❤️ قصائد مديح بحق الرسول ﷺ والصالحين ❤️

❤️ قصائد مديح بحق الرسول ﷺ والصالحين ❤️ pinned «ميلاد النبي اقبل علينا بهتافات الفرح مستقبلينه &&&&&&&&&&&& ميلاد النبي جاب المحبه نحبه من الصغر والله نحبه محمد من عرج ليلاً لـ ربه جاب الدين رحمه والسكينه && بقدوم المصطفى الانوار لاحت طفت نار المجوس الكفر زاحت و مكه مرحباً بالهادي صاحت هلا بيملاد أبا القاسم…»

ميلاد النبي اقبل علينا بهتافات الفرح مستقبلينه &&&&&&&&&&&& ميلاد النبي جاب المحبه نحبه من الصغر والله نحبه محمد من عرج ليلاً لـ ربه جاب الدين رحمه والسكينه && بقدوم المصطفى الانوار لاحت طفت نار المجوس الكفر زاحت و مكه مرحباً بالهادي صاحت هلا بيملاد أبا القاسم نبينا && هلا بيملاد طه اليوم جانا بعد مدت وكت حبك حييانه منانه ازيارة الهادي منانه ولو أن البعد طال اشبدينا && ربيع الخير جيتك فرحتنا بيملاد الممجد اسعدتنا رغم بعض النماذج عارضتنا ولكن فضلك أبداً ما نسينه && فرحتي بمولدك ما الها وصفي عشگ معلون ابد ما يوم مخفي محبتك روحي والدلال تشفي سوى شخصك محمد ما هوينا && محمد سيدي خير البريه غرام من الصغر سيطر عليه زيارة طيبه لولا اتصح باديه احث اجدام حافي للمدينه && ربيع الاول اهلاً في قدومه ميلاد التهامي اليوم يومه اليلومك ابد بالك تلومه گله انضل نحبو اشما حيينا && بحيرت ساوى بالميلاد جفت رياح الطيب بشرى الهادي زفت الإعلام بمحبة الزين رفت ودربك يا حبيبي تابعينه && ميلاد النبي أعظم سعاده اذا نتبعها ردفاً بالعباده صلوا بكل وقت دوماً يساده الصلاة ع المصطفى جداً ثمينه && محمد يا رسول الله دخيلك مرادي بالحياه مره اعتنيلك اگلك يا گلب احمد دَليلك يروحي ضلي في حبو سجينه && الاهي ارتجي حسن الختامي بحق المصطفى بدر التمامي تيسر ازياره للبيت الحرامي اليه وللأهل و السامعينه && سقيم محمد العزاوي دايم گلبه بشوگ ابو ابراهيم هايم يلو هبت على الحادي نسايم ينول البهجه والهم ناسيينه && تمت بحمده الله والصلاة السلام على رسول الله بذكرى مولد سيد الخلق والأنام ومصباح الظلام أبا القاسم سيدنا محمد ﷺ #كلمات_الشاعر_محمد_العزاوي

الحزن زال وزول والفرح عدنا اتحول                          مولد نبي الرحمة 12 ربيع الاول ༺༺༻༺༻༺༻༺༻༺ 1 . مــولد نبينا الـهـادي عـم الــفــرح ببلادي             يامـوعد الــميلادي جاب الــفرح من اقبل ................................................................. 2 . مـولد محمد جـانه وذكر الـحبيب احيانة              گلوب الخلگ فرحانة بيها السرور اتجوَل ................................................................. 3 . اللافــيتات اندگــهـا واعـلامنــة انـعــلكها               يالــطلتك نــعـشگـــها مـحبوبنا ويــمدلل ................................................................. 4 . مولد حبيبي بـجيته احيا الــكـلوب الميته             يالــيتَ شعــري ليتَ لــجل الـتـهامي يقبل ................................................................. 5 . مــيلادك نورو ضـوة يا اجــمـل وِلــد حوة            اني الفرحان بقوه وكلبي من الفرحه مفول ................................................................. 6 . الــمؤمن گـلبو رهـيف بالـمولد حيل يكيف             والعاذل راسو خفيف عگلو من الـهاما زول ................................................................. 7 . يامصطفى ويا جدنا وميلادك حيل اسعدنا             غــيرك ياطه شـعدنا انتة الــغالي المـفضل ................................................................. 8 . نكتب مديح ونگصد لجل الـتهامي وننشد             يافــرحت يوم الــمـولد بيها الــفرج نتأمل ................................................................. 9 . يامصطفى بـشراكا والله الـشفاعة انــطاكا            يوم الـقـيامة هناكة من الله العظيم مخول ................................................................. 10 . صلو على من جـانة وبعد المِمات احـيانة               اغـفـر الـهي اخـطانـه يوم الارض تـتبدل ................................................................. 11 . اقـبل الهي اشعاري بمدح النبي المختاري              سيد احمد المعماري بجاه التهامي اتوسل ༺༺༻༺༻༺༻༺༻༺

يادار الكرام ذكرتي اللفاج بهلا. وبديرتو المن جميل الذكريات ابهله.. .بيها له. الي گصدكم يجد ان الحياة أبهى له. من دار كلما نوى يفضفض قهر وانها دِش. حسبالو ضيجه مثل ضيج الخلگ وانها دَش من كثر ماهلو ورحبو بي من هدش. گام ايتفلت اخافنو يعثرلو بهلا،، للكبير الشاعر السيد احمد المعماري ابو ملاك ..

وين المفرجي الشارتك معلومه كوم ادرك المداح يابو نومه ابدي مديحي علنبي الئوابي هوه ذخرنا بلحشر وحسابي عنونت خطي والحجي وكتابي تا تدرك الحادي الغرك بهمومه وين القياده الدوم هوه حاضر ماعاف مداحو وكسرلو خاطر هاذا ابو صالح شيخ عبد القادر اسهامو علعدوان هي مسمومه بأرض ام عبيدة لنا شيخ يداعي باسم ابو العرجه واحمد الرفاعي خبري بفزعاتك تجينه بساعي داوي الجروح المن كبل ملجومه امنل دوز عدنا شايبن ختياري افزاعو للمحسوب حار بحاري هاذا الكحطمه احمد الطياري دايم وره المداح شك هدومه مخمد النار التسعر وتصطجي و دوم نطلب افزاع منو نرجي هاذا ابو نومه ومعاروف مفرجي صاحب كرامات ودرك من يومه لو ردت منو افزاع مر الدوزي تلكاه حاضر دوم ماهو عجوزي جدي ابو نومه سناد وكت العوزي يدعي ديار المعتدي مهجومه دايم عليكم شامحات عيوني داشوف ايمتا بلفزع تلفوني امدح عليكم من كبل تدروني روحي عكبكم اصبحت مالومه روحي عكبكم بل وجل محتاره وتريد شيخن بلطلب حضاره باطل عاليكم جملت الطياره دايم كرامتكم صفت مضلومه عند احمد الطيار روح وكلو تشهر بسيفو للفزع ويسلو يضرب الخصيم ابعجل ويشلو والفزعه منو لازمه وملزومه هاذا الحجي من سيد ابو عبدالله يرجد ابدفو حشم وماخله جد ابو نومه لو صرخ اب اسم الله يدعي اديار اهل الحمد مهجومه صيح الجمج ماينتاخيلك عاني ويكول عد عيناك يلتنخاني وين ابو نومه وياصطام الداني اريد خيلك علفزع ملجومه

شوباش جدي الجمجمه الطياري العود ابو نومه جبل سنجاري @@@@@@@ ابدي بذكر طه النبي العدناني الي لاجله انخلقت الاكواني يشفع لنا من ينتصب ميزاني عند القيامه من هذيچ الناري @@@@ العود ابو نومه ان لفه من غادي يعلج ذراها  ان صار بيها عنادي مكفول لوصوت وصاح الحادي جدام كل الناس ياخذ ثاري @@@@ الصاع للحادي يردو بصاعي بالحسب يتگعد ان راد افزاعي معلوم ابو حسين انلفه فزاعي يدعي التعدا بثايتو محتاري @@@@ ابن المفرجي طوب تلهب نارو يوم الزعل لاتامن امن اخطارو سرو بحر ماينگصـي تيارو يمه يولي لولفه هداري @@@@ جاك يتهدرس من قضاء الدزوي عن حسبنا لوصاح ابد منجوزي الاذ بالشياب دوم يفوزي يجلون همه لو وكع بخطاري @@@@ عوام ناده ودرب المكتوبي وين ابو نومه فرحت المحسوبي گالو عليكم تنطحون الطوبي ابسري جدك خاطف الايساري @@@@ شوباش ابو نومه انلفه بمنتوبه يرمي الخصيم العايل بمحسوبه لوصاح صايح درب بمكتوبه عند الطلب الن يحث امهاري @@@@ للدوز دربت الحچي ابرقيه للجمجمه الطيار  ابو الغيريه انچان  ماگام  وتگعد   بيه ماگول عنو بالطلب شنياري @@@@ لوحرجمت يلفيني صدر الغاره العود ابو نومه غميجه اسراره اليعتدي بالحسب يهجم داره سيفو شطير وبالمحن بتاري @@@@ دستور من عندك يبو الغيريه يالجمجمه ويالقايد السمتيه اسمعت شاراتك گبل كشفيه عشرت نعم منك ياليث الزواري @@@@ الصاح بالطيار ايكشم هدومه عند الطلب الن اتبين اعلومه شاراتو بين الناس مومضمومه يدعي التعدانو يدخل انذاري @@@@ لودلهمت حشم ودفك  دگه ون مالفه زيج الگصيره شگو الصاح بيكم عيب ضايع حگه گالو عليكم زبنت الخطاري

حي الله ومرحبتين بذكرا الميلاد يارب بخير ونعمه دايم تنعاد ___ اثنعش ربيع الاول جيتك عل العين يالبيك اقبل عل الدنيه نور الكونين امة محمد بقدومك فرحانين والفرحه بجيتك عمت كل البلاد __ نفرح ونهيم ونمدح وندك ادفوف غصبا عن خشم الحاقد وعيونه اتشوف مانترك مدح الهادي وابداً مانعوف لا والجبار الاهلج فرعون وعاد __ ودير الشربت يا ساقي  وطش الجكليت لعيون الهادي الطيب معلوم الصيت كل حي الفرحه تلالي وكل حاره وبيت مسرورين بعيد احمد تاج الاعياد ____ ومن حكها الناس اتعيد وتشد اعلام وتقيم افراح المولد ذكره بكل عام لو ما حضرت محمد ماصرنه اسلام لا صمنه ولا صلينه ولا نقره اوراد __ وفضل الحبيب الهادي عل امه اجبال مال انجازيله عفواً يجذب من كال اني عن نفسي مرهم يم رجله انعال يام من تفداه الروح وثم الاولاد ___ ولو لا محمد احنه جان إسعوين بس الله يعلم جان بيا مله ودين الحمدلله ربنا الا ارسل ياسين خلاناا احفاد لملة خير الاجداد __ مكيفه الامه بميلادك والنور البيه وتهل بذكر المولد يلاا انحييه اثنعش ربيع الاول لو مر طاريه نستذكر من خلال وسير الامجاد ___ ام النبي من وضعت سيد الايتام من مكه نورو يقرخ في مصر الشام ونذل جمع الكفار بجيت  الاسلام وعز الله بدين الراده وذل الما راد ___ والبهديك خاويت الجانو عدوان من بعد الكره القاتل صارو اخوان سويت الحبشي بلال بصهرك عثمان وال افضليه للي بتقوه زاد _ ولو نمدح طه دهور وفوكاها ادهور مانوفي موقف واحد ويضل اگصور ياربي بجاه الماحي مصباح النور تجعلنه من اهل الدعوه واهل الارشاد __ وياربي صلي عل التهامي المبعوث رحمه وسند للمحشر لو صحنه الغوث مولاي اتفرح كل حزين ومغثوث وقبل عبدك سيد احمد وانت الجواد _

رسول الله يا بلسم عليك الله قد سلم وصلى دوم ماداميعليك بكثر مايعلم @@@ ١ رسول الله يا هادي حبك مشربي وزادي انا المغرم ونا الحادي إبذكرك دايم اترنم @@@ ٢ رسول الله يا لصادق حبيب الباري الخالق انا الهايم ونا العاشق وحبك يسري ويا الدم @@@ ٣ رسول الله يا ذخري غداً في ساعة الحشري بهواكم  تيهت فكري حرت شكتب وأتكلم @@@ ٤ رسول الله يا طه مناة الروح ودواها ألاهي بالنبي وجاها كلنا بالحشر نسلم @@@ ٥ رسول  الله   يا قدوة حُبك  للگلب  سلوى تروح اعيوني ألك فدوه لأن انته النبي الأكرم @@@ ٦ رسول الله  يا ماحي ذكرك شفى الارواحي وعطرك كالمسك فاحي سعيد ألذي منو أشتم @@@ ٧ رسول  الله  يا غالي انته  ذخري وامالي يا بلكي تنضر الحالي وتشفي گلبي المغرم @@@ ٨ رسول  الله ماأحلاك وسبحان ألذي سواك على كل الرسل علاك أمام الأنبياء وعظّم @@@ ٩ رسول الله يا معصوم حبيب الواحد القيوم يا طه كل دقيقه ويوم ابمدحك دايم  أتكلم @@@ ١٠ رسول الله يا مختار محمد يا برود النار ملاذ ألحادي أبو عمار بيك أو بالله متلزم تأليف ابراهيم  المكدمي

يزوار النبي بالله مهلولي🌹 اريد ابعث سلامي للرسولي🌹 🌹💓🌹💓🌹💓🌹💓🌹 1-(اليف)اني متيم في هواكم وتلهب نار كلبي من جفاكم ابد مالي يبو القاسم سواكم منايا من عطفكم تنضورولي 🌷🌷🌷🌷🌷🌷🌷🌷🌷 2-(البي)بادا العزم والحيل مني هوى المختار ياعاذل فتلني حنين الخيره ياساده حني غدو عني وخلوني مهبولي 🌷🌷🌷🌷🌷🌷🌷🌷🌷 3-(التي)تميت مترهدن الحالي وناوي علمسير وظهر مالي ردت ملكاك يازين الوصولي منايا زيارتك ارجو الوصولي 🌷🌷🌷🌷🌷🌷🌷🌷🌷 4-(الثي)ثار الغرام بوسط جوفي ومن كثر المدامع قلي شوفي ردت ملكاك يازين الوصوفي منايا زيارتك ارجو الوصولي 🌷🌷🌷🌷🌷🌷🌷🌷🌷 5-(الجيم)جروح كلبي ما براهن عليلي زيارت الهادي دواهن زمول الحاج حاديهن حداهن وبس اني بركت بيه ذلولي 🌷🌷🌷🌷🌷🌷🌷🌷🌷 6-(الحا)حلو الوصف طه حبيبي بذكرو هالكلب يبره ويطيبي كظيت العمر بالحسره ونحيبي منايا زيارتك ارجو الوصولي 🌷🌷🌷🌷🌷🌷🌷🌷🌷 7-(الخي)خسران كلمن ماتعنا وزار الهاشمي وكلبو تهنا دليلي هام يوم الركب دنا لحكتو واعتذر حادي الزمولي 🌷🌷🌷🌷🌷🌷🌷🌷🌷 8-(الدال)دواي ملكاك يا طه ورجلي ثكالت ماتنكل اخطاها ياربي بجاه مكه ومن بناها يأسرلي الحبيبي بالوصولي 🌷🌷🌷🌷🌷🌷🌷🌷🌷 9-(الذال)اذكر بأسمك يامدثر دمع العين على الوجنات ينثر بطه جير مداحك من الشر تلزمني بيومن يعدلولي 🌷🌷🌷🌷🌷🌷🌷🌷🌷 10-(الراء)ركب الحجيج بليل ساري كاصد روض الهاشمي وباهي الانواري مثل مجنون خلوني بداري انعي وانتحب كأني مهبولي 🌷🌷🌷🌷🌷

هبن علينه مــــن المدينه هبن عنبر مسج ودموع عيني هلن *الدور* هبن علينه وزادت الآهاتـــــي دموع المحنّه الغركن وجناتي حال الملوع والشّجن عاداتــي ونّــي ونحيبي بغير نوته ملحن ياعين مــــــــــا لومج إذا هليتي بشوك الحبيب أولو دما زخيتي يــــــاروح لو رحتي ولا رديتي قــــــربان فـدوه للتّهامي معنون يوماً سرى عيس الموده بليلي قــاصد محمّد ضنوة إسماعيلي مُـــــــرِ السّقُام الصّابني ياويلي وجروح قلبي في وصاله يشفن يوماً شفت عيس المحامل ودّع ناديت تآنيني ولاجنّ يسمـــــــع خنجر دبـان آبنص دليلي ودّع ملخ آكبودي و بـــالعذاب آتفنن حاير أنــا آبعض البشر ومعلعل إلليّ بصلاتـه عالتّهامي يبخل محروم من نور الحبيب الأكحل مغشي على عيونه ولا يتهنن هاذي القلوب القاسيّه مــــا تفهم معنى الحبيب ومـــــا أظن تتعلم صمّ الصّخر مـــن مر محمّد سلم جذوع النّخيل بشوك طــــــه آنن نعم الحبيب الما يعوف آحبابـــــــه فــاحت على آرض العراق آطيابه شمس المعارف والنّجوم آصحابه طلن علينه مــــــن المدينه وظون هـــذا الكلام الشّبه ليله آمنثر نبع الدّليل بشوك طـــــه معطر حقّه القلم فوك الورق يتبختر يكتب على خير الخلائق طبعاً طبعاً على ذكر التّهامي بــــدّع يتمايل وسكران بيه مولــــع من نورهُ إيوان كسرى تصدع ومياه ســــاوه بسر محمّد جفن كم من متيّم شــاف حالي وبطل من سمع ونّي مـــا بعد يتحمّل يا فلان مو هيج العشق ما تعقل إرئــف بحالك ياشجي وترهدن كلت آني راضي بنشوتي وبحالي والله إيتكفل بـــــــــالآهل وعيالي كالوا غرامك مالهُ أمثالــــــــــــي يمكن إجاك مـــــن المدينه مسلفن خُضر الكِباب الولعنــــــي بيهن وآني على طول المسير أبكيهن ماظل عمر كلي آشوكت الكيهن والجبّد مــن زود المحبّه مطعن مترك وِدادك لو على كص راسي يالذكرك بدمــــــي وشهيق آنفاسي وتلومني مـــدري آشبلاها النّاسي وتكول آبو آيوب الحديدي آتجنن ربّي بجمال آحمد تجاوز عنّي تدري بجلالك مــــا تبادر منّي حاشاك ياربّي أتخيب ظنــــي من فيض جودك يالآهي والمن صلوا على قائــــــم سنام الدّيني وآصحابه الخاضوا بدر وحنيني صلوا على جدّ الحسن وحسيني نحشر بضله يالآهي جمعـــــــــاً

لبو أبراهيم روحي ياحمامة وسلميلي على راعي العلامة لبو ابراهيم طيري وروحي يمه وسلميلي عليه واخذيلي : شمه ترا حادي النبي محروگ :: دمه يريد يروح عاجل يم ::: مقامة اخذني الشوگ وادعاني بهيامي وصرت حال المُتيم : في غرامي أنا طه النبي حبي :::::::: وأمامي وفدوه أرويحتي الدوست أقدامة محمد يا حبيب الروح وأهلي ومن حبك أبد ما لحظة أملي أنا من دون طه بعمري شلي وشلي بالحياة :::: وبالكرامة صلاة الله على طه حبيبي ابو الزهراء ماغيرو طبيبي الهي اجعل زيارة من نصيبي أريد زياره يم حلوا الجهامة أنا هايم وأنا عاشق وأنا حي وأنا مبنج ابحبه ماني صاحي أنا حب النبي درعي وسلاحي وروحي تروح فدوه للأعمامة تضل أتحوم روحي عالمدينة حزينه نوبه نوبه مو : حزينة محبتك طبع بيها ::: يا نبينة واسمك ما يفارگها ::: دوامة أضل لازم طريقك ما أعوفه واضل يا ناس اني اتمنى اشوفه ترا حادي النبي قصته أمعروفه يريد يروح غادي لأرض رامة ابن شلال وايهاب أسهروا ليل وعلى جدهم محمد وكعوا ادخيل دمعهم عالوجن صاير شبه سيل وحال الضيم حالتهم :::: دوامة نظر يا طه للفقره :::: اليحبوك وعلى زيارة حضرتك همه يرجوك يكلمن يطلع أسمه نكله مبروك يضل فرحان لي يوم القيامة

يذاكر للنبي حسن العباره كتاب ألله يامرنه بوقاره بتعظيم النبي يامر كتابه وخفظ الصوت للرايد خطابة على هاذا الخلق كان الصحابه ومن بعد الصحابه النهج سارة يذاكر للنبي لا تنسه قدره بالم نشرح رفع مولانا ذكره ومن صلى عليه نال عشره من ألله العظيم أفضل بشاره أنا سيد ولد ادم هناكا تحت عرش الجليل وياهناكا منهو غادي يبا القاسم سواكا يفك الكرب ويجيب البشاره وانك لعلى خلق عظيم.ي. بتاكيد من الرب الكريم.ي. رؤف بالخلق ثم رحيم.ي. وتشفع للذي كثرة اوزارة له جذع النخل حن اشتياقي حبيب جاوز السبع الطباقي لكا عاشق متيم في العراقي يروم الوصل حاجبتو العذاره من زاد الصلات عالرسولي يغفر ذنبا وهما يزولي شما نكتب على الماحي ونكولي فلا توصل الى وصفو الاشعارا روى الشيخان مسلم والبخاري حديث مسندن لكل قاري من الكف الشريفه الماء جاري واسقى جيشه وضح النهاره هنيئا للذي عطر كلامه بصلاة عالنبي الماحي وسلامه وخص الال والصحب الكرامه لمن هاجر بدينه وأ لنصاره كتب سيد جمال عل الحبيبي من شهد الكلام الي يطيبي اليعظم التهامي مايخيبي عسا بجنة الخلد يسكن جواره ==================== الشكر والتقدير والاحترام للشاعر المبدع السيد جمال السبعاوي سلمت يمينك يالغالي بارك الله بيك اخويه

‏صلي ياربي على سر الوصول ‏المدثر طه مفتاح القبول ‏......................................... ‏صلي ياربي على الذات المنير ‏سر نجاة المذنبين من السعير ‏بيها ترحم عبدك الحادي الفقير ‏بجاه طه وبنته فاطمة البتول ‏ ‏صلي ياربي على النور القديم ‏كلما فاحت عطوره ويه النسيم ‏احمد المختاري ذو الخلق العظيم ‏من عليه صلى جنات ينول ‏ ‏صلي يارب على الدر النفيس ‏صاحب المعراج والذكر الانيس ‏بيها تغفر لي ياربي وكل جليس ‏وتعفو عنا بجاه سيدنا الرسول ‏ ‏صلي ياربي على باهي الجمال ‏من دنى وشاهد حظرتك بالجلال ‏عدد ماخالق نبات وكل جبال ‏وعدد ما بالجنه انهار وسهول ‏ ‏صلي ياربي على ذخر العباد ‏من يقف شافع لنا يوم التناد ‏اسألك عن قلبي تمحي كل سواد ‏ومن جميع اخواني والغمه تزول ‏ ‏صلي ياربي على من ذكره ‏يملى الدنيا بنوره وعطره ‏ومن يصلي ضاعف الله اجره ‏والضعف عند الله تعجزه العقول ‏ ‏صلي يارب على طه الشفيع ‏عدد ماترحم عبادك ياسميع ‏تحفظ احباب النبي كلهم جميع ‏وابن عمار وتقبًل ما يقول ‏ ‏صلي يارحمن يامحي العظام ‏عالمدثر جدي مصباح الظلام ‏المشهداني يمدح ويقره السلام ‏سائلا مولاه يكرمنا الوصول

الله شحِلـوَه العُمـرَه مَحلَا العُمرَه فـاحـت علينـه من المدينه عطره فـاحـت عليـنه وهــامـوا العُشّاگي گلبي تــــولـــــع هايـــم ومُشتاگي طـول البُـعُـد كــاتـلنـي وِالفــراگي مشتــاگه عيـني والگلب شيصبره مشـتــاگه عيـنـي للنـبـي ياسيني بالله يحـــادي خذني لاتـجفـيـني حـالـي تـكــــدَّر والوكـت راميـني ونار العشــگ صار بدليلي جمـره نـار العشـــگ للهـاشـمـي حـراگـه تحـــرگ دليلي من طوال افـراگه عيـني الى شـوف النبي مشتاگـه روحــي ابغرامه هايمه ومتأسره روحــي ابغرام المصطفى ولهانه هـايـــم دليـلي ومـاطُفَـت نِيرانه عَنبــر مِسچ مِـن رَوضِتَه فَيحانه فاحـــت علينه مِن مقام الحَضره فـاحــــت علينـه وهلَّــت المدينه هَبّـــــت ارياحه مِن حَضرَة نبينه روحـــي اتَّعـذَّب بالهـوى رهيــنه رايــــد وِصال الطيبه وابو الزهره رايـــــد وِصـالِ الطيبه يامَحلاها گلبــــي تـــولـع هايـــــمِ ابهواها حَنِّـــيـت مِــن شوگي إلى لُقياها ارض المديــــنـه بالنـبي متعطره لأرض المدينـه يالحوادي اخذوني حبـهـه يعـالــــم بالگلب معجوني نـسَّــم عبـيـر المصطفى المأموني وهامــت قلوب العاشقين ابذكره هامت قلوب العاشقـين ونـاحت وانــوار طــه مـن المدينه لاحت الله يــا ريـــح الحبيب الفـاحت هـام الگلب ورويحـتي مـنـسرَّه ينظم عدي ورويحتـه ملهـوفه لرؤيا الحبيب الهاشمي ومشغوفه كلمـن حضر ويانه ربي ايشوفه والسامعين ابجاه راع الحضره والســامعين ومـــن يگول آميني ياربي رؤيــــــا للنــبـــي ياسيني يانــــاس حب المصطفى سابيني ودّوني اشوفه الگلب وشَّل صبره صلـــوا علـــــى طه الحبيب وآله أحـــمـــد محمـد صاحب الرِّساله ارحــــم عــدي يـــاربنــا واعيـاله والحاضرين ومن مدح في شِعره

تذكرت المدينه وفاضت اعيوني وحنين الشوگ زاد وهيَّج اشجوني اليف إني ابات الليل مجروحي احن لارض المدينه وهايمه روحي حمام الناح ما ناح ابكثر نوحي لأن گلبي بهوى المختار مفتوني البي بالك اتلوم المحب يا لايم گضه عمره وحياته بالنبي هايم يعذالي سلبني حب ابو القاسم ابد ماحول عنه شما تعذلوني التي تحلا حياتي لو رحت عمره واصلي بروضة المختار ابو الزهره يهنيال الوصلها وشاهد الحضره ويسلم عالمشفع نور العيوني الثي ثمل الفؤاد ابحبه مافاقي تولع بالنبي ومن الهوى ذاقي من افيوض الوصال اسقيني ياساقي تداوي ضامري وتروي ظما عيوني الجيم اجواء طيبه الله شمحلاها يشع نور النبي بيها وتغشّاها يناس آني اصبحت مجنون بهواها شريد اكتب وسولف لاتلوموني الحه حبها بدليلي انطبع يجوادي بشراييني جرى وبعيوني وفّادي لبو القاسم محمد خير العبادي احن چنّي مهبول وچنّي مجنوني الخه خير الخلق لو شعت انواره الورد يذبل ولم اعطوره وازهاره برحمتك نسألك للمصطفى زياره أيامن أمره بين الكاف والنوني الدال اديار طيبه شحلوه ومنوره بنور المصطفى المختار ابو الزهره دليلي يارسول الله خلص صبره اريد اوصل حضرتك ياضوه عيوني الذال أذرف ادموع الشوگ ياحادي على الوجنات شوقاً للنبي الهادي وهج گلبي ثگب مايطفي يزدادي يناس الن ازور النبي المأموني الره رتب عدي يخواني أشعاره لبو القاسم حبيبي الباهيه انواره صلاة الله على المختار وانصاره عدد كلشي اخلقه المعبود بالكوني بقلم عدي ابو مصطفى 2023/4/24