Mirzoqul.uz

Тушимда ўзимни фаришталар маконида кўрдим. Бир фаришта мени айлантириб юрарди. Биз фаришталар билан тўла хоналар олдидан бирма-бир ўтиб борардик. Мени бошлаб бораётган фаришта биринчи бўлим олдида тўхтади ва деди: «Бу – Қабул бўлими. Бу ерда Аллоҳга қилинган барча илтижолар ва дуолар қабул қилинади». Мен у хонага қараганимда, хона жуда ҳам кўп фаришталар билан тўла эди. Улар бутун дунё бўйлаб инсонлар томонидан қилинган дуо ва илтижолар ёзилган кўп жилдли саҳифаларни саралаётган эди. Сўнг биз узун йўлак бўйлаб йўлимизда давом этдик ва иккинчи бўлимга етдик. Фаришта менга айтди: «Бу – Ижобат бўлими. Бу ерда инсонлар сўраган дуо ва илтижолардан сараланганлари ижобат қилинади». Мен у хонага қараганимда, бу хона ҳам кўплаб фаришталар билан тўла эди. Улар ижобат қилинган дуоларни ўраб, Ерга – тегишли инсонларга жўнатиш ишлари билан банд эди. Ниҳоят биз узун йўлакнинг энг охирига етдик ва кичкина бир хона олдида тўхтадик. Ажабланарлиси шундаки, у хонада бор йўғи биттагина фаришта ўтирарди ва деярли ҳеч иш қилмай, бекор ўтирарди. Мен билан келган фаришта айтди: – Бу – Шукр бўлими. – Қанақасига? Ахир бу ерда деярли ҳеч қандай иш қилинмаяпти-ку!, – сўрадим мен. Фаришта ниҳоятда хўрсинди ва хафалик билан деди: – Дуолари ижобат қилинганидан сўнг, инсонлардан жуда ҳам озчилиги шукр айтади. – Инсон Аллоҳга қандай қилиб шукр айтиши керак?, – сўрадим мен. – Шунчаки, «Алҳамдулиллаҳи Роббил Аламин» деб айтса кифоя. Инглиз тилидан Иброҳим Муҳаммад таржимаси.     ✨ Бизни ижтимоий тармоқларда кузатинг: https://t.me/+1S20PkRT02k2NjAy

🕌 НИМА УЧУН  НАМОЗ ЎҚИЙМИЗ? 🕌 ✅ Бу саволга жавоб тайин! ✅ Ҳар бир ибодатнинг бизга фойда бўладиган ўз ҳикматлари бор Тошкент шаҳар бош имом-хатиби Абдуқаҳҳор домла Юнусовнинг жума суҳбатларидан     ✨ Бизни ижтимоий тармоқларда кузатинг: https://t.me/+1S20PkRT02k2NjAy