✍የራያ እና አካባቢው የሰለፍዮች ቻናል

ለሕፃናት ልጅ ቢሆን እንኳ ቃል ገብቶ አለመፈጸም ትልቅ ውሸት ነው። ​📚 የነቢዩ (ﷺ) ሐዲሥ ​ከአቡ ሁረይራ (ረዲየላሁ ዐንሁ) እንደተወራው የዓላህ መልእክተኛ (ሶለላሁ ዐለይሂ ወሰለም) እንዲህ ብለዋል፡ ​«ለሕፃን ልጅ "ና ይህንን እንካ" ብሎ ከዚያ ሳይሰጠው የቀረ ሰው እርሷ (ያቺ ንግግር) ውሸት ሆና ትጻፍበታለች።» ​📚 ምንጭ፡ አሕመድ የዘገቡት፤ አልባኒ በ«ሶሒሕ አት-ተርጊብ» (2942) ላይ ሶሒሕ ብለውታል። ​📝​ይህ ሐዲሥ የሚያስተላልፋቸው ዋና ዋና ትምህርቶች ​የመልካም ሥነ-ምግባር ጥሪ፡ እስልምና ከመጥፎ ባህሪያት እንድንርቅና በመልካም ሥነ-ምግባር እንድንጌጥ ያዛል። ከምእመናን መካከል እምነቱ ሙሉ የሚሆነው መልካም ሥነ-ምግባር ያለው ሰው ነው። ​የውሸት አደገኛነት፡ መጥፎ ባህሪያት ደረጃ ቢኖራቸውም ውሸት ግን ከባህሪያት ሁሉ እጅግ የከፋው ነው። ውሸት ወደ ወንጀልና አመጸኝነት አመጸኝነት ደግሞ ወደ እሳት ይመራል። ​በቀልድም ቢሆን ውሸት አይፈቀድም፡ ውሸት በቁም ነገርም ሆነ በቀልድ መዋሸት በፍጹም አይቻልም። ​ከሕፃናት ጋር በሚኖር ግንኙነት፡ ለምሳሌ ያህል አንዲት እናት እጇን ጨብጣ ለልጇ "ና ልስጥህ" ብላ ብትጠራውና እጇ ባዶ ከሆነ ይህ ውሸት ተብሎ ይመዘገብባታል። ለሕፃናት ቃል ገብቶ አለመፈጸም የውሸት አንዱ አካል ነው። ​🌴 የዓብደላህ ኢብን መስዑድ (ረዲየላሁ ዐንሁ) ንግግር ​ዓብደላህ ኢብን መስዑድ (ረዲየላሁ ዐንሁ) እንዲህ ብለዋል፡ ​«ውሸት በቁም ነገርም ሆነ በቀልድ አይበጅም (አይፈቀድም) እንዲሁም ማንኛውም ሰው ለልጁ አንድን ነገር ቃል ገብቶለት ከዚያ ሳይፈጽምለት መቅረት የለበትም።» ​📚 ምንጭ፡ አልባኒ በ«አል-አደብ አል-ሙፍረድ» (299) ላይ ሶሒሕ ብለውታል።

❤❤❤የትዳር ሕይወት ውብ፣ የማረፊያ፣ የመዋደድና የርህራሄ ምንጭ እንዲሁም በዱንያም በዲንም በረከት ያለው ነው። 👉​ነገር ግን በሴቷ በኩል የሚከተሉት ነገሮች ያበላሹታል፦ ١. እልህና ክርክር ٢. ኩራትና ትዕቢት ٣. ማህበራዊ ሚዲያ (የመገናኛ ዘዴዎች) ٤. ጭቅጭቅና የባህሪ መለዋወጥ (ሙድኝነት) ٦. አፈራራሽና አበላሽ አካባቢ (እናት፣ የቅርብ ዘመዶች፣ ጓደኞች) ٦. ትክክለኛ መንገድ የማያሳዩ ቤተሰቦች ٧. የሴቷ እፍረት ማጣትና ዓይኗን አለመጠበቅ ٨. ውሸት 👉​በወንዱ በኩል ደግሞ፦ ١. ስግብግብነት (ብስጭት/ቁጣኝነት) ٢. እርም (ህገ-ወጥ) የሆኑ ግንኙነቶች ٣. የብልግና ምስሎችንና ቪዲዮዎችን ማየት ٤. ድዩስነት (በቤተሰቡ ላይ ቅናት ማጣት/ቀናት አለመሆን) ٥. የትዳር ግንኙነትን ችላ ማለት ٦. ሚስትንና ልጆችን አለመከታተል ٧. ውሸት ٨. ሀጢአትን በግልጽ መስራት ​አላህን በባለቤቱ ላይ የፈራ እሷም አላህን በባለቤቷ ላይ የፈራች ጥቂት ችግሮችና ቀጣናዎች ቢገጥሟቸውም እንኳን ደስተኛና ሰላማዊ ህይወትን ይኖራሉ።

​⭕ የጫት ሥነ-ልቦናዊ ጉዳቶች ​ ​1. የሱስ በሽታ (Dependency Syndrome) ​ሱስ ማለት አንድን ነገር አካላዊ፣ ሥነ-ልቦናዊና ማህበራዊ ጉዳት እንደሚያስከትል እያወቁ አዘውትሮና በቋሚነት መጠቀም ነው። የሱስ ምልክቶች የሚከተሉት ናቸው፡ ​ነገሩን በከፍተኛ መጠን፣ በቋሚነትና ያለማቋረጥ መጠቀም። ​የመጠቀም ከፍተኛ ፍላጎትና ማቆም ወይም መተው አለመቻል። ​ሰውነት ከጫት ተጽዕኖዎች ጋር መላመድ (ተፅዕኖው እንዲሰማ መጠን መጨመር)። ​ሲያቆሙ ወይም መጠኑን ሲቀንሱ የሱሱ መተው (Withdrawal) ምልክቶች መታየት። ​ጫቱን ለማግኘት፣ ለመቃም ወይም ከደስታው ስሜት በኋላ ለማገገም ብዙ ጊዜ ማባከን። ​አጠቃቀሙ በቤተሰብ፣ በማህበራዊና በሥራ ሀላፊነት ላይ አሉታዊ ተጽዕኖ ማሳደር። ​አካላዊና ሥነ-ልቦናዊ ችግሮችን እንደሚያስከትል ወይም እንደሚያባብስ እያወቁ መጠቀምን መቀጠል። ​ጫት በሚቃምበት ጊዜ የሚታዩ ምልክቶች፡ ​የደስታና የዕረፍት ስሜት። ​የንቃት መጨመር፣ የድካምና የእስትንፋስ ቁርጠት አለመሰማት። ​የማተኮርና የመጠበቅ ብቃት መጨመር። ​የልብ ምት፣ የደም ግፊትና የሰውነት ሙቀት መጨመር። ​ስሜት መነቃቃት፣ ድፍረት ማግኘትና የመናገር ፍላጎት መጨመር። ​የእንቅልፍ፣ የምግብና የወሲብ ፍላጎት መዛባት። ​በአንዳንድ ሁኔታዎች፡ ​እጅግ በጣም ብዙ መናገር፣ በፍጥነት መበሳጨትና ስሜታዊ መሆን። ​የደም ግፊት፣ የልብ ምትና የሰውነት ሙቀት ከፍተኛ ደረጃ መድረስ። ​በአስተሳሰብና በባህሪ ላይ ለውጥ መምጣት፣ የሌሉ ነገሮችን ማየትና መስማት (Hallucinations)። ​በሰውነት ላይ በተለይም በመንጋጋ አካባቢ ከቁጥጥር ውጭ የሆኑ እንቅስቃሴዎች መከሰት። ​የማቆም (የማቋረጥ) ምልክቶች፡ ​እንደ አጠቃቀም ጊዜውና መጠኑ ከሰው ሰው ይለያያሉ። ​አብዛኛውን ጊዜ ሥነ-ልቦናዊ ስሜቶች ሲሆኑ ከአካላዊ ምልክቶች ጋር ከ1 እስከ 2 ሳምንታት ይቆያሉ። ​የድብርትና የጭንቀት ስሜት። ​ከፍተኛ ድካም (መዛል) እና ሥራ የመስራት ብቃት ማጣት። ​የምግብ ፍላጎት መጨመር። ​እንቅልፍ መብዛትና አስፈሪ ሕልሞችን (ቅዥት) ማየት። ​የማተኮርና የመረዳት አቅም መቀነስ። ​ጫት የመቃም ከፍተኛ ፍላጎት። ​2. የጭንቀት በሽታዎች (Anxiety Disorders) ​ጫት መቃም የኖራድሬናሊን (Noradrenaline) ሆርሞን ምርትን በመጨመር የሲምፓቴቲክ አእምሮ ሥርዓትን ያነቃቃል። ​ይህም በፍርሃት፣ ባለመረጋጋት፣ በልብ ምት መጨመር፣ በሙቀት፣ በሰውነት መንቀጥቀጥ፣ በእስትንፋስ መፍጠን፣ እጅና እግር ቅዝቃዜና መደንዘዝ ያሉ የጭንቀት ምልክቶችን ያስከትላል። ​አስቀድሞ የጭንቀት ህመም ባላቸው ሰዎች ላይ ምልክቶቹን ያባብሳል፣ የጭንቀት መድኃኒቶችን ውጤታማነት ይቀንሳል፣ እንዲሁም ድንገተኛ የፍርሃት ጥቃቶችን (Panic attacks) ወይም የእስረኛ-አእምሮ (OCD) ህመምን ሊያበሳጭ ይችላል። ​3. የድብርት በሽታ (Depression) ​ጫት ሲያቆሙ፣ መጠኑን ሲቀንሱ ወይም መቃም በሚገባቸው ሰዓት ሲያረፍዱ ይከሰታል። ​የድብርትና የጭንቀት ስሜት። ​በሥራ ላይ ያለውን ፍላጎት ማጣት ወይም በሕይወት አለመደሰት። ​የእንቅልፍ፣ የምግብና የወሲብ ፍላጎት መዛባት። ​የድካምና የመዛል ስሜት። ​የተስፋ መቁረጥ ስሜት እና አንዳንድ ጊዜ ስለ ሞት ማሰብ። ​እነዚህ ምልክቶች ለአጭር ጊዜ ሊቆዩ ወይም ለበርካታ ወራት ሊዘልቁ ይችላሉ። ​4. የባይፖላር ህመም - ከመጠን ያለፈ ደስታና ብስጭት (Bipolar Disorder) ​ከተለመደው በላይ የደስታና የሐሴት ስሜት ወይም በፍጥነት መበሳጨትና መቆጣት። ​ከመጠን ያለፈ እንቅስቃሴና የእንቅልፍ ፍላጎት መቀነስ። ​የንግግር ብዛትና ፍጥነት፣ አንዳንድ ጊዜ ሀሳብ ከሀሳብ በመዝለሉ ምክንያት የንግግር አለመያያዝ። ​ስለራስ ከፍተኛ ግምት መስጠት (ልዩና ልዩ ተሰጥኦ እንዳለው ማሰብ)። ​ችኩልነት፣ ድርጊቶችን መቆጣጠር አለመቻልና አላስፈላጊ ባህሪያትን ማሳየት። ​5. የስኪዞፍሬኒያ / አእምሮ መታወክ ህመም (Schizophrenia) ​በአእምሮ ውስጥ የዶፓሚን (Dopamine) መጠን መጨመር በአስተሳሰብ፣ በእስትንፋስና በባህሪ ላይ መዛባትን ያመጣል። ​በሌሎች ሰዎች በተለይም በቅርብ ሰዎች ላይ መጠራጠር (ሰዎች ስለ እሱ እንደሚያወሩ፣ እንደሚከታተሉት ማሰብ፣ አላስፈላጊ ቅናት ወዘተ)። ​በስሜት ህዋሳት ላይ ለውጥ መምጣት (አጠገቡ የሌሉ ሰዎች ድምፅ መስማት፣ አስፈሪ ምስሎችን ማየት ወዘተ)። ​ጠበኛ ወይም አላስፈላጊ ባህሪን ወይም እንቅስቃሴ አልባ መሆንን ሊያስከትል ይችላል። ​6. የእንቅልፍ መዛባት (Sleep Disorders) ​የእንቅልፍ ማነስ፣ እንቅልፍ ለመተኛት መቸገር ወይም በእንቅልፍ ወቅት ተደጋግሞ መንቃት ይከሰታል፤ ይህም ጠዋት ላይ ድካምና መዛልን ያመጣል። ​ጫት በሚተውበት ጊዜ ደግሞ እንቅልፍና ድካም ይበዛል፣ አስፈሪ ቅዥቶችም ያጋጥማሉ። ​7. የወሲብ መዛባት (Sexual Disorders) ​የወሲብ ፍላጎት መዛባት። ​የስሜት ህዋሳት ደካማ መሆንና በፍጥነት ፈሳሽ ማፍሰስ (Erectile dysfunction and premature ejaculation)። ​በብልት አካባቢ መቆጣትና የዘር ፈሳሽ ያለ ፍላጎት መውጣት። ​በወሲብ ሆርሞኖች መጠን ላይ አሉታዊ ተጽዕኖ ማሳደር። ​8. ሌሎች ተጽዕኖዎች ​ታካሚው የሚወስዳቸውን ሌሎች መድኃኒቶች አሠራር በመጋፋት የህክምና ውጤታማነታቸውን ይቀንሳል። ​የበሽታውን ማገገም ያዘገያል፣ ይህም የሕክምና ጊዜን ያራዝማል። ​ህመሙ ካገገመ በኋላ ተመልሶ እንዲያሸራተት (Relapse) ምክንያት ይሆናል። ​ጫትን ከሌሎች አነቃቂ ነገሮች ጋር አብሮ መጠቀም የነገሮቹን ጉዳትና በሰውነት ላይ ያላቸውን ተጽዕኖ በጥፍ ያባብሰዋል። ​* 👉 አንተ ሙስሊም ወንድሜ ሆይ!!! እራስህን ከዚህ አደገኛ ዕጽ ጠብቅ!!!! ወንድማችሁ ሙሃመድ ሰኢድ (የማህበራዊ እና ስነ ልቦና ዲጋፍ ስፔሻሊስት ) ራያ ቆቦ

አንዳንዱ ሰው እንደት መዠለጥ እንዳለበት ያውቃል። ለማንኛውም የሁሉም ሴቶች እድሜ ከ 25 አመት በታች ነው እያሉህ ነው። ዝም ብለህ አግባ መስፈርቴ እድሜዋ ከ 25 በታች ነው መሆን ያለበት አትበል ። ምክንያቱም ያላገቡት በሙሉ እድሜያቸው ከ 25 በታች ነው

የጦርነት ዝግጅቱ እየተጧጧፈ እንደሆነ የሚገልፁ ዘገባዎችን እያየን ነው። ብዙዎቹን ፈተናዎች ማስቀረት ባይቻልም ለሁሉም ሁኔታ እራስን ማዘጋጀት አይከፋም። በተለይም ጦርነቱ ሊደርስባቸው ይችላሉ ተብለው በቀዳሚነት በሚገመቱ አካባቢዎች ያሉ ነዋሪዎች የባንክ አገልግሎት፣ ቴሌኮሙኒኬሽን፣ ኢንተርኔት፣ መብራት፣ ... ቢቋረጡ የሚከሰተውን ሁሉ ቀድሞ ማሰብ ችግሩን ባያስቀር እንኳ ከፈተናው ጋር ህይወትን እንዴት መግፋት እንደሚቻል አእምሮን ማዘጋጀቱ አይከፋም። በተረፈ ከባለፈው ጦርነት ብዙ ነገር መማር እንደሚቻል ማሰብ ጥሩ ነው። ተለዋዋጭ ነገሮች ቢገጥሙ እንኳ ኋላ የቂመኞች ሰለባ መሆን እንዳይመጣ አጉል መንቀዥቀዥ አያስፈልግም። አላህ ክፉውን ይያዝልን። = የቴሌግራም ቻናል፡- https://t.me/IbnuMunewor https://t.me/IbnuMunewor

ግን አንድ ምክር በግሌ ልመክራችሁ ወደድኩ በየ ሰአቱ ልዩነት ቡናን ከምትጋቱ ለውዝ ብትጠቀሙ ብዙ ጥቅም ታገኙበታላችሁ!!!በተለይ ወጣቶች ቡናን ባትጠቀሙ ጥሩ ነው። በተለይ ደግሞ ከቤት ውጭ የሚሰራ ቡና ከብዙ ባእድ ነገራቶች ጋር ተዘጋጅቶ ነው የሚሰራው፦ 👉ትንባሆ(አንጋዳ) 👉የጫት ቅጠልና ግንድ 👉ሌሎች አነቃቂ እጾችም አብረው ይጨመራሉ። ነገር ግን በተቃራኒው የዘውዝን(ኦቾሎኒ) ሻይን ብንጠቀም ብዙ ጥቅሞችን እናገኛለን። ከእነዚህም ውስጥ በከፊል፦ ​❶. ለወሲባዊ ጤንነት እና ብቃት ➥​የደም ፍሰትን ይጨምራል፦ በውስጡ በሚገኘው ኤል-አርጂኒን (L-Arginine) አሚኖ አሲድ በሚባል አማካኝነት በሰውነት ውስጥ የናይትሪክ ኦክሳይድ ምርትን በመጨመር ወደ ብልት አካባቢ የሚሄደውን የደም ፍሰት ያሳድጋል። ➥​ሆርሞንን ያመጣጥናል፦ እንደ ዚንክ እና ማግኒዚየም ያሉ ማዕድናት የወንዶችን ዋና የፆታ ሆርሞን (ቴስቶስቴሮን) ማመጣጠን ላይ ከፍተኛ ሚና ይጫወታሉ። ➥​ጉልበትና ጽናት ይሰጣል፦ በከፍተኛ ፕሮቲንና በጥሩ ስብ የበለፀገ በመሆኑ ለስጋዊ ግንኙነት ዘላቂ ጉልበት ይሰጣል። ➥​ስነ-ልቦናዊ ጭንቀትን ይቀንሳል፦ በውስጡ ባለው ትሪፕቶፋን በሚባል አእምሮን በማረጋጋት ለስንፈተ-ወሲብ ምክንያት የሚሆነውን ጭንቀት ይቀንሳል፤ አንቲኦክሲዳንቶች ደግሞ የደም ስሮችን ጤንነት ይጠብቃሉ። ​❷. ለጡንቻ ግንባታ እና ለአካላዊ ብርታት ➥​የጡንቻ እድገት፦ ከፍተኛ የዕፅዋት ፕሮቲን (Plant-based Protein) ስላለው የሰውነት ሴሎችን ለመገንባት፣ የጎዱ ቲሹዎችን ለማደስ እና የጡንቻን ጥንካሬ ለመጠበቅ ይረዳል። ➥​ፈጣን ኃይል፦ በካሎሪና በጥሩ ስብ የበለፀገ በመሆኑ በተለይ ጠዋት ሲጠጣ ወይም ከስራ ድካም በኋላ ፈጣን ጉልበት (Energy) ይሰጣል። ​➌. ለልብ ጤንነት ➥​በውስጡ ያልበለፀጉ በጥሩ ጎን የሚነሱ ቅባቶችን (Unsaturated Fats) እና ኦሜጋ-6ን ይይዛል። እነዚህም በደም ውስጥ የሚገኘውን መጥፎ ኮሌስትሮል (LDL) በመቀነስ የልብ ሕመም ስጋትን ይቀንሳሉ። ​❹. የምግብ መፈጨትን ያፋጥናል ➥​በውስጡ ባለው ከፍተኛ የፋይበር (Fiber) መጠን የምግብ መፈጨት ሥርዓትን ያሳልጣል፣ የሆድ ድርቀትን ለመከላከል ይረዳል። ​❺. የአንጎል እና የነርቭ ሥርዓትን ያጠናክራል ➥​ቫይታሚን ኢ (Vitamin E) እና ናያሲንን (Vitamin B3) በከፍተኛ መጠን ይይዛል። እነዚህ ንጥረ ነገሮች የአንጎልን ሥራ የሚያነቃቁ፣ የትኩረት ብቃትን የሚያሳድጉ እና የማስታወስ ችሎታን የሚያጠናክሩ ናቸው። ​❻. የሰውነት በሽታ መከላከል አቅምን ያሳድጋል ​በውስጡ የሚገኙት አንቲኦክሲዳንቶች እና እንደ ዚንክ፣ ማግኒዚየም ያሉ ማዕድናት ሰውነትን ከተለያዩ ኢንፌክሽኖችና በሽታዎች ይከላከላሉ። ​❼. የደም ስኳር መጠንን ለመቆጣጠር ➥​ዝቅተኛ Glycemic Index ስላለው እና በጥሩ ስብና ፕሮቲን የበለፀገ በመሆኑ በደም ውስጥ ያለው የስኳር መጠን ድንገት ከፍ እንዳይል ያደርጋል (ያለ ብዙ ስኳር ከተዘጋጀ)። ​❽. ለቆዳ እና ለፀጉር ጤንነት ➥​ቫይታሚን ኢ፦ ቆዳ እንዲያንጸባርቅ፣ ከፀሐይ ጨረር ጉዳት እንዲጠበቅ እና የቆዳ የመለጠጥ አቅም እንዳይቀንስ ይረዳል። ➥​ባዮቲን (Biotin)፦ የፀጉርን ጥንካሬ ይጨምራል፣ መሰባበርን ይከላከላል። ​❾. የአጥንትና የጥርስ ጥንካሬ ➥​እንደ ፎስፈረስ፣ ማግኒዚየም እና ካልሲየም ያሉ ማዕድናት የአጥንትና የጥርስን ጥንካሬ ለመጠበቅ እና የመሰበር አደጋን ለመቀነስ አስፈላጊ ናቸው። ​❿. ጭንቀትን ለማስታገስ እና ደስተኛ ስሜት ለመፍጠር ➥​በውስጡ ያለው ትሪፕቶፋን (Tryptophan) የሚባለው በሰውነታችን ውስጥ ወደ ሰሮቶኒን (Serotonin / የደስታ ሆርሞን) ስለሚቀየር አእምሮ እንዲረጋጋ፣ ጭንቀት እንዲቀንስ እና ጥሩ እንቅልፍ እንድናገኝ ይረዳል። ​⓫. የደም ግፊትን ለመቆጣጠር ➥​በውስጡ ያለው ፖታሺየም (Potassium) በሰውነት ውስጥ ያለውን የሶዲየም (የጨው) መጠን በማመጣጠን የደም ሥሮች እንዳይጠቡ እና የደም ግፊት እንዲስተካከል ያደርጋል። ​⓬. የሐሞት ጠጠር (Gallstones) ስጋትን ይቀንሳል ➥​የለውዝ ምርቶችን አዘውትሮ መውሰድ በሐሞት ከረጢት ውስጥ የሚፈጠርን የኮሌስትሮል ጠጠር (Cholesterol Gallstones) የመፈጠር እድልን በከፍተኛ ሁኔታ ይቀንሳል። ​⓭. የሕዋሳት እብጠትን (Inflammation) ይቀንሳል ➥​በውስጡ ባሉት ፖሊፊኖል (Polyphenols) እና አንቲኦክሲዳንቶች አማካኝነት በሰውነት ውስጥ የሚፈጠሩ የተለያዩ የሕዋሳት እብጠቶችን የመከላከል አቅም አለው። ​⓮. የደም ማነስን (Anemia) ለመከላከል ➥​ብረት (Iron) እና ፎሊክ አሲድ (Folate) የያዘ በመሆኑ ቀይ የደም ሴሎች (Red Blood Cells) ምርትን ያፋጥናል፤ ይህም የደም ማነስ ችግር እንዳይከሰት ይረዳል። ​⓯. ለነፍሰ ጡር እናቶች እና ለፅንስ እድገት ➥​በፅንሱ የአንጎል እና የአከርካሪ አጥንት እድገት (Neural Tube Defects) ላይ የሚፈጠሩ ችግሮችን ለመከላከል ወሳኝ የሆነውን ፎሊክ አሲድን ይይዛል። ​⓰. የሰውነት ክብደትን ለመቆጣጠር ➥​በውስጡ ያለው ከፍተኛ የፕሮቲን እና የፋይበር መጠን የመርካት/የመጥገብ ስሜት በመፍጠር የረሀብ ስሜትን ይቀንሳል፤ ይህም አላስፈላጊ ምግቦችን በመቀነስ ክብደት ለመቀነስ ይረዳል። ​⓱. የሆርሞን መዛባትን ያመጣጥናል ➥​ዚንክ እና ማግኒዚየም በሰውነት ውስጥ የሆርሞኖች ምርት እና ስርጭት የተስተካከለ እንዲሆን ይረዳሉ። ​⓲. የእርጅና ምልክቶችን ይከላከላል ➥​ሬስቬራትሮል (Resveratrol) የተባለ ኃይለኛ አንቲኦክሲዳንት ስላለው የሕዋሳትን እድሜ በማራዘም እና የቆዳ መጨማደድን በመቀነስ የእርጅና ሂደትን ያዘገያል። ​⓳. ከስፖርት በኋላ ለሰውነት ማገገሚያ (Post-Workout Recovery) ➥​የፕሮቲን፣ ካርቦሃይድሬት እና ኤሌክትሮላይቶች ጥምረት ከባድ ስራ ወይም ስፖርት ከሰራን በኋላ የተጎዱ ጡንቻዎችን በፍጥነት ለማደስ እጅግ ተስማሚ ነው። ​⓴. የታይሮይድ (Thyroid) እጢን ሥራ ያመጣጥናል ➥​ሴሊኒየም (Selenium) እና ኮፐር (Copper) የታይሮይድ እጢ በትክክል ሆርሞኖችን እንዲያመነጭ እና የሰውነት ህዋሳት ምግብን ወደ ጉልበት የመቀየር ሂደታቸውን (Metabolism) እንዲያፋጥን ይረዳል። ​❷❶. የዓይን ጤንነትን መጠበቅ ➥​ቫይታሚን ኢ እና ዚንክ የዓይን ብርሃን እንዳይቀንስ እና በእድሜ መገፋት ምክንያት የሚመጡ የዓይን ሕመሞችን (እንደ Macular Degeneration ያሉ) ለመከላከል ይረዳሉ። ​❷❷. የጉበትን ጤንነት ይጠብቃል (Fatty Liver Protection) ➥​ከፍተኛ የቫይታሚን ኢ እና የፀረ-ኦክሲዳንት መጠን በጉበት ውስጥ አላስፈላጊ ስብ እንዳይከማች በማድረግ የጉበትን ጤንነት ለመጠበቅ ይረዳል። ​NB: ➾ እነዚህን የጤና ጥቅሞች በተሻለ ሁኔታ ለማግኘት የለውዝ ሻይን ስናዘጋጅ የስኳር መጠን ቀንሰን (ወይም በትንሽ ማር ተክተን) እና እንደ ቀረፋ ወይም ቅርንፉድ ያሉ ቅመሞችን ጨምረን ብንጠጣው ይመረጣል። ➾​ጥንቃቄ፦ የለውዝ ሻይ ከፍተኛ የካሎሪ መጠን ስላለው እና ለውዝ #ለአንዳንድ ሰዎች የአለርጂ (Allergy) ስሜት ሊፈጥር ስለሚችል በልክ መውሰድ ተስማሚ ነው።

ያ ሁሉ ወጣት እንደ ቅጠል ረግፎ፣ ካለፈው ከደረሰው እንደ መማር ዛሬም ጠበንጃ መወልወል አሳዛኝ ነገር ነው። ክፉ ልክፍት! ደም የማይጠግብ አእምሮ!! የወጣቶች በአጭር መቀጨት፣ የእናቶች በሀዘን መሰበር፣ የአዛውንቶች ያለ ጧሪ ቀባሪ መቅረት፣ የሃገር መቆርቆዝ የማያስደነግጠው ልብ ከጠላት በላይ ጨካኝ ነው። ሰው ሌሎች ላይ ከደረሰው፣ ከጎረቤቱ ይማራል። እሱ ቢቀር እንዴት በራስ ላይ ከደረሰው መማር ያቅታል?! ለማንኛውም ወጣት ሆይ! ለራስህ እወቅበት። በስምህ የሚምለው ሁሉ ተቆርቁሮልህ እንዳይመስልህ። ጀግና ጀግና የሚልህ ጀግና ስለሆንክ አይደለም። እየሸነገለህ ነው። ራሱንም ቤተሰቡንም ከእሳቱ አርቆ ነው አንተን የሚማግደው። ካንተ ሞት በኋላ ልጅህን፣ እናትህን ዞሮ አያይም። ግፋ ቢል ነገ ካንተ ሞት በኋላ የሰማእታት ሀውልት ብሎ የድንጋይ ክምር ቢያቆምልህ ነው። ይሄ ላንተም ለቤተሰብህም የሚጠቅመው ነገር የለም። ህዝብ ማደንዘዣ፣ ሌላ እልቂት ማቀጣጠያ እንጂ የሚፈይደው አንዳች ነገር የለም። ጨው ለራስህ ስትል ጣፍጥ። = የቴሌግራም ቻናል፦ https://t.me/IbnuMunewor https://t.me/IbnuMunewor

ኡስታዝ ሙሃመድ አህመድ ሙነወር (ኢብኑ ሙነወር) አንገብጋቢ እና ወቅታዊ አጀንዳ የተዳሠሠበት በወሎ ኮምቦልቻ

ዘመኽሸሪ ማነው??? እምነቱስ??

ጠንክረህ ዲንህን ተማር ባሉ ባልታ ጊዜህን አታባክን ወንድሜ!!!!

የሱፍያ መንገድ

የኛ ሰዎች አላህ እድሜ ሰጥቷቸው ወደ አላህ መመለስ ሲገባቸው ቁመ ቀር ሁነው ዛሬም እዛው ናቸው። ለመውሊድ እየተደገሱ ነው

​🔴 የጫት ሱሰኝነት እና የወጣቶቻችን መጭው እድል ወዴት እያመራ ነው!???? ​ስለ ሰው ልጅ ባህሪ ስናነሳ ሰዎች ሁሉ ተመሳሳይ አይደሉም። ይልቁንም በተለያዩ ባህሪያትና ስብእናዎች የተቃኙ ናቸው። አንዳንዶቹ በደግነት፣ በለስላሳነት፣ በእውነተኝነት፣ በድፍረትና በጀግንነት ባህሪያቸው ይመሳሰላሉ፤ በአንጻሩ ደግሞ ሌሎች በክፋት፣ በመጥፎ ስነ-ምግባር፣ በውሸት፣ በጥማምነት፣ በግልጽ አደመኝነትና በመጥፎ ድርጊቶች የተሳሰሩ ናቸው። ወላጆች ልጆቻቸውን ወደ ተሻለ መንገድ በመምራት ወይም ትተው ወደ እንቆቅልሽና ጥፋት በመልቀቅ ረገድ ትልቅ ሚና አላቸው፤ ይህንን ሃላፊነት ማጎደል ደግሞ በእጅጉ ያሳዝናል። ​ዛሬ የቃላት እና የተግባር ስነ-ምግባራቸው እጅግ የወረደ ወጣቶቻችንን ስናይ (አላህ የጠበቃቸው ጥቂቶች እንደተጠበቁ ሆነው) እውነታው አሳዛኝ ነው። በእርግጥ በጨለማ ውስጥ እንደ ደመቀ ብርሃን የሆኑ፣ ከፍተኛ ስነ-ምግባር ያላቸው ደጋግ ወጣቶችም አሉን። ​በአሁኑ ወቅት በማህበራዊ ሚዲያዎች ላይ የሚሰራጩትን፣ ማህበረሰባችንን የማይወክሉ እና የእፍረት ድንበር የሚጥሱ አጸያፊ ቪዲዮዎችን ከተመለከትን፣ ነገሩ ግራ መጋባትንና ቁጭትን ይፈጥራል። ለዚህ ደግሞ የቤት ውስጥ አስተዳደግ ክፍተት፣ ሃይማኖታዊ እሴት ማጣት እና ወጣቶች ከመልካም ነገርና ከትክክለኛ አስተዳደግ መራቃቸው ትልቅ ሚና መጫወቱ አይቀሬ ነው። ​በሌላ በኩል ደግሞ ገና በወጣትነት እድሜ (ዕድሜያቸው ከ15 ዓመት ያልበለጠ እና ከዚያም በታች ያሉ ህጻናት) በጫት ማስቃሚያ ቦታዎች ውስጥ ተቀምጠው መመልከት በእጅጉ ያሳዝናል። ከሁሉም በላይ የሚያዝነው የወላጆች ቸልተኝነት ነው፤ ልጆች ቀኑን ሙሉ ከቤት ጠፍተው እኩለ ሌሊት ላይ ይመጣሉ፣ ወላጆች ግን ምንም እንደልተፈጠረ ዝም ይላሉ። "የት ነበርክ? ለምን ዘገየህ? በየቀኑ ለምን ይሄ ይሆናል? ከየት ነው የመጣኸው?" ብለው እንኳን አይጠይቁም። ወላጆች ልጆቻቸውን የመከታተልና የመጠየቅ ሃላፊነታቸውን እስከዚህ ድረስ የዘነጉት ለምንድነው? ጫት፣ ትምባሆ እና ሲጋራ ማጨስ ለወጣቶችና በተለያዩ የዕድሜ ክልል ለሚገኙ ሰዎች ጥፋትና መጥፎ መንገድ መያዝ ዋነኛ ምክንያቶች ናቸው። ​ከዚህ ድንቅ መድረክ በመሆን ለወላጆች የማስተላልፈው መልእክት፦ 👉 የወላጅነት ሃላፊነታችሁን ተወጡ፤ 👉ልጆቻችሁን በጥብቅ ሁኔታ ተከታተሉ፣ 👉በመልካም ስነ-ምግባርም ኮትኩታችሁ አሳድጉ። ካልሆነ ግን ለልጆቻችሁ ጥፋትና በቤተሰብም ሆነ በማህበረሰብ ላይ ለሚደርሰው ችግር ትልቁን ዋጋ የምትከፍሉት እና መራራውን ፍሬ የምትቀምሱት እናንተው ናችሁ። 👌​በመጨረሻም ማህበረሰብም ሆነ ሀገር ሊቆሙ የሚችሉት በወጣቶች ትጋትና ጥረት ነው፤ ወጣቶች የሀገር መሰረት፣ የእድገቷ ምስጢር፣ የክብሯና የልዕልናዋ ሰሪዎች ናቸው። እነዚህ ወጣቶች መስመራቸውን ስተው አደገኛ፣ ጠፊ እና ከስነ-ምግባር ውጪ ወደ ሆኑ መንገዶች ሲያመሩ ማየት በእጅጉ ያመማል። ስለዚህ የተለያዩ የመገናኛ ብዙሃን፣ የመስጂድ ኸጢቦች እና የማህበራዊ ሚዲያ አንቂዎች ወጣቶችን ከአደንዛዥ እጾችና መጥፎ መንገዶች አስተምረው የመመለስ ሃላፊነታቸውን ሊወጡ ይገባል። በተለይም ከጫት፣ ሲጋራ፣ ትምባሆ፣ ህገ-ወጥ እጾች እና ከመጥፎ ጓደኞች በመራቅ በመከባበርና በመረዳዳት ላይ የተመሰረተ መልካም ማህበረሰብ እንዲገነባ መረባረብ አለብን። አላህ ይረዳን። ​✍ ወንድማችሁ ሙሃመድ ሰኢድ ከራያ ቆቦ ​➖➖➖➖➖➖➖➖➖➖➖➖

በትዳር አበላሾች (በሱና) ላይ ባሉ ሰዎች ዘንድም ሳይቀር የትዳር ችግሮች እና ፍቺ ልማድ እየሆነ መጥቶ ነገሩ ምስቅልቅሉ እስኪወጣ ድረስ ደርሷል፤ ለባልና ሚስቶች የሚለግሱት ምክር አለዎት? ​መልስ ለባልና ሚስቶች የምንመክረው በበጎ ነገርና በአላህ ፍርሃት (መልካም ስራ) ላይ እንዲተጋገዙ ነው፤ እንዲሁም ከሁለቱም ወገን በመልካም ሥነ-ምግባር እንዲታነፁ እንመክራቸዋለን። ሰይጣን በባልና ሚስት መካከል ልዩነትን ለመፍጠር በጣም ጉጉ ነው። እንዲያውም በአንድ ሶሂህ (ትክክለኛ) ሐዲስ ላይ እንደተወሳው ሰይጣን በሰዎች መካከል ጥልን እንዲለኩሱ ልጆቹን ይልካል። ከእነርሱም አንዱ መጥቶ «ሚስቱን እስኪፈታ ድረስ አልተውኩትም» ይላል፤ እርሱም (ሰይጣኑ) «አንተ እንጂ! (ትልቅ ስራ ሰራህ)» ይለዋል። በሌላ ሐዲስ ደግሞ፦ «ሰው እስኪገድል ድረስ አልተወሁትም» ይላል፤ እርሱም «አንተ እንጂ!» ይለዋል። ​ስለዚህ ሰውየው በተሰሙት ሐዲሶች መሠረት ለሴቷ መልካም ሊውልላት ይገባል፦ «በሴቶች ላይ መልካምን ነገር አደራ ተባባሉ፤ በእናንተ ዘንድ እንደ ምርኮኞች ናቸውና»። የክብረት ባለቤት የሆነው አላህም በቅዱስ ቁርዓኑ እንዲህ ብሏል፦ (በመካከላችሁም መተሳሰብን አትርሱ)። ​ሴት ልጅ ደካማ ናት፤ የአላህ መልእክተኛ (ሶለላሁ ዐለይሂ ወሰልም) ግመሎች በፍጥነት እንዲጓዙ ግመል ነጂው ግጥም በሚልበት ጊዜ ለነጂው እንዲህ ብለውታል፦ «በብርጭቆዎቹ ላይ ቀስ በል (በየዋህነት ያዛቸው)»፤ ማለታቸውም በግመሎቹ ላይ የተቀመጡትን ሴቶች ናቸው፤ ምናልባት ጉዞውን ያፋጥንና ከግመሉ ላይ ሊወድቁ ይችላሉና። ሴት ልጅ እንደ ብርጭቆ ናት፤ መልካም ሊደረግላት ይገባል። የክብረት ባለቤት የሆነው አላህም በቁርዓኑ እንዲህ ብሏል፦ (ከነፍሶቻችሁ ለእናንተ ወደ እነርሱ ትረኩ ዘንድ ሚስቶችን መፍጠሩ፣ በመካከላችሁም መዋደድና እዝነትን ማድረጉ ከምልክቶቹ (አስደናቂ ተአምራቶቹ) ነው) [አል-ሩም: 21]። ​ሴት ልጅም ቢሆን በባልዋ ላይ አላህን ልትፈራ ይገባታል፤ እርሱ ወደ ሥራው ይሄዳል፣ ቀኑን ሙሉ ይደክማል፤ ስለዚህ ወደ እርሷ ሲመለስ በትንሹም በትልቁም ልትጠይቀውና ልትከሰው አይገባም። ይልቁንም መልካም ረዳቱ ልትሆን ይገባል፤ እመቤታችን ኸዲጃ (ረዲየላሁ ዐንሃ) ነቢዩ (ሶለላሁ ዐለይሂ ወሰለም) ጂብሪልን አይተውና አቅፎአቸው በመፍራትና በመደንገጥ ወደ እርሷ በመጡ ጊዜ፦ «ምናልባት ሰይጣን ወይም ሌላ ነገር ይሆን?» ብለው በሰጉ ጊዜ፦ «በጭራሽ! በአላህ ይሁንብኝ አላህ አይጥልህም፤ አንተ ዝምድናን ትቀጥላለህ፣ የሌለውንም ታግዛለህ (ለደሆች ትረዳለህ)...» እንዳለችው ሁሉ። ስለዚህ ለሴት ልጅ የሚገባት በባልዋ ጉዳይ አላህን ልትፈራና በትዕግሥት ልታልፈው ነው፤ ከጥቂት ጊዜ በኋላም ልጅ ወልደው በልጆቻቸው ይበልጥ ይጠመዳሉ። ​ነገር ግን አንድ ሱናን የሚከተል ሙስሊም የሚያገባና የሚፈታ፣ ደግሞ የሚያገባና የሚፈታ ከሆነ፣ ይህ ነገር ብዙ ሴቶች ከሱና (ከሃይማኖት መንገድ) እንዲሸሹ ምክንያት ሊሆን ይችላል። ስለዚህ ጌታችን እንደተናገረው በባልና ሚስት መካከል ፍቅርን ያሳደረው እርሱ ነውና ራሳቸውን በአላህ ኢባዳ (አምልኮት) እና በእውቀት (ዒልም) ሊያጠምዱ ይገባል። አላህም ረዳታችን ነው። ​ምንጭ፦ «አስኢለቱ እም ያሲር አል-ፈረንሲያ» ከተሰኘው የካሴት ትምህርት ሸይኽ ሙቅቢል (ረሂመሁላህ)

ዲን ያላትን አግባ የተባልከው በምክንያት ነው፤ ለራስህም የኑሮህ ማጣፈጫ ቅመም ነች።ሌላው ደግሞ ልጆችህንም በስነ ምግባር እና በዲን አንጻ ጥሩ ደረጃ ታደርሳቸዋለች። እናት!! እናት!! እናት!! ​⭕️ አል-ቡኻሪን ያሳደገችው እናቱ ናት። ​⭕️ አሽ-ሻፊዒይን ያሳደገችው እናቱ ናት። ​⭕️ አህመድ ኢብኑ ሀንበልን ያሳደገችው እናቱ ናት። ​⭕️ ሙሐመድ አል-ፋቲህ የቁስጥንጥንያ (ኮንስታንቲኖፕል) ፈታሂ ይሆን ዘንድ ያሳደገችው እናቱ ናት። ​⭕️ አል-ሀፊዝ ኢብኑ ሀጀርን ያሳደገችው እህቱ ናት። ​⭕️ የኢብኑ ተይሚያ እናት "ተይሚያ" ትባል ስለነበር በሷ ስም ተጠራ፣ በሱም ታወቀ። ​⭕️ የኢማም ማሊክ እናት የዑለሞችን (የሊቃውንትን) አልባሳት ታለብሰውና “ወደ ረቢዓ ሂድ፤ ከእውቀቱ በፊት ከሥነ-ምግባሩ ተማር” ትለው ነበር። ​⭕️ የሱፍያን አሥ-ሠውሪ እናት፡ “እውቀትን ፈልግ፤ እኔ በእንዝርት ሥራዬ እመግብሃለሁ/እረዳሃለሁ” ትለው ነበር። ​⭕️ ኢማም አል-አውዛዒይን እናቱ የቲም አባት የሌለው) ሆኖ ሳለ የሻም ህዝቦች ኢማም እስኪሆን ድረስ አሳደገችው። ​⭕️ አብደላህ ኢብኑ አዝ-ዙበይርን ያሳደገችው እናቱ አስማእ ቢንት አቢ በክር ስትሆን፣ በጀግንነትና በጽናት ላይ ኮትኩታ አሳደገችው። ​🌿 ሴቶች የወንዶች መቅረጫ ናቸው፤ ሴት ልጅ ከተስተካከለች/ካመረች ቤቱ ያምራል፣ ቤቱም ከተስተካከለ ማህበረሰቡ ያምራል። ​🌿 እናት (የህዝብ) እኩሌታ ናት፤ ሌላኛውን እኩሌታ ደግሞ የምታሳድገው እሷው ናት፤ ስለዚህ (ህዝብ) የሚነሳው/የሚበለፅገው በሷ መልካምነትና ጥንካሬ ነው።

የዲን ትምህርት መማር ዓብዱሶመድ ሙሐመድ ኑር Telegram : https://t.me/AbdusomedMNur_Channel/5475 YouTube: https://youtu.be/Us5gsXMdnKo?si=7aXoyYt9_WBHPcEZ