𝑷𝑨𝑹𝑻 𝑶𝑭 𝑯𝑶𝑷𝑬 🌍❤️‍🔥

اكتر نسخه مني بقيت مبسوط بيها ان مبقاش يفرقلي اي حد ولا بقيت بستني اي حاجه من اي حد

الواحد لما يعدي في مكان معين ويفتكر لحظاته الحلوه الي خلاص مش هتتعوض بتصعب عليه نفسه بعيدا ع ان الحاجه دي انتهت او كانت نهايتها حلوه او لا بس انا بحن لحاجات كان نفسي تكون مكمله معايا لحد النهارده

غريب اوي والله إن قد ايه الواحد ممكن يمارس حياته بشكل طبيعي وقلبه مكسور، يبين أنه تمام وهو مهلك، ويتعامل عادي ويتجاهل مشاعر الحزن ولا كأنها موجودة عشان يعرف يعدي يومه واللي حواليه ميحسوش أنه مخبي حاجة, إحساس غريب وقاسي فوق القسوة قسوة والله

حاول متخليش وجود الناس الي في حياتك يكون هو الجزء الحزين في قصتك لو وصلت لمرحله انك مبقتش بتلاقي تقدير ف المكان الي انت فيه ولا حتي بتلاقي الحاجات الي مستنيها او نفس الحاجات الي بتقدمها ف هنا اختار راحتك افضل من انك تكمل في طريق كله تعب و وجع ف الحالتين هيكون في تعب اه بس اختار التعب الي يكون مؤقت مش الي يفضل مكمل معاك عمرك كله بلا هدف 🤝

اوقات الواحد بيندم انه اتعامل بقلبه مش عقله

عارف يعني اي اكتر شخص تكون مرتاح معاه هو نفس الشخص الي يعملك تروما من كل حاجه في حياتك !!

الي يزعل بجد ان الواحد ميبقاش فاهم هو عمل اي عشان حياته تتشقلب كدا !!

طب انا قلقان وخايف لي المره دي النتيجه مش بتاعتي ولا ليا ؟؟؟

" التواصل نوع من انواع الاحترام " لما تسيب حد مستني عشان مجرد رد كدا انت مش بتديه الاحترام الكافي المشكله مش ان الشخص مشغول المشكله انه مش معتبرك اولويه والاكيد ان مش هيبقي في حد مشغول عن الشخص الي فعلا فارق معاه لو حد هيخليك مستني ساعات او ايام عشان مجرد رد بسيط ف اعرف ان المشكله مش فيك ولا حتي ف انه مشغول !!

الي يوجع ان الانسان ميبقاش فيه طاقه ولا شغف انه يتقبل حاجه ومع اقل مشكله او اي حاجه عموما بتحصل بيبقي عاوز يقفل كل حاجه ويبعد ع كل الناس ويعيش مع نفسه ، الايام دي مفروضه علينا بشكل غبي

انا اتحرمت من حاجات كتير كانت المفروض تحصل وانا في السن دا.

حوار اني من قريه دا مؤذي نفسيا والله

أصعب درس بتتعلمه بالأيام، هو إنك "متتوقعش من حد نفس اللي أنت مستعد تعمله عشانه." بتكتشف إن اللي أنت شايفه "بديهي وطبيعي" في الأصول والعطاء، ممكن يكون عند غيرك "مجهود فوق طاقته ميقدرش عليه".

يابخت اللي طايق نفسه

فكره ان احساسك دايما صح دي مرعبه اوي بجد

الواحد بقي عايش بيجري ع الحاجات الحلوه بيمسك بأقل حاجه تفرحه لاطول وقت هو يقدر عليه وبرغم كدا لو يوم عدي من غير ما النفسيه تبقي تحت ال 0٪؜ يبقي كدا اليوم فيه حاجه غلط واننا متعودناش ع الفرحه خصوصا الايام دي

مجرد انك متحبش شخص معين وانت مفيش بينك وبينه اي تعامل ف انت مش محتاج تراجع نفسك انت محتاج تتعالج.

أكتر حاجة بتخوف! إن الإنسان ميبقاش مرتاح لكن يتعود. ،يتعود على الضغط ، وعلى الزعل ، وعلى إنه يكتم ، وعلى إنه يقول: "عادي"، وهي مش عادي. ، يتعود لدرجة إنه لما ييجي يوم هادي، يحس إن فيه حاجة غلط. الوجع مش أخطر حاجة... أخطر منه إنك تتأقلم معاه، وتفتكر إن دي طبيعة الحياة.!

نتيجه تالته اعدادي ظهرت وعندنا وحده جابت 153 من 280 متخيل الفرق قد اي؟؟ بس برغم ان المجموع قليل بس حاجه بسيطه زي كدا فرحت البيت كله اخواتها واهلها كلهم مش البنت الي ف تالته اعدادي بس يمكن ناس كتير تشوف ان دا موقف يضحك مش موقف حلو بس حقيقي الواحد مفتقد الفرحه الي من القلب دي مفتقد ان يشوف الناس الي حواليه يهمهم زعله ونفسيته وان في قلبهم ان بس الشخص دا يبقي مبسوط ومرتاح من غير ما يفكر كتير مفتقد اكتر ان الناس الي حواليه تفرحله من كل قلبهم كدا مفتقد اي حاجه تفرحه حتي لو الحاجه دي بسيطه جدا. ♥️

عدت عليا فتره كنت حابب اقفل كام يوم عشان اعرف غلاوتي عند الناس الي في حياتي لما رجعت فتحت تاني لقيت نفسي لسه مكمل لوحدي