مثلم واخذ بثار جوده ورايته وعينه @@@@@@@@@@@@ الشاعر كريم الابراهيمي محرم الحرام 1448هـــــــ

زينب راجعه ومـحـد تلگـاها جابت روسكم يحسين وياها                    ::::::::::::::: ١ :::::::::::: مـاتنعـه بعـد يحسين مـاتنعـه ضايع صوتهه الماواحد يسمعه مانشفت عليكم تسچب الدمعه    ايام اليسر هيهات تنساها                  ::::::::::::::: ٢ :::::::::::::: عادت من طريق الشام محتاره والدلال من نار الخييم ناره وآثار الحبل والسوط تتجاره خلاها الهضم تعـثر بممشاها                  ::::::::::::: ٣ :::::::::::::: متعوبه العقيله اهواي متعوبه تتذكـر اجــروح الشام ودروبـه كل ساعه عليهه اسنين محسوبه    ياحيف الـزمن للشام وداهـا                  :::::::::::: ٤ :::::::::::::: تـنضر للعليل أيسيلن اعيونه دم السوط متناثر عله امتونه گـلهم حين نوصل لاتخبرونه ابوي احسين بالطفله الدفناها               ::::::::::::::: ٥ ::::::::::::::: من توصل لعد احسين مهضومه ترجع يم اخوها الصاگر الحومه تگول الحيد مثلك موش اله النومه     گلولي الكفلهه اشلون خلاها                  ::::::::::::::::::::::::::::::      فاخر علي الشبيبي

كلهن عباس ========= كلهن عباس .. كلهن عباس —————————————- يااول من يتقدم وكت المردم ويطك الدم حار بحار ياريح اشتد وزمهر عات وصرصر هب ودمر لمن غار عباس السيف الانزع منه وتكطع هذا اليطلع عالكرار بالليل الاليل يندل كلما چلچل شامخ واعبل گمرة ونار عباس سيفك مانصف عباس كد ما دم غرف عباس بالنص والطرف ..كلهن عباس عباس بعيون العدة عباس جيش لوحدة عباس حيدر مطلعة … كلهن عباس —————————————- لو لج وبالروس اعرج يمضيك الفج يايم واغمج مالاكوك يالتحرك من تتنفس وتصير اشرس ليل وعسعس لو غاضوك وبقوة جفك دمدم ربك واقسم ثاقب وارجم ماشافوك من الصوت الصور اليطلع لا انت اسرع لمن تفزع عالعادوك عباس وكت الملحمة عباس يمشي اعلة السمة عباس عين لفاطمة … كلهن عباس عباس صاح الماعرف عباس عارك لو خطف عباس كلها مكطعة … كلهن عباس —————————————- ياسيل ويردم كل سد مايتهدد ويروح ابعد جنة الموت يالتوجع من كبل الطك طوك وطوك من سيفة اسبك ومن الصوت انت اقدم من المطلع والكتلة اسمع ذنون اطلع من الحوت ياسد اسكندر كلة يضيع بظلة ومحد يعلة اذا انت تفوت عباس اول ماصرت عباس راية تسلمت عباس بيها تكمطت … كلهن عباس عباس جفك زلزلة عباس زلزل كربلة عباس موت وفاجعة … كلهن عباس —————————————- ياغيمة روس ونكط ولكاط الكط يمسوي الشط دم وروس موت ابمد الشوف ترش وتلم وتطش سيفك يفرش وانت تدوس خليت الخيالة تزل للشط تنزل وتكول ايقل مامتروس تطشر وترد تصطف وانت اعلة الطف ياشمس بصف الفانوس عباس لو طلعوا سوة عباس ياخذ عالضوة عباس ياصفنة وهوى … كلهن عباس عباس لو زاد العدد عباس صاح اكثر بعد عباس كاع الواسعة … كلهن عباس —————————————- من تضم سيفك ترجع گمرة وتلمع يانور اوسع من الكون يالون الماي واصفة شلون نوصفة الله يعرفة وگلب ام عون من عينك عينك تخجل لليتوكل للمايندل صرت عيون والناس تصيحك حيهم لو طك همهم توكف يمهم من يشكون عباس فارس كل حلم عباس ونساها الزلم عباس والحر يفتهم … كلهن عباس عباس لو واحد كصد عباس للضايع سند عباس يمسح مدمعة … كلهن عباس —————————————- للرادود : سيد فاقد الموسوي الشاعر : حمزة الحسناوي

نحچي ومايسمع چنه وسار الحادي ‏وعلى الغبره نخليها اجسام اولادي ‏ ‏وعلى الغبره نفارگم *** ماخلونه نودعكم ‏سار الحادي ‏~~ ‏تدوهنا وزمان الشوم       مايرحم بعد بينه ‏من ذبح وحرگ الخيام     كلها مرت علينه ‏مايرحم دهرنا  يريد       نفارگ كل اهالينه ‏وعگب ذاك الدلال اراح     ويه الغربه ضلينه ‏ ‏مايرحم دهري وضليت انه لوحدي ‏وي الغربه انه يسيره وذبحو  ولدي ‏راح نضل نشتاگلكم *** ماخلونه نودعكم ‏سار الحادي ‏««««««««««««««««««««««««««««««««««« ‏وليلى ماتهيد اليل       من فگدت علي الاكبر ‏واليشبه رسول الله      تشوفه على الثره موذر ‏متعوده على ابنها العود      تريد تقبله بل منحر ‏مايقبل گلبها شلون         تخليه بل ترب والحر ‏ ‏يمر اليل وماتغمض عينچ ليله ‏على فراگ الاكبر ضلت دمع تسيله ‏كل ليله تمر نذكركم  *** ماخلونه نودعكم ‏سار الحادي ‏،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ‏ورمله تنوح عل عريس     تشوفه مخضبه دمومه ‏يراودها حلم عرسه          ويكحل شوفها رسومه ‏رادت كشخته الزفته         وصارت كشخته لگومه  ‏فتر بيها الدهر ياحيف       تصبح  زفته بل حومه ‏ ‏العريس الجانت تنطر تضوي شموعه ‏ياحيف يخلص عرسه ب اه ولوعه ‏بل عريس نذِكركم *** ماخلونه نودعكم ‏سار الحادي ‏««««««««««««««««««««««««««««««««««« ‏الرباب على الرضيع تنوح تهز مهده وتلوليله ‏تگله اكعد يبعد الروح فراگك ما الي حَيله ‏تگضي اليل بل حسره تهز مهده وتناغيله ‏ياذباح انه اترجاك فوگ الرمح لتشيه ‏ ‏يل شايل راس وليدي الرمح يوجعه ‏يتمايل ويه الريح وخاف توگعه ‏خاف يطيح بممشاكم *** ماخلونه نودعكم ‏سار الحادي ‏،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،، ‏الله يعين گلب ام عون ويصبرها عل احزان ‏شحال الفارگ اولاده وبل طف ذبحو الوليان ‏وحتا رت بين اثنين وداع الولد والخوان ‏تتعذرت من الاولاد تشوف اخوتها عل تربان ‏ ‏ياحال ام عون المامر مثلچ حاله ‏مره تصد للاولاد ومره لخاله ‏ياعون انه اتعذركم *** ماخلونه نودعكم ‏سار الحادي ‏««««««««««««««««««««««««««««««««««« ‏خادم اهل البيت جادر جبر الجياشي ‏ ‏ ‏