شعر شعبي عراقي

واخيراً بعد ليلة قد طال البكاء فيها : باجر اكعد چني ما باچي عليك وچني ماعرفك ولا حبيتك باچر أحركها الصور والذكريات وكلبي إذا ما برد احرك بيتك أنا مدمن شعوطت ريتي عليك وانتَ وردية دواخل ريتك . حسن الدليمي

اعبر عله جفوني بحلم بس كون عينك سالمه خليك عاشك بالاسم وخل روحي بيك الهايمه انكطعت مكاتيبك ولا سالنا شعچب ضاعت مواعيدك ولا جينا بعتب واحنه بهواك تلوم بينا اللايمة وانت العزيز تغيرت انت العزيز شما غبت بعيوننا مخلينك لو تنسى كل ذاك المضى صدكنا ما ناسينك .. طاهر سلمان

مشكور ما قصرت زيدت بيه الوجع وادريك مو الاولي اسهر واكتب وادز ما تقرة الكتابة چذاب جبت العمُر ما ناصح بعشرتك وي غيري كلك دوه و لجرحي عطابة واسكت و ارد منكسر ردت الجندي بحرب ميتين ربعه ويرد واگف على اعصابه بسك تمُرني بحلم طالبني بطلابة . محمد ثامر

هلي رادوني اعوفج حته ارتاح واطبب غيرج بنيه لحياتي هلي شافولي وحده انسانه بت خير ترضى ببيتنا ولمة خواتي هلي كل مالكولي فلانه شتكول؟ وتعرض صورتج موس بلهاتي وارد بلايه صوت لكلبي بالليل افتش جم جرح صارن ملاتي .. مصطفى الجنابي

واني خوفي يزيد من احچي وية غيرك ! خوف ما مش منه ثاني .. خوف ذاك البايگ امن اهلة وتلعثم شاف ابو يضرب بـ اخوته تردد يگللهم اني .. شعر شعبي

بَعد ماجنت اشم عطرَك بقمصاني اجيت تكلي رايح وانتهيت اني وكتلك كلشي سوي ولا تجيب فراك وكتلي الله يوفقك عود وانساني مشت چم سنة وصدك هدم الروح شنو فايدتك من تعود باحضاني عشت منك اذيه وضيم واتعديت نسيت بيوم كلبك جان يهواني حسين لفته

ولا يضل بالَك عَليه حَتى لو مَيت أحِبك وأبد مايَبرد حَنيني وأدري بيك شگد حِنين وخاف أتعَبك لاتجيني يجوز أروح من إيديك وأنتَ بعدك بين إيديني . باهر الجنديل

اضوكَك بالجِفن واستطعمك بالرُوح وأتجَمد ببعدك وبهَواك انحَل ❤️.

تباصرنه وكَعدنه شَيبي وانه وحِجه جَرحي المخَزن شَيبي وانه وَراك اركض مهَدل شَيبي وانه كَهل وسنينك مجَلبات بيه . محمد صاحب

يتوذرن باللّيل وَحدتهن تشيط وتعذرن بِجفاك ما لُضمن الخَيط حَالف الا اوشلهن واخَلهن كلش وارد اغوشهن واخَلهن وامردلك بِيابيهن واخَلهن عِمي ولا اشوف اديك بغير اديه . كرم السراي

عَطش گلبي بمحبتك ماي يتاني وبَعد ما اظن ينطرك ما يتاني تعال وشوف حالي ميت اني بَس الروح گوه مچلبه بيه . كرم السراي

المخليني اجزي اللَيل يَذبل تتن والشوك حملَ اعدال يَذبل النَبات الما يلوحه الماي يَذبل دَخل يِذبل ولا فَضلك عليه كرم السراي

انتهت يل فتحت رياكي على سماك هضيمة تعود الساني علا سماك بعد لو تنطبك كاعك علا سماك فلا صحلك رفج لحضات بية كرم السراي

تهذب بالترَافة وعُوف ملكاك عمر خلصته كون الكاك ملكاك اجيتك كون اريده حَار ملكاك مثل ملگة جهنم لـ الـ امية كرم السراي

عَطش گلبي بمحبتك ماي يتاني وبَعد ما اظن ينطرك ما يتاني تعال وشوف حالي ميت اني بَس الروح گوه مچلبه بيه . كرم السراي

مـنَـهد ذيـجَ الرساله وذاك رداك اكَضـي اللَيل أشم بعطـور رداك اذا صَـارت والـهْ الكَـون رداك اجـازي بَيـش فضل الله عليه . كرم السراي

بجِفاك الليل اخلصه حَساب وبعاد المصايب والفَرح ماعاد وابعاد بثمود شسوى رب الكون وبعاد وعلي انت ازود بعد سويت بيه . كرم السراي