شعر شعبي عراقي 🔸 دارميات 🔸 ابوذيات

شمالك يگلبي منين ما جيسك تصيح مفطر مثل رجلين ولد الفلاليح سيد مهدي العوادي

ابيض رمشها العين وانطر تجيني وداخل حسن بجفاك ماون ونيني

مزلاكه واتحداج يادنيه واصعد والمايشوف الضيم مو زلمه ينعد حمزة كداح الفتلاوي

بطرگ روحه هواي يوميه الاگيه عرست كلها وياي من ردت احاچيه

مو بيدي فاگد راي وتلهوج عليك زاد الله ما ينگام منه وكمت ليك

ضل ساحج عله الراس مايكرص الذيل طبع الحيايه تموت من تنسحج حيل

اعترفلك بكلشي چنت وياك صادق حتى من ابعد لأن ماريد اتعبك ولا تصدگني اذا يمهم اسولف -انه چذاب من اگلهم ما احبك ،

منو اليفهمني انه انسان انــســان !! محتاج لحنان الله اريد انسان مثل امي عمت عيني امن اطيح يگول واسم الله غزوان الغالبي

يهون عليچ يا سمره العواذل خاطري تكسره يعيروني من أون عليچ واذكر طيبة العشره واشوف الدنيا بردي وهور لا معيبر ... ولا عبره تهت والروج دولبني يمنه يجيني ويسره يا سمره.... والف شهگه والف شوغه والف حسره اشبگها بزبون الليل اگله بداركم شرها وتحوم عليچ ونّاتي شبه فراشه عالزهره زامل سعيد فتاح

منو ايحبني وأشعله ألگمر مرتين وأندگ گنطره لباچر منو ايحبني وأغنيله ضفاير شوگ حدما ينخلق شاعر بس ها كون يفهمني من اگولن ااخ وانه أضحك وگبل لا جرحي ينزف كون اسمعه ايصيح ضم جرحك يكون الگاه وأشدله رموشي مرجوحه وأگله احچيلي عني وطير والمالايحه انلوحه أنه واحد يفهم الناس بس مامفتهم روحه... بشار المحاويلي

حبني وإجبرني إعلى حبك الروح ماتعشگ لون ماتنجبر جبار رشيد

كَصه بيه الوكت وتنطر تعود انا اخرس والوكت يرادله صياح الحزن ماعنده غيري توالف وياي الفرح خطار مرني ومن وكَت راح يخاين بس احبك من يجي الليل استلذ من كون اخلصه بهمك نياح براسي كليب طايح وادري بيه وين وراسك ماعرفته بيا متن طاح الكبل لاحت سما من نومت عليك ابشرك صار حدها الكض الاصفاح اذا يوم شتهيت محاضن وياي تحاذر لاتخجل جفوفوك رماح وحكَي من اكول هواي تعبان هوه العنده مثلك وين يرتاح

دليتك بعد شتريد ادليك گتلك هذا موسى وهذا فرعون . سمير صبيح

ردني ردني يالبگتني بليلة أجيتك دورت روحي اعلئ روحي لا شفتها ولا لگيتك الگاطع

يَ الْ مْخيّرني بين النار و النار! بين فْراگك وْ بين اثْبِت الحب! أنَا مَا دوّريت مْشاطر وْياك وْ گلتلك بال تريده وْ حاضر، إطلب و لكن ما مْحَسِّب تطلب فْراگ! و أنَا عاهدتك وْ عيب ارجع اگلب و أنَا بالْحالتين وْياك رَبْحان! اشگدّ خسران، بس هم ارجع اغلب! النّخل كلْ ما يِطَوِّل، خلَّك وْياه يروح الحشف و يْطيح الْ يْرَطِّب لذالك راح اظلّن فاتح الباب! خاطر ما يِعَطْلَك من تِجِي، تْطب!

حتى لتگولين ناسي ذني ضحكاتي الجذب هلـ بين اديج وهذا انا شما مشيت ابعيد عنج ينفض بـ جدمي عتب ياخذني ليــج انتي تاني نجمة بخدود الشبابيج الخذتني وانا اجيج مشاور الشمات من ينلمح ضلي بلايه ضلج ضحكتي المابيها واهس جيف ماكشخت بضحكج الـ اخ ذيج التنسمع من طيفي حسره بليل جرحج كلهن امتاعي من اجيـج ... انتي تاني وانا اجيـج ... اليغادر من القناة ....💔

دليني عليك سنين تايه بيك وأمشي وياي ادورك خاطر اندلك عرفني اعلىَ شخصك رايد احچي وياك بس كلمة وبعد ماغيرها نگلك وحدة من الثنين و وحدة راح أختار لو كلك أحبَك لو أحب كلك اسئل ليش أحبّك حتى اگلك ليش وليش شما تسوي وياي أقبلك لحظة موت عمري سنيني كلّهن خوف وبس وياك آمن لمن أوصلّك و أنت آخر نفس وشگد عزيز تصير وبلحظة ألموت تريدنه نملك خيط أعلى الجرح باللحم صرت وياي لو كل الجروح تطيب ما أفلك تعرف كلشي بيه وما عرفت شبيك لغز حلّك لغز من يگدر يحلك و أشرد حتى أجيك ومدري ليش ألخوف وخاف تخاف مني بسدَك أختلّك مثل ضلك أضل واليل يگضي اليل من تطلع شمس من طولك أنزلك جبار رشيد ولوين.....؟

ثاري موبس آنه حبني هـم اكو غيري بحياته !

كافي تتحمل حزنهم غيب واتعذر مثلهم ....

يهلبت بلجذب مرسال ودي ظرف فارغ حتى اكل للناس تارسني نشد حسين شاطي