قصيدة وشاعر 💙 📜 "

امجد قاسم _ مطرت من وكتهن ضاع … بيهن حدر زور تلف غبار البين وبيهن للصبر تاخذ تتنهه متاع يا ريت العمر يتوالم بصبرين واحد للفرح والثاني خيط اوجاع الياحد الجرح ما ينسمع حسه الياحد الصبر يتگايش بهسه يا رب العرش ومعاتب انا وياك حتى بنص فرحهه ترادد النفسه بيه من الحزن ومراوح المتعوب يمتى يطگ فرحها ويبتشر ضرسه وبيه شگد حجي بس مالي حيل صياح بكثر غصهه بحجيهه تبلعم الخرسه يا ريت الفرح يترادد الجيه يا ريت الحزن ما يبتشر حيه ال يا وكت الصبر يتنطر الغبشات مو صار الشمع ينزف كتر ضيه مالوم الجگاره البيهه اصبر الروح انا ملاهث حسرتي مشگگه الريه يا مذرب جرح يجمع شتات البين بلا صم الملح يتنشد البيه اليادوب العمر متلازم العبره اليادوب الرماد يصاحب الجمره وادم من گبل لاحت عثگ جمار واحنه نضل عمرنه نعاكس المجره يا سيد بخت ينزل عرش بلقيس حتى اعله العرش تتسلطن الفقره ما ينفع عتب وادم ضعيفة جود بس تنفض غبار بملمع الحضره يا ريت بشلل من جال ابو الحضره صفنت والحزن يتفرهد من الروح وگطرات الردايه تعلي ع هامه جا يمتى اعله بوقه تگوم القيامه اذا يبقى العدل ينصف ردايه البين لا احنه اعله دينه ولا احنه اسلامه ماكو اسلام يبخص حق الايتامه لا تعتب بعد ومعاتبك مردود كل هذا اليدور بزود العمامه يا حيف الشباب بموزم الشمات چم شاب انكتل عريس بحلامه يمتى الغبشه تفتح للفرح بيبان يمتى يمر فرج يتغنى بالبستان بس احنه ابلدنه من الصلاة ثنين صلاة الله وصلاة الذبح بيها آذان بكل رگبة عگد متحير الدفان من أدم لهسه بكل زمان الصار بيها شكم محمد مات ع قرآن بيها شكم عگل هاون يرن بالموت وبيهه شكم حلگ متجرع الفنجان جم حسرة نثاية تخورست بسكوت ما تگدر تشوف مشكلات البين جم زمرت فشگ فوك الضحايه تفوت شكد تل اللحم زاع اللحم بالگاع ثنين ثنين بيهم يچبد التابوت شگد گاع النجف شالت جماجم ناس ما تلحك عليها مكشرات الحوت صارت بالغدر تتوالم الهه اضباع جم حسرة طفل لعتو اعله صدره ولاع شگد دم الجره ومنهن رويتو الگاع احسب جم طفل من گد طمعكم جاع جم بيت الترك ساعة وطنكم باع لا تنطر بعد منهن تصير اوضاع من ضيعتو ربكم كل وطنكم ضاع..................:::...

عبد الوهآب الحمدآني صاير ولا تنحزر كل ضحكة منَّك نَهد كلما أريد أكتفي كاسك يگلِّي بَعد يا ليل ، يابو الحزن ، شو تضحك نهودك خليني أحط شفِّتي بمحراب تين الثغر واكفر بمعبودك هيمة وبعيد الخصر ، وچفوفي صحرة عطش والنبع بالرگبة والعين جرَّة خمر ، كلما يمرني الصحو ، كاس الوفه اتصبَّه شعرك الأسود سَفر ، ياخذني ويردني واتمرجح اويه الخصل ، وأنسى وأكولن طحت ، وبرمشك تشدني تاخذني غيمة وَسن ، وأحلم أجيس العنب ، وتخوّفك زلّتي ، ومن السما تهدني يا ماي يابو العطش ، يالتشبه الحِلمة أشتمها ريح وعصف واختنگ بالنسمة كل النحبهم مشوا بس أنت تبرالي چنت أدري طولك يجي ، وافتحت باب الفرح ، خليت عرش الگلب لمحبّتك خالي يا صيف يالشوفتك ها كثر بيها نده ! شفافك طعمهن رطب طايح گبل موعده كل المواسم چذب بس موسمك وحّده ظلمة وعمرنا دمع وأنتظرك توچِّده حط چفَّك اعله النبض تلگى الأغاني طيور تسافر لگلبك دمع ، ترجع ورد منثور لولاك مامش گمر ، لا گاع بينا تدور لا شمس تغزل صبح ، لا خبزة بالتنور

عامر عاصي ما مش نوم ما مش نوم ما مش نوم عريانه الليالي، ودمع عيني هدوم ما مش نوم، مهضومة السما، وتبچي، وتِنِث نجوم مخانيث المصارف، كِتْبوا التاريخ، وبكل حلم جاهل، زرعوا الجيثوم ما مش نوم ما مش نوم ما مش نوم نسهر ، والاحلام هموم نعطش، والعيون غيوم نمطر، والليالي المرّتْ بعاشور، مجروحة بصبر معصوم ما مش نوم يا شيب الوطن يا نار بمرايات، ما تچوي ولهبها، ويه السنين يدوم ألف عگال طاح، وما نسينه الراح، وجف سِبّاح بينه، وهم جرعنه اللوم .. دلّيني انتظارك، يمته؟ هم عَدّيت، چم يمته؟ وعذرت المستحي، المالوم؟ ما مش نوم ما مش نوم ما مش نوم الليلة نكِتْ دمع، والجثث كلها تگوم .. ............................................................... ‏

يوسف مهدي تايهيين نرسم اعله الباب ملگه .. ويكبر الشوك اعله اصابعنه ويموت او اه من روحي الغريبه الـ تانتك من غير صوت.. يا شوارع خوف گلبي اشتعلي مني انه من اول لقائك تهت كلي اثاري الماله ابنادم  يحب روحه يرافك حزنه ويغني ولا ادري اثاريني بتواسيلك همت كلي وندهني الباب وفوك من العمر فانوس للظلمه يردني اتراب.. من مايك ردت تحييني ونغني ونرد احباب وتعدينه من سنتين شفتك للگمر عنوان .. شفتك للعمر عنوان شفتك گمره فوك الباب ردنه ويه الخضار نصير ضحكة اگبال كل بستان جفت كل سواجينه وبقه گلبي ورد ذبلان ياهو اليرسم بخوفك اخذلك هيج اصابع تحلم تطوفك وبيبان الملاگه هواي كلهه متانيه تشوفك وين الگه وطن مثلك يلم حزني ويردني تراب چم اهلال بوداعك بچه روحه  وغفه اعله الباب وينك ياضوه عيوني خذاني الخوف چنت من بين اصابيعك ألم الشوف ولك هذا الضباب التارس الشارع حزن معيوف شغنيك ويفض شوگي من بين الستاير تانتك روحي وبچت مني شفت بعيونك الدنيه ومسافه من الگمر للماي احبك ماهمت وياي؟

عباس العبادي حرب الوان وكلوب البشر جبهة والفاهم يدك لل لون الي يشبهه وميزناك من بين الالوان شراع من تتخاطف التهواك تجهبهه شمس تتشكرله الصاحيه على الشوف بس الرمدة من تشوفها تسبهه الغشيم الما يثمن شجرة الزيتون بدل ما يحيوي منها الضوه ايحطبهه وراسك ماكو راس يدنك ويلكاك اتدث هيهاتك اعلى الروس الي تحبهه ما تندلك الروس الكلاها الطين امطفحه احبالها الغطت غواربهه تصعد غيرتك للراس للموراس حاشاك بصحاري الذل تغربهه تفوح مروتك بين الجوانح طيب بي تتلذ الطابت مشاربهه ظلام وسور دمك جفل البيبان وتسلل عز ضواك لذل غياهبهه كل ناكع وفه تحط جف اخوك عليه جف عرش الوفه على زنود صاحبهه ذاك الفيح بكاع الذمم سباح يبرى لفاكهتهه ويعرض الابهه حتى التشتهيي تميز البماعون وكف نبهها مو كل الذمم نبهه روه خيوط الظمير النصع من اللون والتستاهل يذهبهه ... ذهبهه وتبعناهن .. يهذبنه الصهيل الحار الضمير اليجوي نفس الحر يهذبهه وميزناك .. من ذيج الـ  السنا على الحق حسين والكلوب التدك اللون صاحبهه ضوه بشريان شمسك طاحوا السبعين زلم بركابها تعلت مراتبهه كهول ومن تطيح اسنينها على الحيل تشد حزمها وتعصب حواجبهه دمهم دنه اصبعه على اسمك وظل باب يم بيبانك الما خاب طالبهه وما صاحوا .. اعلى الدم من جثه على الموت وشلع من مناياهم مخالبهه بالطف دروا تصغى التخفگ اعلى الماي تواصوا خل لسان العطش يلهبهه يدرون الحكيم الـ اعلى متونه متاع الثجيله الما تعبره الضمه يشذبهه درب واليثكل متاعه برخيص رخيص الما يدري شكو بمحارته يذبهه صعدوا .. واحنه من صعدوا تبعنه اللون ناصع والتطير تظل زواغبهه

صباح امين والاقدام اتبيع انتاج الرؤوس حتى جسّاس التهى بطبل الطقوس وغطّه دم اكليب بتراب البسوس وهذا دم اكليب من يركد يجيف عالرصيف عالرصيف المستحه بليّه اذان وبسعر شحّاطه تأجير اللسان حتى ابن النار ماخذله مچان وگاعد ايبيع بمفاتيح الجنان ولقفلنه مايصح اصبع نظيف عالرصيف عالرصيف اشموعنه اگبال الرياح ولبست اعمامة نبي عدنه سجاح ليلنه سد كل شبابيچ الصباح وتنفتح ردنه بدعاء الافتتاح والله ما مسؤول من يعثر كفيف عالرصيف عالرصيف اگبال اهل الآخره شيخ متوچّي اعله عمره بآخره اتگوده طفله ثوبها انشگ خاطره والمزگ من الننهد للخاصره ويجي ايگلها اتحجّبي ذاك السخيف عالرصيف عالرصيف الجوع حاججني وكفر بحر عدكم للجواهر والدرر گتله ظلت هاي كلها بالقعر الصوچ بالبحّاره مو صوچ البحر واظن هالغوّاص من بدو الگطيف عالرصيف عالرصيف انريد توگف انبياء مو مثقف يوگف ايبيع الغباء نبي محتاجين للحب والفداء مو هواياته الفواكه والنساء انريده للسم يرشف ويانه رشيف عالرصيف عالرصيف اتفتّحت نفسه الوضيع من لگه لدموعنه وللدم ربيع حتى ذاك حرملة بوجهه الخليع گاعد يساوم على گماط الرضيع ووين يلگه سعر من گد النزيف عالرصيف عالرصيف الوطن عاري بليّه ثوب ومن سنة عشرين تايه بالدروب يسكل الذمّه اعله فاله ابن الذنوب وهوّه بي مليوو ط من كل الثقوب وملك تالي استوردوله اهل المضيف عالرصيف عالرصيف ايريدله سمعه البلد وهوّه من ازمان عالفاله گعد نام والمگوار بي نومه رغد ويحلم اوصيفه التدلكله الجسد وتالي لنّه ايصير شو هوّه الوصيف عالرصيف عالرصيف الوطن ناطوره بطه وكلمن ووصّله خذه من الخارطه چان ذيب وألف شاة امبسّطه صار شاة وألف ذيب ايحاوطه ذياب نص مشبوهه ، نص من عدها زيف عالرصيف عالرصيف اوجوه شفت ملونات من بقايا معمل اصباغ الطغاة كلها ترگص على احبال اللافتات وخجّلو بالرگص حتى الراقصات وظل وطنّه اگبالهم وجهه أسيف عالرصيف عالرصيف الصبر گلهم كافي كافي عصر الحنظل اعله اشفافي وطن من عدكم ردت ، متعافي ؟ وطن نفسي ، مو وطن جغرافي ورايه ردته ايصير يشماغ الشريف عالرصيف عالرصيف المنبر بحاجة رقيب ودينقراطي يرتقي اعليه الخطيب نريده مستودع ضوه ، انريده طبيب يفتح المخ للوعي ليظل كئيب اتهزّه اسطوره ويبچّي اعيونه طيف عالرصيف عالرصيف انباعت اگبال النهار اعمايم اچببره على الروس الصغار روس هاي ثقوب بيها للايجار واليمين يلوو ط بيها واليسار وهيّه لبست جبّة الدين الحنيف عالرصيف عالرصيف احزابنه كلها سواء الفرق بالديكور بس نفس البناء كلها شفنه صارت ابناء السماء وأبره ماكو ونثقب اكياس الهواء وماكو للواعي اذا يصرخ رديف عالرصيف عالرصيف اللحه شو صارت حبال وبيها تتصيد غزالات الجمال لان صيد البرِ والبحرِ حلال صارت المتعه هوايه وابتذال بحجة ( آتوهن أجرهن ) يا لطيف عالرصيف عالرصيف المهزله ام المهزلات وتصفن الصفنه على المتناقضات عاهـ ره تلبس ثياب الراهبات وتگعد اتدرّس العفّه للبنات هذي لا تعتقد نكته من ظريف عالرصيف عالرصيف الريّه محتاجه هوه والعيون اتريد للظلمه ضوه وصرح المصدر رقيع المستوى راتب الشاعر والمگدي سوه گوم ويّاي اكفر باهل الرصيف عالرصيف .................................................................

امير الــ جدوع انت يا رفه جرح كبل النزيف وخيط من ثكل الهلال اعلى الصبح انت شوك الخايفين او شرهت اخر شوف من طبكت عيون الينذبح ياضوه الكبل النده تجزي الرموش وعن خواتك ما يعطلك ماي ويثكلك رمح كمر ليل وما تشح والوراك عيون يوميلك عطشها وتيبس لحد الجرح يابو فاظل انت راگ الرمل من تنخاك شجرة واسمك يرهم الماي اعلى الجذر انت ذاك الباجر يكولون عنه السهم ظل تارس عيونه وماترس عينه العذر منين ما تبدي الدروب بلايه راسك ما تفض وشوك من ليل العبي يچمل الدرب وتوصل … وجفك يشيل من النهر نيه عطشكم او يكتب جفوفك ثكلها وحزك على الماي دم ما ينكتب ويبس الدم بضواك وتشتعل وانت ما تجزاك وحشة يا كمر من شوك زينب نجمة تندلك كبل وانت من تخفت عيونك تشرب الصحرة نبتها ويشرب الجربة رمل اويشرب المامش الحنة من الجفوف ويجمد بعينك الذاري اومن شده شوك البصدرك تنشد حسين اعلى اخوك يانهر يترس مجانك والعيون التانتك تشبخ الجاري وغيضها يهدم الجروف انت طش الماي والشوف الندي وبدر ليل التمام اليرمح الظلمة لخواته يانده الجس النده كبل الصباح وفزز الغافي لصلاته انت راي الما طغت دنيا على دينه وتعصف الصحره وتكص عود الذبول اوتصح دنيا المبلله وما تشتهيها وتنهدم اليسد عينه النزيف او مايسد عينه الحلم يا ابو فاظل.. جنت تدري .. الدرب ركضة تابسين او ماي اليثكل الزلم ياابو فاظل.. انت شوك الواكفات الما عبر منهن خيال من الخيم من الفطور التنضح من شفافهن يتوهسن اوتكسرن حدر الرواك التنفض عليه الحرب من شوكه دم اوما تضيع انت بحزنهن وما يسد الشوف الاحمر عين برواك الخيم وتظل رايه على النهر تومي لعطشكم او يظل بيه سوال من الحلم يا كمر يلطشراك الغيض شيلمك نجم

كلمات : جابر الكاظمي صوت : باسم الكربلائي @sha3er_100

جابر الكاظمي يحسين ..من العين ....حبك ينبع مجراه بكل بيت خطيت .. اسمك ياثار الله بالخواطر.. بالضماير ..بالمشاعر .. اسمك ياثار الله ....... من بدت ساعة حياتي.. وابتدت لحظات عمري شفتك تعيش بكياني ..حبك بشرياني يجري وعالارض خطوة اعله خطوة .. محبتك ويايه تسري ماغبت عن فكري لحظة ... بكل وكت انت اعله فكري حبيت .. حسيت .. اكرب من ضي عيناي اهواك والكاك.. كل لحظة تعيش وياي بيك افاخر ..وانت صاير ..بالمشاعر .. اسمك ياثار الله .................. جلت الخالق صفاته ..الشيدت بنيان مجدك حبك اتملك شعوري .. ومهجتي لاذت بسدك انت مجمل كل حياتي .. ولاحياة بغير ودك وانت مركز للمشاعر ..ملتقى الارواح عندك مكطوع ..مرفوع .. راسك يبن الكرار هالراس للناس ..كوكب يهدي الابصار نوره زاهر ..للبصاير ..بالمشاعر اسمك ياثار الله ............................ اسمك بطارف لساني ..ورسمك بدلالي غافي لمحكمة حبك خذوني .. وانه باحضان المنافي وابقلم ايمان گلبي ... وقعت فوگ اعترافي واعترف لوما وجودك ... مانزل وحي القوافي افكار .. واشعار .. منك وحي الالهام وابيات ..هيهات ..توصفك يابدر التام اغلى ثاير ..دمه فاير ... بالمشاعر اسمك ياثار الله .................. سرك السر الالهي ..وماكدر واحد يعرفه انظر الشمس بجبينك... لوشمس دنياية تغفه حبك تملك شعوري ...وبالشعر اعجز اوصفه انت الهام القوافي .. وللشعر اسمك يشرفه يكفيك ..باريك كاتب اسمك عاللوح محبوب ..مكتوب.. حبك باعماق الروح بيك اجاهر.. وانت حاضر... بالمشاعر اسمك ياثار الله ......... لابشر يكدر يوصفك ...لاملك يعرف صفاتك وصارم اللي حز وريدك .. فتح بوابة حياتك تميزت عالناس كلها ..بمعجزة من معجزاتك انت اول بشر اصبح ...مولدك ساعة مماتك للثار ..انهار .. تتفايض من كل عين مظلوم .. يايوم ... يحصل ثارك يحسين كلبي شاجر فكري حاير بالمشاعر اسمك ياثار الله

كلمات : حيدر الحمداني صوت : سيد فاقد الموسوي @sha3er_100

حيدر الحمداني يواهس دمعي اخذ ولدي فدا لولدك يالحسنك مضيف گلوب اخذ روحي وصبر روحي ودليلي وشوفي المتعوب بس يحسين الي الحاجة ادعيلي من يصير غروب وكول امي بقت عالدار گلبها من الفراگ يذوب ...... يالمخليتك بگلبي اخذني اخدم مداليلك واسرجلك مهر صبرك عفية ابني شد حيلك اخاف يرد علي مهرك اركضلك واتچيلك فشل لاتطلع اختك ليك انا اطلع وافييلك ....... يواهس دمعي اخذني وياك فرگتك روحي تسبيها كل عمري گضيته اخدم نقص بالخدمتي بيها بمچان امتون زينب كون كون امتوني اطيها شيل الحمل عن اختك خاف السوط ماذيها ........... غاية بروحي واحچيلك عليش تريد وياكم اخاف امك علي تغتاض اريد اخدم سباياكم وكبلها موصية ولدي عليك وحگ البيده سواكم ترا انه اتبرا من عدكم اذا ينجاس مولاكم .......... اخذني وي العلاوي ارجوك اريد وياهن اتسلب واخاف اختك يشتموها هلي فدوة لاهل زينب واذا طبن على ابن زياد اگله بمجلسه اتأدب ولك ذني خوات حسين وهاي ام خدر المرتب ...... يالمخلي العليلة وياي حسرة تصبر بحسرة كلساعة تجي تگلي فراگ حسين ماگدرة تسولفلي على ايامك ورباك وعزك اتذكره تحاجيني بگلب مكسور فَي حسينها شكبرة ......................................................................................

سجاد الطائي المسافه البينك وبيني عمر وچانت الخطوه سنه وشيب وتعب منين اجيبن حيل اردن بي بدونك وانه مكسور على لونك بيرغ ويخفگ بروحه بس اكابر وگفت الدخان گوه يعين روحه بلا متن وريح مغزل جاي تفتلني على طولي واعتنيك ياگماري التنشف الظلمه اعله اديك الگاع فضحتني بخيالي وانه غادي هلال يتوچه اعله ماي فاگدك يافيّ ابوك اي ابوك الضاگ موتك نخل جماره نوخذ گدام عينه ويابسه عروگه على طينه يبني يمضحك السواجي بنگل جدمك چملت حزني نهر وثلمت گلبي جرف يابزر روحي بطيت تارسه عيوني وحشتك وانه من كل صفحه غار السكته تاخذني اعله طولي الغار بالسكته رساله چفوف الموادع بقن عگده على خصرك ياصليل ابين الاضلوع شيكضك چان من يمر عطش ارسي اعله عينك ياگحط مني خذاك يانزف طشر ضواك وخضر اعله رموشي ليل ولاقميص الستر حزني ولا نحر ماجاس جفني ومتت وحدي امنياتي الشارها بحبل الشمس بللها دمعي وباگهن ركضت غروب امنياتي الچنت احطهن حدر راسي صبحن دم على ثوب ومات حلمي اليموت گباله حلمه تلچمه عينه حلك مناوب عرس وانته ذاك المامعلمني بطيت وانه ذاك معلگ بهلبت تجي وطاح من عين الحچي وچفي بصفحتي

هونك ياضعن كلمات : رعد حميد السماوي بصوت : حمودي السماوي @sha3er_100

رعد حميد السماوي هونك ياضعن هونك هونك لاتسچ بعيد اخاف بعيد يردونك وين الحادي بيك يريد ..... هونك يالضعنت ابليل وين تريد بيهم وين كل اهلي وعمامي وياك واخواني وبوي حسين گله المن عفت دارك ؟ والمن بالاهل ناوين تنوح الدار وي نوحي تزيد الآه بجروحي عليهم فرفحت روحي وابچي والبچة شيفيد ..... هنا يالضاعن بهالليل احير بليل لو ليلك عليلة وكلي ويل بويل وين اكدر على ويلك ليل الوحشة خانكني من هالليل انا دخيلك فراك الاهل ياذيني لجلك دمعتي بعيني وين امي التواسيني ويسمعها الگلب ويهيد .... وين يريد حاديكم هالطوح يمينه يلوح لابية واصيح بصوت صوتي من البچة مبحوح عليلة والگلب مالوم زدتو جروح فوك جروح لامنكم خبر ياحباب لاچف اليدك الباب من الفركة دليلي انصاب ولافاد جرح تضميد ......... اتفكر محاري البيت من كلهم صبح خالي اصيحن وين راحو وين عافوني لسگم حالي اهلي ولاخبر عنهم عسى لايرخص الغالي اعالج علتي بروحي واكول الموت اشوالي حسبت حساب ملوني عليلة ومايريدوني لون عالبال ذكروني وخذوني وياهم ايد بإيد ...... هونك ياضعن هونك .............................................................

حسين جبار ما ترد هايه بعد يلگاودِتها الناگة ماتت زعل من رخيّت أديّك موتتها وبدلتها ريشتك فگدت أختها وأختصر كل الوجع ممشاك وأتنگّب مشاعل أثر ما خليت من رحت أعله مهرك تدري شايل؟ هاي للغارة رسايل أدري بيك تگوم جثّة وهمس شريان العجاج يجيبلك من خوف طفلة يابو فاضل يابو فاضل يابو فاضل وعين ذيچ الستر ما خلاها تطلع شايله أعله الحاجب إيّد خرم من خيمتها بس يجيب عطرك عطر ميتها تعرفه من أختنگ بيها السبيل وريح صارت نزلت أعله الگاع نزلة واحد مضيعله كافل گطعت الشك بالبقين تگول مات الخيل چا هسه بعيده والخيم ما بيها ثلمة بس المضيعات يمها كلمن تلولي لشهيد وبس بنات حسين بالخويّه نعيهن باجيات الخيّم كلهن يمه يمه وره شويّه سمعت الميمون جاي وسكته خياله نزل وتعرف لچمة طاحت أثگل خيمة وي الطيحة طلعة وزينب السواه أبو الأكبر تفهمه تگله يا سباح گلبي الخويه چانت وگفة صارت هسه چلمة مات زلمة شلون زلمة راح عرش جدامها لمحملها وألتم الحمل ما يغمّض يحرس أتعوّد يغمض؟ مو سهل تدري چان السهم يحچي بعينه بس عينه لخيمها زلمة يحمل ألم نبلة وماحمل إخته ألمها نبَّت بصدر الرمل جدم العلم موجوعه يدري تصير لو تهده الحرب تنظر غفه مثله علمها والعلم آه العلم عـ التنكفل طيحته وجيته بدون الشايله نهيبة رحِل يعني الـ أگلوب النواظر والخيام برمشة الخوة المواقف تشتعل شوف نازَع طيحته بصفهم أظن نازَع من أتحسس هزِل غير مصرع چان بس الصوت بيّ حيْ والگلب ما ظَن عدل شلون موت اليستحي وما صاح خويه وصاح خويه بعد ما دنّگ عمر شاف الـ أمغرَّب آخ من توديع معصوم وتترّب آخ من فراگ صيته عذّب الگيعان ويبچي عرش رب أكو سكتة هناك صارت سكتة بيها أختصر موته حسين يعني شلون بأهلي وأنتَ گاضي وجودك الشربنه أمس ما بعَد شرَّب الحرب تفگد طعمها من يهد إيده اليگابلها بحميتك جثّة بس ينشال غيرة من يگله وياي گوم محلفك بعفّة عيالي وهاشميتك نزَّل من الحظن راسه يخاف ما وفّاه وره ذبحه بحظنمن يبگه راسه ويا كثر خطوات تذبح ما گلتها الماي والخيمة وره العباس أحلام العليلة الناطرتها راحن الوضحات والغيرة إنچفت وأنحز وكتها وره الكافل وحده تبچي لـ حبل إختها

عقيل العرد ………. حسين ما كّفَر الوادم يكره الناس الجذب ومن يجي يوم القيامة حسين يعرف ياهي ربعه اليحب و الما يحب القصايد من تشب بين الظلوع حسين يقراها ويحبها يريد يحسبهن اليه يريد يحسبهن عليه هو مصداق المشاعر واني اكلك تنحسب وما يهمني بشعري اصلا تنعجب ما تنعجب انت ما تبعدني عنه و ابد لا تحجي ابداله انت من حسين ما عندك وكاله ما يحقلك تطرد اليقرا بمضيفه حسين ما يرتاح يم اهل القصور حسين يحضر مهرجانات الصريفة ويعرف منين ابو الموكب جاب موكب يعرف القيمة الاجت من الحرام ويعرف القيمة النظيفة حسين يعرف ياهو ابو الحزن الثگيل ويعرف الدگه الخفيفة حسين احبه ومن اكتبه يشتعل دمي ضوه وعزة نفس من اكتبه گلبي احطه ابين صخرة وحافر اعمى وبالوجع كلش احس من اكتبه امد شرياني اعله خيمة ويشتعل دمي نهر غيرة وشمس اليحب حسين ، من يكتب حسين ،، گلبه لازم ينعصر يغمض عيونه ويرد للطف يصور ضاعت هواي تفاصيل بمنصات الشعر الگاع من يوم اشربت دم الحسين تحت كل ظالم بعد ما تستقر حسين ما چان انهزامي دوم ثابت بالحقيقة و بالقصايد منتصر وبالحجر من شامروا وجه الحسين طاح من حسين للدنيا تمر الشاعر ،، اليكتب ضميره والضمير اليحچي صوته ،، مو مهم عنده الأجر ويختلف سعر الاصوات حسب جمهور القصر الشاعر الما باع،، أجره اعله الحسين الشاعر المأجور،، أجره اعله الشمر ........... ………

فيصل الحجيمي عطش يتبدة بالخيمة نيشان الرَفض نحرك خفت لاتنچوي طفله الشمس ضميتها بجرحك يحسين الرمح كتالك ونعشك اعطش دام ماباست الشفه چفوف خل تغرگ عيونك دم  اذا چان الضمير يشوف الگاع تحنت بطاريك يالتنزف وتبچي لذنب لگبالك انت حسين ماتعتگ ولا تعتگ البگصته نهر ما يلتفت للبير الميتله اخو مايوجعنه ارماح الچفوف الذبحتك مايحط يمها الطير عكس چفك الينطي مراد للذباح وكت خله الحوافر توصل خيالك الينوي اعله السفر ينطش بظهرة الماي بس انت البظهرك طشو عيالك غرف متبريه من بـيبـانها من الخوف دمعنه وشوگنه ينشاف خيّّم مشتعله بعيون الجزاها النوم ديرة انذبحت گبالي بعد  يامن ظلام نخاف مدري شلون طاوعها جدمها الخيل تذب حمولها بصدرك فز گبل الاصواب الشيب واحلامك جزت عمرك يالبعيونك تباري الضعن حسبه غريبة الغبشة من دونك صلوا ع الدراهم عكس ماصليت يالگلبك نزف ع الگاع شربتنا العيون الماتعرف العيب من اول مساوم محبسك ينباع بالطف الجروح تريد والعندة دواهن ضاع بعد مااجيب جرحي وياي لليردولهم حجة لچم بيه

باسم الخاقاني انت وين بيا حزن .. بيا رمح مشيول سرك .. ليش وي كل دمعه ادورك ليش بوجوه الحماميل وتعبهم اتعب وارجع وادورك .. انت بثياب اليتامه .. تضيع شم وبالخبز الكاك ابو انت خير .. لچن هاي الدنيا ماتندل عطرها وانت عشك الناس عطرك ليش كل ما اسمع بتابوت اتذكر رمحهم ليش كل ما اسمع بمذبوح اصبرك ليش اعطش من اذكرك ودي تتبده السما بروده على صدرك ادري مذبوح .. وبعدني الخوف ياخذني على نحرك ليش نحرك ليش حزنك يچوي كلبي وجفك شما ينكص اصبع تختل الدنيا بحزنها ليش جفك ما كمل عاشور بيه انت وين وين ادورك انا اريد عيونك ادليني بيك شيخ لثورة عرفتك ما عرفتك للذهب انا شفتك من اخوك اتبده يمك انا شفتك من خذيت الناس بيدك ما عرفتك باليطوفون على كبرك شيخ لثورة وحزنها وناسها الشالت غصنها بيك جم لجمه .. وقريت الله على كيفك بيك جم غربة .. وخذيت الناس تستانس بطيفك انت وين وين ادورك كل عشك يندلني بأسمك وكل صريفة تصيحني الكاك الها في شمالهم لجموا العيد شمالهم باعوا عزيز الله على ري انت وين انت وين وهما وين

حيدر الشيباني بيدي دواي وبيدي هديماتي عيني لبوي وعين لعماتي مو لازم اركب على الناكه تمشي برجليها المشتاكه گضت شدت محاملهم التنطي مراد وكلمن على الناگه يصعد عياله وانا ادكول مو منهم هذاك اليوم محد كالي تروحين لو لاله وشلت عبدالله وادنيت يم النوك وبچه عبدالله يمكن حاس بالحالة كتله اسم الله عبدالله شتريد دكول وتذكرت روحي وكمت انعاله دلول اليعوف اخته يروح ابيش غير الي ينام بحضن يحلاله غير يريد الي بعمره يعرف شيكول وانه اعرف اخوي شبيه من خياله احسبوني امه واخذوني الطريق ابعيد الي يسافر .. يسافر هو و عياله باجر لو عطش يعطشلي .. مو للماي ما يعطش بريجه يعطش اباله وتشابكنه وعطشنه بكثر ما باجين وما اعرفه منوه الباسني وشاله ومدري شصار يمكن بجت حتى الكاع كب ترابها وتيهت شياله ومدري شلون .. كمت اركض على الحيطان ادور بالهوى بلكي اثر الكاله وكمت اتلمس الحيطان واحجي وياه عبدالله تعال .. اختك بيا حاله من شبكتك جنت دكلي امشي وياي .. واصعد على الجواد الانت خياله ونكضي الدرب تحجيلي على ابوي حسين واذا يعطش .. اظل قران اقراله وجعلنا من الماء كل شيء حي الما مشمول بس حسين وعياله اعطش لا يظل بخاطرك على الماي اذا ما انت تعطش محد بحاله عبدالله اخذني وياك باجر موت باجر وحدك تسحكك الخياله باجر وحدك بحضن الحسين تموت وترد للخيم فوك العطش تجماله باجر على الرمح لمن يصير الليل المن تشكي كلمن ملتهي بحاله وما دام الظعن صار ابعد من الشوف اريد دكل لبوي الفركه جتاله

حامد الشطري حگي امنشد شمس الله بتراجيك ولف مشمر رگبتك وي رگبتي هلال والمن زلفك المتعافي غيمة صيف تمطر رازقي.. وتبلل الگذله واصوغ من النده الشفاف بوسه وجفلة القداح..         بجناح الفراشة املونه بكحله واشگ زيج الگصيبه الناحره الضفتين.. واصيحن وين غطيتي النهر فاض ودفگ دهله... تجفل ليش يل بيك الخجل شمره.. يل منك نسيم اعذيبي طش عطره يضوي خيال حجلك.. لاف روحه بساگ.. والعضله عزوف .. واترف من الريح.... لو صهلت عشگ مو عضله لا..مهره شدني بطول زندك علگ للكلفات واربطني حرز يحميك من عثره يالطولك تطاول حد سماك يلوح يانخلة التكت وادموعها امرطبات يانخله... يالواگف منارة .. وشالت اهلالين يالشعرك نجم طش وضون چتفين... طشرني بضواك ولمني هالمره.. ولك محتام …  تدفني تدفني صليب وصدرك التابوت... واسمع صوت نشغه وصوت الذ من صوت مابين النهد والنهد .. همسة موت تلمع بالمحابس ضحكتك شذره... اعاين طين حري محني بيه رجليك .... لو وصلة شفق مفروشه الك سجاد احمر طرز اشفافك.. لمسته وغارت الحمره...