قصاد حسينية مكتوبه

نِزَفْ فُوگِ الثَّرَى نَحْرَكْ يَضَيْ عِينِي عَلِي يَبْنِي شْگِطَعْ مَا بِينَكِ وْبِينِي ---------------------------------- يَبُويَه انْتَه الْطِحِتْ لُو رُوحِي هَالْطَاحَتْ تَرَه كِلْ جَارِحَه بِيَّه إِلَكْ نَاحَتْ بْدِلِيلِي النَّايِبَاتِ اجْتِمْعَتِ وْصَاحَتْ شَبِتْ يَمْ مَصْرَعَكْ يَوْلِيدِي حَاچِينِي ---------------------------------- جَمَالَكْ عَالتُّرُبْ يِنْزِفِ مِنِ الْمَنْحَرْ شِعَبْ گَلْبِي مُصَابَكْ يَا عَلِي الْأَكْبَرْ حَبِيبِي شْلُونَ اشُبْگَكْ صَعْبَه مَا أَگْدَرْ وِذَرْ عَالْگَاعْ نَايِمْ شَمْعَةِ سْنِينِي ---------------------------------- شْكِثُرْ مِتْغَيِّرَه عْلُومَكْ عَلَى الْغَبْرَه شَعِدِّ بْجِسْمَكِ شْچَمْ طَعْنَه چَمْ طَبْرَه رِحِتْ عَطْشَانْ چَبْدَكْ نَارَه مِسْتَعْرَه وْغِدَه مَايِ النَّهَرْ يِچْوِي بْشَرَايِينِي ---------------------------------- هَضِيمَه الْمِثْلَكِ يْغَطِّي الرَّمُلْ خَدَّه يَا أَشْبَه بِنِينِي بِالنِّبِي جَدَّه شْعِنْدَه هَالْقَدَرْ وَيْ عِيلِتِي شْعِنْدَه يِبُوگُ اوْلَادِي هَمْ يِسْبِي نِسَاوِينِي ---------------------------------- شْيِصَبْرِ الْوَالِدِ الْيُوگَفْ عَلَى وْلِيدَه وْيِشُوفَه مْحَنَّه بِدْمُومَه وْيِسِحْ جِيدَه زِمَانِي وْيَاكْ رَاحِ وْگِلِّي شِيْعِيدَه عَلَى فَرْگَاكْ لَا مَا يُبْرَدِ وْنِينِي ---------------------------------- أَخِبْرَكْ مِنْ عِفِتْنِي وِگْصَدِتْ حَتْفَكْ گُمِتْ أَرْكُضْ رَافُعْ شِيبِتِي خَلْفَكْ انْحِنَه ظَهْرِي گَبُلْ لَا عَايِنِ لْنَزْفَكْ هَسَّه شْلُونْ بِيَّه مَنْتَه تِدْرِينِي ---------------------------------- أَعُودِ بْيَا جَرِحْ لِلْخِيمَه وَاتْعَنَّه وْمَشِيْتِي مَشْيَةِ الْفَاگِدْ وِسَفْ إِبْنَه شَگُولَنْ هَا يَلِيلَى مَا يِرِدِّ الْنَه أَعَزِّي أُمَّكِ وْأُمَّكْ تِعَزِّينِي ---------------------------------- https://t.me/QPASF #محرم_١٤٤٨هج

بمناسبة اقتراب شهر محرم الحرام نستقبل طلباتكم لتصاميم بوسترات للهيئات والمواكب الحسينية @ZHGIPL

#نعـي زینب هالمسيه الصاحت بونه اريد لمصرعك يحسين اتعنه تعنت للمعاره تصيح يا عطشان يالجسمك طريح وراسك اعله الزان صدگ جسمك بکه فوگ الثره عريان صدگ صدرك يخويه الخيل رضنه ادور جثتك وبصدري العبره واعثر بالجثث واوگع عله الغبره ولن اسمع مره اتنادي انه الزهره اجيت لكربله لوليدي اشوفنه شفتها امگبعه خويه بظلام الليل و گعدت يمك ومنها الدموع تسيل وگام تلم ضلوع الطشرتها الخيل وبدمك يبو السجاد تتحنه لمت کل ضلوعك والگلب مفجوع وبعدها ادور وعالوجنه تهمي ادموع اثاري تريد تلگه الأصبع المگطوع وتگلك يبني وياك ارد ادفننه وتاليها لگت رادتها یا مظلوم وبعدها ادور وبين الجثث وتحوم اثاري تريد طفل البالسهم مفطوم وتصيح اشلون عبد الله طبگ جفنه وتعنت للنهر والدمعه همایه وگالتلي يزينب گومي ويايه و گلیله یمن للخدر حمایه تراه انسلب خدري وأيست منه الشيخ زمان الحسناوي https://t.me/QPASF #اللهم_عجل_لوليك_الفرج

غربه وماتلم الغربه ديره گعدنه اعله التراب بلا حصيره نخاف من الزمان الماله رداع أسيره تنام وتگعد اسيره مچتوفه وعيالي أنولت محد درى بجرح اهدعش يبست شفانه من الركض نعطش ونتروه بعطش ركض وسياط يهلي شصار بيه وبلا رحمه لاغيره وحميه تبدل أسمي صاحولي السبيه بت حيدر هضيمه خارجيه ويلاه يزينب غربه ولاهلي يمي واخوتي بس ازغار يابلوه بلوتي كلها تصيح عمه وانه اصيحن ياعباس وينك ياتچوتي وينك يكفال الحرم ماصادفيتك من امس الضلمه كسرت خاطري وينك يريعان الشمس وينك يالجبتني من المدينه شو غاب الگمر ماهل علينه منك ياچفيلي وأيسينه بس لمن طحت خويه نولينه ويلاه يزينب اليلمني صعبه المنه بديه لگيت مطشره بصفه الحميه ياعباس فلت هاي هيه اجيت وارد اگللك سبيه https://t.me/QPASF قصائد كل أيام محرم اشترك بل قناء

حزمت ام الوفه فتيانها الكربله وصار الفخر عنوانها *** حشمتهم بالأسم وصاحت ادريكم زلم مو مهم من ماتجون عندي الحسين المهم الله خالقكم اله والوعد طف كربله درع صيروا للحسين وحامو عنه وعن هله رايده تبيضون وجهي وراسي اترفعونه بكربله باجر ييمه حسين لتعوفونه اربعتكم قدمتكم بدمكم توافونه لجله يمه ارواحكم قدموها وروحوا صوب المشرعه وعطشوها **** لو دخلتو للحرب گطعو يايمه الدرب هذا يوم المرجله ويله ياويله اليطب انتظركم يمه راح ولاتضنون استراح ارضه عنكم من تصير روسكم فوگ الرماح يمه كون اسمع خبركم گبل اخوهم طاحو وكون عالتربان اسمع ولدچ اشگد ناحو راسي ارفعه وفدوه اگولن لجل اخيهم راحو انتو گدها والزلم بفعالها يمه گلبوا الميمنه عله شمالها *** عفيه ولدي الاربعه نزلو مثل الواقعه للخيم مو يمه ماي جيبو حتى المشرعه بيكم اتباها اريد رخصو لحسين الوريد ابوفاضل يمه كون تنطي عين وتنطي أيد يا چبير الما تهمه عسكر ورمايه شويه حراس الشريعه وانته يبني هوايه تطيح جفينك ييمه وما تطيح الرايه انته املها ياگمر عدنانها الخيل اريدن تعثر بفرسانها ** الامل بيكم چبير وراح اوصي من الاخير لو عطش بالطف حسين اربعتكم صيرو بير انتوا زلم الموزمه سوو بالطف ملحمه خلو صرخات الرجال توصل السابع سمه صولوا بالطف اربعتكم مثل صولت حيدر وبفعلكم حيروهم انتوا منهم اكبر ولا تبقوا باقيه الهم وگضوا يمه العسكر هناك اريدنه عسير احسابهم وبيدكم يايمه احصدوا ارگابهم *** للحرب نزلو سوه وضيعو عالجيش الهوه ادري دمكم يمه حار ومو حملكم نينوى مثل ابوكم حيدره بالحرايب مفخره بكربله اتگلبون اريد الميمنه عله الميسره الخيل خل بالجثث تعثر والزلم ركضوها وللسمه شيلوا الكتايب وبالارض دكوها ولموا روس القاده كلها وللخيم ودوها حسين آنه مربيه اله خوش اربعه راسي بيهم يمه باجر ارفعه *** ابو فاضل هيبتي الك يبني اوصيتي بصدرك اتلگه السهام انته بالطف كشختي شيل جودك والعلم وصير حارس عالخيم صوغتي بالطف جفوف وتنطي عينك للسهم بكربله امك تريدك توفي حگ ارباها طيح گبل حسين يبني وصيتي لا تنساها هناك زينب يا ابوفاضل لا تقصر وياها من تعوف اختك تزيد احزانها وهي ما تگدر بدون اخوانها **** تمت الشاعر ميثم العمري https://t.me/QPASF قصائد لكل ايام محرم اشترك بالقناة

موشح (١٧) 👇👇 دفتر الاعمال👇👇 دفتر اعمالي بعد مابي رصيد فقط حُب وخدمة حسين الشهيد ـــــــــــــــــــــــــــــ هاي دنيا اول وتالي تزول والوقوف اهناك يم الله يطول والبقالي فقط حب ابن البتول وآنه حسن العاقبه بحبه اريد ـــــــــــــــــــــــــــــ من چنت عایش ابطن امي جنين وانه عندي بحب ابو اليمه يقين بالحشر يوگف شفیع المذنبين والينظره حسين بالمحشر سعيد ـــــــــــــــــــــــــــــ گبل کل هذا وگبل طف كربله النبي گایل تنخلق شیعه اله بس ينوحون المصابه ومقتله حيث بالطف يبقه محزوز الوريد ـــــــــــــــــــــــــــــ من سمعت بمقتله وبمصيبته وگالو الخادم رصيده بدمعته گلت ماعندي عمل بس خدمته هيه التفيد وسواهه مايفيد ـــــــــــــــــــــــــــــ وین ما الگه صرت مجلس عزاء واگعد واسمع مصايب كربلاء دفتري الفارغ اشحنه بالبكاء والاجر عد فاطمه يعله ويزيد ـــــــــــــــــــــــــــــ والمجالس هاي مهما تزدحم گالو الزهره اتعرفنه بالاسم قررت كون بحضوري التزم وكون تكتبني عبد ويه العبيد ـــــــــــــــــــــــــــــ عبد لحسين وعبد للزهره اصير ولو رضو عنّي يظل شاني چبیر ماتمسني بجاههم نار السعير والله يرزقني شفاعتهم اكيد ـــــــــــــــــــــــــــــ العنده بالدنيا قصر والعنده كوخ من يحب حسين يتعاله بشموخ انه ميهزني بعد حچي المسوخ المايريد حسين خل يوگف بعید ـــــــــــــــــــــــــــــ https://t.me/QPASF

خلي نروح يم خيام الحسين ونباوع عليهن خيمة خيمة ليلة عاشر وباچر يموتون وهاي التنسبي وهاي اليتيمة ــــــــــــــــــــــــــــــــــــــــــــــــــــــــــــ بهاي الخيمة حنّه ويآس وشموع وأم اتحاچي ابنها بحسره وآلام راح اتخيّل اتعرس وهنّيك ليش إيظلن بنفسي يجسام الليلة حنتك مو ليلة وداع باچر زفتك مو تشبع اسهام باچر عمك وربعك يزفوك وهلاهل مو بواچينه الـ بلخيام * يا كلشي بحياتي ولمن تروح * حياتي تصير ابد ما الها قيمة ًخلي نروح يم خيام الحسين ونباوع عليهن خيمة خيمة ــــــــــــــــــــــــــــــــــــــــــــــــــــــــــــ بهاي الخيمة اسمع وآلده تگول دللول الولد يبني دللول باچر ياخذك من عندي الحسين ويردك يابو ست شهور مكتول يبو النحر الزغير شلون يلّاح يوردة وباچر إيدفنوك بالچول شمسويلهم وتموت عطشان عسنّه الصوبك بالسهم مشلول * جريمة الطفل من يعطش يذبحوه * وما صارت مثل هاي الجريمة خلي نروح يم خيام الحسين ونباوع عليهن خيمة خيمة ــــــــــــــــــــــــــــــــــــــــــــــــــــــــــــ هاي الخيمة الاكبر بيها موجود اليشوفه يگول بالخيمة محمد الله يساعد امه الربته شلون اذا باچر من الميدان ما رد ذخر رايدته هيه لفترة الشيب مو باچر تدفنه وتلبس اسود توج وتنطفي جمرات الخيام بس جمرة گلبها شلون تبرد * گبال امه وابو يتگطع اوصال * وچانوا يندعون الله يديمه خلي نروح يم خيام الحسين ونباوع عليهن خيمة خيمة ــــــــــــــــــــــــــــــــــــــــــــــــــــــــــــ هاي الخيمة هاي البيها عباس وزينب والحوار ابين الاثنين هوه ايگلها اني وياچ للموت امسحيها الدموع ولا تخافين وهيه اتگله باچر تهجم الخيل اذا طاحت الراية وراح الحسين وهاي الخيمة باچر تشتعل نار واركض حافيه بين الصواوين * هاي متوني باچر تنگلب سود * واروح اميسره وهاي الهضيمة خلي نروح يم خيام الحسين ونباوع عليهن خيمة خيمة ــــــــــــــــــــــــــــــــــــــــــــــــــــــــــــ هنا الحسين وابنيات الحسين بهاي الخيمة اليحرگوها باچر هواي ايركزن بنظرات الوداع لحد ما تعبت جفون النواظر يبوسن رگبته الحدولها السيف ويشبگن صدره التمرده الحوافر الليلة ويا ومن باچر يتيمات ومعاناة السبي وكسر الخواطر * وشلون برقية وإلمن تروح * من تتخضب الشيبة الكريمة خلي نروح يم خيام الحسين ونباوع عليهن خيمة خيمة ــــــــــــــــــــــــــــــــــــــــــــــــــــــــــــ الشاعر سماح الجنابي https://t.me/QPASF قصائد لكل ايام محرم اشترك بالقناة

نشرت املاك السمه ثوبك امخضب دمه شفت لوعة فاطمه... ...........آه يهلال الحزن *** جرح والحسره چبيره...هل محرم بالدمع بالهدوم السوده صرنه..گلب زينب ينفجع هضم يهلال المصايب..بالنعي بس نستمع اظلوع بالطف هشموها...چبد طه  ينصدع كلشي  غاطيهه  التراب اتصورت بالطف ضباب يجرح  اهلال المصاب ...............آه يهلال الحزن ** صارت  ايامي  مجالس...عيني ظلت هامله وانه من  زغير اسولف....عشت لوعة كربله اشلون حيرتهه الفواطم...من تطيح البسمله ياجرح  عاش  ابدليلي......من سبيها العايله ابروحي والدمعه سؤال يا تُرى هل  من  محال چنهه زينب بس خيال ...............آه يهلال الحزن * ابدي  ايامي  محرم......حزني بالدمعه ارتوه الماشوف احسين اعمه....فرق مابين الضوه بعينه ما شاف الحقيقه..گلب ماعنده انچوه هذا ابو السجاد محني.....طاح شيال اللوه ظهره محني ونايبات الخوه طاحت عالفرات حرم حسره امروعات .............آه يهلال الحزن *** الماشوف احسين اعمه....ابلا بصيره ولا عقل والگلب  مسدود بابه.....ضيع ادروب العدل والعشگ لحسين اكتبه....شعري يمك يرتجل چني  اسمع بالمصيبه.....شهر جيتك لاتهل من الشفاه الذابلات عليك تمشي العاديات اجسوم ظلت عاريات ............آه  يهلال الحزن *** انحنت شفت المواضي...حدت احيود الجرح والضمير  ايصير ميت......ما بعد  يطلع صبح ابيا وجه لدنيا اسولف.....قائمه يطول الشرح وانه من هاي المصيبه....شفت  راس عالرمح صعبه  لحظات الرحيل اجروح  تنعد مستحيل خطهه بالسيفُ الصقيل ..............آه يهلال الحزن *** تمت بعون الله تعالى الشاعر_يوسف_الفتلاوي https://t.me/QPASF قصائد لكل ايام محرم اشترك بالقناة❤️

زينب ع استقبال محرم           يهلال الـموت..المـــن هليت           دمعه ابعيناي..ماضن خليت عشت هــم وقهر       وعمه اعيوني السهر               المن هليت المن هليت ==========================  گلتلك لاهله ولاجيت منك هاجـت  آلامي تهل يالبيك خمس اخـوان مـذبـوحين گدامي    طاحوا وانــه منـــي تطيح سنين العمر ويامي   مجرح من هذاك اليوم خدي ومتني واجدامي             فـرگه الخوان..تهــدم بالحيل             الفاگدله اعزاز..شينومه الليل الحزن سيفــــه شهر     وعمه اعيوني السهر               المن هليت المن هليت =========================  بيك اشچم جرح ماطاب لحد هسه يأذيني   اريد ارتاح مـــــــن النّوح شمالك ماتخليني   منين الصبر اجيبنـه وانه للفاگـده احسيني   كل دايـر سنــه يهلال مــا ترحمني تسبيني                             تّذكرني بيوم..الجيش يصيحون       طــاح العباس..سلبوهـه ام عون اخـــذ عمره النهر         وعمه اعيوني السهر                 المن هليت المن هليت ===================================        اشچم مــــــــره اشوف الموت من بالسوگ طبينه           الضعن والبالضعن للبيع صــــــــــــــاح الشمر بينه        كل واحـــــــــــد اگباله نباع شي منه وجرت عينه        واحد صاح محبس هاذ گطعته امن يد ابو سكينه                    بــالمسلوبــات..بيهه ايبيعـون                    خاتـم لحسين..هذا يصيحون شّعمل بيــــــه الدهر                      وعمه اعيوني السهر                        المن هليت المن هليت ===================================          آه ياضهرك المابيه گطرت مــــــــــــاي اشربنّه         ركضت ابجدم كله اجروح يلجمنّي امن احطنه         فوگ الگاع بس مــــــو گاع كلشي البيه يچونه         ابعمود اخيامنه جمرات عضم اجـدامي وصلنه                متني امن السوط.. بيه ميــة اصواب                يلچمنــــــي الماي..والريــــــــح الهاب الجمر جــدمي صهر                       وعمه اعيوني السهر                        المن هليت المن هليت ===================================          شفـــــت بيامك الما مار عله واحـــــد گبل غَيري          مابين الجسد والراس مــــــن صاح الشمر حيري          يزينب عين عالعطشان وعيــــن اعله النهر ديري          وصّيت الخيول يگول اعله صـدر المنذبح غِيري                       بالحافــر ضال..ظلعه المكسور                      شيلــم احسين..بــالطف منثور انسحگ صدر وظهر                       وعمه اعيوني السهر                           المن هليت المن هليت ================================= https://t.me/QPASF قصائد لكل ايام محرم اشترك بالقناة❤️

اللهم صل على محمد وال محمد 🤍 السلام عليكم ورحمه الله وبركاته لقرب شهر محرم الحرام . قريبا سوف يتم نشر برنامج محرم 1448 ه‍ــ تابعونا لكل ماهو جديد وحصري على الرابط 👈 https://t.me/QPASF قصائد لكل ايام محرم اشترك بالقناة❤️

عكيلي للرسول (ص) اتنوح الزهره الليله وتنعه ١ اخر لحظات من العشره بين الدنيه وبين الزهره والوالد من ودع عمره يعني الزهره بدمعه اتودعه ٢ هالليله اتودع والدها ظلت حزنانه الوحدها غير الاحزان اشظل عدها گام اتحس اتموج السبعه ٣ ظلت محتاره بحسرتها واتنوح بحيرة لوعتها عالوالد وتصب دمعتها والوالد يستاهل دمعه ٤ بين الدمعه وبين الحسره راح اتموت الليله الزهره والوالد من صار بكبره اتمنت لو بس يمها اتسمعه ٥ ياوسفه وحست مهضومه ومن بعد الوالد مالومه بيها الوالد اثر يومه وظلت حزنانه ومنفجعه ٦ بتوديع المختار الليله نتوجه المن نشكيله للباري بدمعه وندعيله يقبلنه بهل دنيه الوسعه https://t.me/QPASF قصائد لكل ايام محرم اشترك بالقناة

رجعت من يسرها الهاشميه – لرض الغاضريه *اخــتك ياكـــمـر جــانـت سبيـــه ----------------------------------------- 1 – هاليوم العقيله ردت امن الشام – حتى اتزور أهلها مهظومه اوضعنها بس حرم وايتام – وينه اليفزع الها ما تكـعــد ضعنكم تحــدي بيه ظـــلام – نـادت عالكـفلها *تـــدري اخــتك سبــــوها *اوعنـــــك غربــــوها *ما عنـدك خـبر لـــو تـدري بيـه * اختك يا كـمر جـانت سبيـه ---------------------------------- -------------- 2 – يم كبر الكمر كعدت تجر حسرات – بت حامي دخيله من جــور الزمان اومن حجي الشمات – كامت تشتكيله ما يدري الكـمر بت حاضـر الشدات – ما تحـمل العــيله *بـت ليـث الحـــرايـــب * تحــديــها الأجــانــب * اوجدها المصطفى سيد البريـه * اختك يا كـمر جـانت سبيه 3 – جنت آنه اعتقد من يدري بينه اهنـاه – يكعـد كمر هاشـم كفيلي اوما أظن يتعـــذر امن انخـاه – اشمعــنه الهسه نايـم أرجـعهـن الجسمــه يمنتــه او يسراه – او يتلكــه الفــواطـــم * خــل يحســبنـه زوار * لو يحســبنه خــــطار * غـربه او جاورينه أهـل الحميه * اختك ياكـمر جـانت سبيه ----------------------------------------------- 4 – مـن كـد ما اعرفك تهوى صوت الماي – جـيتـك للشريعــه اوهالصوت التسمعه هـذا صوت ابجـاي – من عظم الفجـيعـه انهض يالكـلت مـامـونه كـومي اوياي – هـاي آنــه الوديـعــه *يـــاحــــادي الضعــينــه * تـــالي اتفـــاركــينـه * يامـــن بعــدتك عني المنيــه * اختـــك ياكــمر جــانـت سبيــه -------------------------------------------------- 5- وصلت كربلــه لكـن لكــتها اكـــبور— متغــير وضعها مـن كـبر الكـبر ظلت عليها اتـدور – و ترشـه ابدمعــها اونادت من ثكل همها ابكلب مكسور – وين اللي جمعها * حكـــي انشــد يعــمه * عـن كــبر ابو اليـــمه * أرد اشكـيله مـن ظـيم العليه * اخـتك يا كـمر جــانت سبيه خادم اهل البيت عليهم السلام ابو حيدر المجراوي https://t.me/QPASF قصائد لكل ايام محرم اشترك بالقناة

ارد اسولف سالفه وتصعب عليه ابراس ابوهه اشافت وماتت رقيه عالطشت صار الانين ماتت ابحسره وحنين ....................... من بعد طف كربله وذيج المحامل ركبوهه الفاطميه اعله الهزايل رافگاهه المدمع وبالحرگه سايل لاعلي لاجاسم ولايمهه كافل آه ياعظم السبي وذيج المسيه ابراس ابوهه اشافت وماتت رقيه شهگت الفرگه الحسين ماتت ابحسره وحنين ................... شنهو همهه الشرحته الضيف الخرابه حضنه غاب وگعدوهه اعله الترابه شنهو گاللهه وتفز اتصيح بابا هم تحني اجفوفهه من دم خضابه يالجنت بحضانك وهسه سبيه ابراس ابوهه اشافت وماتت رقيه بويه ما متفارگين ماتت ابحسره وحنين ..................... هيج اضن بيناتهم دارت محاجي وتبجي وينوح الهه من كثر البواجي بويه يوجعني اثر جر التراجي مره اتجي العمتي ومره التتاجي يا الاهي موتتي ويالگطع بيه ابراس ابوهه اشافت وماتت رقيه ابلايا رحمه ولامعين ماتت ابحسره وحنين ................! فزت وفزن اوياهه اشجم مصيبه والحبيب ا يسولف الشافه بحبيبه تحجي الزينب على هدوم السليبه وطب عليهه الطشت ووياه العجيبه راس ابوهه البالطشت هاي الرزيه ابراس ابوهه اشافت وماتت رقيه اتشوفه مگطوع الوتين ماتت ابحسره وحنين ....!......!.!..!.!........!... ويا مصيبه الگشبرت جسم الحضرهه الراس ابوهه اتباوع وحارت بمرهه دارت الجفين وتضمه الصدرهه اويه مگطوع النحر گطعت خبرهه شنه بيه الشافته ورادت منيه ابراس ابوهه اشافت وماتت رقيه اشافت ابراس الحنين ماتت ابحسره وحنين .................... بيه ضربه ابجبهته وغارن اعيونه وبالحجر ما رحمته الهشمت اسنونه هذا راس الجانو اهله يدللونه ابلا ضمير ابخيزران ويضريونه طاهه قبل شفته وحيدر وصيه ابراس ابوهه اشافت وماتت رقيه تنضرب من اللعين ماتت ابحسره وحنين خادم اهل البيت علي الزركاني https://t.me/QPASF قصائد لكل ايام محرم اشترك بالقناة🌹

#قصيدة_للمشاية_والخدمة خدامك نظل طول العــمر يحسين لو دربك جمر هذا الدرب ماشين ============================= خدامك نظل هاية عقيدتنة مطلوبين دين وانتة تطلبنة قطرة من دماكم مايسد دمنة لو نطي العمر هم نبقة مطلوبين ======================== شفنة خدمتك عز وشرف بـيها صرنة لخدمتك ارواح نهديها فدوة الروح لجل حسين نطيها واليخلص يحصل جنة الدارين =================== يحسين بضمايرنة نصيح بصوت نبقة اعلى العهد خدام الك للموت ما تمنعنة عنك خشبة التابوت أتلم ارواحنة يمك نعرفك زيـــن ==================== يدمي كَلوبنة لمن يهل عاشور نحيي مصيبتك نوح وندكَ صــدور وتحظر فاطمة الماتم تسجل حظور يم حسين سجلينة ويالتسجلين ====================== تحظر فاطمة أبكل عزة ودور عالهامة تدكَ موعالخد المصطور وما تكَدر تدكَ اعلى الظلع مكسور واسوني يشيعة اتنادي هلوا العين ====================   انعاهد فاطمة ما ننسة ابو اليمة بـــنص كَلوبنة خالد يظل اسمة اقبـل سيدي من عدنة هالخدمة خدامك نظل اشما تمر سنين =================== https://t.me/QPASF #اللهم_عجل_لوليك_الفرج

بويه الغالي.. مذبوحه وتشكي المذبوح رمحك عالي..واجفوفي اكصار ومالوح يابوشفاف الذبلانات..ورم ضهري أمن الطكات بويه الغالي ــــــــــــــــــــــــــــــــــــــ يبواليمه رقيه اني زغيره وذبلت اغصاني حر الهيمه سواني زرع وامفارك الماي تعبانه من طول الدرب.. والحادي ماعنده كلب ابجي ولاهمه البجي..شلع امتوني أمن الضرب يبن الزهره.. انزل مشتاقتلك حيل آخر مره..شفتك بيهه ابنص الخيل وآنه بعمر الفراشات ..ورم ضهري أمن الطكات ــــــــــــــــــــــــــــــــــــــ اباوع ماتباوعلي اريدك بويه تنزلي تطلع الشوك الابرجلي وتمسح دمع الاعيون محتاجه بويه الشبگتك.. وياك أخذني ابسفرتك بعيونك آنه جاي احس.. عطشانه تطلع نظرتك أمن اهد العاشر.. گالولي وماشارب ماي ليش الحافر.. بايگ كل فرحه بدنياي ياهنياله اوياك المات..ورم ضهري أمن الطكات ــــــــــــــــــــــــــــــــــــــ اخاف أمن الهوه ايجرحك لو شيالك ايطيحك للهامه وصل رمحك جا شمسوي يحسين مو گتلي راح انضل سوه..موچنه فراشه وضوه صعدني يمك عالرمح.. يالشوفة اعيونك دوه گلبي الهايم.. منك بس حنيه ايريد مثل الصايم.. من ايتاني اهلال العيد للجيه احسبلك لحظات..ورم ضهري أمن الطكات ــــــــــــــــــــــــــــــــــــــ اعله حظنك راسي عودته حظنك هسه فارگته ليل اليمر مانمته بدونك كارهه النوم يم الرمح مرات اجي.. بيديه اشبگه وانتجي اغفه واشوفك بالحلم..بويه ويفززني البجي يمك ابچي.. وماكتلي اشمالچ تبجين شو ماتحچي.. شو ساكت صوتك يحسين ساكت چاوين الچلمات..ورم ضهري أمن الطكات ــــــــــــــــــــــــــــــــــــــ اخيرا شفتك بنومي تشم بريحة اهدومي گلتلي للقصر  كومي وهزي ابصوتج الشام سمعوني بويه اهل القصر.. ابچي واريدك بس تمر جابولي راسك منگطع..وأمن الطشت هب العطر الله يساعد..عيسى اشلون إبلا اب جان اگبالي الحاقد..يضرب ثغرك يالعطشان وآنه اشكيلك بالدمعات..ورم ضهري أمن الطكات ــــــــــــــــــــــــــــــــــــــ يميت والطشت نعشك اشحلاة الشيب الابرمشك ملك وابداخلي عرشك ملك وامسلب التاج ايغارون منك يالابو..ايغارون منك جي حلو عصفور ماجارح كبل.. بويه الجرح خدك منو خل نتشابك.. وانحط انفاس اعله انفاس مانتفارك.. مثل الرايه وجف عباس خلص حيلي أمن العثرات..ورم ضهري أمن الطكات بويه الغالي محمد الجماسي #اللهم_عجل_لوليك_الفرج https://t.me/QPASF

الليله كلش مـوش مثـــل البارحه الليله اهلـنه اعله الترايب طايحه                   +++ الليله وحشه وين ننطي اوجوهنه ماي ماكو وتجــــــــري ماي عيونه خاف باجــــر على الهـــزل يسبونه راح اسوي اعلئ الشـريعه الفاتحه                   +++ يله يالنســــــــوان شــــدن حيلچن حســــــين طايح محــــد يتچيلچن امشنه يم عــــــــباس خل انعيلچن وضغبره انســــويهه يمه ونايـــحه                    +++ مثلــي ياهالناس ياحــــــرمه انولت بالمعـــــــــــاره وبالعــــــيال اتكفلت الريج ناشف والفـواطــــــــم شيبت وانه للعــــــــباس اصيحـــــن رايحه                     +++ رايـــــحه اتعـــناه اشــــــوفه بحالتي اعليه لوله الفشـــلــــه اذب اعصابتي يضــحك ومـــــــرتاح اخبره بشامتي خلاف وجهه والمـــــــــــدامع جارحه                      +++ الليله  يالنســــــــوان كلــــــــش حيره خاف باجر ننســــــــــــــبي من الديره عالهزل وحســـــــــــــين وجهه ايديره عالضعن ودمــــــــوع اشــوفن فايحه                                   +++ https://t.me/QPASF ليلة الوحشه خادم اهل البيت هيثم شهد الابراهيمي قصائد لكل ايام محرم اشترك بالقناة

بِالْحَرُبْ چَانَوْ أُسُودْ مَا تِهِمْهُمْ هَالْحُشُودْ هَمْهُمِ حْسِينِ وْهَضُمْ حَالَه ذُولَه أَنْصَارِ النِّبِي وْآلَه مَا تِهِمْهُمْ هَالْحُشُودْ... ---------------------------------- مَاكُو بِالدِّنْيَه مِثِلْهُمْ صَفْوَةِ الْبَارِي وْنَبِيَّه رَبْنَه مِنْ لُطْفَه بَرَاهُمْ لَلْجِهَادِ وْلَلْمِنِيَّه انْخِلْقَوِ وْعِلَّةْ خَلِقْهُمْ نُصْرَةِ حْسِينِ الزِّچِيَّه مِنْ عَالَمِ الذَّرْ وَقِّعَوْ ...هَايِ الْوَثِيقَه وْبَايِعَوْ عَنِّ الْإِمَامِ يْدَافِعَوْ.......مِنْ يِجُونِ الْغَاضِرِيَّه ثُلَّه مِنْ رَبِّ السِّمَه بِيهَه تُفْرَحْ فَاطِمَه بِالْمَعَارَه تِفْتِدِي عْيَالَه ذُولَه أَنْصَارِ النِّبِي وْآلَه مَا تِهِمْهُمْ هَالْحُشُودْ... ---------------------------------- مِنْ إِجَوْ لِلطَّفْ مَنَاحِرْ عَاشَوِ الظَّامِي وْغُرُبْتَه شَافِوِ الْعِيشَه جَهَنَّمْ وِالْحُسِينِ شْمَحْلَه جَنْتَه اخْتِنْگَوِ بْحَسْرَةْ گَلُبْهُمْ عَالْغَرِيبَه زِينَبِ اخْتَه صَاحَوْ هَلَه وْكِلِّ الْهَلَه...تِحْلَه الْمِنِيَّه بْكَرْبَلَه بِسْمِ الذَّبِيحِ الْبَسْمَلَه.......كِلْمَنِ يْقَدِّمْ رُگُبْتَه عَنْ يَقِينِ وْمَعْرِفَه قَدِّمَوْ أَرْوَعْ وِفَه چَمْ نَجِمْ طَاحِ وْهِوَه گْبَالَه ذُولَه أَنْصَارِ النِّبِي وْآلَه مَا تِهِمْهُمْ هَالْحُشُودْ... ---------------------------------- حْسِينَ ابُو الْيِمَّه اجْتَبَاهُمْ هَالشَّرَفْ يَاهُو الْيِحِدَّه تْصَفَّحِ بْأُفْقِ الْمَعَالِي يَا مَوَاقِفْ تِلْگَه عِنْدَه وِالْغُلَامِ التُّرْكِي شُوفَه خَدَّ الِحْسِينِ عْلَه خَدَّه هَاذَه الْعَطُوفِ وْرَحْمِتَه...يْطَيِّبْ خَوَاطِرْ صُحْبِتَه يِجْرِي عَلِيهُمْ دَمْعِتَه.........الْيِنْجِرِحْ جَرْحَه يِشِدَّه دُونَكِ الْحُرْ نَاشِدَه وِالْعِصَابَه شَاهِدَه مِنْ خَذُوهَه دَمْ جَرِحْ سَالَه ذُولَه أَنْصَارِ النِّبِي وْآلَه مَا تِهِمْهُمْ هَالْحُشُودْ... ---------------------------------- عَالْأَرُضْ نَامَوْ ضَحَايَه وِالنَّحَرْ طُفْحَتْ دِمَاءَه وِيلِي وِحْسِينِ بْدَمِعْتَه وَاگُفِ وْيِقْرَه عَزَاءَه فَزَّتِ دْمُوعِ الْحَبَايِبْ وْنَوَّحِ الْعَرْشِ بْسَمَاءَه مِنْ خَاطَبِ اعْزَازِ الْگَلُبْ...ارْتَجَّتْ جِثَثْهُمْ عَالتُّرُبْ رَادَوْ يِطُبُّونِ الْحَرُبْ................ثَانِي مَرَّه بْكَرْبَلَاءَه لُو إِذَنْ لِيهُمْ تَرَه مَا بُقَوْ فُوگِ الثَّرَى وِالنِّعِمْ مِنْ فَزْعَةَ ابْطَالَه ذُولَه أَنْصَارِ النِّبِي وْآلَه مَا تِهِمْهُمْ هَالْحُشُودْ... ---------------------------------- قُدْوَه هُمَّه لْكِلْ مُوَالِي يِتِّبِعْ صَاحِبْ زَمَانَه دَمْهُمِ الْفَاضِ وْتِبَدَّه بْرُگْبَةِ الشِّيعِي أَمَانَه وِاحْنَه صَحْ وَالِينَه غَايِبْ وْغَايِبِ عْلِينَه مِچَانَه لَاچِنْ ضَرُورِي نِلْتِزِمْ......دَرْبِ الشَّرِيعَه وْنِفْتِهِمْ الْمَهْدِي يِدَوِّرْ عَنْ زِلِمْ...تِسْتِحِقْ عَطْفَه وْحَنَانَه وِالْيِتَانِي طَلْعِتَه خَلْ يِعِيشِ بْخِيمِتَه يْصِيرِ اسِمْنَه بَاچِرِ رْجَالَه ذُولَه أَنْصَارِ النِّبِي وْآلَه مَا تِهِمْهُمْ هَالْحُشُودْ... ---------------------------------- محرم_١٤٤٧هج https://t.me/QPASF

نزله الى مسلم بن عقيل راية حق وترف بالكوفه مسلم كل يوم احنا نشوفه رايات ترف بالحريه تنادي بإسم الانسانيه مسلم كل يوم يشع ضيه ويرفع للاحرار اجفوفه مسلم كل يوم احنا نشوفه *----------------------*----------------------* وسط الكوفه وصارت غاره عدوانه اكباله ومحتاره مسلم يرعبهم بتاره من هاشم صوله ومعروفه مسلم كل يوم احنا نشوفه *--------------------*---------------------* واكف وحده وكلها اتهابه ماذل رغم الظلم الصابه مسلم ثوره تضل لهابه وحده وزارع بيهم خوفه مسلم كل يوم احنا نشوفه *---------------------*--------------------* جم مسلم مر بينا وصرح  صوت الحق عالباطل يصدح لو تتبع للحق لو ترزح تحت الباطل تحمل خوفه مسلم كل يوم احنا نشوفه *---------------------*---------------------* لاتتعجب من اخباره لو كالو شحت أنصاره بالواقع شفناها اسراره دوم الناس الحق تعوفه مسلم كل يوم احنا نشوفه *----------------------*---------------------* محمد دعبل النوري https://t.me/QPASF قصائد لكل ايام محرم اشترك بالقناة

يمسلم ياهيبه..ويشيخ المرجله يسلطان الكوفه..وتحبك كربله ... انته بجداره نلت الصداره من طولك اكصر قصر الاماره تملك ثقافه وكشخه وقيافه أنته الحقيقه وكلهم خرافه ياترف مثل الهوه..بالنزاكه أنته الضوه ياخشن بالحومه المو ثكيل اوموشهم..طبعا ابسوك الزلم بالرخيص انسومه يمسلم وافعالك..تضل امعدله يسلطان الكوفه..وتحبك كربله ... وجهك سماوي بالكوفه ضاوي سيفك الهي تمحيهه ناوي وحدك تقاتل عندك تفائل الله ينصرك يابوالمراجل يابو سيف الصاعقه.. خايف العسكر بقه يرجف أمن اخياله يالبعتهم بالرخص ..كامت بسيفك تغص الخيل والخياله يشراي الغيره..هله بزودك هله يسلطان الكوفه..وتحبك كربله ... حرب الشوارع بيهه أنته بارع افضح خمرهم يبن الجوامع صارت قضيتك شيبه بلحيتك أنته الحسيني والحب هويتك امرايه أنته ابنص عمي.. ياسبع يالهاشمي هلهلتلك طوعه ذوله أشباه الزلم.. من خزرتك تنهزم شارده ومفزوعه فقط بس بتارك..يحل المسأله يسلطان الكوفه ..وتحبك كربله ... سيفك قيامه عالي مقامه لمن ترفعه اتلوح الحمامه من حيدر أنته صيتك أخذته قصر الاماره ابجدمك سحكته خطه سوي بالحرب.. تكلب الكوفه كلب والنصر فك بابه البس الثام الولي..خل يحسبونك علي وانته من طلابه علي أنته الثاني...وكأنك زلزله يسلطان الكوفه.. وتحبك كربله .... بالكوفه وادم للذل تسالم باعو عقيده بحفنة دراهم يعدي مرضهم واضح غرضهم والحمدُ لله سيفهك قرضهم ذوله ما إلهم دوه..وين مامال الهوه.. يابو طاهر مالو كالنعاج اتصفطو..ورطه والله اتورطو اليوم بيمن عالو التلوحه ابسطراتك.. تجمد هيكله يسلطان الكوفه..وتحبك كربله ... دين الخليفه نفس السقيفه من  الثلاثه نال الوضيفه الدين السياسي همه الأساسي يقتل أئمه لاجل الكراسي وانته ماجاي الحكم.. رايد اتبين ضلم كل بني سفيانهه يالصرت كبش الفده.. طوعه هيه الشاهده عن غدر كوفانهه فزت يامولانه..برفيع المنزله يسلطان الكوفه.. وتحبك كربله محمد الجماسي #اللهم_عجل_لوليك_الفرج https://t.me/QPASF قصائد لكل ايام محرم اشترك بالقناة

مَا نِنْسَاكُمْ يَبْنِ الزَّهْرَه...... ---------------------------------- خِدَّامَكْ مَا نِرْضَه بْغِيرَكْ يَحْسِينِ مْغَرِّگْنَه بْخِيرَكْ يَا سِرِّ وْيِصْعَبْ تَفْسِيرَكْ إِنْتَه الْحُبِّ وْإِنْتَه الْجَمْرَه ---------------------------------- مِنْ چَفَّكْ جُودَكْ يِرْوِينَه جَمْرَاتِ مْصَابَكْ تِكْوِينَه بِخْيَامِ الْخِدْمَه مْخَلِّينَه نِبْچِيلَكْ وِنْهِلِّ الْعَبْرَه ---------------------------------- عَالدِّنْيَه نُرْفَعْ رَايَتْنَه بِاسْمَكْ نِتْبَاهَه بْخِدْمَتْنَه تِتْجَارَه لَجْلَكْ دَمْعَتْنَه يَا خَامِسْ أَنْوَارِ الْعِتْرَه ---------------------------------- غَذَّتْنَه مْنِ الْمَرْضَعْ أُمْنَه حُبَّكْ يَالسَّاكِنْ وَيْ دَمْنَه يَا خِيمَه وْكِلْ عَامِ تْلِمْنَه نِجْذِبْلَكْ يَحْسِينِ الْحَسْرَه ---------------------------------- مِنْ طَاحَتْ بِالطَّفِّ خْيَامَكْ لَنْ فَزَّتْ دَمْعَةْ خِدَّامَكْ أَيْتَامَكْ يَحْسِينَ ايْتَامَكْ كِلْ خَادِمْ يِفْدِيكِ بْنَحْرَه ---------------------------------- يَحْسِينِ بْجَاهُ امَّكْ فَاطِمْ سَجِّلْ كِلْ رَادُودِ وْلَاطِمْ كِلْ حَاضِرْ كِلْ نَاعِي وْنَاظِمْ وْبِالْمَحْشَرْ جَازِيهِ بْأَجْرَه ---------------------------------- #محرم_١٤٤٧هج https://t.me/QPASF