نسيم الجنة

خوێندنەوەی |سوڕەتی الکهف| لەیاد مەکەن. سورة الكهف | الشيخ علي جابر https://t.me/Rigaysalaf

«قورئان» چەند جوان پەروەردەمان دەکات لە هەموو کاتەکان کە ئارام بگرین بە ئارامگرتنێکی جوان و بەبێ گلەیی و گازندەکردن . کەوا بوویت موژدەت لێبێت بە پاداشتێکی زۆری نەبڕاوە . https://t.me/Rigaysalaf

پێغەمبەری خوا «ﷺ» فەرموویەتی : لأَعْلَمَنَّ أَقْوَامًا مِنْ أُمَّتِي يَأْتُونَ يَوْمَ الْقِيَامَةِ بِحَسَنَاتٍ أَمْثَالِ جِبَالِ تِهَامَةَ بِيضًا فَيَجْعَلُهَا اللَّهُ عَزَّ وَجَلَّ هَبَاءً مَنْثُورًا) قَالَ ثَوْبَانُ : يَا رَسُولَ اللَّهِ صِفْهُمْ لَنَا…

پێغەمبەری خوا «ﷺ» فەرموویەتی : لأَعْلَمَنَّ أَقْوَامًا مِنْ أُمَّتِي يَأْتُونَ يَوْمَ الْقِيَامَةِ بِحَسَنَاتٍ أَمْثَالِ جِبَالِ تِهَامَةَ بِيضًا فَيَجْعَلُهَا اللَّهُ عَزَّ وَجَلَّ هَبَاءً مَنْثُورًا) قَالَ ثَوْبَانُ : يَا رَسُولَ اللَّهِ صِفْهُمْ لَنَا ، جَلِّهِمْ لَنَا أَنْ لاَ نَكُونَ مِنْهُمْ وَنَحْنُ لاَ نَعْلَمُ ، قَالَ : (أَمَا إِنَّهُمْ إِخْوَانُكُمْ وَمِنْ جِلْدَتِكُمْ وَيَأْخُذُونَ مِنَ اللَّيْلِ كَمَا تَأْخُذُونَ وَلَكِنَّهُمْ أَقْوَامٌ إِذَا خَلَوْا بِمَحَارِمِ اللَّهِ انْتَهَكُوهَا . رواه ابن ماجه (4245) ، وصححه الألباني في "صحيح ابن ماجه" .📝 واتە: به‌ دڵنیایى ده‌ڵێم كه‌ خه‌ڵكانێك له‌ ئومه‌ته‌كه‌م ده‌ناسم كه‌ له‌ ڕۆژى دوایدا دێنه‌ پێش چاكه‌كانیان به‌ قه‌ده‌ر چیاى تیهامه‌ ده‌بێت و سپى و پاك ، بەڵام خواى گه‌وره‌ لێیان قبوڵ ناكات هه‌موویان لێ ده‌كاته‌ ته‌پ تۆزى په‌رش و بڵاو ! سەوبان گوتی: ئەی پێغەمبەری خودا وەسفیانمان بۆ بکە ، بۆمان ئاشکرا بکە بەڵکو لەوانە نەبین و هەست بەخۆمان نەکەین ، فەرمووی: ئه‌وانه‌ هه‌ر له‌ ئێوه‌ن، براتانن، له‌ زمان و پێستى ئێوه‌ن، شه‌و نوێژیشیان وه‌كو ئێوه‌ كردووه‌، بەڵام هه‌ر كه‌ ته‌نها و دوور له‌ چاوى خه‌ڵكى- دەر‌كه‌وتن- سنورى حه‌رامیان ده‌به‌زاند و ده‌کە‌وتنه‌ ناوى. ئەم کەسانە کێن؟ سوودێکی گرنگ لەم فەرموودەیە لە وانەی دوێنێ: ئەم کەسانە گەر لەسەر ئەم جۆرە تاوانانە بەردەوام بن و تۆبەی لێنەکەن و هەست بە چاودێری خوای گەورە نەکەن و دڵیان ترس نەکات لەکاتی تاواندا بەم شێوازەش بمرن حاڵیان بەم شێوە دەبێت ، بەڵام گەر کەسێک لە نهێنیەوە کەوتە ناو ئەم تاوانەوە بەڵام هەست بە چاودێری خوای گەورە دەکات و دڵی دەترسێت و پاشان تەوبە دەکات و بەردەوام نابێت لەسەری ئەوە ئەم فەرموودە ئەم کەسانە ناگرێتەوە پشت بەخوا . https://t.me/Rigaysalaf

گرنگی شەونوێژ: لە عبداللە کوڕی عەمرو -ڕەزای خوایان لێبێت- دەڵێت: پێغەمبەری خودا -صل اللە علیە وسلم- پێمی فەرموو: «ئەی عبد الله، وەکو فڵان مەبە؛ شەونوێژی ئەنجامدەدا بەڵام وازی لە شەونوێژکردن هێنا . عن عبد الله بن عمرو بن العاص رضي الله عنهما قال: قال لي رسول الله صلى الله عليه وسلم : «يا عبد الله، لا تكن مثل فلان كان يقوم الليل، فترك قيام الليل». [ متفق عليه ] 📝 هەندێک سوود لەم فەرموودە گەورەیە: ١- پێغەمبەری خوا «ﷺ» ناوی کەسەکەی نەهێنا و وتی فڵانە کەس بۆ ئەوەی دایپۆشێت . ٢-پێویستە مرۆڤ هەندێک بەش دابنێت لە قورئانی پیرۆز کە لە شەونوێژدا بیخوێنێتەوە و لەسەری بەردەوام بێت بە پێی تواناى خۆی. ٣- پێویستە موسوڵمان ئاگادار بێت لەوەى زیادەڕەو نەبێت لە پەرستنەکاندا وزۆر لە خۆی نەکات لە شتێک کە لە توانایدا نەبێت، وئەگەر کەسێک بەم شێوەیە بێت ئەوا دینداری قورس دەبێت لەسەری چونکە کردەوە وپەرستنەکان زۆرن، بۆیە ئەمیش وای لێدەکات لە کۆتاییدا لاواز بێت وبچڕێت لە ئەنجامدانى ئەم پەرستنە . ٤- مرۆڤ ئەگەر مامناوەند بوو ئەوا کردەوەکەى بەردەوام دەبێت، ودەتوانێت هەموو مافەکان جێبەجێ بکات، مافى خواى گەورە، مافى نەفس، ومافى خێزان وهاوڕێ . ٥- ئاسانکاری و ڕەحمەتی خوای گەورە بە بەندەکانی . ٦- خۆشەویسترین کردەوە لای خواى گەورە ئەوەیە کە (بەندە) لەسەری بەردەوام بێت ئەگەرچیش کردەوەکە کەمیش بێت . https://t.me/Rigaysalaf

خودایە کاتێک ئەجەلم هات؛ مردنم بۆ بکەیتە دەروازەی ئاسوودەیی و شادبوون بە ڕەحمەتی خۆت .

بڕگەی پرسیار و وەڵام: السلام علیکم ، چۆن بتوانم بە خێرایی قورئان لەبەر بكەم؟ وعلیکم السلام: لەبەرکردنی قورئانی پیرۆز بە شێوازێکی خێرا و متمانەپێکراو پێویستی بە پەیڕەوکردنی ڕێگایەکی زانستی و ڕێکخراو هەیە، لێرەدا گرنگترین هەنگاوە کردارییەکان بۆ گەیشتن بەم ئامانجە دەخەینە ڕوو: ١- ئامادەکاری دەروونی و سەرەتایی: • دڵسۆزی (الإخلاص): نیەتت تەنها بۆ ڕەزامەندی خودا بێت. • دوورکەوتنەوە لە تاوان: پاراستنی چاو و گوێ سەرنجت تیژتر دەکات . • دیاریکردنی کاتی جێگیر: باشترین کات بەرەبەیانە دوای نوێژی بەیانی. • بەکارهێنانی یەک قورئان: تەنها یەک جۆر چاپ بەکاربهێنە بۆ ئەوەی شێوەی لاپەڕەکان لە مێشکتدا بمێنێتەوە. ٢- ڕێگای کرداری بۆ لەبەرکردنی خێرا : • تێگەیشتن لە مانا: پێش دەستپێکردن، تەفسیرێکی کورتی ئایەتەکان بخوێنەرەوە. تێگەیشتن لەبەرکردن بە ڕێژەی ٥٠٪ خێرا دەکات. • دووبارەکردنەوەی دەنگی: ئایەتەکە بە دەنگی بەرز ٣ بۆ ٥ جار بخوێنەرەوە . • بەستنەوەی ئایەتەکان: کاتێک ئایەتی یەکەم لەبەر دەکەیت، پێش چوونە سەر ئایەتی دووەم، هەردووکیان پێکەوە دووبارە بکەرەوە. • گوێگرتن: پێش خەوتن یان لە کاتی هاتووچۆدا، گوێ لەو بەشە بگرە کە دەتەوێت لەبەری بکەیت بە دەنگی قاریئێکی شارەزا (وەک شێح حوسەری یان مەنشاوی). ٣- سیستەمی پێداچوونەوە (گرنگتر لە لەبەرکردن) • دووبارەکردنەوە لە نوێژدا: ئەو بەشەی لەبەرت کردووە لە نوێژە سوننەت و فەرزەکاندا بخوێنە . • پێداچوونەوەی ڕۆژانە: پێش دەستپێکردنی بەشی نوێ، دەبێت پێداچوونەوە بە بەشەکەی دوێنێدا بکەیت. • هاوڕێیەک بدۆزەرەوە: لەبەرکردن پێکەوە یان لەسەر دەستی مامۆستایەک ڕێگری لە تەمەڵی دەکات. بەڕێوبەری کەناڵ ✍️ https://t.me/Labarcrdn

زینا سەرەتا لە جێگەى خەوتنەوە دەست پێناکات... بەڵکو لە نامەیەکەوە! یەکێک لە مەترسیدارترین ئەو درۆیانەی مرۆڤ بڕوای پێ دەکات ئەوەیە کە دەڵێت: "دەزانم کەی دەوەستم و وازدێنم و خۆم کۆنترۆڵ دەکەم." * دەڵێت: تەنها فۆڵۆ کردنە... دواتر دەبێتە لایک. * دەڵێت: تەنها لایکە... دواتر دەبێتە کۆمێنت. * دەڵێت: تەنها کۆمێنتە... دواتر گفتوگۆکە دەچێتە نامەی تایبەت. * دەڵێت: تەنها قسەکردنێکی بەڕێزانەیە... دواتر پرسیارە تایبەتەکان دەست پێدەکەن. پاشان پرسیارەکان دەگۆڕێن بۆ: لە کوێیت؟ ئێستا چی دەکەیت؟ بۆچی درەنگ وەڵامت دایەوە؟ وێنەیەکم بۆ بنێرە... بیرتم کردووە... با کەس بە نێوانمان نەزانێت! لێرەدا چیتر بابەتەکە "تەنها قسەکردن" نییە. پەیوەندییەک دەستی پێکردووە کە نهێنی، چاوەڕوانی، هۆگربوون و ژوانی خۆی هەیە؛ ئیتر لێرەوە شەیتان دێت و هەنگاوی داهاتوو پێشنیار دەکات: با تەنها یەک جار یەکتر ببینین. یەک جاریش لەوانەیە ببێتە چەندین جار، ئەو بینینەی کە لە ڕواڵەتدا بێگەرد دیار بوو، ڕەنگە بە شتێک کۆتایی بێت کە سەرەتا هەردووکیان سوێندیان دەخوارد هەرگیز ڕوونادات. * کارەساتەکە لێرەدایە: زۆربەی مرۆڤەکان یەکسەر و بە یەک جار ناکەونە ناو تاوان و حەرامە گەورەکەوە، بەڵکو کاتێک دەگەنە ئەو قۆناغە کە پێشتر لەسەر حەرامە بچووکەکان ڕاهاتوون، تا ئەو کاتەی دڵیان هەستیاریی بەرامبەر بە مەترسییەکە نامێنێت. ئەمڕۆ ئیتر گورگ پێویستی بەوە نییە لەسەر شەقام بوەستێت تا کچێک بە بەردەمی تێپەڕێت؛ بەڵکو لە ڕێگەی مۆبایلەکەی دەستیەوە دەچێتە ناو ژوورەکەی، لە کاتێکدا ئەو کچە لە ماڵی باوکیدایە و هەست بە ئارامی دەکات. ڕەنگە هەر لە سەرەتاشەوە پێی نەڵێت کە مەبەستی خراپە، بەڵکو بەم وشانە دڵی ڕاو دەکات: "من ڕێزت دەگرم... من لە کەسانی تر جیاوازم... نییەتم پاکە... تەنها تۆیت کە لێم تێدەگەیت... هەرکە بارودۆخم باش بوو دێمە داوات... هیچم لێت ناوێت تەنها ئەوە نەبێت لەگەڵم بمێنیتەوە." پاشان مانگەکان و ڕەنگە ساڵەکانیش تێپەڕن، ئەویش لەسەر بەڵێنێک دەژی کە هەرگیز نەبوو بە هاوسەرگیری. لە دڵ، کات و تایبەتمەندییەکانی خۆی کەم کەم دەبەخشێت. کاتێکیش ئەو کەسە یاریپێکەرە دەگاتە مەرامی خۆی، لەپڕ زمان و مامەڵەی دەگۆڕێت: * لە "بێ تۆ ناتوانم بژیم"ـەوە دەگۆڕێت بۆ *درەنگ وەڵامدانەوە*... * لە "تەنها تۆم هەیە"ـەوە بۆ *ساردی*... * لە "هاوسەرگیریت لەگەڵ دەکەم"ـەوە بۆ *بیانوو هێنانەوە*... * لەوانەشە هەموو شتێک بە یەک وشە کۆتایی بێت: *"ئێمە بۆ یەکتر نابین!"* دواتر یەکێکیان دەڕوات بەدوای ئەزموونێکی تردا دەگەڕێت، ئەوی تریشیان دەمێنێتەوە بۆ کۆکردنەوەی پارچە شکاوەکانی دڵی. ڕەنگە ترس، پەشیمانی، وێنە، نامە و نهێنییەکان ببنە بارگرانییەک بەسەریەوە کە خۆزگە بخوازێت قەت ڕۆژێک لە ڕۆژان نەیناردبایە. * پەیامەکە تەنها بۆ کچان نییە ئەم قسانە تەنها بۆ کچان نییە؛ چەندین گەنجیش هەن کە بە نامەیەک دەستیان پێکردووە بەو پێیەی تەنها "کات بەسەر دەبەن"، بەڵام دواتر تووشی هۆگربوون، ئابڕووچوون و تاوان بوون، و بەهۆیەوە ئایین، ئارامیی دەروون و متمانەی خێزانەکەیان لەدەست داوە. هەر بۆیە خوای گەورە لە قورئاندا تەنها نەیفەرمووە: "زینا مەکەن"، بەڵکو فەرموویەتی: ﴿وَلَا تَقْرَبُوا الزِّنَى إِنَّهُ كَانَ فَاحِشَةً وَسَاءَ سَبِيلاً﴾ *(واتە: نزیکی زیناش مەکەون، چونکە بێگومان تاوانێكی گەورەیە و ڕێگەیەكی خراپە).* سەرنج بدەن: ﴿وَلَا تَقْرَبُوا﴾ (نزیکی مەکەون). چونکە حەرام ناوچەیەکی نزیکبوونەوەی هەیە کە پێشی دەکەوێت: سەیرکردنێک... فۆڵۆ کردنێک... لایکێک... نامەیەک... چاتێکی نهێنی... هۆگربوون... وێنەیەک... ژوانێک... بینینێک... پاشان دوای کارەساتەکە، مرۆڤ ڕادەوەستێت و دەڵێت: "هەرگیز نەمدەزانی دەگەمە ئێرە!" ئەمەش ڕێک فێڵی ڕێگەکەیە؛ کاتێک هەنگاوی یەکەمی تێدا دەنێیت، کۆتاییەکەی نابینیت. بۆیە تەنها لە خۆت مەپرسە: ئایا کەوتمە ناو تاوانە گەورەکەوە؟ بەڵکو بپرسە: *ئایا ئێستا من لەو ڕێگەیەدام کە بەرەو ئەوێم دەبات؟* *لەبەر ئەوە بزانە: هەندێک دەرگا، ئازایەتی ئەوە نییە بچیتە ژوورەوە و پاشان بەرگری بکەیت... بەڵکو ئازایەتی ئەوەیە هەر لە سەرەتاوە نەیکەیتەوە. ﴿وَاللَّهُ يُرِيدُ أَنْ يَتُوبَ عَلَيْكُمْ وَيُرِيدُ الَّذِينَ يَتَّبِعُونَ الشَّهَوَاتِ أَنْ تَمِيلُوا مَيْلاً عَظِيماً﴾ لادانە گەورەکە لەوانەیە بە هەنگاوێکی گەورە دەست پێ نەکات... بەڵکو لەوانەیە بە نامەیەک دەست پێ بکات کە پێت وابوو هیچ مانایەکی نییە! --------------------- #بەكورتی (٦٥٩) https://t.me/ba_kurty

بەهۆی زۆری گەرمی هاوینەوە مرۆڤی بڕوادار گەرمی دۆزەخی بیردەکەوێتەوە و پەنای پێ دەگرێت 🤲🥺 پەروەردگارا پەنا بەتۆ لە ئاگری دۆزەخ .. https://t.me/Rigaysalaf

ڕێکەوتەکان دووبارە دەبنەوە بەڵام کەسەکان نا : •ڕەحمەتتان لێبێت مردووان لە نزای خێر بێبەش مەکەن• پەروەردگارا لە «براکەم» خۆشبە و ڕەحمی پێبکە و بە بەهەشتی بەرین شادی بکە لەگەڵ تێکرای مردووی موسوڵمانان . «كفى بالموت واعظاً» بەسە بۆ مردن کەوا بۆ هەموومان پەند و ئامۆژگاری بێت ! ٢٠٢٤/٨/١٠ ٢٠٢٦/٨/١٠ https://t.me/Rigaysalaf

فەزڵی زکر و یادی خوای گەورە: پێغەمبەری خوا «ﷺ» فەرموویەتی: بەندە لە شەیتان ڕزگاری نابێت ئیللا بە زکر و یادی خوای گەورەوە نەبێت . العبدُ لا ينجو من الشيطان إلا بذكرِ اللهِ خلاصة حكم المحدث : صحيح الراوي : الحارث بن الحارث الأشعري | المحدث : الألباني | المصدر : صحيح الترغيب | الصفحة أو الرقم : 1612📝 بەڕاستی زکر و یادی خوای گەورە لە ئاسانترینی ڕێگاکانی چوونە بەهەشتە ، مرۆڤ لە هەموو کات و ساتێکی دەتوانێت کاتەکانی بڕازێنێتەوە بە یادی خوای گەورە ، وەکو قەڵایەکی پتەوە بۆ بەندە لە پاراستنی لە هەموو ئەم شتانەی کە زیانی پێ دەگەیەنێت . https://t.me/Rigaysalaf

هەندێک جار هەڵسووکەوتی زبر و توند لە پەیوەندییەکان بێسوودە، نەرمونیانی باشترین ئەنجامی دەبێت. وتراوە: «دەتوانیت بەخۆشەویستی شاخێک بە کەسێک بگوازیتەوە، بەڵام بەزبری و ڕەقی دەنکە گەنمێکت بۆ ناگوازێتەوە، چونکە تووشی عینادیی دەکەیت.» وەرگیراوە بەدەستکاریەوە .. https://t.me/Rigaysalaf

•«الحمدلله الذي بنعمته تتم الصالحات»• جزاکم الله خیرا .. https://t.me/Rigaysalaf

فەرموودەیەکی گەورە لەسەر فەزڵی ئامادەبوون لە کۆڕ و مەجالیسی عیلم . حديث عظيم في فضل حضور مجالس العلم وبكاء القارئ تأثرا به 🥺 « الشيخ عبدالرزاق البدر | حفظه الله » https://t.me/Rigaysalaf

تاوانەکان چێژی ئیمان دەبەن و تاریکی و ڕەقی بۆ دڵ دەهێنن ... 🌱 https://t.me/Rigaysalaf

سوڕەتی کەهف و یەک دونیا پەند و عیبرەت: هەموو جومعەیەک کە |سوڕەتی الکهف| دێتەوە بەردەممان بۆ ئەوەی هەواڵمان پێ بدات کە: • گەر کەشتیەکە کون نەبوایە دەستی بەسەر دەگیرا . • کە مناڵەکە نەکوژرایە باوک و دایکی بەدبەخت دەکرد . • گەر دیوارەکە ڕاست نەکرابایەوە ماڵی یەتیمەکان بە زایە دەچوو . ئەمانە ونێوان هەموو ئەو شتانەش کە دێتە ڕێگامان بە یەقینەوە بڵێین: «اللهم صبرا على ما لم نحط به خبرا» لە شەو و ڕۆژی جومعەدا خوێندنەوەی سوڕەتی الکهف لەیاد مەکەن. بەڕێوبەری کەناڵ ✍️ https://t.me/Rigaysalaf

اللهم صل على محمد وعلى آل محمد كما صليت على إبراهيم وعلى آل إبراهيم إنك حميد مجيد، وبارك على محمد وعلى آل محمد كما باركت على إبراهيم وعلى آل إبراهيم إنك حميد مجيد.

مەترسی داواکردن لە جگە لە خوای گەورە ! https://t.me/Rigaysalaf

چۆن مامەڵە لەگەڵ کەسی سپڵە و بێوەفا دەکەیت؟ • کەمکردنەوەی چاوەڕوانی: چاوەڕێی پاداشت یان وەفاداری لەم جۆرە کەسانە مەکە بۆ ئەوەی بێ هیوا نەبیت. • دانانی سنوور: سنوورێکی توند بۆ پەیوەندییەکانت دابنێ و هەموو کاتێک خۆتیان بۆ تەرخان مەکە. • پشتگوێخستن: ئەگەر ڕەفتارەکانیان بەردەوام بوو، دوورکەوتنەوە باشترین چارەسەرە بۆ پاراستنی ئارامی دەروونیت. • چاکەکردن لەپێناو خوا: هەموو کارێکت با لەپێناو خوای گەورە بێت، چونکە پاداشت لای خوای گەورەیە نەک کەسەکان . لە کۆتاییدا ئەوەی بازرگانی لەگەڵ خوای گەورە بکات هەرگیز زەرەرمەند نابێت ، بۆیە دەروون ئارام بژی و هەرگیز ئاوڕ بۆ سیفەتی ئەم کەسانە مەدەوە چونکە زەرەریان بۆت نابێت پشتیوان بەخوا بەڵکو زەرەر لە خودی خۆیان دەدەن .📝 https://t.me/Rigaysalaf

تەوەر: زمان شمشێرێکی دووسەرە، بزانە چۆن بەکاری دێنیت بەچاکە یاخود خراپ . بەڕێز مامۆستا عبدالغفور عبداللە | خوا بیپارێزێت شەوی دووشەممە: ٢/٨/٢٠٢٦ سەرەتا زمان وەکو «شمشێرێکی دووسەرە» بزانە چۆن بەکاری دێنیت ، مرۆڤی موسوڵمان دەتوانێت بەلایەنی باشە بەکاری بێنێت بەڵام گەر لای خراپە بوو ترسناکە ، زمان لەم نیعمەت و بەخششانەیە کە خوای گەورە پێی بەخشیوین وەکو فەرموویەتی:  وَإِن تَعُدُّوا نِعْمَةَ اللَّهِ لَا تُحْصُوهَا ، گەر بیژمێرین ناژمێردرێن نیعمەتەکانی خوای گەورە ، جا لە سەرمانەوە تاوەکو نیکۆکەکان هەمووی نیعمەتی خوای گەورەیە ، لەم نیعمەتە گەورانەش بریتییە لە زمان . زمان: ئامرازێکە بۆ لێک تێگەیشتن ، جا دووسەرە سەرێکی بۆ ڕەزامەندی خوا بەکاردێت ، سەرێ دیش تووڕەیی خوا ، خوای گەورە فەرموویەتی: مَا يَلْفِظُ مِنْ قَوْلٍ إِلا لَدَيْهِ رَقِيبٌ عَتِيدٌ ، هەروەها فەرموویەتی يَا أَيُّهَا الَّذِينَ آمَنُوا اتَّقُوا اللَّهَ وَقُولُوا قَوْلاً سَدِيدًا ، قسەیەک بکەن کە چاک بێت یاخود فەرموویەتی : وَقُل لِّعِبَادِي يَقُولُوا الَّتِي هِيَ أَحْسَنُ ، بە بەندەکانم بڵێ قسەیەک بکەن کە چاکترین بێت . گەر بڕۆیتە خزمەت فەرموودەکانی پێغەمبەری خوا ﷺ کە فەرموویەتی: مَن كان يؤمن بالله واليوم الآخر فليقل خيرا أو ليصمت» واتە: هەر کەسێک باوەڕی بە خوا و ڕۆژی دوایی هەبێت، با قسەی چاک بکات یان بێدەنگ بێت ، چونکە قسەی خێر پاداشت وەردەگری وە لە بێدەنگیدا گەر پاداشتیشت دەست نەکەوێ تاوانبار نابی هەندێک جاریش پاداشتت دەست دەکەوێت .أخرجه البخاري (6018)، ومسلم (47). بۆیە ئەم فەرموودە گەورەیە با ئەلقەیەک بێت لە گوێمان بێت ، گەر مرۆڤی موسوڵمان لە ژیانیدا جێبەکێ بکات دەیپێکێت و هەروەها لە شەڕ و خراپە بەدوور دەبێت . یەکێک لە سیفەتەکانی بڕوداری ڕاستەقینە ئەوەیە کە خۆیان بەدوور دەگرن لە قسەی نابەجێ وەکو فەرموویەتی:  (وَالَّذِينَ هُمْ عَنْ اللَّغْوِ مُعْرِضُونَ) . چۆن زەمانی بەهەشت بکەین؟ پێغەمبەری خوا ﷺ فەرموویەتی : «مَن يَضْمَنْ لي ما بينَ لَحْيَيْهِ وما بين رجليهِ أضْمَنْ لهُ الجَنَّةَ» (واتە: هەرکەسێک زەمانەتی ئەوەم بۆ بکات کە پارێزگاری لەو شتە بکات کە لە نێوان هەردوو چەناگەیەتی [زمان] و ئەو شتەی لە نێوان هەردوو قاچیەتی [داوێن]، ئەوا منیش بەهەشتی بۆ مسۆگەر دەکەم . بە زمان دەتوانی خوای پێ ڕازی بکەیت یاخود کارێک بکەیت کە خوای گەورە پێی توڕە بێت ، هەروەها بەم زمانەش دڵی خەڵکی ئازار دەدرێت ، بۆیە بەرهەمی زمان زۆر ترسناکە کە بە خراپە بەکاری بێنێت بەرەو دۆزەخ دەتبات . گەورەترین شتێک کە بە زمان بکرێت شیرک و هاوەڵ بڕیار دانە بۆخوا و کوفرکردنی کە ئەمە سەرێکی شمشێرەکەیە، هەروەها گەورەترین شتێک کە وشەی یەکتاپەرستیە مرۆڤ دەتوانێت بیڵێت بە زمانی کە ئەمەش بریتییە لە سەرەکەی تری شمشێرەکە . پێغەمبەری خوا ﷺ فەرموویەتی: مَنْ ماتَ وهْوَ يَدْعُو مِن دُونِ اللَّهِ نِدًّا دَخَلَ النّارَ» (واتە: هەرکەسێک بمرێت لە حالێکدا کە هاوتا و هاوبەشی بۆ خوا بڕیار دابێت و جگە لە خوا کەسانی تر بپەرستێت یان هاواریان بۆ بهێنێت، ئەوا دەچێتە دۆزەخەوە کە تەوبەی لێنەکات. لە بەرهەمی تری زمان درۆکردنه بەناوی پێغەمبەری خوا ﷺ وەکو فەرموویەتی «مَن كذب عليَّ متعمدًا فليتبوأ مقعدَه من النار»واتا: هەرکەسێک بە ئارەزوو و بە زەق و زۆری (بە ئەنقەست) درۆ بکاتە سەر من، با شوێنی خۆی لە ئاگردا بگرێت (یان با جێگایەک لە ئاگر بۆ خۆی ئامادە بکات . متفق علیه . هەروەها غەیبەت کردن و بوهتان لە تاوانە گەورەکانە کە بەرهەمی زمانە وەکو خوای گەورە دەفەرموێت: {وَلَا يَغْتَب بَّعْضُكُم بَعْضًا) غەیبەتی یەکتری مەکەن . لەم تاوانەی تر کە بە زمان دەکرێت نەمیمەیە: یقول النبي  لا يَدْخُلُ الْجَنَّةَ نَمَّامٌ واتە ئەو کەسەی قسەی ئەم بۆ ئەو دەبات (بۆ تێکدانی نێوانیان)، ناچێتە بەهەشتەوە». متفق علیه . لە کۆتاییدا هەیە لە خەڵکی دەڵێت ئەم زمانە ببڕین ، نەخێر وانییە چونکە نابڕدرێت بەڵکو زمانت بەند بکە لە تاوانەکان هەروەها بۆ شتی باش بەکاری بێنە وەکو زکر و خوێندنی وانە شەرعیەکان و تێکڕای کارە خێرەکانی تریش ، پاشان زمان ئێستک ناشکێنێت بەڵکو دڵەکان دەشکێنێت ، بۆیە زۆر ئاگاداری بین . https://t.me/Rigaysalaf