Muallim Muhammad

Birga ishlashimiz mumkin Oxirgi 6 yilda faoliyatim prezident maktabida boshlanib, Merit va Rahimov schoolga ulanib ketdi. Bu orada katta tajriba yig’dim, yangi loyihalar tashkil qildik. Tarix, shaxsiy rivojlanish, bu yildan AP darslarini rejalashtirib turibman. Oxirgi 2-3 yilda ustozlarni ham o’qitishni yo’lgan qo’yganmiz, bilasiz. Minglab ustozlarni o’qitdik. Endi yangi chaqiriqlarni qabul qilish vaqti keldi degan fikrdaman. Bu yil Rahimov schooldan ketyapman. Ustoz Aziz aka Rahimovdan o’rganganlarimni yangi joyda, mustaqil qo’llab ko’rish vaqti keldi, manimcha. O’zimni yangi maktab va ta’lim loyihalarida ta’lim menejeri va tarix ustozi sifatida sinab ko’rmoqchiman. Agar sizning maktabingizga ta’limni rivojlantirish bo’yicha yordam kerak bo’lsa aloqaga chiqing. Suhbatlashamiz, kelishib ko’ramiz, nasib qilgan bo’lsa birga yaxshi ishlar qilamiz. Aloqa uchun: @MuhammadUralovv ga yozing.

Men aslida katta lavozimlarda ishlaganman, kibrimni sindirish uchun vaqtincha o’qituvchi bo’lib ishlab turibman degandi bir ustoz)

Yaxshi o’qituvchi bo’lishim kerak, deb harakat qilayotganingizning siz aslida ham yaxshi o’qituvchi ekanligingizni anglatadi. Bugungi mahoratli ustoz kursimiz darsidan olingan eng kuchli iqtiboslardan biri. Bu iqtibosni qanday sharhlagan bo’lardingiz?

Yoz o’tmoqda soz) Bilasiz xususiy maktablarda iyul-avgust dam bo’ladi. Bizda esa ish qaynayapti . 1. Tarixdan milliy sertifikatga tayyorlayapman va tayyorlanyapman. A+ ni qisqa muddatda olishni challenge qilib qo’ydim o’zimga. 2. 6,5 ieltsimni 7,5 ga ko’tarmoqchiman unga individual ustoz gaplashdim. 3. AP History o’tmoqchiman sentabrdan uni tugatishni reja qildim. 4. Mahoratli ustoz kursini tashkil etish bilan shug’ullanyapman. 2 ta dars ham o’tib berishim kerak. 5. Zamonaviy pedagog kursimizni yangilashga yangi darslar yozishni boshlayman. Yangi kitoblar o’qilishi kerak. 6. Oyiga 2-3 ta podcast tashkillashtiryapman. Pedagog podcastni jonlantirishimiz kerak. 7. Shohruxbek Olimovning Ustozlar ligasi offline kursiga qo’shildik. Yangi ilmlar olishimiz kerak media borasida. Bir qaraganda dam boshlangandek, lekin sentabrdagi asosiy jangga tayyorgarlik boshlangan. Ommadan o’zgacha natija xohlarkanmiz, omma qilmayotgan ishlarni qilishimiz kerak. Kamiga orada qiz topib, to’y qilib ham olishim kerak) Sizlardachi yoz qanday o’tyapti?)

Mohir juda yaxshi insonlar bilan podcast bo’lganini aytyapti, kutinglar)

@MuallimMuhammad kanalini nega kuzatasiz? Xolis fikringizni yozib ketsangiz xursand bo’laman, albatta hammasini o’qiyman) Hech so’rab ko’rmagan ekanman)

без подписи

Muloyimlik qalblarning kalitidir. Va albatta, har bir ustozda shakllanishi kerak bo’lgan ko’nikmadir. @MuallimMuhammad

Vanihoyat! Podkast chiqdi. 👇 https://youtu.be/Nk7X4Cn4aMQ?si=maembDc-zo-XNY-2

Moxito yutolmaymiz! Iyunning oxirida dars o‘tadigan sinflarim bilan bir o‘yin tashkil qildim. Maqsad — yil davomida o‘tilgan mavzularni takrorlash. Sharti oddiy: men ma’lumot aytaman. Agar u to‘g‘ri bo‘lsa, bolalar o‘tiradi, noto‘g‘ri bo‘lsa, turadi. O‘yin xotirani ham, mantiqni ham ishlatishga majbur qiladi. Oxirigacha qolgan bitta o‘quvchiga moxito olib berishni va’da qildim. Natijada 30–40 ta moxitoga tushdim, chog‘i) Eng qiziq joyi esa oxirida bo‘ldi. Deyarli barcha sinflarim bilan o‘tkazib bo‘lganimdan keyin tarixni eng yaxshi o‘qiydigan sinfimga navbat keldi. Tarixni o‘rtacha o‘qiydigan ayrim sinflarda bitta darsning o‘zida 6–7 nafar g‘olib chiqdi. Lekin eng kuchli sinfimda darsning yarmidan ham ko‘pi o‘tib ketgan bo‘lsa-da, haligacha birorta ham g‘olib yo‘q. Musobaqa uzoq davom etar, eng oxiriga yaqinlashganda chalg‘ituvchi ma’lumot aytsam, barcha bolalar birdan yiqila boshlashardi. O‘ylanib qoldim. Nega tarixni o‘rtacha biladigan o‘quvchilar orasidan bir nechta g‘olib chiqdi-yu, eng murakkab savollarga ham javob topadigan bu sinfdan hali birorta ham g‘olib chiqmadi? Shunda yutgan va yutolmagan o‘quvchilarimni miyamda solishtira boshladim. Asosiy farq bilimda emas, tavakkalda edi. Tarixni o‘rtacha biladigan bola bilimi yetgan joyigacha bilimiga tayanardi. Bilmay qolganida esa, “Tavakkal qilib ko‘ray, ustoz”, deb qaror qilardi. Hamma o‘tirgan bo‘lsa ham, turib olardi. Albatta, bu har doim ham ishlamasdi. Lekin aynan shu fazilat unga boshqalardan ko‘proq sovrin yutishga yordam berdi. Eng kuchli o‘quvchilarim esa faqat bilim va mantiqqa suyanishardi. Aniq ishonchi bo‘lmasa, tavakkal qilishmasdi. Shunda bir narsani angladim. Hayotda faqat bilimning o‘zi hamisha yetarli emas. Ba’zan tavakkal qilish ham kerak. Omma ortidan ergashish xavfsiz. Ammo eng yaxshi natijalar ko‘pincha o‘sha xavfsiz yo‘lning narigi tomonida bo‘ladi. Ba’zan biz ustozlar ham shu a’lochi o‘quvchilarga o‘xshaymiz. O‘qishimiz kerak bo‘lgan kurslar, boshlashimiz kerak bo‘lgan loyihalar, tashkil qilishimiz mumkin bo‘lgan online darslar bor. Lekin ko‘pincha xavfsiz yo‘lni tanlaymiz. Maktabda ma’lum soat dars olamiz, oy oxirida esa maoshimiz kamligidan nolib ham qo‘yamiz. Shu holatda esa bitta haqiqat o‘zgarmaydi. Ustozlar, bu ketishda hech qachon “moxito” yutolmaymiz) @MuallimMuhammad

Ustozlarga qanday kitoblar maslahat berasiz? Ta’lim va tarbiya Tarbiyaning oltin kaliti Yosh bola demang ularni Self driven child Landovurlar va zukkolar Raqamlar uchun yaratilgan ong O’quvchilarni tushunish va ularni boshqarish Influence Hokimiyatning 48 qonuni Do’st orttirish va odamlarga ta’sir o’tkazish Manipulyativ diktatorlar Yuqumlilik Shaxs sifatida o’sish Atom odatlari Muvaffaqiyatli insonlarning 7 ko’nikmasi The art of thinking clearly Qora oqqush Ma’lum metodlar va o’yinlar darsturxon ustidagi desert va salatlar. Ustozning va ota-onaning shaxsiyati va xarakteri bu asosiy taom! O’qituvchi o’qitish va bola tarbiyalash uzoq muddatli loyiha. Bu muddatda siz yaqinlashib ketasiz, asl yuzlarimiz ochiladi. Maqsadni boladan kamchiliklarni yashirish emas shu kamchiliklarni yo’qotishga harakat qilishga sarflasak loyiha muvaffaqiyatli bo’ladi. Ustozimiz aytganlaridek tarbiyachi bolaga o’zida yo’q narsani o’rgatolmaydi. Kitob o’qiyotganingizda ta’limni mohiyatini ochadigan, sizni shaxs sifatida rivojlantiradigan kitob o’qing. Rivojlanib olganingizdan keyin metodlarni o’zingiz ham kashf etib olaverasiz! @MuallimMuhammad

Yozda o’quvchilarimni sertifikatga tayyorlayapman. Ustoz o’qiiidimmm, esimda qolmayaptida deyishadi. Nechi marta o’qidingiz desan 1 marta deydi😁(O’qilganmi? O’qilgan) Rosa o’qiyapman deganlariniyam kitobini olib tekshiraman, yangi turadi. Ba’zi betlarni ochishga qiynalaman, birinchi marta ochilgandek) Rasmdagi kitob esa mening abituriyentligimdagi kitoblar qanday bo’lardi degan savolga javob. Ichi to’la qaydlar va tagiga chizilgan faktlar bo’lardi. Hozir unday kitoblar yo’qdek) Sizchi, qanday o’qirdingiz kitoblarni? @MuallimMuhammad

Lalmikor yerlar! Tarix kitoblarini o‘qiyotib, shu so‘zga ko‘p ko‘zim tushardi. Kecha yaxshilab izlanib chiqdim. Suv chiqmaydigan, sun’iy sug‘orib bo‘lmaydigan tog‘li, adirli yerlarni lalmikor deyisharkan. U yerda o‘sgan qovun va tarvuzlar eng shirini bo‘ladi, deyilyapti. Sababi — suv kamligi! Teskari tuyuladi ba’zan. Suv kam joyda o‘sadigan qovunlar o‘z tanasidagi suvni ushlab qolishga harakat qilar, buning uchun o‘z tanasida ko‘proq shakar ishlab chiqaradi. Maqsad — o‘z tanasidagi zichlik tuproq zichligidan baland bo‘lsin va mavjud suv saqlanib qolsin. Suv ko‘p bo‘lsa nima bo‘ladi? Ko‘p suv qovun hujayralarining tez kattalashishiga olib keladi. Qovun suv bilan kattalashadi, lekin tana shakar yetkazib berishga qiynaladi. Oqibatda hajmi kattaaa, lekin ta’msiz qovun paydo bo‘ladi. Doimiy oz-ozdan suv yetishmaslik stressi qovunni mazali va qadrli qiladi. Xulosa 1. Doimiy hayotimiz va ishimizdagi qiyinchiliklar bizni kuchliroq, qadrliroq qiladi. Kichik stresslar doim kerak. Hammasi yaxshi bo‘lsa, demak, hammasi yaxshi emas. 2. Suv ko‘p bo‘lib kattalashib ketgan, lekin yesangiz be’maza qovunlarni ijtimoiy tarmoqda obunachi yoki obro‘ yig‘ib olgan, suhbatlashib ko‘rsangiz foyda keltirmaydigan insonlarga o‘xshatdim. Hammasi tabiiy, organik bo‘lgani ma’qul ekan. @MuallimMuhammad

Podkastimiz tayyor! 🤩 Ustozlar uchun shaxsiy brend: 0 dan boshlab qanday rivojlanish kerak? mavzusida online ta‘lim ustoz shifusi Humoyun Sobirov bilan suhbatlashdik. https://youtu.be/6TkTTdFzoTw?si=YQ6hzA-JBTYzPJAY

Podkastimiz tayyor! 🤩 Ustozlar uchun shaxsiy brend: 0 dan boshlab qanday rivojlanish kerak? mavzusida online ta‘lim ustoz shifusi Humoyun Sobirov bilan suhbatlashdik. https://youtu.be/6TkTTdFzoTw?si=YQ6hzA-JBTYzPJAY

Biz yoz uchun mo’ljallangan “mahoratli ustoz” kursimizni boshladik. O’z ustida ishlaydigan ustozlar ta’tilda ilm olishda davom etishyapti. Siz kursimizga qo’shildingizmi? Yozda nimalar bilan bandsiz?

Endi instagramda ham bormiz. Agar instagramingiz bo’lsa ulanib oling. Foydali contentlar chiqarishni boshladik bugundan. Obuna bo’ling va qo’llab-quvvatlang. Evaziga yaxshi contentlar bilan javob beramiz nasib) https://www.instagram.com/muallim_muhammad_?igsh=cXRldzhyenNiZWh1&utm_source=qr

Endi men rasman erkinman! End of the era. 5 yillik davr tugadi. Tez orada yangisini boshlaymiz nasib.

Bir orzuyim bor. Yoz oyidagi damning 1 haftasini tog’da, cho’ponlar bilan o’tkazsam, telefonim ishlamasa, atrof yam-yashil va suvlar bo’lsa. Qo’y-qo’zi, otlar, cho’pon itlar bilan 1 hafta sodda hayot o’tkazsam. Hech amalga oshmayapti. O’zi umuman orzuyimdagi hayot ham shunga yaqin. Bir hovlim, 2 ta sigirim, 4 ta qo’yim va 10 ta tovug’im bo’lishini xohlayman. Barcha iste’mol mahsulotimiz o’zimizdan chiqsin, tabiiy bo’lsin. Men qishloq tabiatli yigitman, shundan dam olsam kerak. Sizchi? Qanday hayot xohlaysiz? Yozdagi qanday dam olyapsiz o’zi?

Qo‘lingda ehson qilishga puling bor. Kimga bergan bo‘larding? Faqat boylargami? — Yo‘geee, jinnimasman! Unda nega bor bilimingni faqat yaxshi o‘qiydigan a’lochilarga berasan? O’zlashtirishga qiynaladigan, haq egalariga berishga sabring yetmayaptimi? @MuallimMuhammad