تضميد جراح محارب

«Toxic relationship» «العلاقه السامه» يعنى ايه علاقه سامه؟، أو بالمعنى المتداول "العلاقه ال toxic"، ويعنى إيه "toxic" أصلا!؟ • أولاً العلاقه هى اللى تربط بين شخصين، صحاب، إخوه، زملاء، زوجين، وغير ذلك من العلاقات، يعنى مش شرط اتنين بيحبوا بعض🫴🏻. • يعنى…

«Toxic relationship» «العلاقه السامه» يعنى ايه علاقه سامه؟، أو بالمعنى المتداول "العلاقه ال toxic"، ويعنى إيه "toxic" أصلا!؟ • أولاً العلاقه هى اللى تربط بين شخصين، صحاب، إخوه، زملاء، زوجين، وغير ذلك من العلاقات، يعنى مش شرط اتنين بيحبوا بعض🫴🏻. • يعنى إيه toxic ؟ كلمة "toxic" معناها سام، بس الحقيقه ان المقصود هنا ليس السم بالمعنى الحرفى، بل الأذى النفسى والعاطفى اللى الشخص بيسببه فى حياة الناس اللى حواليه، عشان كده سميناها "علاقه سامه". • ما هى العلاقه السامه؟ العلاقه السامه هى علاقه بدل ما تكون مصدر للأمان والراحه والدعم، بتبقى مصدر للتعب والضغط والحزن والألم واستنزاف الطاقه. • طيب إزاى أعرف ان العلاقه دى سامه؟ العلاقه السامه دى ليها علامات كتير، أشهرها: - التقليل من شأن الطرف التانى،والتنمر بشكل مستمر. - استنزاف الطاقه نفسيًا وجسديًا من غير ما يكون فيه تقدير او دعم فى المقابل. - التحكم الزائد فى قرارات وعلاقات الطرف التانى. - التلاعب بالمشاعر. - الإحساس بالتوتر وعدم الراحه. - الشعور بأنك دايمًا مضطر تبرر أو تعتذر عن حاجات ممكن متكونش غلط فيها أصلا. - الخوف من التعبير عن الرأى أو المشاعر عشان متتعرضش للإنتقاد. كل دى نقاط توضحلك إنها "علاقه سامه"، بس خلينا متفقين برضو إن مش أى علاقه صدر فيها خلاف من أى طرف يبقى خلاص استوب دى "علاقه سامه". الحقيقه إن أى علاقه من الطبيعى يبقى فيها خلاف أو زعل أو سوء تفاهم أو يحصل فيها مشاكل من وقت للتانى. بس اللى مش طبيعى ان الأذى يبقى بشكل متكرر، ويتحول لأسلوب دائم فى التعامل، ساعتها لازم تهرب فورًا لو العلاقه بينك وبين شخص عادى، لكن لو من الأهل، ساعتها تعيد النظر فى العلاقه وتحط حدود وتحافظ على نفسك. وياريت منحكمش على حد من موقف واحد صدر منه، والموقف ده ممكن يكون بسبب ضغط أو تعب. "العلاقات خُلقت لتكون سكنًا وراحة، لا ساحةً دائمةً للقلق والأذى. فإذا كان وجود شخص فى حياتك يؤذيك أكثر مما يطمئنك، فراجع حدود تلك العلاقة جيدًا."

أن الرسول صلى الله عليه وسلم قال: «سورة تبارك هي المانعة من عذاب القبر»

قاعد لوحدك الدنيا ضلمه ومحبط وزعلان والدنيا مقفله معاك من كل إتجاه وكل حاجه حواليك مش مبشره خالص بس تظهرلك تفتكر الجمله دي«حسن الظن» بتسمعها كتير مش كده؟ بتتردد عليك كتير بس عمرك ما فكرت تدور في معناها سيدنا موسى هرب مع قومه من فرعون لغايه ماوصلوا للبحر كان من وراهم فرعون وجنوده، وقدامهم البحر الإنسان العادي قال«إنا لمدركون» والمؤمن قال«كلا إن معي ربي سيهدين» العادي شافها النهايه، والمؤمن أحسن الظن بالله هو دا حسن الظن بالله، إنها تكون مقفله معاك من كل إتجاه بس لسه عندك أمل ويقين إن ربنا هينجيك، وهتتخطى محنتك تبقى لسه شاب ومفيش شغل ونفسك تتجوز عشان تكون أسره صالحه وتعف نفسك هتلاقي إن كل الظروف مقفله مفيش شغل مفيش فلوس، مفيش شقه بس يبقا حسن الظن إلي بيسهل كل حاجه من حيث لا تدري تبقا طالب علم وحلمك كليه معينه تلاقي كل الظروف بتقولك إنك هتفشل، تلاقي المعظم بيغش، وتلاقي قله ضمير ولكن يبقا حسن الظن إلي هيوصلك للي أنت عاوزه أحسن الظن بالله ومتشلش هم الدنيا وكالعاده عاوزه أقولك متنساش إن نفسك ليها حق عليك 🌼 #Mai_Hassan #تضميد_جراح_محارب

أن الرسول صلى الله عليه وسلم قال: «سورة تبارك هي المانعة من عذاب القبر»

ممكن تفضل متمسك بحاجة مش مناسبة ليك، بس لمجرد إنك تعبت فيها تقول: يعني بعد كل اللي عملته ده أسيبها؟😂 طب ما يمكن اللي عملته ده كان مهم فعلًا بس مش معناه إنك لازم تكمل للأخر يعني لو اشتريت جزمة وطلعت بتوجعك هتلبسها كل يوم عشان دفعت فيها فلوس؟😂 نفس الفكرة بتحصل في حاجات أكبر بكتير شغل علاقة مشروع قرار نفضل مكملين مش عشان الحاجة لسه مناسبة، لكن عشان خايفين نحس إن تعبنا راح على الفاضي بس الحقيقة إن المجهود اللي بذلته مش بيروح هدر لمجرد إنك قررت تمشي أنت اتعلمت اكتسبت خبرة عرفت نفسك أكتر وعرفت إيه اللي يناسبك وإيه لأ فمش كل حاجة انتهت تبقى خسارة أوقات الحاجة دي كانت مهمتها إنها تعلمك مش إنها تفضل معاك للأبد فمتخليش تعبك القديم يجبرك تكمل في طريق إنت عارف إنه مش مناسب ليك اللي فات خد وقته استفاد منه، وخد اللي اتعلمته، وكمل عشان مش معنى إنك مشيت مسافة كبيرة في طريق غلط إنك لازم تكمل للآخر ماهو متبقاش أختارت طريق غلط وكمان إلا عاوز تكمله😂 وكالعاده عاوزه أقولك متنساش إن نفسك ليها حق عليك 🌼 #Mai_Hassan #تضميد_جراح_محارب

الي يقدر يساعد ميتأخرش، يوسف طفل عنده ضمور عضلي وكل تبرع هيفرق فحياته

ليه بنحتاج حد يطمننا إننا ماشيين صح؟ يعني تبدأ حاجة جديدة وتفضل طول الوقت تسأل: هو أنا كده صح؟ أكمل؟ أنت شايف إني ماشي كويس؟😅 وتبقى عامل زي اللي كل شوية يبص على الـ GPS عشان يتأكد إنه لسه على الطريق😂 المشكلة إننا أوقات بنربط اطمئناننا برأي الناس لو حد قالك أيوه كمل ترتاح ولو حد شككك شوية، تبدأ تشك في نفسك، وفي حياتك، وفي قرارك، وفي اختياراتك من أول الحضانة😂 بس خلينا نبقى صريحين النصيحة حلوة، ورأي الناس مهم أوقات لكن مش المفروض كل خطوة في حياتك محتاجة حد يمسك إيدك ويقولك: أيوه دي الصح ليه؟ عشان أنت مش نغه ي توتو😂 لأنك لو فضلت مستني التطمين طول الوقت هتفضل واقف مكانك كل ما متلاقيش حد يطمنك ولو تعبت من الوقفه مكانك أبقى أقعد ي خايب😂 اتعلم تسمع آراء الناس لكن في الآخر اسأل نفسك: أنا مقتنع؟ أنا عارف أنا بعمل إيه؟ والقرار ده مناسب ليا فعلًا؟ ومن الآخر كده مش لازم تبقى متأكد 100% عشان تبدأ أوقات كفاية إنك تكون عارف الخطوة الجاية وتمشي ومع الوقت هتتعلم تثق في قراراتك أكتر فبلاش كل شوية تبص وراك عشان تتأكد إن الناس شايفاك ماشي صح الطريق طريقك مش طريقهم وكالعاده عاوزه أقولك متنساش إن نفسك ليها حق عليك🌼 #Mai_Hassan #تضميد_جراح_محارب