Madina Mavlonova blog

Yaxshi ish topish usuli Mendan yaxshi dizayner tavsiya qilishimni so'rashsa, doim ishini vaqtida topshiradigan, mas'uliyatli va tavsiya qilganimdan keyin meni uyaltirib qo'ymaydigan shogirdlarimni yoki ishonchli dizaynerlarni tavsiya qilaman. Bundan o'zingizga xulosa qiling: agar ertaga sizni ham yaxshi loyihalarga tavsiya qilishlarini istasangiz, bugundan boshlab ishonchni oqlashni o'rganing. O'qiyotgan bo'lsangiz, yaxshi o'qing, ustoz bergan vazifalarni vaqtida bajaring. Bundan tashqari tavsiya orqali ish olganingizda ham ishni maksimum zo’r qilib topshiring, bu kelgusida sizni yana tavsiya qilishlariga sabab bo’ladi. Tavsiya qilinadiganlar ro'yxatiga omad emas, ishonch olib kiradi. @MadinaMavlonovaBlog

Samimiy mijozlar bilan ishlashning o‘zgacha gashti bor O‘tgan yili mebel ishlab chiqaruvchi korxonaga logotip qilib berganimda, narxni biroz tushirishimni so‘rab, evaziga uyingizga chiroyli mebel qilib beramiz degandilar) Bu safar esa asal mahsulotlari ishlab chiqaradigan korxona uchun logotip ustida ishlayapman, narxini kelishtirib berganimga «Sizga asal jo‘natamiz», deyishdi. Puldan tashqari, mehnatingizni mana shunday samimiy e'tirof etishlari ham juda yoqimli. Shunday mijozlar bilan ishlash kayfiyatni bir necha barobar ko‘taradi. Sizga mijozingiz nima yuborgan?)

Katta kompaniyada ishlaganingizda duch kelishingiz mumkin bo'lgan eng keng tarqalgan muammolardan biri — har bir xodim o'z lavozimi va mas'uliyat doirasini aniq bilmasligidir. Natijada, ba'zi xodimlar o'ziga tegishli bo'lmagan jarayonlarga ham aralashishni boshlaydi. Bu esa nafaqat ish samaradorligini pasaytiradi, balki keraksiz tushunmovchiliklar, vaqt yo'qotish va jamoa ichidagi noqulay muhitga ham sabab bo'ladi. Aslida esa kuchli jamoa — bu hammaning bir xil ishni qilishi emas. Kuchli jamoa — har kim o'z vazifasini to’g’ri bajarishi va boshqalarning mas'uliyat hududini hurmat qilishi. Chegaralar aniq bo'lgan joyda ishonch paydo bo'ladi. Ishonch bor joyda esa natija ham bo'ladi. @MadinaMavlonovaBlog

Dizayner uchun g'oyaning qog'ozdan hayotga ko'chganini ko'rishdan ajoyibroq tuyg'u bo'lmasa kerak. Mijoz to’lov o’tkazganda ham bunchalik xursand bo’lmasdim)

Instagramda shu sahifani mazza qilib kuzataman. Prezentatsiya qilish usuli, dinamikasi, sun’iy intellekt bilan ishlash mahorati yuqori darajada. https://www.instagram.com/ovyonlabs

Brend soʻzi oʻzbek tiliga Xosnom deb tarjima qilinarkan🌚

Qariyb 100 yillik tarixga ega jurnalning 2026-yilgi soni, jurnal dizayni ustida ishlash vazifasi menga ishonib topshirildi. Bunday tarixga ega nashrning yangi sahifasiga o’z hissamni qoʻshganimdan juda xursandman. Jurnal ustida ishlash jarayonida yangi koʻnikmalarga ega boʻldim: Adobe Indizayn dasturi bilan yaqinroqdan tanishdim, qogʻoz formatlari va qogʻoz turlari, shuningdek jurnal vyorstkasi qoidalarini yaxshiroq oʻrganib oldim. https://www.instagram.com/reel/DaVW5h6KM90/?igsh=ampoczllZjdvaXI2

2026-yilning teng yarimi o’tib ketdi. Nimalarga ulgurdizlar?

«Kreativ» so’zini mijozlarimiz umuman boshqacha tushunadida…

Bosmaga beriladigan dizaynlarga o’ta diqqatli bo’lish kerak. Dizayn bosib chiqarilgandan keyin CTRL+Z qilib bo’lmaydi. P.S. O’zimga eslatma)

Dizaynerlarga savol: avval tajribangizda bo’lmagan loyiha chiqsa olasizmi? Misol jurnal dizaynini umuman qilib ko’rmagansiz va sizga taklif bilan chiqishmoqda. P.S. Mendagi holat doim shunday) https://www.instagram.com/reel/DXkJWpIDVHZ/?igsh=NWJ0dWs2eHN0MjRm