الشاعر عقيل العرد

معقولة گلبك ما برد ؟ شو عشگك يچوّي بي خيط گلبي لكربلا ياخذني بس انوي مو جوي هذا العشته ابد بس خدمتك جوي اصفن بحبك و ارتقي للعالم العلوي مذبوح وتوزع دوه عطشان و تروّي مسلوب و تنكط ستر بالظلمة وتضوّي ومسوي كلشي ومستحي و من اوصل ابچي بحضرتك تندهني شمسوي الخ عقيل العرد

رايح من عيني وعايفني حرمة بنص الخيل اه يبن امي الذبحوا طولك ذبحو بيه الحيل من هسه وشو صارت ظلمة شلون بنص الليل وبدونك ما تسوى الدنيا دنيا بلاية حسين حاجيني اخر نظرة وامشي داير وجهك وين صوتك راح وصوت ظلوعك ضل ابالي يدور والخيل شلون ادوسك گلي هم ينداس النور الخ عقيل العرد

الرسالة 8 ……….. بسم نحرك قل هو الله الصمد بسم جرحك دمك لربك صعد بسم شريانك نزل وحي الثبات وگام يقرا ( الزلزلة ) ويقرا ( الرعد ) ويقرا جسمك سورة الحج للسيوف شما يطوفن بيك گلتلهن ، بعد انت قرآن الكرامة وشگگوه ورادوا يضيعون معناه للابد وانت ذاك انت شمس ما ضيعوك ونورك بكل العوالم ماله حد كلشي يتغير ترى الا الحسين الثابت ، الما يرضخ ويسكت ابد انت واحد بس چنت كلش هواي وهمه قلة برغم كل ذاك العدد ظنهم يهزون گلبك واهمين بقفص صدرك موگلب بل چان اسد ظنهم يكسرون عزمك عطشوك همه ما يدرون اصل الماي بيك وجمر صار الماي بس ريجك برد بسم رفضك قل سلاماً يا شهيد الشجاع ،، الما رضخ مثل العبيد شما يزيد الجيش ضل عزمك يزيد شگد حديد بگلبك،، وگلبك حديد وما ابالغ ، جاي اسمعك من بعيد هذا صوتك بالزمن سافر نشيد هذا نحرك ؟ لو شعِر ؟ لو ثورة هاي ؟ بسم دمك مادري شقرا الوريد بسم وجهك ليش هيج انت غريب ليش عاري اعله الرمل جسمك سليب ليش تتبدى المحنة اعله التراب ليش جرحك ما قبل يشفى ويطيب بسم عزمك قل هو الله القوي ما يذل السيف راس العلوي العطش من ساومك گتله تعال هاك اخذ نحري لحدما ترتوي بسم صبرك والمكابر ، والعبي بسم ضعنك والخرايب والسبي الكتبوا الاف الرسايل سلبوك جان كلش غاثهم فقار ابوك الرمل شاهد هذا دم بنت النبي هذا تاريخ المواقف باختصار وهذا تاريخ الخيانة العربي ……….. عقيل العرد

رسالة 7 ………….. تأخرت عنك لأن ردت الوكت يهدا وشدة انت يا أبا الفضل والشعر يم حضرتك هم واكع بشدة ردت الشعر يستقر واكتبلك شجم شطر من يلم روحه الفجر و تفتح الورده كالولي عنك كمر كلتلهم لوحده وكالولي جوده انجفى كلت النهر عنده كالولي والعلكمي كتلهم شحده كالولي عنك طحت كلت الضوى تبدى كالولي راسه انضرب كتلهم يرد عدل بس زينب تشده والماي كلش رخص ياهو اليجي وسده وعباس عنده نهر والنهر ما عنده هد زنده عالمشرعة بس جوده ما هده وعباس حاجى الجرف ومن شافه ما يستحي حط وادمه بخده .................. عقيل العرد

الرسالة 6 …….. شما اشوفك ما طلعت من المدينة انت جاي من الزمن انت علمت التراب يصير نجمة تشيل بجفوفك سما مكسور املها وتنطي من دمك سوالف للمزن انت ما لمك مكان انت جاي من الزمن امتحان انت وصعب كلش علينا الناجح بدرسك نحر يدفع ثمن شمعنى كل سيوفهم ماتت وراك ؟ لكن جروحك بقن ؟ ليش حزنك من بدى ماله نهاية ؟ وهمه ليش سهامهم بيك انتهن ؟ انت مو من المدينة انت جيت من الزمن انت خليت الفرات يصير دمعة و استحى كدام نحرك وانعدم وهدلت جروفه تجاعيد وندم بكثر ما بي ماي ،،عندك انت دم يا خشوع الفجر يا روح الصلاة انت غلطة بكل قواميس الطغاة ولو يرد الوكت بيهم همه يحمولك حياتك لان من موتك بدت تبدي الحياة يا سما بالكاع ،، يا گاع بسما چان ضنهم بالعطش توكع ذليل شما يبس ريجك تصير اخضر اردود وعزتك تصعد على چتاف الضما يا نحر بالماي ،، يا ماي بنحر شلون تحتاج الفرات ؟ وانت شريانك بحر المعنى چان بگلبك اوسع المعنى ما يتحاصر بكثر الضحيج وبالاخير سهامهم خلصت بگلبك لكن المعنى انتصر ……….. الخ عقيل العرد

الرسالة 5 ………. حسين ما كّفَر الوادم يكره الناس الجذب ومن يجي يوم القيامة حسين يعرف ياهي ربعه اليحب و الما يحب القصايد من تشب بين الظلوع حسين يقراها ويحبها يريد يحسبهن اليه يريد يحسبهن عليه هو مصداق المشاعر واني اكلك تنحسب وما يهمني بشعري اصلا تنعجب ما تنعجب انت ما تبعدني عنه و ابد لا تحجي ابداله انت من حسين ما عندك وكاله ما يحقلك تطرد اليقرا بمضيفه حسين ما يرتاح يم اهل القصور حسين يحضر مهرجانات الصريفة ويعرف منين ابو الموكب جاب موكب يعرف القيمة الاجت من الحرام ويعرف القيمة النظيفة حسين يعرف ياهو ابو الحزن الثگيل ويعرف الدگه الخفيفة حسين احبه ومن اكتبه يشتعل دمي ضوه وعزة نفس من اكتبه گلبي احطه ابين صخرة وحافر اعمى وبالوجع كلش احس من اكتبه امد شرياني اعله خيمة ويشتعل دمي نهر غيرة وشمس اليحب حسين ، من يكتب حسين ،، گلبه لازم ينعصر يغمض عيونه ويرد للطف يصور ضاعت هواي تفاصيل بمنصات الشعر الگاع من يوم اشربت دم الحسين تحت كل ظالم بعد ما تستقر حسين ما چان انهزامي دوم ثابت بالحقيقة و بالقصايد منتصر وبالحجر من شامروا وجه الحسين طاح من حسين للدنيا تمر الشاعر ،، اليكتب ضميره والضمير اليحچي صوته ،، مو مهم عنده الأجر ويختلف سعر الاصوات حسب جمهور القصر الشاعر الما باع،، أجره اعله الحسين الشاعر المأجور،، أجره اعله الشمر ……… عقيل العرد

الرسالة 4 السيد عبدالله الشرع

الرسالة 3 ………. اخر نظرة شفت حسين دم وتراب بالنظرة طاح المستحى وشلته بفي خدودك السمرة انت وربعك الشجعان منارة اعله السما الحمرة صحرا وكلشي اصفر چان بس خيامكم خضرة العطش ما جان بس للماي المواقف ضامية وصفرة بالطف كلشي ما موزون الظلام مچتف الكمرة ما مش مستحى والعيب ماي تبدى بالصحرا من كل عمر روح انطيت من الوردة للشجرة من گماطكم للشيب محد چلّب بعمره تحط ارواح فوك ارواح المــوت بكربلا شكبره ونحر عبد الله موش زغير بطول الزمن دم نحره و زينب بالطف انذبحت الـ عالتل واگفة الزهرة الخ عقيل العرد

رسالة 2 اسافر بالزمن للطف اشوفك بس اغمض العين البصر ما يكدر يلوحك اشوفك بالبصيرة حسين اغمض ينفتح گلبي اشوفك بالگلب نحرين نحر يضحكلي من ابچي ونحر يبجيلي اذا زليت و اعلگ صورتك بالبيت وتلفزيونا يعزل تگبعه امي بعبايتها حزنها بريسم وجرجيت وندبر ارواحنا ونطبخ اعله كد جيرانا نوزع من البيت لاهل البيت وانتظرك تمر بيه وعلى ساعة و اكولن جيت احبك و استحي هوايه جبير انت ،، وزغير اني انا من ابجيلك و اتعب اضم هدومي عن الماي ما ودي اغسل ارداني احبك شهم ما تسكت وصوتك ما نصه اعله الحگ يحبك وين وداني حبك ما يجامل عيب خسرت الناس خلاني وكبرت وي المواكب هاي صرت شاعر واسولفلك وكل شويه اشوفك جاي ضلك بالشمس وياي ضواك بظلمتي وياي صرت كل يوم اشوفنك ترى الشاعر يشوف هواي شفتك مرة يم التل رجعت وغيرت ممشاي وشفتك مرة يم عباس كمت ابچي وذبحت الماي وشفتك شايل وليدك وذبح ذاك السهم ملگاي مثل جرح الكصب نحره ويناغي العطش صوت الناي وشفتك فوك رمح الموت شمس وجهك حدرها فياي اضيع بچبدة الصحرا واشم اسمك دليلة و راي انا ما مبتعد عنك انا شلتك جرح بسماي فوانيس وضعن واطفال تمشي براسي ليلية الا من ناصر ،، هيهيات … شلتهن بذني ترچية كون الصارن بطفك يصيرن كلهن اعليه وافديك النحر نحرين و افديك الطعن مية وافرشلك حصير ظلوع وامشي براحتك بيه احبك واستحي هوايه هواي انت وانا شويه الخ …… عقيل العرد

رسالة 1 ……… يبتدي واحد محرم بالحزن گلبي يشيط حسين يبدي يفتح المشروع الاكبر والاحالة من الله ما بيها وسيط مدة التنفيذ ،، مفتوحة لحد يوم القيامة الرفض حجر الاساس والنحر ينكص شريط كلفة المشروع ،، دم يغازل الطوفان الاول ومن وريد حسين يتبدى المحيط دم يشيل الدنيا كلها دم .. يلاوي السيف من كدما نشيط …………….. عقيل العرد

گلبي ابد مو مثل الاول جان حلمان وصحى كعد من نومه الغميج الجان نايم للضحى غسل وجهه بنهر خوفه وطاح منه المستحة بدل هدومه القديمة ولبس ثوب المصلحة طلع بهدومه الجديدة الناس كامت تمدحه ثوب ما لايگ لگلبي ولا بطول مسامحه الجذب كله تصدَك والصدك كله انمحى مسرحية وكلها تضحك والخدود محملة طين هذا مو گلبي الاحبه ذكرياته ، و حزنه وين يا هو صحاه من منامه واخذ من روحه الحنين ياهو اخذ حزنه وضحكله و الدمع جا وين اضمه عمي رجعوني حزين الخ عقيل العرد

علي اتوضى بمحبة الناس حَب الناس والمو ناس وبصينية الفقرة علي حط روحه باگة ياس علي بخيط الفجر جرحين و اتگوى اعله جرحه ونام ضمير وروح للإسلام تمرة بشفة الصيام ضحكة بشفة الايتام ، مسحة راس ميزان الكرامة انت علي الما دنك راسك ولا ميزان ربعك داس علي شما يكثر الدخان وجهك گمرة بالظلمة وشمس لو غيّم الوهواس اليشيلك يا علي بروحه، حرام يجيس روحه الذل اليشيلك يا علي بگلبه ، يطيح الجبل يم راسه ولا يجفل اليصيحك ياعلي وينخاك يشيل الدنيا بمتونه افا متونه بحمل تهدل اليغمض يا علي ويبچيك قرآن بضميره ايهل اضيعك بالفجر مجروح اشوفك بالغروب اتطل اسمعك بالحرب منجل اشوفك بالحقل سنبل تحصد زلم ذرعانك وترجع بالزلم تشتل علي يا ريفنا ونهران اهلنا الدهله والعنبر يمگذل النخل والشلب والبستان يا ابو تراب ياب المحنة الما تسد الباب يا حيل الزلم بالعوز ، يا صبر النشامى الـ بالضَنَك ما غاب يا حنة اعله بيبان البيوت الطين يا شيلة نذر معگودة للغياب يا سمسم عطايا ،اليرد من بابك يرد امبشر اليطلب يمامش ماش بالمحراب مامش عذر بجيوبك ،ولا بعدين محد تچى عليك وخاب يا هاااك اعله كبر السما وبعد ازّود يكحلة بعين دنيانا وذو الفقارك المرود علي يمحلي وجه الليل شو صاير الليل اسود اليحبونك تلاحكهم خصمهم واكف اعله الحد الخ عقيل العرد

لو ريد الكمر جا كلت سر الليل وسخرت الارواح الضامها الطلسم واشن حرب الصدك بوجوه اليجذبون واخليها فضيحة لثانية تسلم الثلمت وياه خبز ، يثلم ضميري العار اذا يوم بسمعته حجايتي تثَلم اليضوكني هلا من لبة الجمار وعد بعثوكي اذا يستبرد ايجيم ابن صحرة وغربتي بطول شوف النوك وصكر ما دامني خلي السما تغيم وخل يغتاض عن دربي النهر ماموت انه من ماي وجهي يرَبع الموسم وخل يحجون ، حافر مهرتي المسموع وراهم غاير ورديت متقدم الخ... عقيل العرد

الغريب الباعته الدنيا وثبت الخلوق الخانته الناس وسكت الحنين اليقرا قرآن الامان فوك روس عياله من حسها انسبت الشجاع النامت بصدره الرماح وريته بنفاس المسامح عزبت المدلل والمبلل بالحياة عطشوه وگطعوا اعليه الفرات واستحى يطيح ولزم صبره ونبت ياحسين ومنك نقيس الضمير الساميات بلايه اسمك ما سمت الهاديء الما يهتم الما ينهزم الما تهز گلبه السباع من الزلم تبرد بسيفك وتضحك للجيوش منحرك عايش والجيوش انست خيمة خيمة توزع عليهن أمان و شمس مغرب على اطفالك سلمت وبطرف ثوبك يجر بيك الحَنين وزينب بطارف عباتك چلبت ومستعد للموت والموت استعد وسيفهم من طحت بالرگبة انبرد وحاد ضل دمك والسيوف انعمت ياحسين وداعتك من انتهيت انتهت دنيتهم ... ودنياك البدت عقيل العرد

شلون ما يغمرني حزنك يا ذبيح اعصر عيوني و اكطرهن بنحرك وهم روحي اعله النحر واردود اطيح منين ماتندار عيني الحزن حزنك المواكب والضماير والمناير كلها بجروحك تصيح يا معلمني الكرامة بوكت ماي الوجه بالوادم شحيح يا مصبرني اعله وكتي من اذكرك تبرد الجمرة اعله ريجي ويشب طولي وي الرمح وحسين اصيح الخ عقيل العرد

علي نحبك ( علينا ) القالع الباب مو هذا علي اليفتح مكاتب مو هذا التشيل اصوره الاحزاب ولا هذا اليبيع بهالمناصب شماعة حكم ما صار ابو حسين آنه اعشگ علي اليرفع مطالب علي الما مستغل حب الله وياه خليفة وحاكم وما عنده راتب ملك وبدولته الطيبين ( طيبين ) بدولته السيف والوردة گرايب ماعنده فصيل يهدد الناس ولا تنظيم و ارهاب ومصايب علي مركز على انسانية الناس احبه الما يفرق بالمذاهب عيد غدير مبارك على المسلمين عقيل العرد

ما دام محد يجي المن نسوي درب والمن نرش الباب والمن نخلي عطر و المن نبدل ثياب والمن نتاني بعد و اهل البعد غياب ان شاء الله نحب صدك ويبين الجذاب وان شاء الله نرد سوا ونتعاتب وننعاب وان شاء الله ما ترد واصفن بوجهك سنة خاف ارد مثلك شاب وان شاء الله من انكسر جام اوكف بخطوتك حتى انسحگ و انهاب الخ عقيل العرد

جيب من الماي ماي وحطني بي وگلي من تلكه النوايا الصافية النوارس بالنهر تلعب ؟ تخاف ؟ الله يدريها بگلبها شخافية وانه تلگه بگلبي من كد الامان النوارس والجوارح غافية ناس ما اخسر ،، تجي الوادم تروح آنه ما خسران غير العافية عقيل العرد

هذا الميل بالساعة حرامي ابيض حرامي ودكت جدامه تدك بالراس اسمعه وحيل مابيه عليه انهض حرامي يبوك من عمري يبوك سنيني من صندوك گلبي وگلبي حيل جبير ومفضض انا گلبي ذهب جاسه ولف زيبگ اخذ لونه وچوه رسومه ويالون الذهب لو راح حتى بذهب من ينطلي ما يصفه ولا يغلى ولا يرخص ذهب ما يرضى يتعوض ذهب خانه البخت والحظ الخ عقيل العرد

سيل والمردي انكسر مشحوفي صار خشبة خشبة اتكسرت وتناثرت اني واجهت الحياة بعين ذيب شاه رادوني انذبح بس ما ردت واني ميت بس بقيت بلايه عين روحي طلعت بس ابد ما غمضت عندي ، ما عندي ، الكرم ما عفته يوم ايدي گصرت بس ابد ما گصرت عقيل العرد