Single ladies coffe shop

مبارك يا حبيبي 😘🥳🥳🥳🥳🥳🥳😍😍😍😍😍😍✨️✨️✨️✨️

67/67 ✅ إلى السنة السادسة😭😭😭😭😭💘💘💘💘💘💘💘💘

67/67 ✅ إلى السنة السادسة😭😭😭😭😭💘💘💘💘💘💘💘💘

يعني بالوقت يلي كان الذكر يركز على الطريدة فقط هي كانت تتشتت بعدة مهمات بنفس الوقت لهيك مثلاً بتلاقي عندهم القدرة أنهم يعملوا عدة مهمات سوا وشغلات تانية متل أنهم بحبو التفاصيل، قادرين يميزو درجات الألوان أكتر منا. طيب يعني الأنثى عندها مهارات التواصل العاطفي، قراءة لغة الجسد، حب العمل الجماعي وقدرة على نسج علاقات، سلوكيات ناعمة بشكل عام، وقدرة على تنفيذ عدة مهمات سوا. هي مهارات الرجل وهي مهارات الأنثى اطلعوا حوليكم اليوم، أي المهارات مطلوبة أكتر؟ اليوم بعصر العولمة والتواصل والتجارة والتسويق والشركات والعمل الجماعي أكيد الأنثى مهاراتها رح تساعدها أكتر من الرجل. لما قلت الرجل كائن بدائي ما كان قصدي أنو متخلف، كان قصدي أنو عندو نظام تشغيل جبار بس قديم للأسف.. ونحط اليوم ببيئة وشروط مختلفة تماماً مين الرجال يلي بتنجح اليوم؟ هنن الرجال يلي فاهمين هي الفجوة وفاهمين طبيعتهم وقادرين يعيدو توجيه طاقاتهم البدائية هي للانضباط أو الرياضة أو الاختصاص(كونو تركيزهم عالي وخطي)، أو حتى للتخطيط العميق. اما يلي ما بيعمل هيك وما بيستوعب شو هيي ميزاتو رح يوقع بالملل والاكتئاب والهشاشة النفسية والانفصال عن الواقع بالتأكيد طبعاً هاد رأي شخصي لهيك أي نعم الرجل كائن بدائي وهاد العصر ومتطلباتو هو للأنثى بامتياز عجبكم منيح ما عجبكم أبكو .. البكي بريح.. جعفر مصطفى.

الرجل كائن بدائي. انزعجت الناس مبارح لما قلت الرجل كائن بدائي، واعتبروها شتيمة وأهانة.. بس الحقيقة مو هيك.. الحقيقة إنها توصيف. توصيف إذا عرفو الرجل رح يفهم حالو أكتر ويرتاح وإذا عرفيتو الإنثى رح تفهم إنها عم تتعامل مع كائن ما بيشبها وصعب يفهمها ف برضو هي رح ترتاح. والقصة كتير بسيطة نحنا موجوين على هاد الكوكب من ملايين السنين، الإنسان العاقل بشكلو الحالي موجود من ٣٠٠ ألف سنة، ويقال أنو بلشنا طفرة اللغة البسيطة والرسم قبل ٧٥ ألف سنة. وأيمت اكتشفنا الزراعة؟ قبل ١٢ ألف سنة فقط وما بدأت الحضارة إلا مع سومر قبل الميلاد ب ٤٠٠٠ سنة شو يعني هاد الكلام؟ يعني عشنا مئات ألاف السنين وربما ملايين السنين قبل ما نكتشف الزراعة ونحنا صيادين فقط. بعلم النفس التطوري والسلوكي في فكرة بديهية أنو تطور السمات النفسية والبيولوجية لأي كائن حي هي بحاجة مئات الاف السنين لحتى تتغير. بينما البيئة والتكنلوجيا عم تتغير بسرعة مرعبة ف لما تعيش اجسادنا وأدمغتنا ببيئة حديثة مختلفة تماماً عن البيئة يلي تصممت جيناتنا وسلوكياتنا لحتى تتكيف معها. هون بصير شي أسمو الفجوة التطورية طبعاً الحديث لهون عن الإنسان بالعموم يعني عن الرجل والمرأة سوا طيب ليش قلت لكن الرجل كائن بدائي والأنثى لا؟ هون بيجي اختلاف الأدوار نحنا ككائنات غايتنا التكاثر وتمرير الجينات لحتى تستمر السلالة وطفل الإنسان بحاجة رعاية كبيرة تمدت من ٦ ل ١٠ سنوات تقريباً طيب لما يكون عندك أطفال بحاجة الراعية كل هاد الوقت الطويل أكيد لازم أحد الشريكين يقعد بالكهف يرعى الصغار بينما الشريك الأخر يطلع يصيد ويجيب أكل. وأكيد يلي كان يطلع يصيد هو الذكر مو الأنثى لأن ما فيه يرضع ولأن أقوى جسدياً ولكتير أسباب تانية. فهون شو صار ? صحيح الذكر والأنثى عاشوا سوا من ملايين السنين ولكن تقاسمنا الأدوار واختلفت تفاصيل يوم كل حدا فينا وكل حدا فينا تطور دماغو ونفسيتو وسلوكياتو حسب مهامو. الذكر مثلاً كان مضطر يطلع يصيد ويواجه وحوش ويركض ورا طرائد ويخاطر بحياتو ... لهيك الذكر عندو اندفاع رهيب بالتستوستيرون والدوبامين. مثلاً الذكر عندو كمان سرعة بديهة واستجابة فورية خارقة ليش؟ لأنو قضى كل حياتو يتعامل مع تهديدات البيئة الفجائية حيوان مفترس أو قبيلة منافسة أو أو. ويلي تطور معنا وهاد كتير مهم ومتأكد كل زوجة أو أم بتقرأ هاد الكلام رح تقول معك حق أنو الرجل تركيزو الذهني عالي كتير .. بس خطي. بمعنى الرجل قادر يركز بموضوع واحد فقط ويعملو بشكل رائع ولكن إن جربت تطلب منو عدة مهام سوا.. رح يعصب ويضوج. هاد التركيز الذهني الخطي لأنو نحنا ما منحب التشتيت كنا نراقب الفريسة ونركض وراها بدون ما يلهينا أي شي ولو أنو كنا نتلهى كانت فلتت الفريسة من أيدنا. + لما قول عند الرجال نظام مكافئة سريع يعني منركض منصيد مناكل منعمل سكس منام فكان الدومابين يلعب كل يوم وتعودنا يطلع الدوبامين يومياً هي الرجل وهي ميزاتو يلي تطورت معو انفعالات سريعة، ردات فعل سريعة وفجائية، تركيز عالي جداً بس خطي، حب للنتائج السريعة. هلا منجي على الأنثى متل ما قلنا طفل الإنسان بحاجة لرعاية كبيرة وطويلة بالسنوات ويلي كانت تعتني فيهم هي الأنثى، هاد الشي خلا عندها حساسية عالية لقراءة الإشارات غير اللفظية متل بكاء الرضيع أو تعابير وجهو وحتى حركاتو الصغيرة...لهيك الأنثى صارت قادرة على قراءة لغة الجسد أكتر من الرجل. كمان مثلا الأنثى لما كان يهجم على كهفها حيوان مفترس أو قبيلة تانية... هي ما كانت تهرب ببساطة.. ما كان عندها خيار الهروب لحالها، كانت بحاجة تجمع ولادها أو تحملهم على ضهرها وتهرب لهيك دماغها بدل ما يفرز الأدرينالين والتستوستيرون للتنافس أو القتال متل الرجل، طور استجابة بتعتمد على إفراز الأوكسيتوسين (هرمون الترابط) والتواصل المباشر. هرمون الترابط هاد دفعها لعقد تحالفات وتأسيس شبكة تحالفات اجتماعية مع باقي النساء لحتى كلهم يحموا بعض سوا. وطبعاً دبلوماسيتهم هي أثرت على الرجال ومشاكلهم الرجل بيسعى للتنافس والتحدي والقتال، فهي كانت تهدية وتحاول تمنع الصراعات لحتى تخلق مجتمع تقدر تحمي فيه أبنها وفي مثلاً أنو كتير كانت الأنثى تروح لقبيلة أو مجموعة زوجها (طبعاً ما كان في زواج وقتها بس يعني لشخص لتكاثرت معو) فهيي كانت تشوف حالها ببيئة غريبة تماماً وتضطر تحمي حالها وولادها من صراعات المجموعة الداخلية، لهيك اتطور عندها القدرة على كشف الخداع أو النوايا وفهم عميق للتوازنات الاجتماعية. وأخر شغلة خطرت ببالي أنو الأنثى كانت تروح تلتقط الثمار أو جذور النباتات أو الأعشاب وبذات الوقت تدير بالها على ولادها وتراقبهم وبذات الوقا تراقب المحيط كلو خوفاً من شي مفترس.

وخطر على بالي فكرة كمان أنو الرجل صار يحسبها أنتي شو رح تقدميلي؟ بمعنى شوفوا أبهاتنا، كان الواحد فيهم يضحي بحريته وجهده مقابل سلطة معنوية ومكانة جوات البيت، اما هلا مع تساوي الأدوار صار كتير من الرجال يشوفوا أنو حجم التضحية والمسؤولية المطلوبة أعلى بكتير من القيمة يلي رح يحصل عليها بالمقابل. طيب لقيتي واحد وارتبطي معو وألف مبروك وأكيد رح أزعل أنا بس المهم تعرفي أنو عنجد دينمكية العلاقة اختلفت كتير بمعنى لما تتولى المرأة بسبب كفائتها إدارة التفاصيل اليومية الصغيرة والتخطيط والتنفيذ بيخلق نوع من الاتكالية المكتسبة عند الرجل بيتعود أنو يكون المفعول به وليس الفاعل وخلص ما دام الشريكة أخده الدور القيادي، هو بيتراجع خطوة للخلف ورواق. كمان بتذكر قريت مرة عن مفهوم جديد اسمو الحب السائل والخيارات اللانهائية. من زمان كان الواحد يعيش بقرية أو حارة ف كانت الدائرة الاجتماعية للشب كتير ضيقة ف أي لما يشوف بنت بتناسبو كان يضل وراها سنة وسنتين لأنو كان يشوفها فرصة نادرة ولازم يتمسك فيها....اما اليوم بعصر مواقع التواصل وخاصة الانستغرام أي دخيل الله قدي في بنات حلوين، بتحس في كمية لا نهائية من النساء وهاد الشي عنجد بيخدع العقل الباطن وبحسس الرجل أنو عندو كتير فرص، لهيك بحاكي لبنت مرة أو بلمح إن ما لاقى تجاوب.. خلص في كتير غيرها بموبايلي بدون ما اتحرك من مكاني. وكمان جماعة النسوية الهن دور. بمعنى أنو إلحاح الرجل أيام زمان كان عنجد يبين حب وتمسك وقرار، أما اليوم إذا بتجرب ترفضك بنت وترجع تحاول ف خلص أنت صرت ستوكر وعم تتعدى ع مساحتها الشخصية وأحياناً بيشطحو وبقولو عم تتحرش فيها. وكتير صار في محتوى يهاجم الذكورية كأنها شيء عيب. بصراحة هي كل الاجوبة يلي خطرت براسي عن ليش اختفوا الرجال وصحيح مرة قريت تقرير مو متأكد من صحتو قال بسبب أنو أغلب الأعمال صارت مكتبية وبسبب الأكل الملوث والجاهز يلي عم ناكلو نخفضت نسبة التيستيسترون مو متأكد بصراحة إذا هبد ولا عنجد. أما عن الحلول ف ما بعرف وما كتير بهمني صراحة أبحث وأعرف . لأجري نشالله تضلوا كلكن سناغل لسا كل ما وحدة ارتبطت أول كلمة بقلها حظري جعفر جعفر مصطفى.

أين اختفى الرجال !! مبارح كنت عم حاكي البيست فريند فقالتي جملة أنو الرجل هي الأيام، عم يتنازل عن دورو ك رجل وكتير عم يتهرب من مسؤوليات هي مسؤولياتو. فتذكرت كلمة صديقة تانية كانت عم تقلي الله يرحم أيام زمان، لما كان الشب يحب بنت وترفضو ومع هيك يضل يحاول سنة وسنتين ويعند لحتى ياخدها وبالأخر ياخدها، هي الأيام بتحسهم مدري كيف عندهم هشاشة نفسية وقلة ثقة وناطرينا نحنا نبادر، وباحسن الأحوال بلمح تلميح. وكتير كتير قصص من تبع قلي أنا مو جاهز حالياً بمعنى أنو يستمتع بكل مزايا العلاقة والقرب العاطفي بذات الوقت بدو يخلي لباب مفتوح للهريبة. وبصراحة على قد ما سمعت هيك قصص صرت دقق كمان على تفاصيل صغيرة واستنتجت أنو حتى بالعلاقات الناجحة واضح أنو في كتير تردد قيادي عند رجال هالأيام وكتير خافف عندهم موضوع المبادرة أو التخطيط. وحتى عم يوصل بكتير أحيان للاتكالية العاطفية والمالية المقنعة. يعني مو بس ما عاد بدو يقوم بدورو الطبيعي.. لا صار كمان يرميه عليها. فهون قلت لا خلص، صار لازم نحكي عن الموضوع ونسأل عنجد أين اختفى الرجال! هو للأمانه ك شخص أخر همي واتمنى ينقرضوا كلن وما يضل غيري وحقق حلمي وحب كل نسوان الكوكب بس هيك من باب التسلاية اختفى الرجال لكتير أسباب، أولهم الاستقلالية السريعة يلي حصلت عليها المرأة، بمعنى أخر خمسين سنة عنجد صارت قفزة كبيرة بالتعليم وسوق العمل للنساء وكتار منهن صاروا مستقلين مادياً إلى حد ما.. فهي هون أكيد استحقاقها رح يكبر معها وما عاد تدور على رجل قادر يطعميها أو يشربها فقط.. وصارت تدور على شريك يكون فيه ميزات عاطفية وتقارب فكري بينهم كمان. هلا هو لهون ببين تمام مافي مشكلة بس المشكلة أنو مفهوم الرجولة السائد من ألفين سنة ما قدر يتطور بذات السرعة يلي حققت المرأة فيها استقلاليتها..بمعنى أنو الرجل مخو مبرمج يوفر اقتصاد وحماية .. لما المرأة استقلت وقدرت تجيب هشغلات لوحدها، كتير رجال عمل مخها أيرور.. وما قدرو يستوعبوا كيف فيهم يكونو رجال بعلاقة متكافئة. (مو بدكم مساواة شبعو مساواة) هلا هون كانت بوادر الأزمة الأولى لأنو الرجل إن شئنا أم أبينا بحب يسيطر وبحب يحس أنو شريكتو بحاجتو، ف عنجد نسحب لبساط من تحت رجليه. بس ما تعمقت هي الأزمة أكتر غير لما سوق العمل صار يحب يوظف النساء أكتر من الرجال لكتير أسباب، حتى أنو من سنة ٢٠٢٢ وحتى اليوم التفوق الأكاديمي مايل بشكل واضح جداً للنساء بالجامعات ومراحل التعليم العالي على مستوى العالم هاد الحكي.. ف كمان تفوقهن الدراسي والعلمي انعكس بالسلب على قدرة تمكين الشباب. ومتل ما قلنا عنجد مخ الرجل ما قدر يتطور بذات السرعة من قبل الحضارة وهو بيعرف أنو مهمتو يطلع يصيد ويجيب أكل، فجأة شاف أنو الدور الوحيد يلي كان مطلوب منو.. صارت النساء تعملو بشكل أفضل..وهشي خلى عندو نوع من العجز التكيفي.. بعضهم صار يهرب من كل العلاقات الجدية والبعض الأخر نخ وصار يعتمد على شريكتو وهاد يلي خلاه يفقد حس المبادرة وصار عنجد مو خرج مسؤولية. .+ أنو ما فينا ننكر سقف التوقعات عند أغلب النساء صار عالي خاصة من عمر ٢٠ ل٢٦، مو بس عالي وأحياناً غير منطقي بسبب يلي بتشوفوا بالمسلسلات ومواقع التواصل .. الخ الخ بس بعيداً عن الاحلام الشاطحة النساء بشكل عام صار بدهم ذكاء عاطفي ويكون عندو قدرة على التواصل والتعبير عن المشاعر والمشاركة بالعبئ الوجداني ويعني بدها يفهمها ويحس فيها. وعنجد ما فيهن يستوعبوا فكرة أنو نحنا الرجال كائنات بدااااائية، وخاصة بالمجتمع الشرقي، يا جماعة الخير نحنا عنجد ما تدربنا اجتماعياً ونفسياً على هي المهارات يعني نحنا مبرمجين على أنو لا تبكي أنت رجال، لا تشكي أنت رجال .. الخ الخ ومن الناحية النفسية لما يحس الواحد أنو المعايير المطلوبة منه صارت عالية أو غير واضحة، فوراً بتشتغل عندو آلية دفاعية اسمها التجنب بصير يتجنب ياخد قرارات مصيرية أو يتحمل أعباء جديدة خوفاً من الفشل أو الفقدان وحتى الرفض. وأكيد في سبب واضح للأعمى ورح قولو أنو الرجال عنجد بدائي وكان يتزوج لحتى يشبع ٣ رغبات محددة (الجنس، تقدير الذات، الانتماء) وبعصر التواصل والتطبيقات والألعاب هو صار يقدر يحصل على إشباع وهمي يعني الانتماء بتلاقيه مشجع هستيري لشي نادي كرة قدم أو عندو شي لعبة هو ورفقاتو بكونوا شركاء سوا. تقدير الذات إذا بنزل صورتو وبيجيه كم لايك من بنت حلوة.. خلص بيضرب الأيغو لسما وبحس حالو ملك الكوكب. أما الجنس عدا عن مواقع البورن، عدا عن الجنس الرقمي يلي صار كتير سهل ومتوفر على ألف تطبيق، مافينا ننكر أنو من زمان في تششيء وتسليع للمرأة لدرجة قادر لواحد يمارس الجنس بمبالغ جداً جداً زهيدة طيب كل هاد الإشباع الوهمي هو صار قادر يحصل عليه بدون أي جهد أو تعب أو تضحية.. يعني بدل ما يتحمل مسؤولية امرأة وعلاقة وبيت بكبسة زر وحدة قادر يحصل على جرعة دوبامين وبرجع أكد للمرة المليار أنو وهمي.

جاهزين تقرأو المهم الرسالة بتحكي عن ليش أغلب البنات عم بقولوا ما ضل رجال وليه عنجد ما ضل رجال😄

I failed as a Disney princess, I'm a witch now