قناة هدفنا التفوق 🎓📚

ما تحرمش نفسك من قيام الليل حتى لو مش قادر تقومه كله. ركعتين بس وبعدهم ركعة وتر وخلي ليك نصيب من الليل تحافظ عليه خلي بينك وبين ربنا عمل ولو بسيط تواظب عليه حتى لو ضعفت همتك… يمكن يكون هو السبب إنك ما تبعدش 🖤

﴿ رَّبُّكُمْ أَعْلَمُ بِكُمْ ﴾ الآية دي بتغمرني بالسَّكِينة والطُمأنينة دايمًا يقول السعدي فِي تفسيرها: "هو أعلمُ بكمْ مِن أنفسِكُم، فلذلك لا يريد لكم إلا ما هو خير لكم، ولا يأمركم إلا بما فيه مصلحة لكم وقد تريدون شيئًا والخير في عكسه"🍁⛅ فيه حاجة ممكن تخلينا نطمئن أكتر من كدة؟ :))

صباح الخير 🩵⛅️ قبل ما تبدأ في دوشة اليوم وتشغلك الدنيا احمد ربنا إنه أذِن لك بيوم جديد، لأن دي نعمة كبيرة. واقرأ أذكار الصباح لأن دي حصنك خلال يومك فما بدأ يوم بذكر الله إلا بُورك فيه 🤍🌻

﴿فَفِرُّوا إِلَى اللَّهِ ۖ إِنِّي لَكُم مِّنْهُ نَذِيرٌ مُّبِينٌ﴾ اهرب من كل حاجة تعباك إلى الله. من خوفك، من حيرتك، من ضعفك، من كل حاجة مش قادر تشيلها لوحدك. قوم صلِّ ركعتين، واحكي لربنا كل اللي جواك مفيش أحنّ عليك منه، ومفيش أقدر على تغيير حالك منه. يمكن قيامك الليلة يكون بداية فرج أنت مستنيه من زمان 🖤

أما آن أن تكون أنت؟ أن يكون لك في الليل سجدة لا يعلم بها أحد، ودعوة لا يسمعها إلا الله وقيام بين يديه ترجوه وتخشى يوم لقائه. فالليل خلوةُ المحبين وموطنُ الصادقين وفيه يجد القلبُ من الأُنس بالله ما لا يجده في زحام الدنيا. فهل آن لقلبك أن يترك ضجيج الدنيا، ويذوق حلاوة النجوى؟

الوقت اللي بعد الفجر دا… فيه كمية راحة متتوصفش. الدنيا ساكتة والجو جميل ونسمة هوا ترد فيك الروح. تحس الوقت دا مختلف عن أي وقت في اليوم، ليه أجواء خاصة كدا تخليك تحس إنك مش محتاج حاجة من الدنيا. حقيقي نعمة كبيرة والله… محدش يعرف قيمتها إلا اللي جربها🤍

اللهم ارزقنا هذا الشعور... ﴿قَدْ أُجِيبَتْ دَعْوَتُكُمَا﴾

مش ڪل تأخير عقوبة، ومش ڪل حرمان شر. أحيانًا ربنا يمنع عنك الحاجة اللي نفسك فيها جدًا، لأنك لو أخذتها ڪانت هتتعب قلبك أو تبعدك عنه أو تندم عليها بعدين. _*مش لازم تفهم حڪمة ربنا دلوقتي يڪفي إنك تثق فيه.*_ "وعسى أن تڪرهوا شيئًا وهو خيرٌ لڪم" 💗💗💗💗💗💗💗💗💗💗💗💗💗💗^᪲᪲᪲.

وعدناك من اول يوم انك مش هتمشي الرحلة دي لوحدك وعشان كدا جهزنالك كل اللي هتحتاجه خلال السنه:- ✅ بوست الفجر، وختام اليوم، علشان نتابع روتين المذاكرة سوا ✅ بوستات تحفيزية وتنظيم للوقت. ✅ سيشن يومي ثابت بعد الفجر مدته 4 ساعات. ✅ جداول أسبوعية تساعدك تنظم وقتك. ✅ جروب خاص لمناقشة الأسئلة وحل أصعب الجزئيات. ✅ فقرة «هنحلها سوا» يومياً الساعة 7:00 مساء ✅ فقرة «كمين الثانوية» يومياً الساعة 10:00 مساء ✅ جروبات خاصة بكل مادة، هتلاقي فيها: • ملخصات. • خرائط مفاهيم. • كويزات. • أشهر الأخطاء الشائعة. ✅ متابعة وسيشنات مذاكرة مستمرة، علشان تفضل ملتزم طول السنة. وفي المقابل... عندنا 3 طلبات بس: 🤍 الالتزام 🤍 اسأل لو وقفت قدامك أي حاجة. 🤍 وساعد غيرك زي ما تحب تلاقي اللي يساعدك. يلا... اربط حزام الأمان، لأن الرحلة بدأت. 🚀🤍 مش هنوعدك إنها هتكون سهلة لكن هنوعدك إننا هنخليها أمتع وإن نهايتها بإذن الله تستحق كل لحظة تعب.

لو انت من دفعة 2027 ف الكلمتين دول ليك 🤍 تعرف ايه أول غلطة بيقع فيها معظم طلبة الثانوية العامة؟ إنهم بيخافوا من السنة قبل حتى ما يبدأوها. من أول يوم، يبدأ يسمع: "دي سنه صعبة." "دي سنه مفيهاش هزار." "دي هتحدد مستقبلك." وفجأة، بيلاقي نفسه داخل الرحلة وهو خايف اصلا من كل حاجة فيها. بس اسمحلي أقولك حاجة... لو صدقت كل الكلام دا هتخسر قبل حتى ما تبدأ.. الثانوية العامة مش محتاجة طالب ذكي ولا طالب بيذاكر 24 ساعه. الثانوية محتاجة الطالب اللي يعرف يكمل. اللي لو يوم ضاع منه، ميقولش "انا مش نافع ومش هقدر اوصل" لاء يقوم ويحاول من تاني حتى لو بخطوة صغيرة وميستسلمش ولا ييأس ولو وقع مرة واتنين وتلاته يقوم من تاني. ميقولش خلاص انا تعبت.. اللي عنده هدف حقيقي... مش بيقف عشان وقع، بيقف بس لما يوصل. ومتبصش مين بدأ قبلك ولا مين سبقك ولا مين بيذاكر قد اي ولا مين خلص اي.. كل واحد ليه رحلته. ف ««ركز على نفسك وبس»» وأهم خطوة في الرحلة كلها هي إنك تبدأ صح.. وتكمل. ومن أول يوم... أحب أطمنك إنك مش هتمشي الرحلة دي لوحدك هنكون معاك خطوة بخطوة، لعند ما بإذن الله تحتفل باللحظة اللي كنت بتحلم بيها ونقولك مبروك 💗

قالَ لي أحد الصالحين : هل تعلم الفرق بينَ صلاة الفريضة وصلاة قيام الليّل ؟ صلاة الفريضة ندائها بصوت البشر . " حي على الصلاة حي على الفلاح " أما صلاة قيام الليّل ندائها من رب البشر . " هل مِن سائل فأُعطيه "

كلنا عارفين سورة يوسف وهي السورة الوحيدة في القرآن إللي بتحكي قصة نبي كاملة وربنا قال عنها أحسن القصص القصة بتبدأ بحلم وبتنتهي بتفسير الحلم، وهدفها في الأخر جاء في أية" إنه من يتق ويصبر فإنَّ اللّه لا يضيع اجر المحسنين" دي أكتر سورة ممكن توقفك عن يأسك وحزنك، ‏ إهدأ وخذ نفس عميق، طمئن قلقك، كثرة التوتر بتزيد الأمور سوءً، أنت بخير وحياتك بتسير في اتجاهها الصحيح، لا شيء يدعو للخوف بإذن الله.

تَخيّـــــــــــــــــــــــــــــــل مع هدوءِ الفجر واللهُ يقول لك : ‏ولِــعَبَدي مــا سَــأل 🤍🥹

فيه دعاء جميل ألتزمت بيه الفترة الأخيرة ولقيت أثره في حياتي. حبيت اعرفكم بيه : "اللهم أجعل كل ما يتمناه قلبي تراه عيني ، اللهم أستجب لي كل ما أعجز عن قوله وإني يارب في انتظار عطاياك المبهجة وكلي ثقة بأنك الكريم الذي حاشاه أن يرد عبده اللهم عليك بما في قلبي و أنت أعلم مابه يارب"

‏﴿وَمَا ذَٰلِكَ عَلَى اللَّهِ بِعَزِيزٍ ﴾ رتّلها على أمنياتك التي ظننتها مستحيلة، أغرق بها قلبك, وحطم بها مجاديف يأسك..... ♡يا رب بشرنا بكل خير♡

​الحكاية انتهت ؟ ​الحكاية لسه منتهتش🖤 ​مهما عملت احمد ربنا وصلي ركعتين لله انك قدر توصل للحظة دي وانا عارف قد اي كلفتك، ياريت محدش يخرج انا عارف ان الجروب كان بيفكركم بالسنة بس احنا كنا عيلة مع بعض علينا كل الصعب مع بعض ف لسة معانا حكايات تانية طول فترة الاجازة والنتيجة وهنحفظ قران مع بعض علشان ربنا يكرمك في النتيجههه وهنتابع حاجات كتير هتفيدك للجاي هنا ونتعود علي قيام الليل ، ودفعه ٢٧ احنا هنا مع بعض ان شاء الله لسه بدري متقلقوش وهنا برده "عائلة المتفوقين " هتكون مكانا 🖤

باااااس وصلنا الحمد لله لنهاية المحطة كانت رحلة متعبه جدا وشاقه بس عدت الحمد لله انت اللي مطلوب منك عملته انت سعيت وعملت الي عليك وربنا مُطلع على دا فكرة بقا انك تفكر في المجموع او تقعد تحسبها دي مش بتاعتك وتبقى غلطان لو مفكر إن نتيجة تعبك هي مجموع الثانوية ربنا وعدنا وعد وقال إنا لا نضيع اجر من احسن عملا يعني انت تعبت وسعيت وعملت اللي عليك ممكن ميكونش بالقدر الي انت راضي بيه عن نفسك بس اي مجهود بذلته ولو بسيط هتُجازى عليه امتى بقااا هتاخد نتيجة تعبك وازاي وفين دي مش بتاعتك بقا احمد ربنا انها عدت على خير متفكرش في المجموع ولا التنسيق ولا انك تراجع حل الإمتحان ارتااح وبس انت لسة راجع من سفر ورحلة مرهقة إجازة موفقة وسعيدة يا احلى دفعة 🫶🤍🌷

هناخد سيشن يعني هناخد😌🔥 فككوا من فكرة "آخر مادة مبتتذاكرش" مين اللي قال؟🥲 قدامي على المكتب ولو صفحة واحدة او تحلوا كام سؤال مستويات عليا تسخن بيهم المخ استعداد لبكرا 😁📚 يلا نخلصها بشياكه ونقفل السنة وإحنا راضيين إننا عملنا اللي علينا لآخر دقيقة ❤️ سےـيےـشےـن مےـن 8⃣ لـ,ـ 1⃣1⃣

خلاص احنا في آخر الطريق يا صديقي 🤍 الطريق اللي يمكن من أول السنة كنت فاكره طويل ومش هيعدي أهو عدى عارفة إنه استنفد منك طاقة ومجهود ويمكن صحتك كمان بس عند ربنا مفيش تعب بيضيع كل ساعة مذاكرة وكل مرة قومت فيها تكمل رغم إنك كنت تعبان، ربنا شايفها وهيجازيك عليها. ف متستسلمش في اخر خطوة شَدَّة كمان ومحاولة اخيرة وخلاص هتاخد الاجازة يولا 😉🥳 تاخد سيشن خفيف كده ع الصبح يا معسل انت؟😁👀 ياريت🔥 يلا بينا🥰