قناة هواجس شعر

منو بيكم گدر يتخطى الاشياء ومن يشتاگ مو بالصورة يختل شرط مو دمعة من يحجيلي تنزل ويحاول يحجمها المواضيع ويتردد بحجيه وما يكمل ،! اريد من البداية والنهايات من اول اسم الله واخر الحل . شعور الراجع تگوده الخسارات شنو غير الجگاير جان يشعل .؟ اريد أتعمق اكثر بالتفاصيل الجگاير كثرتها بصحتي اقلل .! امر بحالة ما احب القناعات مو بس انت غيرك ما محصل ! ولازم تنتشل من گلبك الظيم ومن الذكريات تروح تعزل .!!! اختصار الوجع اكبر من الأوجاع فوگ الظيم ما مجبور امثل .!! … علي الزهيري

(الخفاش ) من اخر الظلمه بجفي أجيب النور وأسگي الوحشة بظنونك اجيك وجايب الواهس صبح عرسان ومشامر هلا وچكليت لعيونك اجيك مفرفح بمايي مطر محتام گيعانك دفك حضنك ولمني بساع تضحك عافيه اغصانك اجيتك والله جاباني رزق لا ترفس النعمه تره هواي التمناني وطحت يمك يلون التوت بس صيتك ولا مضيوگ لا مشروب من دمك واجيت انه بوكت محد يعرفك وين من دليتهم باسمك ومن كثرت عليك الناس اشو جنك شفت روحك صرت غالي واول ما لمع لونك نكرت اسمي وحچيت اسمك ومن گد الصلافه البيك گمت اتسولف اگبالي وما همني الحچي اتعدّيت لن واثق الخطوه وأكمل وأمشي ومو انه اليرد مكسور رغم روحي اخسرت كلشي صبور واحمل شماصار وبگاع الوفه من سنين كض هرشي بس المنتچي اعله الغير من يعوفهم يعثر والينكر فضل للناس باچر لو كُبر يزغر وانا الگتلك ولك لا تنغر.. و تنغر هيه الدنيا نزوة وكيف من اترغبك اترغبك ولو رادت اتبيع اتبيع ميهمها الثمن .. والسوم تاخذ سهلك .. وصعبك تشرب لونك ومعناك وترسمك حلم متعوب والماله عرف بالنيه عند الناس ما يندل بدگة البوب فكّ عقلك بفطنه وشوف تلمح بالضماير راي وابحر بالحقيقه اشراع من ينحط حچيهم روج ما يثلم بصدرك گاع لو رف الوعي بجنحك يصعدك فوگ حتى تشوف وين بيا ارض تنباع والينصاد بسوالف ترسها الطيش باچر بالحبل ينگاد واليرضه جسر للغير روحه تصير ذم بيه اليطعمه الزاد اليروضه الچذب مذبوح شاة وأمنت .. گصاب والوادم يسومونه .. سعر روحه سَمر چذاب الما فاهم حنين النوگ لا يغتاب خطوه التنمشي بلا راي راح اتيه.. ماتدري خطاويها النوايه .. احساب خل يصحه الضمير البيك وينبهك وخل غيض الكرامه يشيط كون بعتب جرحي انجاب يجرحني الحچي بلا دم .. لچنه اصواب ولمّيت الضوه وحلمي ورديت الظلام اعليك يالطبعك غريب وتشبه الخفاش .. عتمه البيك .. من تضحك شمس ملگاي ليش الهندس ايغطيك؟ لِلمثلك صُفَر تِفصال غلطة وگلت عِيد انطيك وارخصلك دمع لتظن واحجّمها القصايد بيك شيّعتك حلم مذبوح.. للمامش نسيتك لاتظن ارثيك وسام السعيدي

(زهرة اللوتس) كلشي فاهي وماله لون وباهتة ومابيها واهس كل هلاهم وجوه الناس والضحكة وحچيهم ما يشدني الكلشي بيهم ومن سمعت العيد جاي اتشضى حزني بصوت تكبير المناير وانتفض شوگي العتيج وجاب ذكراهم محنة الچنت اسميهم اهلنه وفزّت الآخ بحيل مهره تسابج الريح وعصفها ومدري وين الوجه انطي وشوفة الشمات تكتل هذا عيد اتصيح ناسي وانه ب الونّه اعيّد وچنت اجاوبهم بخگنه وشنو عيد؟! شنو فرقه وشنو جاب وياه جديد؟! وشلبس وبالظاهر اكشخ؟! وانه بيه الحزن جيلين كاعد عنّست چم ضحكة بيه بكثر ماحابسهن بصدري ومامشن مره اعله شفتي يبّست روحي بگاع بُعدك مثل زهرة اللوتس من تحطها بگاع صحره وهيه متعوده اعله ماي شلون مايطفى لوني وانت حچيك بيه جايب علّة صايغها اعله عرفه وچان همك تلتذ بشوفة ضماي وعندي راي والك راي انت تاخذ كلشي جبته ذكرياتك طعنتك شلعان گلبي كلشي منك چان يوجع تاخذ ودربك اميسّر وانه آخذ روحي سكته البيها بس انت اعرفه .. وكلشي غيرك مااتذكر الله يجزيك اعله نيتك والله يجزيني اعله نيتي وهاي آخر مرة اسولف بيك واكتب ومني اسمع هالقصيدة وكلشي باسمك راح اشطب وسام السعيدي

فيصل الحجيمي عطش يتبدة بالخيمة نيشان الرَفض نحرك خفت لاتنچوي طفله الشمس ضميتها بجرحك يحسين الرمح كتالك ونعشك اعطش دام ماباست الشفه چفوف خل تغرگ عيونك دم  اذا چان الضمير يشوف الگاع تحنت بطاريك يالتنزف وتبچي لذنب لگبالك انت حسين ماتعتگ ولا تعتگ البگصته نهر ما يلتفت للبير الميتله اخو مايوجعنه ارماح الچفوف الذبحتك مايحط يمها الطير عكس چفك الينطي مراد للذباح وكت خله الحوافر توصل خيالك الينوي اعله السفر ينطش بظهرة الماي بس انت البظهرك طشو عيالك غرف متبريه من بـيبـانها من الخوف دمعنه وشوگنه ينشاف خيّّم مشتعله بعيون الجزاها النوم ديرة انذبحت گبالي بعد  يامن ظلام نخاف مدري شلون طاوعها جدمها الخيل تذب حمولها بصدرك فز گبل الاصواب الشيب واحلامك جزت عمرك يالبعيونك تباري الضعن حسبه غريبة الغبشة من دونك صلوا ع الدراهم عكس ماصليت يالگلبك نزف ع الگاع شربتنا العيون الماتعرف العيب من اول مساوم محبسك ينباع بالطف الجروح تريد والعندة دواهن ضاع بعد مااجيب جرحي وياي لليردولهم حجة لچم بيه

عقيل العرد ………. حسين ما كّفَر الوادم يكره الناس الجذب ومن يجي يوم القيامة حسين يعرف ياهي ربعه اليحب و الما يحب القصايد من تشب بين الظلوع حسين يقراها ويحبها يريد يحسبهن اليه يريد يحسبهن عليه هو مصداق المشاعر واني اكلك تنحسب وما يهمني بشعري اصلا تنعجب ما تنعجب انت ما تبعدني عنه و ابد لا تحجي ابداله انت من حسين ما عندك وكاله ما يحقلك تطرد اليقرا بمضيفه حسين ما يرتاح يم اهل القصور حسين يحضر مهرجانات الصريفة ويعرف منين ابو الموكب جاب موكب يعرف القيمة الاجت من الحرام ويعرف القيمة النظيفة حسين يعرف ياهو ابو الحزن الثگيل ويعرف الدگه الخفيفة حسين احبه ومن اكتبه يشتعل دمي ضوه وعزة نفس من اكتبه گلبي احطه ابين صخرة وحافر اعمى وبالوجع كلش احس من اكتبه امد شرياني اعله خيمة ويشتعل دمي نهر غيرة وشمس اليحب حسين ، من يكتب حسين ،، گلبه لازم ينعصر يغمض عيونه ويرد للطف يصور ضاعت هواي تفاصيل بمنصات الشعر الگاع من يوم اشربت دم الحسين تحت كل ظالم بعد ما تستقر حسين ما چان انهزامي دوم ثابت بالحقيقة و بالقصايد منتصر وبالحجر من شامروا وجه الحسين طاح من حسين للدنيا تمر الشاعر ،، اليكتب ضميره والضمير اليحچي صوته ،، مو مهم عنده الأجر ويختلف سعر الاصوات حسب جمهور القصر الشاعر الما باع،، أجره اعله الحسين الشاعر المأجور،، أجره اعله الشمر ........... ………

حيدر الشيباني بيدي دواي وبيدي هديماتي عيني لبوي وعين لعماتي مو لازم اركب على الناكه تمشي برجليها المشتاكه گضت شدت محاملهم التنطي مراد وكلمن على الناگه يصعد عياله وانا ادكول مو منهم هذاك اليوم محد كالي تروحين لو لاله وشلت عبدالله وادنيت يم النوك وبچه عبدالله يمكن حاس بالحالة كتله اسم الله عبدالله شتريد دكول وتذكرت روحي وكمت انعاله دلول اليعوف اخته يروح ابيش غير الي ينام بحضن يحلاله غير يريد الي بعمره يعرف شيكول وانه اعرف اخوي شبيه من خياله احسبوني امه واخذوني الطريق ابعيد الي يسافر .. يسافر هو و عياله باجر لو عطش يعطشلي .. مو للماي ما يعطش بريجه يعطش اباله وتشابكنه وعطشنه بكثر ما باجين وما اعرفه منوه الباسني وشاله ومدري شصار يمكن بجت حتى الكاع كب ترابها وتيهت شياله ومدري شلون .. كمت اركض على الحيطان ادور بالهوى بلكي اثر الكاله وكمت اتلمس الحيطان واحجي وياه عبدالله تعال .. اختك بيا حاله من شبكتك جنت دكلي امشي وياي .. واصعد على الجواد الانت خياله ونكضي الدرب تحجيلي على ابوي حسين واذا يعطش .. اظل قران اقراله وجعلنا من الماء كل شيء حي الما مشمول بس حسين وعياله اعطش لا يظل بخاطرك على الماي اذا ما انت تعطش محد بحاله عبدالله اخذني وياك باجر موت باجر وحدك تسحكك الخياله باجر وحدك بحضن الحسين تموت وترد للخيم فوك العطش تجماله باجر على الرمح لمن يصير الليل المن تشكي كلمن ملتهي بحاله وما دام الظعن صار ابعد من الشوف اريد دكل لبوي الفركه جتاله

. ،،،، خـيـل الغـيــم ،،،، إسـرِج خيـل غيمك خـل يثور الماي خَـل حَـبّ المـطر مـرسال يِـغـسِـل وَسـمَـة الحِـفّـاي وِلـچِـم ... كـل نـعـاوي اللـيـل هِـز كـاروكـهِـن بهـداي بـلّـل ... كـل شـطـب ريحـان ماجـاسـه الِنـدَه اعله افيـاي واشـرب.... مـن بگـايه الـروح مـن تـعـطـش حـزن ع الـنـاي ويــن اتـريــد !! تـفـحـط ، والـمـزار ابـعيـد وظنـون السِـچَچ دخّـان ويــن اتـريـــد ..!! موتـدري الوجـع صـيهـود يـذبـح ضـحكـة الـنهـران موتـدري ابـسـراگـي اللّــوم تـفـتـح للـجـرح بـيـبـان ويـــن اتـريـــد ..!! تـتـعب .. والربـح للـريـح والـكسـره التـصير ابــذمـّة السـفـّان ويـن اتـريـــد ..!! وعيـون الشماتـه احـلـوگ يادمـعـه التـلـمـهه اجـروف وذنـوبـك تـراچـي وطـوگ ...! بـس نـجـمـه وشـربـها الـغـيم وهـلال الفـرح مـبيـوگ يمـْتَعـب الغِـنَـه .. ولاويـن؟ طـور ابكـل حـلـم رحـّال يارحّـة صـبـر لاويـن ؟ حَصـوَه ابكـل حـضـن محچال تُـكبــر بُــرعـم الضـحكـات ونـتـه ابكـل ردح مـهـوال ونـتــه ابكـل حـزن مـهـوال ـــــــــــــــــــــــــــــــــــــــــــــــــــــــ كاظم العطشان

اشما باوع الوجهك بي معاني اوداع ولو هو القطار اشترجه من عنده مبين ماتحب... وجه اليحب متعوب من اللوان البوجهك واضحه الخده عافيتك اموردة بجال هذا وذاك وعافيتي الخيانه بجالك موردة جمالك والغرور وعمرك الشبرين ينهبن اذا ماگلبك اتسدة السجن تلگاه درب لو راخي گلب الباب ترخص هيبته بالروحه والرده المخفف زليخه ثگل يوزرسيف لو بي خفه يوسف، ثوبه من قده وانت بخفتك بصمات شگ اگلوب طبع شيطان طبعك للذنب حده اشگد تصرف اگلوب الخاطر العباس ماشايف عشگ ياهو اليجي توده ماعندگ صدگ... بس ضحكتك عالناس من افعالك الوادم كارهه الوردة حسام الحمزاوي...

لبسي گلبي يلوگلچ كشخة وعباة ومدي اديچ بنص شراييني ردن. وزرري ضلوعي اعله صدرچ مشتاهة ولو تصل دنياچ ترهملچ حضن. انتي يا رقة خُصل طخت شفاه وآنه اصبع يحلم بفي الاذن. يل جمالچ سومري وكلشي حواه منين اجيب اعيون صلفة بلا جفن. الله خله الداء واردفله دواه وانتي علتي وآنه الچ طب المدن. عوفي ناري تشيط للمامش سواه وخل نضل نسهب احاديث وشجن. نحچي باصباغ الاظافر والحياة ونعزل انواع العطر عن المحن. وخلنا نسهر للصبح صبحي الشجاه قابل اشعندي الصبح ،خبزة ،طحن. انتي دستور الگلب وانتي هواه وانتي صرتي البوصلة وانتي الوطن. . . علي هادي

كلشي جذبة حتى هذا اللون الابيض بالعرس ماكمت احبة كلشي جذبة اهلي جذبة انتي جذبة الموت والنار الحجوهن ذني لعبه كلشي جذبه حتى ذن اخطوط اديه ايجوز جاهل شخبط بمسمار بيه حتى وجهي اليضحك بوجه المرايه يجوز واحد كاعد ويضحك عليه حتى من كتلج احبج جانت الكلمة فراشه وطارت من اجفوف اديه دورت بهدومي عنج من دريت العاشك ومحبوبه واحد وانه جاهل اكره القسمه الحقيره ويوكف الساني من اكولن هذا زائد اتمرمرت جزوني ربعي و بالفصل صبوني كهوة اطشرت جامه اعله كاع وكلها صاحت يالله فدوه هوا ياهو اليسوة اطيحن وانه اكل لروحي يسوه بيه خير او انسه كلشي وابدي من جده وجديد والبس اهدومي الجديده وبيها انام اشلون جاهل لوسمع باجر الصبحيه عيد بية خير اكتب لروحي قصيده وكل شطر من اقره اعيد علي البديري

كل ليله اشم ويه النفس عطاب أطيح من التعب مغمي واضوگ برودة المغرب وجع نشاب افز وانتچي اعله الآخ واتشلبه اعله طول الباب من تفتر الدنيا اعليك ماتندل مچان اصواب الك .. حل ..السفر مريود اذا مالك وجه بالناس من تغدي الوجوه اثگال اذا درب السچچ صاحك متاعك يكمل بحزنك يحط بظهره الف موال تتقفل البوب اعليك چنك بالسجن والضاع مفتاحك وتاه البال يابرزخ الشوگ العشتك بويلين كل مغرب يلم حزني واشيطن شيطة ام مكتول من يلفي الخبر بصياح والوادم تصيح ابني اعيش مجالع ويالليل اشوف الموت يمي مسرفن ويدني ادور اخر آمل ملگاك واتوضى بحلم متعوب گوه يوالم .. لشوفي واذب اعليك حسراتي ونعاوي اسنين كل واهس شنقته اعليك بطيوفي بعد كل هذا ادورك وين ما ادري وره الظلمه گمر مسجون واتمدد لآخر گاع ضي ملثم بغيمه ولا يندل خريطه بكون من شفته النهر مذبوح مو من ماي وچدت النزف دمه لگيت الغيم حضن اوهام طوله ولا ستر نجمه وميزت السجن والعيب والگلبه تعرى ومالبس حشمه ومن شفت التلون بالوجوه انراد ساعتها عرفت الناس مو مالت وجه نعمه من خرب الدنيا وحط وراها ابليس شفت الناس راح تشيطن الفطره وعرفت الصدگ ماله وجه محبوب ولگيت الچذب چن شیخ ناسك باطل اتقدره وسام السعيدي

(اقوى احتمال) لا تضوج الدنيا مركب واحنه خطار الزمان البيك بيه اولازم اندوّر امان خلي گلبك ينتعش وانسه الهموم لا تعود اتقدم اكسب هالرهان الدمع لوطاح ما يرجع دمع الراح راح انسه جرحك وستعان غير ربك مايحلها انطاك فسحه من الامل استغلها وصمت ابلع لا تسويها امتحان بسمتك بلسم الجرحك بلسم الجرح الزمان كافي نوح وكافي ونه انت وياي استريح ارضه حتى المستحه ترضه تتعنه الامان گوم ونكث عمرك اوشوف المسيء حتى انت اتگوم وتخلي الاحسان كافي (ماادري ) تأثر بالمقابيل اوهو صاير الك مفتاح الامان كافي خليك اعله درب الشوگ رقه من الجمال بيها حب وبي تسامح وي دلال عيش يومك انت مرهون اوتغني والعمر صاير محطة احتلال همك وكل معاناتك ايلعبن كالجهال على صدرك على گلبك ايردسن اباقوى احتمال اسمعني زين أنه احبك واليحبك مو غلط اكبر حلال الگلب شريانه ينبض بيك لا غيرك محال اصبر اصبر خلي حبك يعتلي فوگ الخيال اوشوف نفسك انت تكبر بالسعاده بالامل تكسب انت افضل خصال وأنه احبك دير وجهك شوفني ارقى جمال الروح تهديك الاغاني حتى حبك يكمل يصير اكتمال أنه وانت نصعد انجوم الثريا ونكتب الذكرى الجميله من الجنوب أمن الشمال سالم الحمداني

باجر نسيرلك عتب ماشالته جتاف الدرب ونوچي حسره ابابك نمطر حزن لون الدمع ونسولف أشكال الوجع حد ما نفيض .. عتابك يا آخ .. لونت العمر يا تيه .. يل ماينلگي طاري .. الوفو بكتابك دورت منبع ونتي ثاريه طيني من اوله وناگع عشگ بترابك تمطر حسن لمن تمل وتفض محنه بكل عفه ومامن سهم لحبابك يا .. آه .. يمطشر حزن ماندري ياحظ ماخجل لمك واجانه وجابك طابت جروح وسومرت بس الك باقي ولا شفه ويلچم لهسه صوابك جواد الدراجي

(چذب درويش) بعدني اعله الوفه الفطري وأخضّر لليجيني افياي نخل وعثوگي التدلّيك اذا ماتندل المن جاي بعدني الكل حلم عطشان اركضّله واسير ماي واخاف النوم ياخذني شربت الليل لعيون الفجر نجمة ونسيت اسمي بكثر ماسولفت باسمه واخذ روج المعاتب حيل حطلي بكل كتر ثلمة أختزل بيه الوداع شراع يم آخر نهر للگيش من چان السفر نيّة سعر .. ذيچ التذاكر بيش؟ ثمن عمري الأخذته وياك چان ابيش؟ يبايعني اعله طاري البيش ظنيت الرجيف البيك حنيه أثاريك چذب درويش متغطي بستر دمعك ضحك نزوة وسوالف طيش ثاري الغربة مو تبعد اعله ولايتك وتغيب.. الغربة المن صدگ من محّد يفهمك من اتعيش بين اهلك ولكن منعدم حلمك عايش والشعور يموت من اتشوف كل ناسك عرف بس چنهم بتابوت وفجأة وبالغروب اطيح وتدور نواعي الناي والشيب الركض بالراس تبيّن ذكرياته هواي منها و تبدي بالصفنات تايه راي من تمشي اعله طولك آخ تنغز بالنفس لچمه يل دموعك عزيزة هواي چانت تنحسب نعمة رخيصة ومالگت تقدير من تنزل فشل زحمة من تطفى الملامح بيك والعلّة ولا تنگال ماتندل مچان الآخ كون اليوجعك كلشي والضحكة تصير اشكال من ياكل بشفتك حيف من تسكت .. وما تحچي وتخورس صدمتك جيل وترد متعوب من كلشي ترد مدنگ وتبچي من تنسأل وانت العذر بجوابك مأذيك من تفضح حزن روحك سوالف شوگ وتغطي الحنين البيك نار التوجعك تحييك ومن گالوا منين الحزن تتعذر بموتت صاحبك وانت أصلآ ماكو صاحب فاگده يالجايب بصفنتك همس الحمامة الشاردة ومن گد نار البگلبك تلزم الجمره وتحسها اعله چفك بارده ودولاب الزمن فرّاك لمن ماكرهت الرايده وسام السعيدي

بديت اقراك من أول ضمه بالروح لـ آخر نبع طگ بيه اعله محرابك و روتني حروفك وصليتلك فجرين وتيممت بترابك شلم من روحي واقرالك .. انه طشيت كل دمعه اعله شمسك بلگت تردلي ضحك مصيوغ ومتاناه السن الينشمر للشمس ما تلگاه ! واضحك وانچفيلك ماي وتردني بـ عسى لا جيت واضم العتب بعيوني ولا تقراه الكتاب الينضم اعله الرف عزيز يصير للتربان البچي اليتلولح من العين بس ما طاح ! بيه انسان ! يا ليل اليسيرلي ، وانطي من ضوه عيوني نجم وهلال بس خلي افرح بطيفي ولو مره ، اعاتب چفي چي گصران ما لايح عناگيدك واسولف ويه ساعاتي بمواعيدك التبده بليل ما ينجاس وي طرة الضوه يخلص وانه تبديت ماي انذب وره مسافر ، وتلگتني بـ هلا الگيعان ما خلتني ادور فطور باگتني من امس ما واصل لـ باچر شيّلم باچر شمس ، صيف ، وشوارع چوّت الرجلين ومرايات تتعاكس بضيّ محرور يا صوت اليجر روحي لهذاك الصوب وابچيله نده ل جيلين ومسامَر گبر وبخور يا قران ، اجيك بلهفة الشايل بعينه ذنوب شستغفر ؟ ذنب ، ذنبين ، ومباوگ الروح شلون ؟ اجي اعله اطراف اصابيعي وابوگ اسمك .. ومامش صوت يم اسمك مثل ذاك الضوه من يفوت مابي صوت واخاف اشرد ويفضحني صدى الوهواس اخاف اشرد ، النهر من يشرد يبين يريد لوين السجن جوعان دومه وما تشبعه سنين لا تضحك السمه من تضحك تفك باب للتوبه وانت وبلا سمه ، ولا باب شايل ذنب چم محراب بمتونك وصفيت اغريب يم وادم يشبهونك علي عباس

ولا تعصر صورهم ماكو اي ذوق يضل لون الهجر بيديك مطبوع لأن يمهن لگوا آثار ال جمال حسبوهن حفر بس هنه ينبوع ضحكنه اويه الجرف واتحرك الروج وعلى الماي ال اطشر گالوا دموع زفينه العرايس والفشگ ثار عوض عن البراگع لبسن ادروع على جناح الشمس لا تشعل النار ترف ريش الضوه ونخاف ليموع وعلى درب النجم لا تشمر احبال لا يصعد حجر ويصير موضوع خل يبقه حذر العيونه حلوات لياكلهن حلم بليل اذا يجوع وذا وجه التراچي اتشوفه مذلول معناهه اللبسهن خده مشلوع وذا جرح الذهب ينشگ بالخيوط يعله من التكبر خشم الشموع وصلتنه الرسايل گلنه نرتاح وبنصهن لگينه سيوف وضلوع سلّمنه العشگ بچفوف ال شراع مشه ويه السفينه وصار مرفوع ياريت البعد مزروع بالگاع چا هسه بمناجل حبنه مگطوع واحنه بحبنه ام والبعد اطفال ولگيناها بوسط كاروك مزروع مالك شنشول

كلهن وجع خلصن گمت اني اشك بالعمر سنينه منفوسه.. وايامه خلصت حرب.. كون اعرف السامري شيريد من موسى.. يا وكتي مو هالثخن، مو كل شهر ينگضي وسويتلك هوسه.. ويا گلبي غرفة سجن، طوّل عليها الفرج واحلام متروسه.. وماتصفى وي دنيتي..دارت ويانه عكس.. وتحمّرت للنذل والباع ناموسه.. وماتصفى وي دنيتي، مازال دوم الزمن هادود بسلاحه.. واحنه على نفس الدرب.. حتى القبلنه مشوا ماشافوا الراحه.. ماندري صوج البخت.. لو صوج ابونه الدنت نفسه على تفاحه.. وماخله بينه التعب، چن طير نص الدرب.. ضيّع طريق السفر ومصوّب جناحه.. ومادام بيها صبر، مسدود يعني الفرج مكسور مفتاحه. جبار العبادي

من ينترك وحده ابنادم يحير بغربه وذكريات ويه التصاوير عزيز النفس من ينذل يموت تسابج دمعته دموع النواعير التگطعله الشلونك يذبل فراگ ويتفرهد خشب يم المناشير الماواحد يفگده وهوه تعبان مايرضى بعذر ويقنعه تبرير ضگتهن كلهن العانتهن الناس رغم ماعابر حدود المحاذير البلفزعه سابج اهله والناس البأولهم مهرتي بعازته اتغير انه من العال بيه مطلّع حگوگ اعله دم كليب ماطلّعهن الزير وتاليته نكر كل زين الي وياه وركض ويه الشماته يغمّگ البير انكساري اتعده مقياس التعابير ومالاگي الكلام اليحچي علتي التعب واصل السابع طين بروح والباچر ينعدم مو گد خنگتي شرب بيه ملامح ليل الوداع ومثلومه بوجع تطلع ضحكتي ماشاكي البشر والضامه هواي وتچوّي الجمر حرگة حسبتي البيه تگاودن فرگاه والشيب وبالثمانين عام اتحس كُبرتي المدليه اعله دربه يدلّي بگفاي ويحد سچين شماتي برگبتي الحاسبله گبل فزّاع بالضيج هوه المنه ضيجي وهاي علتي وسام السعيدي

فيصل الحچيمي أرسم شَمس واتعَده  واشگگ خوفي واكتل ظلمة السرداب اسوي مرايتي اخيالي وابوس الدم   واصوغ من الفرح چم باب  اذا ينكسر جنح الطير اشَخبط فوگ حريتي  واضم لون الشجر وابعد سواجي الگاع اسافر بالبواچي بعيد مادام الارموش شراع هذا انه طبيبي الچف اليندل شوغة عيوني ولك ضوي يشيب الشمس خاف تموت عبرني وراي سنين عبرني الدمع خرمش خدود الطين ردت من دون حزني امشي  واشاقي المري المصلوبه اثاري الحزن بجيوبي وانا الماعرف يمشي وفارغه جيوبه چا يمتى النهار يفزز الظلمه شتلگاك بيمن يافرح لو جيت  من ثغر الروازين التراب يبوس اصابيعي  حدر كل فَيّ تعب خليت  هذا انه ندى اعله الجام ماجاسوني اليحبون  تهت والگادني مجنون  انچفه حلمي ولك ياظيم كل نجمه جستها بعيني باعت روحها اعله الغيم    الهوى الماضحك الشباچ ماينشم حزن كل الفخاتي المالگن غبشه اعله عيني التم يشيعني الهوى دخان  من صدر الگهاوي اطلع جزيت الناس  ماضايگ حلاة الوين هذا انه بواچي بمشتهات العين صوت صياح مدري المن البروحي  شيلم حزني شيدليني اعله نفخت ريح باعتني الارفوف ارماد بيني وبين گلبي اتوسل بجرحي  ولك ماباقي شي ونموت ولك ياتعب يالتمشي بشراييني صفار بتوت ولك هدني الشمس ماتت ولك خيط العناكب گطعته ضنوني  بعد للگمره ماافك باب انا كون اشتعل عمرين  مايطفي حچي السرداب صح تعبان بس ادري الهوى من يموت  ياخذ راحته الدخان

یبن الروح روحي هور ويبسه . الصيف بجفاك وانت سرب الاوز .... رفعة حاجبك لا تمر غيمه بعجل ... ماخذها ريح انجانك توجب العشگ حل واجبك گد خضار الدنيا ... الك بيه حنين وانت ما حنيت .... نوبه لصاحبك وأفرشت عمري وعليه استوطنيت وكلبي وي نبضاته ...واهس كاتبك وأبد مو سهله مسح همسة نداك ولا ني من جسني ضماي الشاربك انت وصورك .. علينه .. مگدرين وآنه وعيوني ... اشتهینه نعاتبك نسولف بوصلك تجاوبنه بجفاك وحرنه یبن الروح بيش نجاوبك هاي مو قسمه وعداله ولا نصيب نطوي درب افراگنا .. ترد تفرشه ونغرف اللیل .. ونلم حلمك لذيذ تونه نلتف بيه..فل روحه و مشه نحفر بصحرى الهجر.. يوميه بير وما تصح گطرات. لشفاف الرشه ماعرضلك يوم .. مديوف بحنان ولا اجت عالبال ذكرى مرشرشه الچانن يفصلن ضحكهن مشتهاك هسه دمع افراگ .. بیهن طششه يل جنت عيني تحضنك من بعيد وطولك بخزرات .. ترفه تگمگشه لیش من غنینه الك لحن السنين يمر غرورك طيش عمده وهمشه وليش كاسرناك .. بفياي السنين وشمسك اتعيل . بترافة كل ورد لا خطف وي العطش واهس نداك ولا لفيت .... بموسم يسولف برد ردنه نسيانك .. ولو جذبه وتصير ولن صدگ شوگك .. يغافلنه ويرد مطابگین الدمعه.. واللیل الطویل وعن ضحکنه وياك قسمتنه فرد سولفت عيني.. دمع عن مشتهاك و حسرة الك بالروح تمردها مرد مدري يمك مدري يمن نشتكيك ونعرض جروح الفلا عدهن جرد و گمنه نطويها ... امانينه ونروح وظل سرابك بالفشل يطرد.. طرد جواد الدراجی