تـالـتـة ثـانـوي 𝟮𝟬𝟮𝟳

وعدناك من اول يوم انك مش هتمشي الرحلة دي لوحدك وعشان كدا جهزنالك كل اللي هتحتاجه خلال السنه:- ✅ بوست الفجر، وختام اليوم، علشان نتابع روتين المذاكرة سوا ✅ بوستات تحفيزية وتنظيم للوقت. ✅ سيشن يومي ثابت بعد الفجر مدته 4 ساعات. ✅ جداول أسبوعية تساعدك تنظم وقتك. ✅ جروب خاص لمناقشة الأسئلة وحل أصعب الجزئيات. ✅ فقرة «هنحلها سوا» يومياً الساعة 7:00 مساء ✅ فقرة «كمين الثانوية» يومياً الساعة 10:00 مساء ✅ جروبات خاصة بكل مادة، هتلاقي فيها: • ملخصات. • خرائط مفاهيم. • كويزات. • أشهر الأخطاء الشائعة. ✅ متابعة وسيشنات مذاكرة مستمرة، علشان تفضل ملتزم طول السنة. وفي المقابل... عندنا 3 طلبات بس: 🤍 الالتزام 🤍 اسأل لو وقفت قدامك أي حاجة. 🤍 وساعد غيرك زي ما تحب تلاقي اللي يساعدك. يلا... اربط حزام الأمان، لأن الرحلة بدأت. 🚀🤍 مش هنوعدك إنها هتكون سهلة لكن هنوعدك إننا هنخليها أمتع وإن نهايتها بإذن الله تستحق كل لحظة تعب.

لو انت من دفعة 2027 ف الكلمتين دول ليك 🤍 تعرف ايه أول غلطة بيقع فيها معظم طلبة الثانوية العامة؟ إنهم بيخافوا من السنة قبل حتى ما يبدأوها. من أول يوم، يبدأ يسمع: "دي سنه صعبة." "دي سنه مفيهاش هزار." "دي هتحدد مستقبلك." وفجأة، بيلاقي نفسه داخل الرحلة وهو خايف اصلا من كل حاجة فيها. بس اسمحلي أقولك حاجة... لو صدقت كل الكلام دا هتخسر قبل حتى ما تبدأ.. الثانوية العامة مش محتاجة طالب ذكي ولا طالب بيذاكر 24 ساعه. الثانوية محتاجة الطالب اللي يعرف يكمل. اللي لو يوم ضاع منه، ميقولش "انا مش نافع ومش هقدر اوصل" لاء يقوم ويحاول من تاني حتى لو بخطوة صغيرة وميستسلمش ولا ييأس ولو وقع مرة واتنين وتلاته يقوم من تاني. ميقولش خلاص انا تعبت.. اللي عنده هدف حقيقي... مش بيقف عشان وقع، بيقف بس لما يوصل. ومتبصش مين بدأ قبلك ولا مين سبقك ولا مين بيذاكر قد اي ولا مين خلص اي.. كل واحد ليه رحلته. ف ««ركز على نفسك وبس»» وأهم خطوة في الرحلة كلها هي إنك تبدأ صح.. وتكمل. ومن أول يوم... أحب أطمنك إنك مش هتمشي الرحلة دي لوحدك هنكون معاك خطوة بخطوة، لعند ما بإذن الله تحتفل باللحظة اللي كنت بتحلم بيها ونقولك مبروك 💗

بمناسبة حوار كل سنة بتاع تعديل النتيجة (النصب).. اولا الف الف مبروك. معلش عالانشغال ربنا عالم.. ثانيا نيجي لموضوعنا كل سنة بعد ما النتيجة بتظهر بتلاقي شوية نصابين بيقولك تعالى اعدلك النتيجة وكل سنة بيطلعو بطرق جديدة للنصب. هيجبلك صور ومسدجات وصورة كانت 50% والصورة التانية عدلها 95%. واسكرينات من شاتات ان هو معدل للناس وبتاع وكل دا بيبقى صور فيك. الصورة التانية 95% بتبقى دي النتيجة الحقيقية من الاول وهو عامل الصورة الاولى عشان يخدعك ويقنعك بالنصب بتاعو والناس بتتخدع للاسف. من الاخر محدش يعرف يعدل او يغيرلك نتيجتك طالما نزلت رسمي واعتمدت فمتخليش حد يضحك عليك بشوية كلام وصور فيك وينصب عليك ولو تعرف حد بيفكر فالحوار دا فهمو عشان للاسف فيه ناس كتير بتتخدع بالحاجات الفيك دي. وسواء ربنا وفقك ونتيجتك كويسة إحمد ربنا ومتنساش فضلو عليك. او لم تُوَفّق ونتيجتك مش احسن حاجة ف إحمد ربنا برضو لانو اكيد اختارلك طريق تاني فيه الخير ليك وهتكتشف دا بعدين مش دلوقتي.

تَخيّـــــــــــــــــــــــــــــــل مع هدوءِ الفجر واللهُ يقول لك : ‏ولِــعَبَدي مــا سَــأل 🤍🥹

فيه دعاء جميل ألتزمت بيه الفترة الأخيرة ولقيت أثره في حياتي. حبيت اعرفكم بيه : "اللهم أجعل كل ما يتمناه قلبي تراه عيني ، اللهم أستجب لي كل ما أعجز عن قوله وإني يارب في انتظار عطاياك المبهجة وكلي ثقة بأنك الكريم الذي حاشاه أن يرد عبده اللهم عليك بما في قلبي و أنت أعلم مابه يارب"

Channel name was changed to «تـالـتـة ثـانـوي 𝟮𝟬𝟮𝟳»

‏﴿وَمَا ذَٰلِكَ عَلَى اللَّهِ بِعَزِيزٍ ﴾ رتّلها على أمنياتك التي ظننتها مستحيلة، أغرق بها قلبك, وحطم بها مجاديف يأسك..... ♡يا رب بشرنا بكل خير♡

باااااس وصلنا الحمد لله لنهاية المحطة كانت رحلة متعبه جدا وشاقه بس عدت الحمد لله انت اللي مطلوب منك عملته انت سعيت وعملت الي عليك وربنا مُطلع على دا فكرة بقا انك تفكر في المجموع او تقعد تحسبها دي مش بتاعتك وتبقى غلطان لو مفكر إن نتيجة تعبك هي مجموع الثانوية ربنا وعدنا وعد وقال إنا لا نضيع اجر من احسن عملا يعني انت تعبت وسعيت وعملت اللي عليك ممكن ميكونش بالقدر الي انت راضي بيه عن نفسك بس اي مجهود بذلته ولو بسيط هتُجازى عليه امتى بقااا هتاخد نتيجة تعبك وازاي وفين دي مش بتاعتك بقا احمد ربنا انها عدت على خير متفكرش في المجموع ولا التنسيق ولا انك تراجع حل الإمتحان ارتااح وبس انت لسة راجع من سفر ورحلة مرهقة إجازة موفقة وسعيدة يا احلى دفعة 🫶🤍🌷

هناخد سيشن يعني هناخد😌🔥 فككوا من فكرة "آخر مادة مبتتذاكرش" مين اللي قال؟🥲 قدامي على المكتب ولو صفحة واحدة او تحلوا كام سؤال مستويات عليا تسخن بيهم المخ استعداد لبكرا 😁📚 يلا نخلصها بشياكه ونقفل السنة وإحنا راضيين إننا عملنا اللي علينا لآخر دقيقة ❤️ سےـيےـشےـن مےـن 8⃣ لـ,ـ 1⃣1⃣🔥🔥🔥🔥🔥🔥🔥🔥🔥

خلاص احنا في آخر الطريق يا صديقي 🤍 الطريق اللي يمكن من أول السنة كنت فاكره طويل ومش هيعدي أهو عدى عارفة إنه استنفد منك طاقة ومجهود ويمكن صحتك كمان بس عند ربنا مفيش تعب بيضيع كل ساعة مذاكرة وكل مرة قومت فيها تكمل رغم إنك كنت تعبان، ربنا شايفها وهيجازيك عليها. ف متستسلمش في اخر خطوة شَدَّة كمان ومحاولة اخيرة وخلاص هتاخد الاجازة يولا 😉🥳 تاخد سيشن خفيف كده ع الصبح يا معسل انت؟😁👀 ياريت🔥 يلا بينا🥰

لو بيجيلك سؤال قواعد تراكميه ومش بتعرف تحله ف دا ملف شامل كل القواعد التراكميه بأمثله على كل قاعده جمييل 👇👇

لو المشكلة كانت في Vocabulary، راجع الكلمات والتعبيرات المهمة من الملف ده. 👇

النهاردة بعد ما تريح شوية وتشرب مشروبك المفضل ☕🤎 افتح امتحان سابق أو نموذج استرشادي من غير ما تكون شوفته قبل كده وحله بعد ما تخلص متبصش على الدرجة شوف اي اكتر جزء واقع منك وابدأ ركز عليه لو لقيت إن الـجرامر واقع منك ابدأ بيه الأول وراجعه من المصدر اللي بتحب تذاكر منه، وهنسيبلك ملف شامل لكل الجرامر تحت الرسالة👇

أيا كان مستوى الامتحان خلاص انتهى واللي كان في ايدك عملته ف احمد ربنا انه عدى 🤍 متفضلش تشغل نفسك بـ كان المفروض أعمل كذا أو لو كنت ذاكرت أكتر... لأن التفكير في اللي فات مش هيغير حاجة، لكنه ممكن يضيع منك اللي جاي. دلوقتي نركز في الإنجليزي لان يعتبر فاضل يومين على الإمتحان وإن شاء الله يكونوا كافيين جدا لو استغلتهم صح هنقترح عليكم خطة بسيطة للمراجعة للي حابب يمشي عليها وطبعا كل واحد أدرى بالطريقة اللي تريحه وتنفعه 💗

مهم³ 🔥🔥🔥