شعر شعبي عراقي

لعيونك اشتاكيت تعبني الفراك... هاك اقرأ هذا البيت بلكي الله نشتاك......؟؟؟ غربه وحزن وافراك والعمر يمشي... دنيا وبدون احباب ماتسوه كل شي

🫠

اكتبلك شعر واترس الروح احساس واخلي بكل قصيدة العبرة والمعنى يالزارع بگلبي من الوفى مقياس يجي بحرگة اعلى ابابك هيج يتعنى يصرخلك عشگ تشتم محبتہ انفاس لو لحضہ تغيب الموت يتمنى يامالك گليبي ضلوعي الك حراس عايش بروحي ملك بكيفك اتهنى بيبان الگلب بس الك مو للناس مو ياهو اليجي  وبكيفہ يدنى

شما يكبر عمرنه اكلوبنه اصغار تنبض بس عشك واللون جمار يغيرنه الكبر ويبين الشيب مثل ما بالحطب تستعجل النار ياولفي اشعجب ماغزرن بيك دمعاتي العفتهن الك تذكار اضم البسمه ضمة جفن للعين وطشنهة اعله وجهك مطر اذار جنت احتار من اتواعد اوياك بيافرحه اجيلك ياحضن حار!! وهسه اتدير وجهك عني لبعيد تكلي العشك مايرهم للكبار ضوه بسرداب ليش تصير وياي وانت الجنت شمعه وآنه الك نار

تحياتي للي احبهم واحــد واحـــد وابد لااتظن افرق بين واحد اواحــد اتمنى الخير الكم بــــواحد واحـــد وسنه خير وسعاده وايـام الهنيه

موجــود اليحـبـك واليكــرهـك حيل وأكو المكتول منك والسبب مجهول أكو بحجة "ظروف"يهملك وينساك وأكو يدگ باب بيتك حتى لو مشغول لا تِهتم أبد ..... لو ردت راحـة بــال وي النـاس خِلگـك خَـلَـة حيل إيطول ولا تحرگ اعصابك من ورة شكم ناس ترة بـــارد گـلبهم .. گلبـك الـمشعول ! ورة گلبــك لاتِمشي إيوگعـك بحـفرات صح گلبك يحِس بس عـقلك المسؤول ولا تـِمشي وية واحـِد مـايدوم ويــاك إتخيل موقِفـك من تِنســأل شتگَـول

راح اكتب شعر واتغازل اوياك وراح اكتب كلام ايصفن الناس ما كلك تعيش اوياي بالرووح انته الروح بييه وكل الاحساس ولا كلك گمر وتشبهك نجوم ولا مثلك ورد جوري ولاياس يبو عيون الوسيعه وياغصن بان وعليك عيوني من كل عين حراس حكك لو مشيت اتكول طاووس لأن ينشال مثلك تاج عالراس على غيرك ابد ما اكتب اشعار

حال لسان #ام الولد المفكود ......يكول دللول النهر اوليدي رده من مايك أظنها تاخت الورده والغايب علينه ميت انعده ببني اليوم يفجعني زماني ولك يانهر لوليله بمجاني وحجيله عني وعن حناني سولفلي عن المشكله هاي ماكو غطه وفراش بالماي وانه ابداله اشهك اهواي ماادري الولد للفركه جبته ربك شكتله من أخذته وانه الولد للعازه ردته لخاطر أمه انطيه دفعه ادريبه لحياته ماكو رجعه ميت عدل يالماي طلعه غالي الظنه وبالماي مفكود وهلبت يسمع مناغاتي ويعود نتمل بعدنه رحمه المعبود حسبالي يطلعك يبني نوحي يمه اطلع اطلعت روحي وانه وداعتك غركانه بجروحي @saifalkaissi

فنان من احب وبكيفي احــط الوان ولونك من ضوه بكل لوحــــه خطيته مااحلم گبل ماريــــــــد اتعب العين بس طيفك اجــه وعالعين دليته شفت البلحلم چنه انتة صـحت الله كظيت الحلم ولصـــــــدري ضميته مو انته وگلت لا والله انتة يجــــــــوز چنه انته وخدعنـــــي مــن انهجم بيته.! @saifalkaissi

أتانيك بتوالي الليل مانام تظل انت الأمل بخاطري يدور لجل عينك أشد حزام بحزام ضلوعي صفتلك ياحلو سور آنه العاشك هواك بطيب واخلاص وأظل هايم بحبك وآني مجبور ومحد مثلي صلى لحبك وصام نذرت لجيتك شمعات وبخور واذا آني غدرتك حكمي الأعدام ولو حبيت غيرك دمي مهدور @saifalkaissi

فحص كلبي الطبيب وكال #خلصان داخ وماعرف نوع المرض بيه يالغالي تعال وعالج الروح بس انته الوحيد العارف البيه مو كلمن يحط سماعه دكتور الدكتور أنته تعال و عالج البيه

بستان العشك خضر ... وردلي وخبر عاجل ولك عنك ...ورد لي كالوا راح ما ترتاح طير وظل ... بدون جناح راح انساه الله وياه بعد لتفكر بملكاه بابك سد وكت لتعد صدكنه بعد ميرد .... وردلي وكسرت خشوم يوم الرد اليه @saifalkaissi

اسولفلك سوالف تختلف عن الناس اذا تسمحلي أريـدك تكــعد وتسمع حبيبي وداعتك صدكني هاي العين بس اتشوف شخصك تكتفي وتقنع واذا نكعد سوه ونتسامر اني وياك ولــو اكضي الــعمر ويــاك ماأشبع بين الــناس لاتطلع حــرام عليـك صــدك م‌ـــِْن تــمر عيونهم تدمع لاتزرع ورد بالبيت تتعب لــيش بس دوس الارض انته الورد يطلع

أكتبلك شعر بس بحلات الليل ورسم صورتك بحروفك الحلوة تفزعلك قوافي بريحة الهيل وفزعلك عمر ويروحلك فدوة أحبك لا اريد بعشگك الويل أحب حبك عواصف وبيه أتلوة شنو يعني حب وما يهد الحيل حب تالي وكت وكلشي مايسوة

مشيت بلا سبب مافكرت شيصير ولا كلت اليحبك ممكن تجرحه عفتني بياذنب سويته وياك وشنو نوع السمعته وتعجز تشرحه الحجو عني كدامك صدكتهم ليش وما كلفت نفسك توصل توضحه جنت محتاج منك بس حرف وتروح حتى اقنع بعد ماحاجة للفرحه هسه تكلي سامح وانسه الصار هيج بكل سهوله ونكلب الصفحه ترى العفته جرح ميطيب بالنسيان ياكلمه اسامح تكدر تمسحه اني كلي صلح ومسامحك على الصار بس كلبي انكسر وياك شيصلحه

مو كلمن يحبك يعني شايل شوگ ترى شوگ العشگ محد يفهمه ولاكلمن عشگ أتشيله الاشواگ مو شرط التحبه تصير كل همه ناس اللي تحب ماتنسى حبت ناس ولاتنسى گلب خلاها بالقمه صح ماعندي عشيق ومالي محبوب بس بگلبي شخصيه مهمه أحبه بالامس وي باچر وبعديين صدگوني عشگته أكثر من أمه @saifalkaissi

راح اكتب شعر واتغازل اوياك وراح اكتب كلام ايصفن الناس ما كلك تعيش اوياي بالرووح انته الروح بييه وكل الاحساس ولا كلك گمر وتشبهك نجوم ولا مثلك ورد جوري ولاياس يبو عيون الوسيعه وياغصن بان وعليك عيوني من كل عين حراس حكك لو مشيت اتكول طاووس لأن ينشال مثلك تاج عالراس على غيرك ابد ما اكتب اشعار @saifalkaissi

انا اباب الــــــصبر گــــــاعد وتاني الواعـــــــــدني مشه اوكتي #نساني نزف كلشي اعله جفي بليل الوداع چــني شــــــــموع منذوره #بصواني انا فـــــــــــأگد عمر مو بس محبين زمـــــــاني بصحبتي وعمري #رماني ارده منين عــــــــمري الراح والفات مــــن الـــــــباعني لــــــو من #زماني هــــاطولك صــــــــرت ياليل الفراگ وبـــوكت الــملاگه اتـــمر #ثــــــواني

كلامك مختلف مو مثل الأول ليش ؟؟؟ منو الوزك عليه وغير أفكارك سر بداخلك شتظن علي تخفيه بعد كيلو متر وآنه أكشف أسرارك كلش زين أعرفك وأحس كلشي البيك وأعرفهن شلون يعزفن أوتارك ولأن مرن عليه أعتقد مكشوفات لا تتعب بعد وتجدد أفكارك أخبارك تجيني مجند آنه هواي أهلك ! وأصدقائي ! وناسك ! وجارك ! يعني بكل سهوله بيتي أظل مرتاح ونصآ بالحرف توصلني أخبارك #خص_نص @saifalkaissi

يالناسي العشك بالجذب ما حنيت؟ ولا مر اعله بالك طيف تذكاري؟ ايامي المضت ماهزتك فد يوم ؟ ولا هزك ضميرك تسمع اخباري؟ بغيابك صرت شاعر منكسر مهضوم بيا شعر الاذكرك تشتعل ناري صرت كلي جمر واحلامي شبت نار واذا ما صدكت بس اسمع اشعاري مشتعله بجفاك اعضاي كلها تصيح باسمك يالعفتني ودوم الك طاري يا اول حبيب اللي ملكت الروح تعرفني بجفاك معذب وداري @saifalkaissi