Samarqand viloyati Oila va xotin-qizlar boshqarmasi

#Zakovat «Huquqiy “Zakovat”» - viloyat bosqichida Kattaqo'rg'on shahri jamoasi gʻolib! Oila va xotin-qizlar tizimi xodimlari oʻrtasida huquqiy bilim va intellektual salohiyatni namoyon etishga qaratilgan «Huquqiy “Zakovat”» intellektual oʻyinining viloyat bosqichi nihoyasiga yetdi. Mazkur bellashuvda ishtirokchilarga qiziqarli va mazmunli savollar taqdim etildi. Yakuniy natijalarga koʻra: 1-oʻrin — Kattaqo'rg'on shahri jamoasi 2-oʻrin — Paxtachi tumani jamoasi 3-oʻrin — Nurobod tumani jamoasi Gʻoliblar diplom va tashakkurnomalar bilan taqdirlandi. Taqdirlash marosimida Samarqand viloyati hokimi o'rinbosari, Oila va xotin-qizlar boshqarmasi boshlig'i Z.Saidova ishtirok etib, g'oliblarni erishgan g'alabasi bilan qutladi. Shu tariqa, Kattaqo'rg'on shahri Ayollar jamoasi «Huquqiy “Zakovat”» intellektual oʻyinining respublika bosqichida Samarqand viloyati sharafini himoya qiladi. Samarqand viloyat oila va xotin-qizlar boshqarmasi https://t.me/SamOXQB_yangiliklari

“Oqila ayollar” harakati — millat tayanchi Samarqand shahrida “Yagona Vatan, yagona xalq bo‘lib, yangi hayot va kelajak yaratamiz!” shiori ostida “Oqila ayollar” harakati a’zolari forumi o‘tkazildi. Forumda Samarqand viloyati hokimining o‘rinbosari, Oila va xotin-qizlar boshqarmasi boshlig‘i Zebo Saidova, viloyat “Oqila ayollar” harakati yetakchisi Jamila Sayfuddinova, viloyat adliya va ichki ishlar boshqarmalari, diniy idora vakillari, deputatlar, harakat a’zolari hamda faol xotin-qizlar ishtirok etdi. Tadbirda oila va jamiyatda ma’naviy muhitni yanada sog‘lomlashtirish, xotin-qizlarning ijtimoiy faolligini oshirish, oila institutini mustahkamlash kabi muhim masalalarga alohida e’tibor qaratildi. Forum doirasida “Oqila ayollar” harakati — millat tayanchi, “Oilalarda ijtimoiy-ma’naviy barqarorlikni mustahkamlash masalalari”, “Oila institutini mustahkamlash, oilaviy ajrimlarning oldini olishda o‘zaro hamkorlik vazifalari” mavzularida muhokama va seminarlar tashkil etildi. Mutaxassislar va ishtirokchilar oilaviy qadriyatlarni asrab-avaylash, yoshlarni oilaviy hayotga tayyorlash, oilada sog‘lom ma’naviy muhitni shakllantirish hamda turli muammolarning oldini olishda jamoatchilik hamkorligini kuchaytirish yuzasidan fikr almashdilar. Ta’kidlanganidek, oila tinchligi va farovonligi jamiyat barqarorligining muhim asoslaridan biridir. Bu borada hayotiy tajribaga ega, faol va tashabbuskor ayollarning o‘rni beqiyos. “Oqila ayollar” harakati ham ana shu ezgu maqsad yo‘lida oilalarni mustahkamlash, xotin-qizlarni qo‘llab-quvvatlash va ma’naviy muhitni yaxshilashga munosib hissa qo‘shib kelmoqda. Forum yakunida harakatning jamoat ishlarida faol ishtirok etgan, oilalar osoyishtaligini ta’minlash va xotin-qizlar bilan ishlashda tashabbuskorlik ko‘rsatgan faol a’zolari munosib taqdirlandi. Tadbirda bildirilgan fikr va takliflar “Oqila ayollar” harakati faoliyatini yanada kuchaytirish, oila va mahalla hamkorligini mustahkamlash hamda jamiyatda sog‘lom ma’naviy muhitni qaror toptirishga xizmat qilishi ta’kidlandi. Samarqand viloyat oila va xotin-qizlar boshqarmasi https://t.me/SamOXQB_yangiliklari