مِحْراب

‏لولاي احبك جناح القلب ماسَدّل ‏من لا هواك أنت ما سر الهوى روحه ‏مالي بغيرك عساني فيك ما ابَدّل ‏معك العمر حلو .. والأيام مملوحه *العبلان

‏عيني شفاويّه وكبدي مضرمه ‏عليك يا حلم الحياة ومطلبي ‏مطلق بن شويه

‏من ليّم القمرا على جال الطريق ‏وأومى لقلبي من بعيد وصاحبه ‏إلا أنت يالميّاس منثور الدليق ‏نهر الحياة اللي ضماي ارتاح به ‏مساعد الرشيدي

‏جا يسابق خطوة الشوق ويسمّي ‏أغيدٍ ميعاد الأحباب ميعاده ‏لا محى الله خطوةٍ جابته يمي ‏فالمكان اللي يمره ويرتاده ‏طلّتك ياللي عليك القمر سِمّي ‏مزنةٍ من رايح الوسم منقاده ‏مادرى إني ساليٍ معك عن همي ‏لايمي .. يوم إني أغليك بزياده * عبدالعزيز العبلان

‏خابر مدى نفسي وخابر شبوحي ‏لكن وش الاحلام .. لولا شغفها ‏بين اوصل لحلمي وارد اطموحي ‏اوحش مسافات العمر منتصفها ‏اشتقت واشتاقت حبيبي مزوحي ‏للضحكه اللي لو تسيل ارتشفها ‏ماعاد هو وجهك .. هذاك الصبوحي ‏حتى ابتساماتك من اللي خطفها ؟

‏تحت شباك صمتك ينبت الصبار ‏وانا صابر وجالس تحت شباكك ‏أطمن قلبي اللي في هواك أحتار ‏أنا متأكد جدا ً .. وهو شاكك ‏زبار الحربي

‏اللي بقى لي من الفرحه بقايا حروب ‏مواقع ارض بقايا الموت بترابها ‏امواج وقتي تقاذفني شمال وجنوب ‏محتار كني قضيه مات طلابها ‏ في دفتر ايام عمري كل شي محسوب ‏ لي قصة لاختليت بنفسي اقرابها ‏ مؤمن وهاذي هي الدنيا نجاح ورسوب ‏القسمه اللي من الله لازم ارضابها كلي محبة لو ان الحزن من كل صوب وكلي دموعٍ ، تصب الوجد لاحبابها احب واعشق واظن الحب ما هو عيوب لاشك ، بعض القصايد , ( جرحي اولى بها ) *متعب الركابي

‏بين الوهم والحقيقة والزمان الكذوب ‏جملة مفيدة وضاق الكون باعرابها ‏ ضاق الفضا وين مخراجي ووين الهروب ‏أسال واهل مكه ادرى الناس بشعابها ‏ وجيه تلمع وتشرب من غزير الذنوب ‏ ووجيه تشرب سكات وتمسك اعصابها ‏كل الصراحه تدانت شمسها للغروب ‏ بـ افواه خلق تلوك الحقد بانيابها ‏رمضاي رمضا وتطرقني سمايم هبوب ‏ وعيني تشوف البيوت وضاعات ابوابها ‏ اطرد ورى حلمي اللي ضاع بين الدروب ‏ متى الليالي تهيد وترخي ارقابها ؟ ‏وين انت يالصبح كم لك بالظلام محجوب ‏ تعال واهزم جيوشه واكسر حرابها

‏اصارع لهودن غرسها مر ما ينذاق ‏لجت في ضميرٍ عقبها كثرة فتوقه ‏وانا راجي اللي في يده للنفوس عتاق ‏عسى فارج الشدات ينظر لمخلوقه

‏لَنا في سِوانا عِبرَةٌ غَيرَ أَنَّنا ‏نُغَرُّ بِأَطماعِ الأَماني فَنَغتَرُّ ‏-إبن زيدون

‏كانت جفوني كانها سدٍ على درب المسيل ‏لكن جاها مثل ما جا سد مأرب في سبأ ‏ياحظ من تذرف عيونه دمع قدام الرحيل ‏انا عيوني قد لها تذرف حبايب وصحبا

مثل الفجر بـ أوّل نهار ‏أو الشفق بـ آخر نهار .. ‏أعيش حالة ثالثة بين الوعي واللا وعي ‏تشبه وجيه العابرين اللي بصالات المطار ‏وجيه الايام اللي اقضيها بلا وجهك معي *رشيد الدهام

ما تصورت من خوفي أعاني ‏ولا أنا فوق ما كنت أتصوّر ‏أدري إن البحر هذا عشاني ‏أدري إن الغرق هذا مقدّر - خالد الكيادي.

https://ehsan.sa/donationcampaign/details/2341828

قال ﷺ:"من نفَّس عن مؤمن كربةً من كرب الدنيا، نفَّس الله عنه كربةً من كرب يوم القيامة." حالة إنسانية لشخص عليه *إيقاف خدمات* ولديه أسرة، ومن أراد المساهمة فله الأجر بإذن الله. رقم الفاتورة وزارة العدل 169: 2516850626 - الحد الأدنى المسموح للسداد: 50 ريال. لا تنسوا نشرها؛ فالدال على الخير كفاعله🤍

‏قُل للمسـافات البعـيدة بيـننا ‏أرجو بحقّ الله أن تتواضعي -جلال الدين الرومي

‏من ليلة البارح، وأنا صمت محراب ‏بعد الخلود ـــ وقبل فجر المدينة ‏على طرَف كنّي دمع "مذنب" وتابّ ‏ناطر متى ترميني ــــ جْفون عينه ‏أقرا الليالي .. كنّي أقرا لي كتاب ‏.. حتى تجيني في خبرها جهينة ‏الله يزول أسباب ـــ ويهيّئ أسباب ‏ومن يستعن به جلَّ شانه، يعينه ‏وأليا كتب للعبد "رزقه" ولو شابّ ! ‏ما أحدٍ بـ حايل ــــ بين رزقه وبينه ‏رحَّال.. في بالي .. ووقّفت مرتاب ‏فـ أطلال ما بين العشم والضغينة ‏ومرَّت عليَّ وجيه، لأحباب وأصحاب ‏.. ولا غايب ألَّا ما تسائلت "وينه!" ‏هم عادوا أهلي؟ ولَّا هم عادوا أغراب؟ ‏.. أو كل سنّ، ويستحي من سنينه؟ ‏يا مستفزّ الحزن فـ صْدور الأحباب.. ‏.. ما للحزن غير الصدور الحزينة ‏لك بدر ما يظِلم.. ولك ليل ما شاب ‏ولك برد ما يرضى بـ قسوتْه : ليِنه ‏تشكّلَت، من غيمة، وغصن عنّاب: ‏في طينةٍ ما هي بـ حي اللْه طينة ‏عدَا عيونك، كانت طيوف من غاب ‏ذكرى نسيمٍ هزَّ باب السكينة ‏من شفت فيها موج، ورْياح، وأتَعاب ‏رميت نفسي من عتبـة السفينة ! ‏الموت في غبّة حور طرفك، أسباب ‏عن عيشةٍ ماهيب فـ أيدٍ أمينة ‏وشلون ترميني على سيِف الأهداب؛ ‏واللي ما يفنا "حر" .. ينجى "رهينة" ‏صمتٍ ما يبغي عن متاهاتك رْحاب؛ ‏أتفه معاذيرك بـ عينه : سمينة ‏عندي على كل إحتمالاتي عتاب .. ‏.. كل إحتمال فْـ حينه .. وغير حينه ‏الشمس لو تاخذ من المشرق غْياب؛ ‏.. محال تاخذ لهفتي ياسمينة ‏قريب، ليت الحلم يفتح لك الباب ‏.. بعيد، ليت الدرب يندى جبينه ‏مثل النهر، تتخلّل إيِدي وتنساب ‏وتقِلّ بي، وتصبّ فـ أبعد مدينة *صالح بن حمد

‏لا تستذير، معاند الشوق غلطان ‏الله عطاك أمر الخفوق وتوَلِّه ‏مساعد الرشيدي

‏يسقى الصباح اللي من الوجد مغسول ‏والليل وأطلال المدن.. والمشارف ‏عامين ما بالقلب جرة قدم زول ‏ولا بالحنايا من يهز.. الديارف ‏أشتاق لك.. والشوق ماهو بمعقول ‏والشوق إذا ماهو بمعقول.. جارف ‏حَط الجفا على زودٍ حمولي.. حمول ‏وأنا اخر أيامي مثل ما أنت عارف ‏*عبدالعزيز العبلان