صـبـابـة

هوه احساس يوصل ماكو داعي الصوت سمعتة بگلبي لمن گال ماريده

ليش اضيع ؟ ليش كل ما اصيرن اخضر ينعدم فصل الربيع

ملح صرنه بزمن مامش طعم بي نثرنه ارواحنه و ما غزرينه

مو ذنبك دلالي الخربك وياي چنت ما تسوى نضره و بيك متعجب

احترگن بساتين الگلب شيفيد وردك بعد ماتن فراشاتي

احطنك بلب حشاي و اصوغنك صياغة لمنحري گلاده

البراسك حچو اني عرفتهم نفسهم همه اجو و تقربولي دگو باب گلبي و اطردتهم

الناس الشجعتهم من حچو عني گعدو يمي گعدة ضابط بتحقيق حرف من جابو اسمك ما طلع مني

المن ترد ؟ ضل غاد عايش مبتعد المن ترد ؟ ديرتنه مو ديرة گبل ضلت حديقه بلا ورد

وذا لابس بياض و ع الجرف حاط ؟ اميزنه الغراب من النوارس

تعال الچلب ليعضك كتلته رغم ما چان احن منك عليه

شنطر يا زبد و الدنيه بيه تعيل صار سنين اهزها و فارغه الشچوه

ابيض شراع السفينه شگد جبان گبل لا يبحر رفع رايه صلح

لو گايلي ارجع عمر چا تانيت أصلاً ما گلتلي و ضال متاني

ولك چا ليش تتغير ؟ جنت بگلبي اهفيلك اعرفك تين ما تحمل سموم الحر گزازك نابت بگلبي و اخاف عليك تتعور

ادگلها وتد ما تثبت وياي اگلها الماي هذه تگلي غيمه حليمه من الصغر متعودة تنوح تنسه اطباع شيقنع حليمه ؟

الضهر حدب و بين شيبي ع الراس يمكن ما مطوله الشغله چنها

بخناجر كون اسوي عليك لطمي و اطلع من گفاي چفوف اديه