Marie’s soliloquy 2.0

هلاوووو كايزززز جماعة السادس بشرو🩷🩷 الباقينن شلونكم شخباركم؟؟؟اكتشفت مشتاقيلي لان دتراسلوني عالبوت🤣🩷🩷🩷

انقهر لمن اشوف قبل شلون جنت من اكثر الناس المُشجعة للطاقة الايجابية وحب النفس وتطوير الهوايات.. وشلون هسة صرت انسانة ما اكدر اميزها اصلا.. pray for my soul 🙏🏻

2026/june/2 اختفيت كلش هواية لان اني ضايعة، ماعرف اني منو، سنة ونص واني اركض ورى حلم والحمدلله داحققه بس طول هالسنة ونص واني قلقة، طول المدة هاي واني بألم جسدي ونفسي محد يعرفه غيري.. المشكلة انه لمن اكول للناس الاحبهم واحب اخذ رأيهم، لطالما استخفوا بمعاناتي، اعرف همه مو قصدهم، لكن بطريقةٍ او باخرى كانوا يستهزئون.. كما موضح في الصورة اعلاه اني بطبيعتي انسانة loud، احجي عن الاحسه للاحبهم.. بس للاسف محد يفهمني وهالشي يقهرني، انه احنا كعرب/عراقيين، ماعدنا ثقافة احترام مشاعر الاخر.. احنا نحكم وننطي رأينا بمشاعره ومعاناته واحنا معايشيها.. وبكيفنا نحكم اذا ردة فعله مبررة لولا.. ماكو ولا شخصين بهالكرة الارضية يحسون بنفس الشعور تجاه اي شي الشي الي اني اشوفه مؤلم يجوز انت تشوفه عادي والعكس..

🩷

2025 من اسوء السنين الي مرت علية بعد ٢٠١٩ الله لا يعودها.. سنة تعبت بيها من اولها لنهايتها والتعب مكمل وياية ب ٢٠٢٦ ركضت كلش هواية واشتغلت كلش هواية ودرست لدرجة الهلاك.. قلة نوم، قلة راحة، قلة صحة.. والحمدلله صحيح انقبلت ماجستير بالعراق وبالتخصص الي جان حلمي بيوم من الايام، بس تعبت لدرجة مجنت اتخيلها.. وماريد احد احبة يعيش الي عشته الانشغال نعمة، والابتلاء نعمة والحمد على كل حال بس نسيت شلون الحياة تكون للناس الطبيعيين شلون ممكن شخص ميحاسب نفسة عالثانية وعالدقيقة.. سنة كاملة واني احاسب نفسي على كلشي سنة كاملة واني احاسب نفسي عالراحة وعالنوم. سنة كاملة بدون اي طلعة او ونسة او سفرة، سنة كاملة من الجهد المستمر والانهيارات والمرض والخسائر النفسية والجسدية .. اتمنى تكون ازمة وتعدي، اتمنى تكون مجرد تجربة وهاهية وهذه ليست شكوى، اطلاقا الحمدلله على كل شي هذا تدوين لاحداث حياتي فقط

السلام عليكم اي احد يشوف رسالتي ادعولي، محتاجة دعوتكم ❤️‍🩹

❤️‍🩹