سِلمة نجاحك

تعدد الشغف.. لعنة ولا نعمة؟! 🌟 من وإحنا صغيرين بيتصدر لينا فكرة إن كل واحد لازم يكون عنده شغف لحاجة واحدة معينة، وإن لو في أكتر من حاجة بنحب نعملها ده هيخلينا نتشتت ومش هنعرف نركز في حاجة. بس في ناس كتير حوالينا بيحسوا إنهم عاوزين يتعلموا كذا حاجة في نفس الوقت، ويجربوا ويعرفوا عن مجالات مختلفة، والناس دي بيُطلق عليهم "متعددي الشغف". فالسؤال هنا: هل ده فعلًا تشتيت ولعنة؟ ولا دي نعمة محدش واخد باله منها؟ 👀 2. إيه هو تعدد الشغف؟ تعدد الشغف هو إن شخص يكون عنده أكتر من حاجة بيحبها، وعنده رغبة حقيقية إنه يتعلمها ويتطور فيها، وممكن مع الوقت يبدع في أكتر من مجال. على سبيل المثال: شخص بيحب التصوير، المونتاج، الجرافيك والكتابة، ومُقبل على تعلم كل ده. بمعنى تاني: هو مش شخص مش عارف هو عايز إيه، بالعكس، هو عارف حاجات كتير وعايزها كلها. 3. ليه بنعتبره "لعنة"؟ — وجهة نظر الناس في ناس بتشوف تعدد الشغف مشكلة بسبب حاجات زي: - التشتت: هتبدأ في 10 حاجات ومش هتكمل ولا واحدة! - ضياع الوقت: بدل ما تبقى محترف في حاجة، هتبقى نص نص في كله! - ضغط المجتمع: ركز في كارير واحد عشان تنجح! - الخوف من الفشل: كل ما تبدأ حاجة جديدة، تسيب اللي قبلها وتحس إنك مش بتوصل لحاجة. والحقيقة إن الكلام ده ممكن يحصل فعلًا لو معندكش تنظيم وأولويات. بس هنا لازم نفرق بين تعدد الشغف والتشتت. مش كل شخص بيحب حاجات كتير يبقى مشتت، المشتت هو اللي بيبدأ حاجات كتير من غير هدف، ويفضل ينتقل من حاجة للتانية من غير ما يكمل، أما متعدد الشغف، فهو شخص عنده اهتمامات كتير، ومحتاج بس يعرف إزاي يديرها صح. 4. طب إمتى تعدد الشغف يبقى نعمة؟ 🌟 لما تعرف تستغله بدل ما تخليه يشتتك، ممكن يكون عندك مجال أساسي بتركز فيه وبتبني فيه مستقبلك، وفي نفس الوقت يكون عندك مجالات تانية بتحبها وبتتعلمها على جنب. يعني مثلًا: التصوير + المونتاج + الجرافيك + التسويق، بدل ما يكونوا 4 حاجات مشتتين، ممكن في النهاية يكونوا مجموعة مهارات تخليك مميز في مجال واحد، فالمشكلة مش إنك بتحب حاجات كتير، المشكلة إنك عاوز تعمل كل حاجة في نفس الوقت وبنفس القوة. 5. إزاي نخلي تعدد الشغف نعمة مش لعنة؟ - الهدف 🎯: نبدأ نحدد الحاجات اللي بنحبها وعاوزين نتعلمها، ونكتبها قدامنا في نوت(بجد ده هيفرق جدًا). - الأولويات 📝: مش لازم كل حاجة بتحبها تبدأ فيها دلوقتي. اختار حاجة تكون هي الأولوية في المرحلة الحالية، والباقي خليه في قائمة ترجعله بعدين. - التنظيم ⏰: نبدأ ننظم وقتنا ومنضغطش نفسنا زيادة، عشان منتشتتش ونوزع مجهودنا بشكل صح. - الصبر 🌱: الصبر يكاد يكون أهم صفة المفروض يتحلى بيها متعدد الشغف، أو أي إنسان عاوز يتعلم حاجة جديدة عمومًا؛ لأن النتائج مش دايمًا بتظهر بسرعة، والاستمرار هو اللي بيصنع الفرق. وفي النهاية، المهم إنك تعرف نفسك، وتحدد أولوياتك، وتتعلم إزاي تدير كل الحاجات اللي بتحبها بدل ما تخليها تشتتك. فأنت.. متعدد الشغف ولا بتحب تركز في حاجة واحدة؟ 👀 لو عندك أي سؤال أو عايز حد يتابغ معاك تقدر ترجع للرسالة المثبتة وهيتم الرد عليك في أسرع وقت إن شاء الله 🤎

طيب بالراحة كدة حضرتك إحنا مش في سابق خالص . خد الأمور ببساطه انت محتاج ترتب الحاجات اللي عايز تتعلمها علشان تبدأ. ممكن تبدأ بالبرمجه وتشوف قناة مستر إبراهيم عادل بيكلم عن ايه هيا البرمجه وشرح بتفصيل . وتتعلم سوفت اسكلز في نفس الوقت وبعد كدة تشوف اي هو العمل الحر و تتعلم عنه. ببساطه محتاج تحط خطة لتعلم بما يناسب قدرات حضرتك ولا تنسي انك إنسان ليك قدرات تحمل مينفعش تتجاوزها

النهاردة الرد على الأسئلة إن شاء الله 🫶🏻 https://32052150893216.sarhne.com

طول ما إنت مش معترف بقدراتك وموهبتك هتفضل مستني اللي يثبت لك إنك موهوب وشاطر وهتفضل مستني اللي يشجعك وساعة لما يمشي إنت هتوقف كل خطوة بدأتها وهتفضل مستني برضو اللي يقومك من تاني..هتفضل في الدوامة ديه طول حياتك.. بس لما تقتنع بنفسك ومواهبك مش هتحتاج اللي هيعرفك ده😀

طمنونا طلاب الثانوية عملتوا إيه(عام وأزهر وكل الثانوية) ♡ @M80b1f49e1178BOT

إحنا تيم بنساعد بعض عشان نقدر نساعدكم إن شاء الله، ف هتلاقي بننزل محتوى مختلف مرة عن أفكار او مخاوف بتيجي في بالنا وبنحاول نوصفها مع حلها بإذن الله..أو مهارات مهمة لازم نتعلمها، أو نصايح، ورد على الاسئلة لو حد عنده أي مشكلة 🫶🏻

بصي حبيبتي أول حاجة لازم تعرفيها دول أهلك مهما بيعملوا لكن هيفضلوا أهلك ويهم مصلحتك ومحدش هيحبك غيرهم بالنسبة لموضوع العصبية حاولي لو حصل موقف مترديش علي قد م تقدري تحكمي في انفعالك ودائما افتكري إننا عايزين ربنا يرضى عننا وكلنا والله لما بنعمل حاجة غلط بيمنعونا عن حاجات كتير بنكون محتاجين ليها أنتِ بتقولي إن أنا مش عارفة اصالحهم معناه إن في حاجز م بين العلاقة حاولي مرة في مرة تكسري الحاجز ده وده مش بيجي مرة وحده بالتدريج إن شاء الله حاولي تتفاهمي معاهم براحة وتتناقشي معاهم بلاش الخناق وكمان فهمي والدتك براحة وقوليها ماما بالله عليكي ادعيلي بالنجاح نفسي دعواتك تكون معايا عشان دعوة الأم مستجابة بطريقة كويسة مش بزعيق ولا تبيني ليها إن هي غلطانة أو أي إللي أنتِ بتعمليه ده لئن أنا عارفة طريقتنا بتبقي كده ساعات🥲 وإن شاء الله ربنا مش هيضيع تعبك في 3 ثانوي وطالما نيتك خير ربنا هيوفقك يا جميل ويهديكم لبعض 🤎

:حمزة يا حمزة •ها بتقولي حاجه ياماما : بنادي عليك من بدري سرحت في ايه •مش عارف اعمل ايه اكمل في وظيفة ولا لا : مش هيا مرتبها حلو ومش متعبه •لا مش حلو أنا عايز مرتب أعلي من كده علشان لما اتجوز اقدر أصرف علي بيتي وعيالي وأعرف احوش جزء زيادة من مرتب للظروف بعد كده : براحه يا حبيبي دنيا مش كده • يا ماما مش زي ما حضرتك فاكره : اسمعني وافهم كويس و فكر : في الوقت الحالي مكان دي مناسب لظروفك وكمان سعيد فيه ، لكن ممكن ميكونش مناسب لظروفك بعد كدة بس مش دى وقت تفكير في العشر سنين الجايه خالص انت محتاج تركز علي الوقت اللي فيه بس وانت مركز عليه هتتعلم هتبني معرفة وخبرات وممكن فلوس اكتر كمان بس دي هيحصل لما تركز علي الوقت الحالي. طيب لو ركزت علي عشر سنين الجايه هتلاقي نفسك تعيس وشايل الهم وبتفكر ازاي المرتب دي هيكفيني بعد كدة ازاي هقدر أوفر احتياجاتي واحتياجات زوجتي واطفالي وتلاقي نفسك ماشي في دايرة من تعاسه ملهاش أول من الاخر لكن ممكن تقضي علي مشكلة قبل ظهورها بأنك تفكر في الوقت الحالي. دايما استمتع بالوقت الحالي عيش اللحظة بسعاده بما يرضي الله وسيب بكرة لبكرة وكل شيء هيجي وقته. عيش عشريناتك كل سنه بسنه كل يوم خليه مميز عن اللي قبله. الأيام مش بترجع! حبيت افكركم المستقبل بيد الله و المطلوب منا السعي لوقتنا الحالي ربما يكون غداً يوم وفتنا لا أحد يدري لذلك عيشوا للحظة بطلوا تفكروا في بكرة لأن بيد الله ليس بيدك أبداً. لو واجهتك أي مشكلة أو عايز حد يتابع معاك تقدر ترجع للرسالة المثبتة وهيتم الرد عليك في أسرع وقت إن شاء الله 🫶🏻

أولًا عشان نجاح أي بيزنس لازم الأول نتفوق في الشئ اللي عايزين نعمله أو حتى نوصل لحتة كويسة فيه ف الأول تتعلمي جرافيك ومتأجليش يعني متقوليش لما يكون عندي لاب هشتغل..أو لما يكون معايا فلوس، متأجليش حرفيًا إبتدي مع اللي معاكي حتى لو تلفون نوكيا 😂 المهم عادي تبتدي ثانيًا تتوسعي أكتر في القراءة بقى عن بيزنس الجرافيك والناس اللي عملوا كده إيه كانت أخطاءهم، المهم دلوقتي إنتي في مرحلة التهيئة إنك تتدربي كويس وتنزلي بقى شغلك على وسائل التواصل وممكن تبتدي شغل الأول ك إنك تكوني ديزاينر وإن شاء الله يكون معاكي رأس مال تبتدي بيه

النهاردة الرد على الأسئلة إن شاء الله 🫶🏻 https://32052150893216.sarhne.com

مش أي حد سعيد يبقى راضي..بس كل الراضيين سعداء🫡 الرضا والسعادة مقرونين ببعض، طول ما إنت شايف إن حياتك سودا..مفيش حاجة حلوة بتحصلك، يبقى إنت كده مش راضي، أصل مستحيل حد حياته 100%حزن أو العكس 100% سعادة! هتقابل مواقف كتير في حياتك مش إنت اللي بتختارها بس إنت اللي بتختار شعورك تجاهها، ترضى وتصبر ولا تفضل تدبدب في الأرض وبرضو هيحصل المكتوب لك! ولما ترضى السعادة مش هتيجي لك -وه!؟ هو إيه التناقض ده السعادة مش باب وهتخبط عليه يتفتح لك..ده حاجات كتير لازم تعملها، أولها الرضا..ثانيًا إنك تتذكر كل النعم اللي عندك وتفتكر كام مرة دعيت والله إستجاب ليك! إفتكر اللحظات اللي كان قلبك مبسوط فيها! وعلى فكرة إنت بتعمل حاجات لما تكون مش طايق نفسك ولا اللي حواليك بيخرجكك من المود ده..بس مش هنقولها لك دلوقتي 🙈 كن راضيًا لنفسك..تكن سعيد لنفسك"برضو" لو واجهتك أي مشكلة أو عايز حد يتابع معاك تقدر ترجع للرسالة المثبتة وهيتم الرد عليك في أسرع وقت إن شاء الله 🫶🏻

فيه مثل كده بيقول بص عن نص الكوباية المليان وسيب الفاضي.. بس الحقيقة مش هتعرف تبص للمليان طول ما إنت مش راضي جواك.. طول ما أنت بتقارن كوبايتك مع كوباية غيرك إنها مليانة وإنت لاء.. ف الحقيقة عمرك ما هتشوف النص المليان طول ما أنت مش راضي إن فيه نص فاضي في الكوباية.. وطبعاً مقصدش الكوباية🙊 إرضي بحياتك حتي لو مفهاش اللي بتتمناه ف فيه جزء فيه حياتك فيه كل اللي غيرك بيتمناه🤎

Channel photo updated

2 من المتابعين الكرام مشكور عمل التصميم ده

1

من النهارده إستقبال الرسايل إن شاء الله، لو عندك أي سؤال أو مشكلة إبعتها هنا وهيتم الرد عليك إن شاء الله 🫶🏻 https://32052150893216.sarhne.com بوت للمتابعة لو عايز تقول مشكلتك أو عايز حد يتابع معاك سواء تنظيم وقت أو صلاة أو أي حاجة إن شاء الله @M80b1f49e1178BOT