کتری زرد

شعری از شاعر با احساس و نجیب جناب علی مرادی

شعر و خوانش: علی مرادی

خوانش غزل فوق توسط شاعر نازنین و با احساس جناب نوازاله احمدی ☝️

او کافر و بی دین همی دینمه برده تهلی تیه لش روزل شیرینمه برده سیلَل کره اسپه سَرَخویِ نگرهتش طاقت دل کم طاقت نوزینمه برده خواسم بدزم اسپشه-وردارمَ کُه-دم سر کرده وریسایه نَمِزینمه برده گتم دمه عی خندنه هر طوره بجورم دییُم و حَسَن هیچ د نی، سینمه برده اوسین کنم ویسه و پیرابو منِ مال پیرش نکنه شک نکو اوسینمه برده بی لویله سرخش تشَ من مال نهایه سرکف زیه وو نارل مارینمه برده یاسیچه ویک رهته و دهیشتَ چِنَکه شیراز وخو کرده و دالینمه برده زرِ مال دلم سگسگه لیلهیه ، شلویه آخی دزِ ناشی، دلِ پرخینمه برده تهل آبیه روزم که و شو سه بتَرابی قندونمه اشکنده و قَنچینمه برده بهلشته نهایم که بنه گل سرَ جفتم بهلشتمه وردایه وُ خالینمه برده سنگینه سرم، دردش دارم نه وحالُم حالِ نه وَ جَی منِ سرِ سنگینمه برده خَو برده پلنگِ دلَ نیجوره شکالی مَی تیله کموتر دلِ شاهینمه برده باهندیهِ باهنده زنی نِکشَ-مِ خل بی ماری منِ قَیکِس دلِ اُفتینمه برده منِ وُرد خم-ایسامِ وُ ای ایل سرم ره تلمیتم وِر دایه ولی، زینمه برده بارل دلم انگار و بندی نَوَگیرن نونم چه خویی زورل گاچینمه برده؟ میزون نیابوهه زمونی نَوَفِرمون انگار یکی سنگ ترازینمه برده *** آذر۱۴۰۲

وشوقت ره نَ ایشورم که ورگردی درود بر همه دوستان عزیزم دوریتان آزمون تلخ زنده بگوری بود. برای تک تکتان شادی ، سلامتی ، آزادی ، رقص و زیبایی آرزومندم 🥀❤️

بورش بکو، تَو وَش بیه زلفلِ وَحناته تا کم کنه ری مردم ای شهر و دهاته شالتَ که وگردن زیه خینِ دل مال پهلله تنه چول ایکنه حونی ظُلَماته بی لیکه-یلت شهرِ وخو رهته وریسا تا تش بزنه غیرت خرسلِ، حضراته ملت وملوسیتِ همه-شو غارَ دلِن دَ گورو زنه دلل!، نشمارم تلفاته…

بورش بکو، تَو وَش بیه زلفلِ وَحناته تا کم کنه ری مردم ای شهر و دهاته شالتَ که وگردن زیه خینِ دل مال پهلله تنه چول ایکنه حونی ظُلَماته بی لیکه-یلت شهرِ وخو رهته وریسا تا تش بزنه غیرت خرسلِ، حضراته ملت وملوسیتِ همه-شو غارَ دلِن دَ گورو زنه دلل!، نشمارم تلفاته ؟ نزدیک تر-آبو و بخو شعرم بی قهص تا گوش بیم زر جلکی سیر صیاته صَی یایتَ خیر ار دل دیوونم تش زی صَی دل اگرم بو، بره قربونِ بلاته هی قول سرِ قولت- ایا ووخَورَت نی باور کنم ای قولل امرو و صباته تا دعوتی ایبو و تو ایرقصیَ-دورت ویسانه بوینن یه نظر نشم و نماته دِسمالل غِر بییه وهی قَهصَ عوض کن دسمال تو تش ایزنه ای اهل ولاته منِ زرقلمِ برگِ تو نرمونه مو دییُم جونم وخویی بو که نها سنگِ بناته... اردیبهشت ۴۰۱

https://www.instagram.com/stories/damsaz.hasan/3832972806363811154?utm_source=ig_story_item_share&igsh=dHphZGp3bGg0bjg1

ثومَ ای صحرا نشهسه ، جونَ منِ پیوار نی تا تُوَر کار ایکنه همدای رس سی دار نی آسمون سرخابیه ، تش برق نازک ایرسه ره فراری تا تش افتا من بنِ نیزار نی

انگورل بج با کمی ویرایش خدمت دوستان

مهس ایابوم و انگورل بی هَسِ بجش خَل ایابوهه کمر بین دوتا برگ کجِش کال ایابوهه دوتا غوچَ-هوی میش تیه-ش صحب خندهَ ایکنه گلِ لویل افتو نزیه-ش نار قاش ایبو و ایرزه و سرمی دمه پیز یار ایخنده وَقهرل دلِ نازک سرَ غَیض ای دریغ ار و صفاتش نبرم گُل، بغلی ننویسم سر شونش چند بیتِ غزلی! ؛ بَی همی شعر که خم گتمه سیش، ایمیرم و دقِ گهپل سردِ دِگریش، ایمیرم ؛ و مِی-یله شونه نکردی کپریش ایمیریم مو و پیلکله کهنَی و سریش ایمیرم ؛ خشکه مار نفسش دمِ کر دل چال کنه دالِ تاک هوسش پیتیَ ای مال کنه شیر زرد جگرش زلفلشَه یال کنه گرگ گسنی نظرش سیلیَ مندال کنه ؛ کمر نات دولا وابینَ-ایخم چه کنم دلِ من بیشه ولا وابینَ-ایخم چه کنم ؛ یار اگر خواس و ای مال بره، بِل بره و هوی قهصَلِ تُشمال بره، بل بره ناز اگر سرِ مِیَله بور بیا، بل بیا ساز اگر پا و پیِ شور بیا، بل بیا اسپ اگر سرکش و ار تور بیا،بل بیا کوگ اگر دلکش و دلجور بیا، بل بیا ؛ دل اگر ایچنو بو زنده زوالش نبرن یه نفس خشکنه از بهر حوالش نبرن دل اگر هر دقه بونی وِنه که تش بگره با خفت رهتنه حونی وِنه که تش بگره عاشقی ار زته گِل راس نییبو کمرت راس وابو، ووکه ایخواس نییبو کمرت وهوی رنگِ نه زردم نره، حالم نخشه دلَ دردم، دلَ دردم، نره، حالم نخشه تیر خم خرده و بردُم، نره حالم نخشه غم ای عالمه خردم، نره حالم نخشه عاشقِ مهسِ وو بییُم، وُخو پرگوش ایزه مرد،بَی دس وو بییم، وُخو پرگوش ایزه بُنگ ایزه، سرَسیریشُ مو پرگوش ایزم خارم ایکه دل دیریشُ مو پرگوش ایزم خَرسِ غم پِرِ تیلُم بی وُ وو حالش خش بی پرِ دل وَی چیَلُم بی وُ وو حالش خش بی خندهِ تهلِشَ تیر وابیه و سر سینه نشهس چی هوویی که منِ حونه وجی زینه نشهس شرِ سه وابیهَ منِ پوزل شعرم، خشه د شر وپا کرده وو نیشینه و نونم چشه د حسن دمساز خرداد ۱۴۰۲ https://t.me/KetriZard https://instagram.com/damsaz.hasan?utm_medium=copy_link

قربون غزل گُتنِ منِ نِصپَلِ شوییت چول ایکنه حونی دلَ خَندَی سرِلَوییت ایگن نه تِ بی-یی که و اَوو زَی خُت و اسپِت پخ مونده وهوشم خت و سایَی منِ اوییت! قربون تو و سیللت و حضرتِ سایهَ-ت دَمِ اَوو ایه هر رهگذره دسَ-شِنوییت تش-چاله و کترت و یَلت، مَهس تر-ایکه نارنج بهاری که دم ایکه منِ چوییت خُم کاوه ی قربونی اسمیل گلوتم مجنونِ کلویِ نَوَپرغال یهوییت میشل منِ خاگِ تیلت لَنگنَ پیوار قربون گَلَی میشِیِ زِرِ لوس، وخوییت ح.دمساز فروردی۹۷.....

خشکنم ،وابییِه بی دَسِ تو اَزباره جوونی بکنم مال ورگرده، مو ورگشتمه بونی ت چپونی بکنم ایخم-او طحرِ شکالی تیلت کُه-نَ و زونی بورم حیف نونم چه و ای دردلِ من کشکل زونی بکنم چه ایابییه غِتابوم که تا آخر باغت بجکم؟ بگم ای باغِ فلونیه و هی بنگ فلونی بکنم برسم هیبیه او دارل گردوی نظر کردهِ سوز بنشینم زر سایی ثمرت خهسه خرونی بکنم نل تا تشبره نونلَ سر ری تاوته زردو نکنه بِل تا سهتیه ای سیننه زِرسُرفه نونی بکنم ری تِ می روزلِ شرطویه و شو سه میَه_لِِت زلفَ دم بای بیه تا یه نظر سیل سهونی بکنم سالل جونکه-جونی مِ وپی خندیلِ (تهل)تو رَ... ایسو ویسامه دله رونَیِ او سالل جونی بکنم عید ۱۴۰۳