Kafkaesque

أمس أنتهيت من قراءة رواية العمى للكاتب جوزيه ساراماغو ،تنهدتُ طويلًا وكأني كُنت محتجزة في سرداب أبيض ، رواية تستطيع أن تفصلك عن عالمك بالمعنى الحرفي ، لأني ولأول مرة شعرت بُكل العوامل الحسية مثل الجوع والخوف وحتى الروائح وهذا الأمر لم أجدهُ بأي رواية من قبل ، لجوزيه طريقة عجيبة في نقلنا الى العوالم التي ارادها تتحدث الرواية عن وباء غامض يصيب إحدى المدن، حيث يصاب أهل هده المدينة بالعمى فجأة، مما يخلق موجة من الذعر والفوضى العارمة التي تؤدي إلى تدخل الجيش من أجل السيطرة على الأوضاع، ولكن الوضع يزداد مأساوية وبشاعة وقد تبين بأن تتحدث عن العمى الفكري ، في إشارة أيضاً أن الأخلاق البشرية و المبادىء الإنسانية هشة أمام العوز البشري. "لا أعتقد أننا عُمينا ، بل أعتقد أننا عميان يرون، بشر عميان يستطيعون أن يروا لكنهم لا يرون" أظن بأن هذهِ الرواية كانت أفضل رواية أقرأها الى الأن

احس الشعب كله جاي يعاني من ازمة مادية

تعرفون مصاصين الدماء ، اكو نوعية من الناس اني اسميهم مصاصين المشاعر. هذول غالباً يعانون من ازمات داخلية و بدل ما ياخذون وقت يحلوها ، يتجاهلوها باي طريقة ووحده من هالطرق هي التغذي ع مشاعر الناس.. هذول غالباً مراح تكدرون تعرفوهم انو همة مصاصين مشاعر من البداية وخاصة اذا انتوا ما جنتوا مثلهم ، لانهم يحجون بطريقة مستحيل يبين بيها الكذب او الخداع، ليش؟ لان عادةً همة نفسهم بذيج اللحظة يكونون مصدكين الي دا يحجوا ، لكن ذول مشاعرهم لحظية على كد التفاعل و الامان الاحساس بالقيمة الي يكدرون يمتصوه منكم. ذول مو بالضرورة اشخاص سيئين ممكن يكونون اشخاص جيدين جاي يمرون بفتره سيئة، لكن هذا ما يبرر الفعل و لا يعني انتوا لازم تبقون الضحية. ف ديروا بالكم من مصاصيين المشاعر ، يمكن يكونون اقرب من ما تعتقدون..

هو مو بالضرورة هالكتاب بس القراءة خاصة قبل النوم كلش تعدل كمياء الدماغ ، لازم اشتري كتب ورقية لان داحس بمشاعر سلبيه واني داقراهم ك e-book على المبايل

دا اقره كتاب اسمه السماح بالرحيل ساعة قبل ما انام ، كلش حبيته دا يساعدني اكعد ثاني يوم بنظره ايجابيه اكثر لامور و الحياه و يقلل التوتر و القلق

العالم كلش دايصير مكان سيء اونلاين ، وكل ما يمر وقت اكثر كل ما اخلاق الناس دا تصير اسوء و اسوء انتقلنا من مجتمع يستخدم القاب الاحترام للكل " سيدي ، استاذ ، انسة ، مدام" الى مجتمع ميعرف يحفظ/ يستخدم الالقاب . صار تواصلنا البشري سريع و سخيف و مؤذي لسلامنا النفسي و الداخلي. و المشكلة انو ما تكدر تنفصل عن هالعالم اذا تريد تشتغل و تنجح .

اتمنى تدعون لطالبتي بالشفاء..

اذا يدزلكم حساب ب اسمي يريد فلوس جذاب خدعة ديسووها حتى يبوكون العالم سووله بلوك و ريبورت

ما احب الناس الي تصعب الحياة ع غيرها بالتفاصيل الصغيرة لان الحياة صعبة اوردي ، اذا شي ما صار يكلبون الدنيا ، اذا خطة راحت اتجاه غلط يشتغل النكد و اللوم . اني دائماً اكول" مو مشكلة " اذا الموضوع ممكن يتعالج و يمشي . ماكو داعي نبث طاقة القلق و الرعب ع ابسط تفاصيل الحياة.

برأيج لازم تكون عدنا خطة واضحة او هدف واضح لما بعد التخرج وهيج ؟ احس عندي حياة اريد اوصللها واعيشها بس ماعرف شلون اكدر اوصل ويا اهداف ح توصلني لهاي الحياة لا مو بالضرورة ، بس يساعد انو الشخص يكتشف شنو امكانياته هالفترة حتى يشوف وين يلكى نفسه

شلون احب نفسي واملي وقت فراغي مدا احصل شغل صار شهرين اكثر من ٤٠ مقابلة انرفضت حاليا رايدة ادخل كورس كتابة محتوى بس احس مالي واهس بأي شي 🥲 شلون احب نفسي مو فدشي يصير بيومين والله شي يرادلها شغل هواي هواي يعني من حيث تغيير الحياة للافضل و من حيث الشغل الداخلي ، ف هي رحلة طويلة كوني صبورة♥️

من چنت سادس اهلي وفرولي واشترولي كلشي اريده ودعموني معنويا كلش وكالو نوديج لمكة اذا قريتي ( بس اني چنت متخوفة وحتى من المعهد بطلت) ، فصديقتي من دزيتلها شون اهلي ديشجعوني كلتلي اتمنى يغزر بيج وتبدين بداية قوية وتصدمين الكل ، بس بوقتها مابديت ولا شديت حيلي ولا طلعت معدل :') ومع ذلك اهلي رضوا بس اني مارضيت عن روحي .. اويلي يل سادسس شكد مسوي ازمات بالشعب

دروحي روحي عود هسه جاية تسولف ويانة منعرفچ احنا صار كم شهر ممحجيتنا ماذا لو عاد معتذرا👈🏻👉🏻

سوري ناسية افتح التعليقات 😭😂

سؤال/ زينب مسألة شريك الحياة جدا صعبة بهذا الواقع واختلاف القيم احس الموضوع مقلق شنو رايج شلون نحاول ندير تفكيرنة ونسيطر على قلقنة جواب / اني هواي عندي قلق بكل حواب الحياة لان عندي ميل للإنجاز العالي ف يخليني دائما احس ما مسوية شي، و هالشي مؤخراً اهلكني ف لجئت للعلاج النفسي ( الثربي) من احجي ويا المعالجة مالتي دائما تكول ، الافكار الي ما عليها دليل هي مجرد افكار ، لا تخليها تتحول مشاعر ، وقفيها لحد الفكرة. و الاشياء الي خارج سيطرتنا هي خارج سيطرتنا هذي طبيعة الحياة ولازم نذكر نفسنا بيها كل فترة ..

سؤال /اذا اريد اطور من نفسي بكل الجوانب والاصح اصير شخص يشبهج بطريقه التفكير والكلام شون وشنو الطريقه جواب / اذا هدفج تطوير الذات فهو ممكن عن طريق الاطلاع ، كتب افلام يوتيوب الخ اما الهدف الثاني ما اشجع عليه ما اشجع احد يصير نسخة من احد لان راح يعيش و يموت هو ما يعرف نفسه وهذا مو مجرد كلام شاعري هذي حقيقة ، لازم الشخص يصفن ويا روحة شويا يستوعب هو منو خارج تأثير الاهل و المجتمع؟ و يحاول يوصل افضل صوره من شخصه هو ، مو نسخة اخرىمن شخص اوردي موجود..

زينب منو انتِ وليش كلها تحبج حتى اني منهم احبج ودخلت قناتج من كم سنه وصدفه بس حواراتج كلش حلوه بس منو انتِ😔🤍

زينب منو انتِ وليش كلها تحبج حتى اني منهم احبج ودخلت قناتج من كم سنه وصدفه بس حواراتج كلش حلوه بس منو انتِ😔🤍