Mohamed Qatish - Programming

🚨 فيديو جديد نزل واحد من أكتر الأسئلة المنتشرة هالفترة: هل الذكاء الاصطناعي رح يستبدل المبرمج؟ بهالفيديو رح نجاوب على هالسؤال بطريقة واقعية ✅ نفهم معنى "Vibe Coding" بشكل بسيط. ✅ وليش هو مانه مجرد ترند عابر. ✅ وكيف ممكن يكون فرصة ذهبية أو خطر حقيقي... الفرق بيكون في تعاملك معاه. 📌 مهم جدا لكل مبرمج 🔗 لينك الفيديو على يوتيوب : https://youtu.be/EUmmeHY5YEQ

كيف تستخدم استضافة GitHub المجانية (GitHub Pages) لرفع مشروعك أو ال Portfolio الخاص فيك ليصير اونلاين بتقدر توصله من أي مكان على الإنترنت ! 🔗 على يوتيوب: https://youtu.be/JsGqKc4RR-Q

🚨 فيديو جديد على اليوتيوب! رح تتعلّم Git و GitHub من البداية الى العمل الجماعي الاحترافي — خطوة بخطوة وبأسلوب واضح لأي شخص حابب يشتغل بشكل مهني على مشاريع حقيقية او جامعية مع زملائه. 🔹 شو رح تتعلم بهالفيديو؟ ✔️ مفهوم Git و GitHub وكيف بيشتغلوا ✔️ تجهيز Git لأول مرة ورفع الكود (First Push) ✔️ إنشاء Repository بالطريقة الصحيحة ✔️ إضافة أعضاء الفريق (Collaborators) ✔️ رفع التعديلات وفتح Pull Requests ✔️ أساسيات العمل ضمن فريق كمحترف ✔️ أهم النصائح لتجنب الأخطاء وحماية مشروعك ⏱ مدة الفيديو: حوالي نصف ساعة — بتغطي أهم الأساسيات يلي كل مطوّر لازم يعرفها قبل ما يشتغل بأي مشروع جدي. 📹 رابط الفيديو على اليوتيوب: https://youtu.be/vTCFiruQu1w?si=tETnhC2Gm7YrmFHX

تم اطلاق كورس Laravel 12 Advanced Course 🔥 صار فيكوا تشوفوا: المقدمة الكاملة عن محتوى الكورس على يوتيوب 🎥 فيديو مجاني عن Events & Listeners على يوتيوب كعينة عن الشرح✨ 🔴 رابط المقدمة: https://youtu.be/UenK6makhvI?si=4AG2NS3P6hli8hD0 🔴 رابط عينة من الكورس (Events & Listeners): https://youtu.be/hXpkBSCYkEA?si=vuqTuRZXM-i3ucht 📌 رابط الكورس الكامل (على منصة Gumroad): https://mohamedqatish.gumroad.com/l/advanced-laravel-12-course أيا استفسارات بخصوص هاد الكورس او مشاكل صارت معكن او حتى كرمال اسمع رأيكن عن الكورس ⬅️ على الغروب الخاص فيه تفضلوا: https://t.me/LaravelAdvanced

جاهزين لتنتقلو من مطورين Laravel عاديين ل مطوريين Laravel محترفين ومطلوبين ب سوق العمل؟ 🚀 بعد شغل 5 شهور تم الانتهاء اخيرا . كورس 12 Laravel المتقدم هو يلي رح يجهزك لـ فرص عمل حقيقية الكورس مانه مجرد شروحات نظرية، بالعكس هو تجربة عملية مكثفة على مشاريع واقعية متنوعة وضخمة ⬅️بعض المشريع يلي شتغلنا عليها بالكورس يعني طبقنا عليها افكار : ✔️ CMS نظام شرحت نظام CMS وكيف بيشتغل يعني عرفكن على فكرته وشغلته كرمال اذا نطلب منكن تكونو بتعرفو الفكرة وشرحت عليها فكرة ترجمة ودعم Multi-Language كرمال يوصل مشروعنا للعالمية ✔️ Task Management System هاد المشروع نفسه كنا ماشيين فيه على اليوتيوب كملنا عليه بعض الافكار صار اضخم وافكار جديدة عليه متل إشعارات و trait و queue and job وغيرهن ✔️ ومشروع إدارة معهد تعليمي فيه أدوار (مدير، أستاذ، طالب، ولي أمر) وطبقنا عليه spatie/laravel-permission لنتعلم كيف ندير مشروع فيه عدة ادوار وصلاحيات وعطيت كتير نصائح عليه وكيف ننظم المشروع ونبدأ فيه وتقسيمه ✔️ ومشريع ساويتها من الصفر حسب الفكرة تبع الدرس كرمال توصل المعلومة مية بالمية بافكار مشريع منوعة 🔹رح نتعلم أهم المهارات يلي بدور عليها أصحاب العمل برحلة تعلم منظمة : القسم 1: أساسيات Laravel المتقدمة (التحول من المطور المبتدئ إلى المحترف) ✅ Helper Functions & Traits:كيف تكتب دوال مساعدة مخصصة لا تتكرر ✅Log: كيف نستفيد من Log System لنكشف كل الأخطاء والعمليات يلي بتصير بالمشروع ✅ Eager Loading & N+1 Problem: رح تحل مشكلة الاستعلامات الزائدة وتحسن تطبيقاتك بشكل جذري ✅ Pagination :لحتى نعرض آلاف السجلات بطريقة سلسة ومنظمة للمستخدم بدون ما يتأثر الأداء أو تزدحم الصفحة ✅ Polymorphic Relationships: رح نصمم علاقات بيانات معقدة ومرنة، وتتعامل مع أكثر من نوع بيانات بنفس الكود ✅ Soft Deletes: نتعلم كيف ندير حذف البيانات وتحمي بياناتك من الحذف بالخطأ، مع إمكانية استرجاعها يعني نساويها متل سلة محذوفات تقريبا ✅ Local Debugging Tools (Telescope): أداة قوية جدا بتفرجيكن كل الاستعلامات، يعني كل (طلب) وكل خطأ، كرمال نصحح الأخطاء بسرعة يلي ممكن تصير القسم 2: الأنظمة الذكية والمهام الخلفية كيف نخلي التطبيق يشتغل بذكاء ويساوي المهام الثقيلة بدون تدخلنا: ✅ Model Observers & Events/Listeners: رح نتابع كل تغير في الموديلات وتتفاعل معها أوتوماتيكياً ونساوي لكل حدث مستمع ينفذ لما يصير حدث ما ✅Database Notifications رح نطبق نظام اشعارات مخزن بقاعدة البيانات، يعني المستخدم رح يشوف إشعاراته محفوظة ويقدر يرجع لها بأي وقت ✅ Queued Jobs: نبعت المهام يلي بدها وقت طويل (مثل إرسال مئات الإيميلات) إلى الخلفية، بدون ما يبطئ التطبيق أو يصير يعلق ✅ Task Scheduling: نعلم لارافيل كيف يقوم بمهام محددة تلقائياً في أوقات معينة (مثل إرسال تقرير يومي أو تنظيف قاعدة البيانات) القسم 3: بناء تطبيقات آمنة لتحصين تطبيقاتك وحماية المستخدمين ✅ Authentication & Email Verification: ساوينا نظام تسجيل دخول متكامل مع تأكيد البريد الإلكتروني وتغيير كلمة سر لضمان أمان المستخدم ✅ Authorization (Spatie roles and permission): بكج لنصمم نظام صلاحيات وأدوار احترافي ✅ Rate Limiting: رح تحمي تطبيقك من الهجمات ومحاولات الدخول العشوائي، وتمنع استنزاف الموارد من اهم الامور للامان والحماية ✅ Socialite (Google Login): رح نسهل على المستخدمين دخول التطبيق بحساباتهم التواصل الاجتماعية، يعني بيقدر يسجل بكبسة زر عن طريق غوغل مثلا القسم 4: إدارة البيانات وإطلاق التطبيق عالميًا نتعلم كيف تتعامل مع تحديات البيانات الضخمة وتُوسع نطاق جمهورك: ✅ Laravel Excel: رح نتعلم استيراد وتصدير البيانات من وإلى اكسل بكفاءة، حتى لو كانت الملفات ضخمة، وهي مهارة لا غنى عنها في كل مشروع إداري. مثلا اضافة كمية كبيرة من الطلاب لقاعدة البيانات من ملف اكسل بس عن طريق اني ارفعه او حتى طلع كلشي طلاب عندي مخزن لملف اكسل بكبسة زر بس ✅ Localization / Multi-Language:نساوي تطبيقنا بيدعم أكثر من لغة، مع ترجمة ثابتة وديناميكية، ليكون جاهز لكل جمهور بحيث بضيف ايا لغة بدي ياها والمستخدم بيقدر يغير فيها بكل سهولة ليصير وصول المشروع اكبر القسم 5: ذروة الميزات الاحترافية: هاد الجزء فيه كمية نصائح كبيرة وخبرات شاركتكن ياها صعب تحصلوها من ايا مكان : ✅ شرح عن نظام الاشعارات بالوقت الحقيقي بستخدم firebase ونتعلم فكرة service وكيف ننظم مشروعي ونفصل الامور عن بعض لنراعي تضخم المشروع الكبير ونصائح عن postman وكيف ممكن طلع collection جاهزة بدون ما اتعذب ساوي كلشي من الصفر

🔴 إعلان هام: كورس Laravel المتقدم قريبًا! مساء الخير جميعا , بسبب كثرة الاسئلة عن الكورس وموعده بدي وضح شوية نقاط... الكورس ما رح يكون فرصة لتطوير مهاراتكم بس، لاء الكورس هو خطوة ل ينفتح أبواب فرص عمل قدامكن ان شاءالله. يعني رح سمي "كورس سوق العمل"، لأنه مبني على خبرة ومعرفة عملية بتمكنكن من بناء مشاريع واقعية واحترافية . 📋 تفاصيل مهمة عن الكورس صراحة بعرف اني طولت بالاعداد للكورس وفعليا لسا ماخلصت , يعني أكثر من شهرين بالتحضير والتصوير وهو الآن مكتمل بنسبة 70%، والعمل مستمر ليخرج بأفضل جودة ممكنة. محتوى قيم: الأفكار والعناوين مصممة بدقة لتشمل كلشي بتحتاجو لتطوير تطبيقات Laravel بطريقة احترافية. رح شارك معكن قريبا قائمة مفصلة بافكار الكورس بس ثبت عليهن مية بالمية. أسلوب شرح : إذا كنتو متابعين دروسي على اليوتيوب فأكيد بتعرفو كيف طريق الشرح وكم بتعب كرمال تبسيط المعلومة وتكون احترافية وحسب افضل المعايير، ولسا شي مميز اكتر رح بكون بهالكورس. 💡طيب شو يلي بميز الكورس؟ أسلوب عملي 100%: تطبق الأفكار على مشاريع واقعية ومتنوعة، لتتعرفوا على كيفية تنفيذ المفاهيم النظرية عمليًا على مشريع متنوعة. تبسيط المفاهيم: احيانا كنت ساوي صفحات ويب كمحاكاة كرمال اشرح بعض الأفكار العملية بطريقة مرئية ومبسطة بس كرمال الشرح مو اكتر 🥶 نصائح وخبرات حصرية: رح تتعلمو من خبرات عملية ومشاكل حقيقية تم حلها بطريقة احترافية. أسئلة وتحديات: رح بكون معنا فقرة سميتها "تفرج وحكوم" ب نهاية الفيديوهات يلي بتحتاج ساويت أسئلة لضمان فهم الدرس . وكتير ميزات بتكتشفوها بالكورس .. 💰 التكلفة الكورس صراحة مارح يكون مجاني هاد الشي لضمان اني قدم محتوى عالي الجودة ومخصص الكم لانه كنت متفرغ للشغل على الكورس فقط . وطبعا لو بتفكرو فيها فهاد الشي بالنهاية من مصلحتكن انه هيك كورس مايكون متاح للجميع . مع هيك التكلفة مناسبة للجميع يعني ان شاءالله بيوم شغل بتطالعوهن بس تلاقو فرصة العمل 😎 طبعا بعد ماتطبقو الأفكار يلي رح تتعلموها بمشاريعكن ...لهيك فرصة كتيرة حلوة الكورس رح يكون الكن. ورح حاول توفيره بأسعار مناسبة للجميع، وخاصة يلي ب سوريا الهدف هو تمكينكم من الاستفادة الكاملة من الكورس دون أي عائق مادي, وطبعا طرق الحصول على الكورس محلولة للجميع . 💥كيف بنقدر نشترك ؟؟ اذا كنتو مهتمين بالكورس ياريت تدخلو فهاد الغروب مخصص فقط للاستفسارات عن الكورس مو اكتر : https://t.me/LaravelAdvanced او بتقدرو تستفسرو اكتر على الرقم : +963 981 628 159 بالتوفيق جميعا ❤️

📣خاص لطلاب هندسة معلوماتية دمشق / مشروع حسابات علمية رح اشرحلكن عن المشروع كونه في ضيعان بالنسبة لفهم المشروع وانه كيف بنعمل الدراسة الفيزيائية وكيف رح نطبق قوانين الفيزياء بالمشروع تبعنا ونكتبها ك كود ونربط !! رغم انه فكرة مشروعنا مختلفة عن هي السنة لكن ان شاءالله رح تستفادو ... 🔹بداية three js في الها documentation بتستفادو منها :doc 🔹وبالنسبة للكورس يلي حضرته هو threejs-journey حضرت اذكر نصه وعطاني بداية قوية وفهم منيح للتفاصيل والباقي شرح مع Chatgpt وتجريب من doc 🔹والدراسة الفيزيائية تركتلكن ياها مرفوعة على github بمجلد اسمه docs لتعرفو كيف تجهزو الدراسة الفيزيائية وطبعا المشروع كاملا كمان موجود بنفس اللينك : Link مشروعنا السنة الماضية كان بعلامة 100/89 🛑المشروع كان محاكاة حركة قارب بمحرك عادي لازم يحتوي وكان موجود : 🌟 لوحة التحكم (GUI) : موجودة بالزاوية على اليمين بالصورة مهمة بتحتوي تحكم كامل في المحاكاة : يعني بقدر اتحكم بالقيم يلي عم تروح على القانون كرمال شوف التأثير على الجسم والمشروع شغال مثلا عم زود كتلة القارب فعند قيمة ما ببلش يغرق الجسم 🛥 القارب: من وين ؟ هو نموذج جاهز 3D (القارب والجزيرة) مأخوذة من: مكتبات Sketchfab المجانية بصيغة GLTF (نسخة 3D من JPEG) تم تعديلها برمجياً بـ: تغيير الحجم (القارب ×5، الجزيرة ×200) ضبط المواقع (القارب عند [5,13,50]) يعني هي الامور انا تحكمت فيها لكن المودل جاهز إضافة خصائص فيزيائية ⚡️ كيف بتشتغل المحاكاة الفيزيائية اكتر شي ممكن يكون في ضيعان وانه كيف نطبق الفيزيا بمشروعنا ؟ مثال قانون الحركة البسيط (السرعة × الزمن = المسافة) ونطبقه خطوة بخطوة: 🔵 القانون الفيزيائي الأساسي المسافة المقطوعة = السرعة × الزمن أو بصيغة برمجية: الموقع_الجديد = الموقع_الحالي + (السرعة × الزمن) 🔵 كيف ننفذها بالكود؟ نعرف المتغيرات الأساسية: let speed = 0; // السرعة البدائية (0) let position = 0; // موقع البداية const acceleration = 0.2; // تسارع ثابت دالة التحديث (تشتغل كل إطار): function update(deltaTime) { // نزيد السرعة تدريجياً (مثل ضغط زر الوقود) speed += acceleration * deltaTime; // نحسب الموقع الجديد position += speed * deltaTime; // نحرك القارب boat.position.x = position; } 🌴 البيئة : ماكتير مهم المظهر بهاد المشروع لكن بتعطي اضافة حلوة وشي مميز حلو ينتعب عليها المحيط: سطح مائي مع: تموجات ديناميكية انعكاسات ضوئية السماء: نظام شمس/نهار ديناميكي تغير زاوية الشمس بالوقت تأثيرات ضوئية واقعية 🎮 كيفية اللعب والتحكم الزر الوظيفة W حركة أمامية S حركة خلفية A/D انعطاف مع ميلان C تبديل الكاميرا دبل-كليك وضع ملء الشاشة 💻 التقنيات المستخدمة التقنية الغرض Three.js محرك الرسوميات GLTFLoader تحميل النماذج dat.GUI لوحة التحكم Water/Sky تأثيرات البيئة

🛑مابعد تعلم اساسيات laravel ك api رح نتعلم طريقة التعامل مع صفحات blade في لارافيل... 🔹كورس Laravel 12 Blade يحتوي على : (1) Intro to Blade ✔️ (2) Blade Pages ✔️ (3) Blade Syntax ✔️ (4) Passing Data from Controller ✔️ (5) Blade Directives ✔️ (6) Passing Data as Arrays ✔️ (7) Designing with Bootstrap ✔️ (8) Creating Layouts ✔️ (9) Components ✔️ (10) Handling Forms ✔️ (11) Laravel Breeze ✔️ مقسمة على طول الفيديو.. المدة ساعتين وربع شامل ل 80% من افكار blade يلي بنحتاجها على يوتيوب :⬇️ https://youtu.be/hVCnv4VZgHg

🔹في حال حققتو استفادة من كورس Laravel 11 API نشرت اليوم بوست على LinkedIn عن انتهاء الكورس، مهم بالنسبة إلي أعرف رأيكم وتعليقاتكم ودعمكن عليه. 📌إذا أعجبكم الكورس أو استفدتم منه بأي شكل، ياريت تدخلوا على البوست وتشاركوا رأيكم لتنشر الفائدة.❤️ 🔗 رابط البوست: LinkedIn

Laravel #32 - Send Emails Using SMTP In Laravel 11 🛑وصلنا لنهاية الكورس , ان شاءالله يكون حقق الهدف منه لهيك رح نختتم الكورس بهالفكرة 💙 كيف بنبعت ايميل حقيقي ؟؟ فكرة كتير مهمة وحلوة رح نطبق هالفكرة بحيث كل شخص بسجل عندي ببعتله رسالة ترحيب على الايميل الخاص ☑️ https://youtu.be/1lAfry-Fgmo

Laravel #31 - Mastering Factories: Factory & seeder 🛑الفكرة ماقبل الاخيرة بالكورس يلي هي Factory مهمتها تساويلي بيانات افتراضية واقعية مانها مجرد ادخال مثلا بدك 100 مستخدم بالمشروع تبعك ؟ factory بتدخلك 100 مستخدم ب بيانات واقعية بكبسة زر , بتفيدنا جدا لما كون عم اختبر المشروع تبعي بدل ما دخل مستخدمين ومهام الهن بشكل متكرر , ورح نتعلم كيف بنكاملها مع ال seeder باقي التفاصيل ضمن اللينك ⬇️ https://youtu.be/j8k-ciz_aU4

Laravel #30 - Handling Errors with Try-Catch | Best Practices and Examples 🛑 فكرة الفيديو بسيطة Try - Catch كرمال عالج الاخطاء يلي ممكن تصير عندي , لاضمن الاستقرار بالتطبيق عن طريق اني عالج اية خطأ بتوقع انه يصير رح نتعلم كيف نكتب ال try catch شرحهن ومعنى Exception وتطبيقها على البروجكت تبعنا https://youtu.be/uFSp9u7IFHY

Laravel #29 - Api Resource With Example (All Features) 🛑 لما ابعت Request رح ترجعلي Response بشكل طبيعي لكن هي ال response كيف رح ترجع وكيف بتحكم بالشي يلي بدي رجعو وكيف طريقة العرض بشكل موحد كله ضمن هالفيديو مثال بسيط عندي معلومات ضمن هالجدول معلومات حساسة انا ما بدي رجعها من ال DB ابدا طيب كيف برجع كلشي من هاد الجدول عداااا عامود المعلومات الحساسة ؟؟ رح نعرف كيف عن طريق resource وكتير ميزات حكيتها ضمن هاد الفيديو رح تستفادو منها ضمن اللينك 👇🏼 https://youtu.be/EMDZwz3bCUQ?si=9V3_1mYIgJIiBzZV

Laravel #28 - Image Upload With Example in Laravel 11 🛑 فكرة جديدة ضمن الكورس كيف نتعامل مع الملفات وخصوصا رح نتعلم كيف برفع صورة كرمال البروفايل , فيديو كتير مهم حتى لو انك تعلمت كيف ترفع صورة فوت وحضار رح تلاقي شغلات ما بتعرفها وممكن تتعلم طرق افضل من يلي ستخدمتها ❤️ https://youtu.be/BwapAw8QsyY

وصلنا لل 2025 قبل ماتوصل سنة ال 25 💪🏻❤️❤️ القناة بتتمنالكن سنة جديدة مباركة بتحمل كل الخير الكن

رسميا Extension من لارافيل 🔥 لكن لساتها بالنسخة ال beta معد نروح ننزل اكتر من اكستنشن خلص اكستنشن واحد رسمي بيغنينا عنهن بتقدرو تقرأو تفاصيل اكتر شو يلي رح بوفرله هاد الاكستنشن ضمن ال details يلي بال vs code❤️

Laravel #27 - How to Prioritize Tasks and Add Favorites in Laravel 🛑 مارح نتعلم فكرة جديدة كليا لكن اضافات تدعم الكورس 💚 : 1) كيف برتب المهام حسب الاولوية الاعلى للاقل 2) كيف بضيف مهمة للمفضلة يلي عندك بنتعلم كيف رح نساوي فكرة المفضلة واضافة وحذف عليها -- مفيدة خصوصا لطلاب المعلوماتية دمشق للمشروع بتعرفو منيح ليش 👌🏻 https://youtu.be/ZkSwFS8C26A

لك احم احم 💚💚💚

Laravel #26 - What is Middleware ? How to use Middleware in Laravel 11 with Example 🛑 فيديو مهم جدا كمان ال middleware رح نتعلم كيف نطبق الفكرة بشكل بسيط بحيث يصير عندي بالبروجكت two role يا اما رح يكون user or admin وانا عن طريق ال middleware رح اكشف الشخص يلي بده يدخل على ال route حسب شروطي انا ❌ https://youtu.be/vrdAUZ6z7E0