Myanmar Thantawsint news department

ဆန်းကျန့်မြို့က နည်းပညာများကို နိုင်ငံခြားသား ခရီးသွားဧည့်သည်များအတွက် ဆွဲဆောင်ရာနေရာများအဖြစ် အသွင်ပြောင်းပေး ဆန်းကျန့်၊ ဩဂုတ် ၁၄ ရက် (ဆင်ဟွာ) အဆင့်မြင့် နည်းပညာအတွေ့အကြုံများကို ကိုယ်တိုင်ကိုယ်ကျ စမ်းသပ်ခံစားနိုင်သည့် စတိုးဆိုင်များနှင့် ပြည့်နှက်နေသော တရုတ်နိုင်ငံ တောင်ပိုင်း ကွမ်တုန်းပြည်နယ်၊ ဆန်းကျန့်မြို့သို့ နိုင်ငံခြားသား ခရီးသွားဧည့်သည် အများအပြား လာရောက်လည်ပတ်လျက်ရှိကြသည်။ (Reposted from Xinhua) #Shenzhen #Tech #ForeignTourists #ဆန်းကျန့် #နည်းပညာ #နိုင်ငံခြားသားခရီးသွားဧည့်သည်များ

အမှတ်-၇၃၁ တပ်ဖွဲ့၏ ဖုံးကွယ်ထားသော သမိုင်းကြောင်းကို ဖော်ထုတ်ရန် ပိုမိုကျယ်ပြန့်သော နိုင်ငံတကာ ပူးပေါင်းဆောင်ရွက်မှု လိုအပ်ဟု စင်ကာပူ သမိုင်းပညာရှင် ပြော စင်ကာပူ၊ ဩဂုတ် ၁၄ ရက် (ဆင်ဟွာ) “နှစ်ပေါင်း ၈၀ ကျော် ကြာပြီးမှပဲ ဂျပန်နိုင်ငံက ကျွန်တော်တို့ကို ပြောမပြသေးတဲ့ အကြောင်းအရာတွေ ဘယ်လောက်များများ ရှိနေတယ်ဆိုတာကို အခုမှပဲ စပြီးသဘောပေါက်လာကြတယ်” ဟု အရှေ့တောင်အာရှတွင် ဂျပန်၏ ဇီဝစစ်ပွဲဖော်ဆောင်မှုများကို ဆယ်စုနှစ်များစွာ ခြေရာခံလေ့လာခဲ့သည့် စင်ကာပူသမိုင်းပညာရှင် Lim Shao Bin က မကြာမီက ဆင်ဟွာသတင်းဌာနနှင့် အင်တာဗျူးတွင် ပြောကြားခဲ့သည်။ တွေ့ရှိချက်အသစ်တစ်ခုစီတိုင်းက မှတ်တမ်းတင်ထားခြင်းမရှိသေးသည့် အကြောင်းအရာ မည်မျှကျန်ရှိနေသည်ကို သတိပေးနေခြင်းဖြစ်ပြီး ထိုကွက်လပ်များကို ဖြည့်စွက်ရန်အတွက် အစိုးရများနှင့် ပညာရှင်များအကြား ပိုမိုကျယ်ပြန့်သော နိုင်ငံတကာပူးပေါင်းဆောင်ရွက်မှု လိုအပ်မည်ဖြစ်ကာ ယင်းသို့ ပူးပေါင်းဆောင်ရွက်မှုသည် ဘာသာရပ်နယ်ပယ်အသီးသီးတွင် သုတေသနလုပ်ငန်းများ တိုးတက်စေရန်သာမက သမိုင်းမှတ်တမ်းများ ပိုမိုထွက်ပေါ်လာအောင် အားပေးမြှင့်တင်ရန်အတွက်လည်း ဖြစ်သည်ဟု ၎င်းက ဆိုသည်။ (Reposted from Xinhua) #Japan #Unit731 #Biological

နီပေါနိုင်ငံ အနောက်ပိုင်းတွင် မြေပြိုမှုကြောင့် လူ ၁၀ ဦး သေဆုံး ခတ္တမန္ဒူ၊ သြဂုတ် ၁၄ ရက် (ဆင်ဟွာ) နီပေါနိုင်ငံ အနောက်ပိုင်း Rolpa ခရိုင်တွင် မိုးအဆက်မပြတ်ရွာသွန်းမှုကြောင့် မြေပြိုမှုဖြစ်ပွားခဲ့ပြီး လူ ၁၀ ဦးသေဆုံးကာ အခြားသူ နှစ်ဦးပျောက်ဆုံးနေကြောင်း ရဲတပ်ဖွဲ့က သြဂုတ် ၁၃ ရက်၌ ပြောကြားခဲ့သည်။ မြေပြိုမှုမှာ သြဂုတ် ၁၂ ရက် ညပိုင်းက ဝေးလံခေါင်သီသော တောင်ကုန်းဒေသတွင် ဖြစ်ပွားခဲ့ခြင်းဖြစ်ပြီး အိမ်ခြေ ၉ လုံး၊ နွားတင်းကုပ် ၂ ခု၊ ဆိုင်တစ်ဆိုင်နှင့် ဘုရားကျောင်းတစ်ကျောင်းတို့ မျောပါသွားခဲ့သည်။ ထိုဘေးအန္တရာယ်ကြောင့် ရွာငယ်လေးတစ်ခုလုံး ရေစီးထဲမျောပါသွားခဲ့သည်။ (Reposted from Xinhua) #Nepal #Landslide #Rainfall #နီပေါနိုင်ငံ #မြေပြို #မိုးသည်းထန်စွာရွာသွန်း သတင်းအပြည့်အစုံကို ဖော်ပြပါလင့်ခ်တွင် ဝင်ရောက်ဖတ်ရှုနိုင်ပါသည်။ https://xinhuamyanmar.com/detail/3776

တရုတ်-လာအို ရထားလမ်း၏ ယခုနှစ် ပထမ ၇ လအတွင်း ပို့ကုန်သွင်းကုန် ကုန်စည်တန်ဖိုး ယွမ် ဘီလီယံ ၂၀ ကျော် ရှိလာ ကူမင်း၊ ဩဂုတ် ၁၄ ရက် (ဆင်ဟွာ) ၂၀၂၆ ခုနှစ် ပထမ ၇ လအတွင်း တရုတ်-လာအို ရထားလမ်းမှတစ်ဆင့် ပို့ဆောင်သော ပို့ကုန်သွင်းကုန် ကုန်စည်တန်ဖိုးမှာ ယွမ် ၂၀.၁၁ ဘီလီယံရှိပြီး ယမန်နှစ် ကာလတူထက် ၂၉.၉ ရာခိုင်နှုန်း မြင့်တက်ခဲ့ကြောင်း တရုတ်နိုင်ငံ ယူနန်ပြည်နယ် ကူမင်းအကောက်ခွန်ဌာနမှ ဩဂုတ် ၁၃ ရက်က သိရသည်။ (Reposted from Xinhua) #China #Laos #Railway #တရုတ် #လာအို #ရထားလမ်း သတင်းအပြည့်အစုံကို ဖော်ပြပါလင့်ခ်တွင် ဝင်ရောက်ဖတ်ရှုနိုင်ပါသည်။ https://xinhuamyanmar.com/detail/3773

အမေရိကန်-တောင်ကိုရီးယား ဩဂုတ်လအတွင်း ပူးတွဲစစ်ရေးလေ့ကျင့်မှု၏ မူလ သရုပ်မှန်မှာ ကျူးကျော်စစ်ကို ကြိုတင်လေ့ကျင့်ခြင်းဖြစ်ဟု မြောက်ကိုရီးယား နိုင်ငံခြားရေးဝန်ကြီးဌာန ပြောကြား ပြုံယမ်း၊ ဩဂုတ် ၁၄ ရက် (ဆင်ဟွာ) အမေရိကန်နှင့် တောင်ကိုရီးယားတို့က ၂၀၂၆ ခုနှစ် “Ulchi Freedom Shield” အကြီးစား ပူးတွဲစစ်ရေးလေ့ကျင့်မှုကို သြဂုတ် ၁၇ ရက်တွင် စတင်မည်ဟု ကြေညာခဲ့ပြီး ယခုအကြိမ် စစ်ရေးလေ့ကျင့်မှု၏ မူလသရုပ်မှန်မှာ ကျူးကျော်စစ်အတွက် ကြိုတင်လေ့ကျင့်ခြင်းဖြစ်သည်ဟု မြောက်ကိုရီးယား နိုင်ငံခြားရေးဝန်ကြီးဌာန ပြောရေးဆိုခွင့်ရှိသူက ဩဂုတ် ၁၃ ရက်တွင် ပြောကြားခဲ့ကြောင်း KCNA သတင်းဌာန၏ ဩဂုတ် ၁၄ ရက် သတင်းထုတ်ပြန်ချက်အရ သိရသည်။ (Reposted from Xinhua) #NorthKorea #US #ROK #JointMilitary #မြောက်ကိုရီးယား #အမေရိကန် #တောင်ကိုရီးယား #ပူးတွဲစစ်ရေးလေ့ကျင့်မှု သတင်းအပြည့်အစုံကို ဖော်ပြပါလင့်ခ်တွင် ဝင်ရောက်ဖတ်ရှုနိုင်ပါသည်။ https://xinhuamyanmar.com/detail/3772

တရုတ်နိုင်ငံ၏ လေထုနှင့် ရေအရည်အသွေး ပထမခုနစ်လတာအတွင်း တိုးတက်လာ ပေကျင်း၊ သြဂုတ် ၁၄ ရက် (ဆင်ဟွာ) တရုတ်နိုင်ငံသည် လေထုညစ်ညမ်းမှု လျှော့ချရန်နှင့် ရေအရင်းအမြစ်များအား ကာကွယ်ရန် ကြိုးပမ်းမှုများကို အားကောင်းစေခဲ့ရာ နိုင်ငံ၏ လေထုနှင့် ရေအရည်အသွေးသည် ၂၀၂၆ ခုနှစ်၏ ပထမခုနစ်လတာအတွင်း ဆက်လက်တိုးတက်ကောင်းမွန်လာခဲ့ကြောင်း ဂေဟစနစ်နှင့် ပတ်ဝန်းကျင်ရေးရာဝန်ကြီးဌာနက သြဂုတ် ၁၃ ရက်၌ ပြောကြားခဲ့သည်။ (Reposted from Xinhua) #China#Air #Water #Quality #တရုတ်နိုင်ငံ #လေထု #ရေ #အရည်အသွေး သတင်းအပြည့်အစုံကို ဖော်ပြပါလင့်ခ်တွင် ဝင်ရောက်ဖတ်ရှုနိုင်ပါသည်။ https://xinhuamyanmar.com/detail/3752

အီရန်က ၎င်း၏ခွင့်ပြုချက်မရှိဘဲ မည်သည့်သင်္ဘောမျှ ဟော်မုဇ်ရေလက်ကြားကို ဖြတ်သန်းခွင့်မရှိကြောင်း ပြောကြား တီဟီရန်၊ သြဂုတ် ၁၄ ရက် (ဆင်ဟွာ) အီရန်လက်နက်ကိုင်တပ်ဖွဲ့များ၏ ခွင့်ပြုချက်နှင့် ကြီးကြပ်မှုမရှိဘဲ မည်သည့် စီးပွားရေးလုပ်ငန်းသုံးသင်္ဘော သို့မဟုတ် ရေနံတင်သင်္ဘောမျှ ဟော်မုဇ်ရေလက်ကြားကို ဘေးကင်းစွာ ဖြတ်သန်းနိုင်ခြင်း မရှိသေးကြောင်း သို့မဟုတ် ဖြတ်သန်းနိုင်မည် မဟုတ်ကြောင်း အီရန်နိုင်ငံ၏ အဓိကစစ်ရေးကွပ်ကဲမှုဌာနချုပ်ဖြစ်သည့် Khatam al-Anbiya ဗဟိုဌာနချုပ်က သြဂုတ် ၁၃ ရက်၌ ပြောကြားခဲ့သည်။ (Reposted from Xinhua) #Iran #HormuzStrait #အီရန်နိုင်ငံ #ဟော်မုဇ်ရေလက်ကြား သတင်းအပြည့်အစုံကို ဖော်ပြပါလင့်ခ်တွင် ဝင်ရောက်ဖတ်ရှုနိုင်ပါသည်။ https://xinhuamyanmar.com/detail/3753

အီကွေဒေါနိုင်ငံ သမ္မတ Daniel Roy-Gilchrist Noboa Azín ၏ တရုတ်နိုင်ငံခရီးစဉ်နှင့် စပ်လျဉ်း၍ မေးမြန်းမှုကို တရုတ်နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ် ဖြေကြား ပေကျင်း၊ ဩဂုတ် ၁၄ ရက် (ဆင်ဟွာ) တရုတ်နိုင်ငံ သမ္မတ ရှီကျင့်ဖိန်၏ ဖိတ်ကြားချက်အရ အီကွေဒေါသမ္မတနိုင်ငံ သမ္မတ Daniel Roy-Gilchrist Noboa Azín သည် ဩဂုတ် ၁၆ ရက်မှ ဩဂုတ် ၂၃ ရက်အထိ တရုတ်နိုင်ငံသို့ နိုင်ငံတော်ခရီးစဉ် လာရောက်မည်ဖြစ်သည်။ သမ္မတ Daniel Roy-Gilchrist Noboa Azín ၏ တရုတ်နိုင်ငံခရီးစဉ်နှင့် စပ်လျဉ်း၍ သတင်းထောက်မေးမြန်းမှုကို တရုတ်နိုင်ငံခြားရေးဝန်ကြီးဌာန ပြောခွင့်ရပုဂ္ဂိုလ်က ဩဂုတ် ၁၄ ရက်တွင် ဖြေကြားခဲ့သည်။ (Reposted from Xinhua) #China #Ecuador #Visit #တရုတ် #အီကွေဒေါ #ခရီးစဉ် သတင်းအပြည့်အစုံကို ဖော်ပြပါလင့်ခ်တွင် ဝင်ရောက်ဖတ်ရှုနိုင်ပါသည်။ https://xinhuamyanmar.com/detail/3767

သိပ္ပံပညာရှင် သုံးဦး ၂၀၂၆ ခုနှစ် အနာဂတ်သိပ္ပံပညာဆုကို ရရှိ ပေကျင်း၊ သြဂုတ် ၁၄ ရက် (ဆင်ဟွာ) သိပ္ပံပညာရှင် သုံးဦးသည် ၎င်းတို့၏ ထူးချွန်သော သုတေသနလုပ်ငန်းများအတွက် ၂၀၂၆ ခုနှစ် အနာဂတ်သိပ္ပံပညာဆု ရရှိခဲ့ကြောင်း အဆိုပါ ဆုဖြစ်မြောက်ရေးစီစဉ်သူများက ဩဂုတ် ၁၃ ရက်တွင် ပေကျင်းမြို့၌ ကြေညာခဲ့သည်။ တရုတ်သိပ္ပံအကယ်ဒမီ၊ ဇီဝရူပဗေဒအင်စတီကျုမှ သုတေသီ ကျန်းဟုန်သည် ဆဲလ်ပေါင်းစုံသက်ရှိအစုအဝေး သတ္တဝါများတွင် ထူးခြားသော autophagy သို့မဟုတ် "မိမိဘာသာ စားသုံးခြင်း" ၏ ယန္တရားနှင့် လုပ်ဆောင်ချက်ကို ရှာဖွေတွေ့ရှိရာ၌ ရှေ့ဆောင်လမ်းပြအကျိုးပြုမှုများအတွက် သက်ရှိသိပ္ပံဆုကို ရရှိခဲ့ကြောင်း သိရသည်။ (Reposted from Xinhua) #China #FutureSciencePrize #Scientists #တရုတ် #အနာဂတ်သိပ္ပံပညာဆု #သိပ္ပံပညာရှင်များ သတင်းအပြည့်အစုံကို ဖော်ပြပါလင့်ခ်တွင် ဝင်ရောက်ဖတ်ရှုနိုင်ပါသည်။ https://xinhuamyanmar.com/detail/3779

၂၀၂၆ ခုနှစ် ဩဂုတ် ၁၄ ရက်အတွက် စိတ်ဝင်စားဖွယ်ရာ ဆင်ဟွာနိုင်ငံတကာ သတင်းကောက်နုတ်ချက် ကိုလံဘီယာငလျင် သေဆုံးသူဦးရေ ၂၇၃ ဦးအထိ မြင့်တက် ကိုလံဘီယာနိုင်ငံတွင် ဩဂုတ် ၁၀ ရက်က လှုပ်ခတ်ခဲ့သော ပြင်းအား ၇.၄ အဆင့်ရှိ ငလျင်ကြောင့် သေဆုံးသူဦးရေမှာ ၂၇၃ ဦးအထိ မြင့်တက်လာကြောင်း အမျိုးသားဘေးအန္တရာယ်စီမံခန့်ခွဲမှုဌာန၏ ညွှန်ကြားရေးမှူး David Tamayo က ဩဂုတ် ၁၃ ရက်တွင် ပြောကြားခဲ့သည်။ "ထိခိုက်ခံစားရသော အိမ်ထောင်စု ၄၀,၇၅၃ စု၊ ငလျင်ဒဏ်သင့်သူဦးရေ ၉၇,၅၁၅ ဦးနှင့် သေဆုံးသူ ၂၇၃ ဦးရှိပြီဆိုတဲ့ အစီရင်ခံစာကို မိမိတို့ လက်ခံရရှိထားပါတယ်။ အဲဒီသေဆုံးသူ ၂၇၃ ဦးထဲကမှ ရုပ်အလောင်း ၂၅၀ ကို ဥပဒေရေးရာဆေးပညာဌာနဆီ ပို့ဆောင်ထားပြီး ၂၂၇ ဦးကိုတော့ ဘယ်သူဘယ်ဝါဖြစ်တယ်ဆိုတာ ဖော်ထုတ်နိုင်ခဲ့ပြီး ၁၈၉ ဦးကို သူတို့မိသားစုများထံ လွှဲပြောင်းပေးအပ်ပီးဖြစ်ပါတယ်" ဟု Tamayo က သတင်းစာရှင်းလင်းပွဲ၌ ပြောကြားခဲ့သည်။ (Reposted from Xinhua) #Quake #KennedyCenter #Houthi #StraitOfHormuz #ငလျင် #ကနေဒီစင်တာ #ဟူသီအဖွဲ့ #ဟော်မုဇ်ရေလက်ကြား သတင်းအပြည့်အစုံကို ဖော်ပြပါလင့်ခ်တွင် ဝင်ရောက်ဖတ်ရှုနိုင်ပါသည်။ https://xinhuamyanmar.com/detail/3771