قصائد الشاعر محمد الشيخ

شرفنا يوم النبي الهاشمي العربي افرحو وزيدو السرور فداه امي وابي يامرحبا والهلا بالنبي الاكحلا بالذكره همي انجلا النبي كل مطلبي يارحمةً للبشر النبي عالي القدر انطفت نار الكفر ليلة قدوم النبي في ربيع الاولي جانه النبي و الولي ياخاتم الرسُلي فداك امي وابي افرحو وزيدو الصلات للنبي حلوه الصفات ياسيد الكائنات حبك سباني سبي عالنبي ازكى السلام طه مصباح الضلام خاتم الرسل الكرام يا طاهر النَسبي احمد حبيب الرحمان راعي الكرم والبرهان اسمك بعالي الجنان يالمصطفى العربي عادة علينه الذكره نبدع نهيم ونقره بالسما عالي قدره عليه صلى ربي يوم 12 انولد جانه الرسول السند النور شع بالمهد و نزاحت الكُربي ياربي منك قبول ابجاه جدي الرسول محمد راد الوصول شاعر بحب النبي

‏صلو على مولانا يا مرحبا بالهادي ‏فرحتنا بيوم المولد كل سنة الك تزدادي ‏ ‏عيني وضوى لعيوني المصطفى المأموني ‏مغرم بيك ومفتوني ومنك اريد امرادي ‏ ‏كثر الصلاة وسلامي للمصطفى التهامي ‏بحقى تعجز اقلامي فرحانه بيك ابلادي ‏ ‏١٢ ربيع الاول مولد نبينا الاكحل ‏الكامل المُكمل سيد الرسل اسنادي ‏ ‏فرحانه بيك الناسي ذكرك طيب انفاسي ‏يابعد اهلي وناسي وامي وابوي واولادي ‏ ‏ياسيد الاكواني ياصفوة الرحماني ‏نضرك على الولهاني ياسيد الاعبادي ‏ ‏جبريل فرح وتهنّى والبشر كله تغنّى ‏والعاشك بيك اتمنى يكحل عينه بالهادي ‏ ‏يارحمة ربي الباري ياشافعي امن الناري ‏عالنورك ابقى ساري يامهجة الفؤادي ‏ ‏ذكرك شفى للروحي يابلسم كل اجروحي ‏فرحانه بجيتك روحي وبذكرة الميلادي ‏ ‏نورك بدى من مكة زول عالدنية الضنكة ‏يالمولدك بركة بكل گلب مغرم صادي ‏ ‏لابدعة ولا زيادة ميلاده اجمل عبادة ‏عشك النبي سعادة ضل بحزن يمعادي ‏ ‏صلو على الممجد زيدو الفرح بالمولد ‏كتب اقوله محمد ابن قهار ينادي تمت بحمدالله تعالى بقلم الشاعر محمد الشيخ عبدالقهار الشيخ 26 صفر 1448 هـ 2026/8/10 ميلادي آب

فـرحانـه الدنيـه فرحـانـه بميــلاد الهـادي من جانـه فرحانـه الدنيه وفخـوره بميـلاد الهـادي مـسـروره ياربـي نــتـمنــى نـــزوره والاخـــوه كلــها ويــانـه يــاهـــلا بمــولد حـبيبـي احمـــد للعـــله طـبـيبــي مغـــرم بـحـبـو اگــليبـي هيـمانـه روحـي هيمانـه رفـن اعـــلام بــمـيــلاده قائـد محــبوبي عالقـاده فرحانـه بميلاده السـاده والنـاس بـحبـه ولهــانـه امـدح يحــادي للغــالـي افديلـه روحي واعيالـي طـه مصـبـاح الجمــالـي احنـه احبابـه ماينسانـه مــيلادك طيـب انفاسـي فرحـة بالذكـرى الناسـي يامـحـمد تــاج الــراسـي نــور هــدايا مـن جـانــه امـدح للهادي بكـل حيني علـى اعنـاد الحـاقـديـني بميــلادك يانــور الـعينـي عشـاگـك كلهـا فـرحانـه ربيــع الأول مــن جانـي فرح گلبي وزاح احزاني يــربي بجــاه القــرآنــي تغفــر اذنـوب الـويـانـه ضل بحــزن يالــوهابـي نمـدح الهــادي منهـابـي حبيبي زاچـي الانسابي يانبـض گلبـي وشريانـه عـادت علينـه هالـذكـرى واحبابك هيمانـه وتقـرى حـبيبــي يا ابـو الـزهـره يــوم المحشـر يتلـكـانـه وصلـو للحاقـد كـلامـي مــابـطـل ابــد غـرامــي نــبيـنا تــاج الاسـلامـي قـدوتنا وجدنا ومولانه اختـم ابيـات القصيـدة والمولد كل سنه نعيدة ابـن قـهـار يـارب زيـدة وخليهم بالموت اعدانه تمت بحمد الله تعالى بقلم الشاعر السيد محمد الشيخ عبدالقهار الشيخ محمد الشاماني بتاريخ ٢٠٢٤/٩/٨ المصادف يوم الأحد ٥ ربيع الأول ١٤٤٦هــ

ميلادك نور الاكوان نبينا صفوة الرحمن فرحانه بمولدك الناس ذكراكم يجلي الاحزان ربيع الخير من جانه عطرنا وضوى دنيانه بميلادك كلها فرحانه محمد يانسل عدنان مُنائي سيد الناسي حبيبي رفعة الراسي محمد روحي وانفاسي ابجاهك ندخل الاجنان نجدد عهدنا للكم وبهل كون ماكو مثلكم يسيدي باقي لعهدكم والخالف سيدي خسران ماهمني لوم الايم تراني بمولدك هايم فداكم ياابا القاسم دخيلك سيد الاكوان ضوئ الكون مولد الهادي و عم النور كل البلادي افرحو بسيد الاعبادي محمد رحمة الرحمن نحيي الذكرة كل سنه وبحبه يكمل فرحنه فديتك ابروحي انه فداكم سراج وكيان نردد إبصوت العالي وتبقى اغلى الغوالي ‏ميلادك فرح دلالي خلاني إسعد انسان شعندك تعترض بينا يواهم ابعد علينا محمد نوره مضوينا شفيعي من لضه النيران عليهِ نصلي ونسلم وبحبه نبقى نتكلم يخاتم للرسل كلهم العاشك يرتجي الرضوان اسمعني يالتكول بدعه ما اجمل هاذهي السمعه إبتدع بالنبي و شرعه هنيئاً يا ابن شامان تمت بحمدالله تعالى 2026/8/5

ُحِبُّكَ يا رسولَ اللهِ عشقًا يفوقُ الوصفَ، لا يُحصى بيانُهْ إذا ذُكِرتَ اهتزَّ القلبُ شوقًا وفاضَ الدمعُ يروي ما كَتَمانُهْ أراكَ وإن حَجَبَتْكَ العينُ عنّي ففي روحي يُقيمُ لكَ المكانُ فيا خيرَ الأنامِ، عليكَ قلبي صلاتُهُ ما تعاقبَ الزمانُ

نبينا الطاهر الماحي خطانا وعلى درب الهدى سارت خطانا فرحنا بمولده ونور خطانا بظلمات الدجى والجاهليه #الشاعرمحمدالشيخ

محمد بالحسن يزهي جلاله وعرش الرحمه يتباهى بجلاله نبينا المصطفى العالي جلاله حبيب الله ياخير البرية #الشاعرمحمدالشيخ

ربيع النور واقباله.. بشرنا بقدوم الهادي والوالي.. بشرنا رسول الله الشفيع النا.. بشرنا دخيلك لو لفى منكر علية #الشاعرمحمدالشيخ

رسول الله الشفيع النا.. مددنا بحب أحمد يضل دايماً.. مددنا ايدين الحب الك يا جد .. مددنا بجاهك زول الضنكى علية #الشاعرمحمدالشيخ

07717335457

من كالو بالمدينة نبقى يومين مابطلت دمعاتها هاي العين القصيدة قيد الإنشاء

ياهلا بزوار مكة ياهلا زارو المختار طه الاكحلا ياهلا بزوار بيت الله الحرام طافو نحو البيت يم ذاك المقام لبسو الابيض محلاه الاحرام وادعو الرحمن عملهم يقبلا بالصفا والمروه فاتو مسرعين سبع اشوط اختموهن اجمعين ياللهي ادعوك ربك العالمين تغفر الزلات وهمي ينجلا ودعو مكة ومشو لرض النبي والدموع تفيض يسبني سبي يارسول الله انته مطلبي ارسلك ربي بربيع الاولا دخلو اديار النبي الهادي الشفيع ومرو هناكه على ارض البقيع ياللهي العرش ربي انت السميع لغير ابو ابراهيم مدحي ماحلا عالنبي سلمو من باب السلام صلو بالروضه عند ذاك المقام يم ابو ابراهيم ياخير الانام ادموع عيني چالرواشك تنزلا فاركو ارض المدينة الاطهرة امنورة بالمصطفى امنورة العاشك الولهان منهو يصبره يريد ابوالزهره طه الاكحلا سارت الركبان دمعي سائل عبرو المدينة وصلو حائل على اسكاكه مرت القوافل وضل ابن قهار تايه بالفلا على عرعر والنخيب ردو اردود عالرمادي فاتت كل هاي الاوفود برض سامره انزلو جنهم اوردو وبالمدح دايم نكللهم هلا

يا راحلينَ إلى أرضِ النبيِّ قِفوا فالقلبُ من وجدِهِ في لوعَةٍ ألِفوا خُذوا فؤادي معكم نحو الحبيبِ فما عادتْ إليَّ بقايا الروحِ... يا سلفوا مُحَمَّدٌ نُورُنا في تيهِ دُنيانا أزكى الورى، مَن لهُ الآياتُ تَعترِفُ أهفو إلى طَيفِهِ في كلِّ آوِنةٍ والشوقُ في خافقي بَحْرٌ بهِ نَجِفُ يا ليتَني في رِحابِ القبرِ مُنطرحٌ أُلقي السلامَ على مَن حُبُّهُ الصَّدَفُ صلى عليهِ إلهُ العرشِ ما نَطَقَتْ ألسنُ العشقِ، أو طافتْ بهِ الغُرَفُ #كلمات_الشاعرمحمدالشيخ

افراك المدينة مو سهل چتالي وانته تودع بالحبيب الغالي يهل الرحم يم النبي عوفوني ماريد اعوف الهادي نور عيوني سايم عليكم النبي خلوني ادموع عيني فوك خدي سالي اصعب فراق لم تسلم وتروح مثل الطير عالنص باقي مذبوح تنعصر روحك والقلب ضل مجروح مخنوك باقي والدمع شلالي لمن دخلنه نصلي هالركعتين ادموعِ مثل المطر اتهل العين نضره لبن قهار وحده حزين يارسول الله النضر عالحالي يارسول الله مانريد اوداعي يمك حبيبي تروح كل اوجاعي اهدي سلامي للنبي واتباعي واصحاب ابوابراهيم جدنا الغالي احجيلي يالجربت هاي اللحضه مثلي شعورك والوداع اترفضه بعدك تحن والكلب فاين حضه ماتحلى ونسى ولا اهل وعيالي الفيزه خلصة حان وكت افراقي حثحث ضعنهم رجع للاعراقي يربي ارحم عاشقآ مشتاقي راجي رسول الله بكل احوالي زمزم شراب العاشق العطشاني والما شرب زمزم بقى خسراني اليسمع المدوحه يعرفني اني اشجاي احجي يفتهم اقوالي ياربي ماردنا نعوف المحبوب ياربي نضرة فرج تجلي الاكروب ليش الحبيب دايم يعذب المحبوب ياجدي مو تدري الهجر چتالي اهل العراق كلش تره يختلفون عن باقي بلدان العرب وتعرفون حبهم لبوابراهيم عاشق مفتون وآل النبي برض العراق ابطالي اختم كلامي والألم راميني اداوي ازور الهاشمي ياسيني يهل الرحم وين الذي يوديني دازور جدي والصحب والالي

شلون حالك من وصلت ارض المدينة وزرت ابوابراهيم سيد المرسلينة احجيلي شنهو الصار بالحال اشجرى من وصلت ارض المدينة الاطهرى يارسول الله ياخير الورى دير بنضارك على روحي الحزينة رجف حالي والجسد صابو خشوع من شفت كبة النبي سال الدموع ياحبيبي ما اريد اني الرجوع ريت حُسن الخاتمة يمك تجينة من شفت گبة النبي جسمي رجف دمعي عيني عالوجن يذرف ذرف يارسول الله تيهت الوصف هذا حال الي عشك طه نبينة يا اهل طيبة يالسادة الكرام بحبكم مفتون طلقت المنام محمد القهار ناظم هالكلام فاض شوكة للنبي زاد الونينة حثت اخطاها الرجايب بالمسير تكصد المختار سيدنا البشير من ارض سامره للوجه المنير جينة متعنين لديار المدينة روحي تسأل والجسد باقي بألم تكلي خل انروح يم هادي الامم برض طيبة هناك يامحلى النغم انجاور المختار يزداد الحنينة من وصلنه وشافت عيوني الضريح صاحت الروح بمدامعها تصيح صلو عالمختار ذو الوجه المليح سيد الكونين بيكم هائمينة يا گلب رفقآ بروح العاشقين ذابت الروح بهوى الغالي الامين ياحبيبي ياشفيع المذنبين بالعشك ذبنا وغدت روحي رهينة مابگى بيه ترى نسمة صبر يا ضياء الروح يا سيد البشر ريت أضل ابابك كل هذا العمر يا عسى الخاتمة ابابك تجينة يامبارك للكصد ذيج الديار وشاهد بعينه المدينة والانوار يارسول الله محمد القهار يرتجي غفران رب العالمينة كلمات الشاعر: محمد الشيخ تاريخ التأريخ: 9 تموز 2026 م 24 محرم 1448 هـ

ياربي صلي عالنبي العدناني والطف بحال العاشك الولهاني عشك النبي يناس شوغ روحي ودعاني سايح بالهوى مطروحي ياروح كافي اصبري ياروحي لازم اللهي يشوف حضي الفاني شوك النبي واصحابه ثمه الالي خلاني مجنون وتشندل بالي يامصطفى عشكك ترى جتالي انته اعلاجي ماكو غيرك ثاني اهوى المدينه والي ساكن بيها خلوني كناس لكرب راعيها ياريت اخدم لوله لحضه بيها بلچي انال الوصل تجلي احزاني يامن على ارض النبي تعنيتو اخذوني وارموني بعتبت بيتو مبروك لمن رحتو وتهنيتو ودعيتو كلبي بالعشك غركاني يهل الرحم ياناس مدري شبيه من ينذكر اسم النبي وطاريه ادموعي تجري كل مسه وصبحيه لحد يلوم محمد الشاماني شريان الأبهر دز الي تهديدي حاله بخطر مايهجع ولا يهيدي يريد يوصل للنبي يريدي يهل الرحم ودوني للعدناني عجزت احروفي والقلم هم سافي حاير يخلي شلون من اوصافي ياربي تعلم شنهو گلبي خافي انته الكريم اكرمني يا رحماني لا ليلي ليل ولايسر الخاطر ابقى على شوف الحبيب اناطر يابو كيان العمر ماشي وعابر والشيب بين والجسد تعباني ياكبة الخضره اشعملتي بينه ضميتي بحضانج ترى غالينه ياربي عذبني هوى المدينه والي سكنها سيد الاكواني ياربي انته اعلم بأشواقي ياحي وياقيوم انته الباقي الحادي ياسر للنبي مشتاقي يرجى القبول بحرمة القراني تمت بحمدالله تعالى 2025/7/8

يسايك الاضعان هيا بنا لرض المدينة للنبي المأمون صلو على من خصهُ الرحماني احمد حبيبي سيد الاكواني تشفع مُشفع في عالي الاجناني واهل الذنب بالمصطفى ينتخون العمره صدك يا اخي موسفره بل هيه عزيمه وبيها عبره الي يزور احمد ينال البشره محبوب گلبي في محبته مفتون اسرع وفيز لو جنت مشتاقي واترك غرور الدنيه والعراقي متكلي شمتاني بعد وشباقي باجر فوكاك اتراب اللحد يبنون لمن مشينا لمكة والمدينه حمل ضعنا عفنا اهالينه ياربي وصلنه على غالينه وطول الدرب نقرى بقصيدة يضعون مرينا على النخيب ثمه عرعر عيني على شوف المدينه تنطر الله شمحلى العمره صارت عالبر يوم السعادة برض طيبه ايمرون لاحت انوار المصطفى علينه بالقبة الخضره تزهو المدينه ياسيدي لحضرة جنابك جينه ودموع عيني غركت الاجفون ملهوفه روحي ارد اصل للمسجد واشكيله همي للنبي محمد يمحمد القهار اركع واسجد بلچي عليك اهل المدينه يطلون احمد حبيبي سيد الاكواني متعني جيتك والوكت اذاني اتخاذلت من اقرب الصحباني ترضاها اعدايه بكل وكت يتشمتون جالس واتاني والمدامع اتسيح وانظم ابيات الشعر ثمه المديح ياربي يمتى يطلع الي التصريح وادخل الروضه وامشي ويا اليمشون

#الشاعر_محمد_الشيخ وَلِي أَمَلٌ بِرَسُولِ اللهِ لَا يَخِيبُ وَفِي حُبِّهِ قَلْبِي بِمَدْحِهِ يَطِيبُ نُورٌ أَنَارَ الدُّنْيَا بِهِدَايَةٍ وَفِي شَفَاعَتِهِ لِلْمُذْنِبِينَ نَصِيبُ

الــفزع طــول والالـم رامــينـي لــحد يـباز اللـه اشـو جـافـينـي صــلاة ربـي عل حبيب الماحي بـعد الـشجر والمطر والارياحي دير الـنضر يامحمد عل صاحي حـاله بـكدر مالـى أحـد مـعيني الـرايـة الخضـره لـغزهـا بـعالـي وانـخى الخضر جاوش الرجالي مندوب عل شـده وبين افعالـي رايـد فـزع مـنك عـجل يلـفيني احمـد رفاعـي والدسوقي يابـه كومو على المداح شوفو صوابه ويـن الـملـثم بـلـكـلـب عــطـابـه وجدي ابوصالح مااضن يجفيني مـرســال دزيـنـه بــتالـي الـيـلي للـسـيد مـحمـد سبـع ادجـيـلـي ويـن ابو جاسـم للحمل يشيلي بــيـت الـنـبــوه الألـم رامــينـي لـمـحمـد الــدري لــدز دعــوايـه ومعيش الخلاوي عجلو بدوايه جدودي الكحاطم ماسمعتو ابجايه خبري على الكلفات هم جسريني لـشيل دفي واندب الشـجعاني أهـل الـحميه خـلفة الـشاماني كـروم شيخ احـمد سره رباني ادري شفيه وعل طلب يلفيني دكـتور يا دكـتـور يا دكـتـوري وين ابونوفه مجبر المكسوري محمد توازه وخاطرو مكسوري يرجه المدد منك فلا تنسيني المصكرت حمرين لدز اكتابي ل علي ابن اجود زاكي الانسابي الـي نـدبـكـم بلـفـزع مـاخابي انتم اسباع السچنو ابحمريني جدي ابو خيمه يافرحة الناده والهندي ابوقدري وجمع اجداده ابراهيم الاطرش من اكبار الساده عــيني تـناضـر للـفـزع يـبيني محمود ابو العجه نضركم ليه حالي بكدر ونتضر منكم جيه مكتوب للعرجان بهل عشويه بلجي ابوالعجه بلفزع يلفيني حي الله شيخ حسين اخوكرجيه هـوى وابـو شيبـه ركـاب الـحيه الشيخ طـعمه وين اخوج ازهيه رايـد نضر منـك فلا تجـفيني يختم مديحه محمد القهاري ويندب اجداده ورايد الانضاري وينك يجدي حيدر الكراري شوفو التراده ياضوة العيني