លិខិតបទដ្ឋានគតិយុត្តទាក់ទងនឹងសាធារណ:

ក្រសួងសាធារណការ បញ្ចប់មុខតំណែង និងភារកិច្ច លោក វ៉ា ចាន់អ៊ូ ពីប្រធានស្ថានីយជញ្ជីងអចល័តថ្នល់កែង និងលោក ស្រស់ ស៊ី ថារិទ្ធ ពីអនុប្រធានស្ថានីយជញ្ជីងអចល័តថ្នល់កែង ខេត្តកំពង់ចាម ឱ្យទៅបម្រើការនៅអង្គភាពដើមវិញ។

ច្បាប់ស្តីពីកាតព្វកិច្ចយោធា

បើយោងតាម អនុក្រឹត្យលេខ១៥១ អនក្រ.បក. ចុះថ្ងៃចន្ទ ១៥រោច ខែកត្តិក ឆ្នាំខាល ទោស័ក ព.ស.២៥៥៤ ត្រូវនឹងថ្ងៃទី៦ ខែធ្នូ ឆ្នាំ២០១០ ស្តីពីការបណ្តុះបណ្តាលថ្នាក់បណ្ឌិត របស់រាជរដ្ឋាភិបាលកម្ពុជា #បានបែងចែកសញ្ញាបត្របណ្ឌិតជា៣ប្រភេទដូចខាងក្រោម៖ ១. #សញ្ញាបត្របណ្ឌិតស្រាវជ្រាវ ៖ជាប្រភេទសញ្ញាបត្រឧត្តមសិក្សាកម្រិតខ្ពស់បំផុត ដែលត្រូវបានប្រគល់ជូនទៅបុគ្គលណាម្នាក់ ដោយផ្អែកលើការទទួលស្គាល់ស្នាដៃឆ្នើម ទាំងខាងវិធីសាស្ត្រស្រាវជ្រាវ ទាំងខាងលទ្ធផលនៃការស្រាវជ្រាវ ដែលអាចបោះពុម្ភផ្សាយក្នុងទស្សនាវដ្តីវិទ្យាសាស្ត្រ ព្រមទាំងមានការរួមចំណែកក្នុងការសិក្សាស្រាវជ្រាវសម្រាប់ការបង្កើតចំណេះដឹងនិងការអនុវត្តថ្មី។ ២. #សញ្ញាបត្របណ្ឌិតវិជ្ជាជីវៈ ៖ជាប្រភេទសញ្ញាបត្រឧត្តមសិក្សាកម្រិតខ្ពស់បំផុត ដែលត្រូវបានប្រគល់ជូនទៅបុគ្គលណាម្នាក់ ដែលបានសិក្សាមុខជំនាញ ដូចជា វេជ្ជសាស្ត្រ ទន្តវទនសាស្ត្រ ឱសថសាស្ត្រ វិស្វកម្ម អប់រំ ធុរកិច្ច និងវិចិត្រសិល្បៈជាដើម។ បុគ្គលទទួលសញ្ញាបត្រប្រភេទនេះ បំពេញកិច្ចការជាក់ស្តែងជាចម្បងនិងបានចងក្រងចំណេះដឹងដែលបានពីការសិក្សានិងបទពិសោធការងារទៅតាមវិធីសាស្ត្រ។បុគ្គលទទួលសញ្ញាបត្រប្រភេទនេះមានបំណងជាចម្បងគឺការបង្កើនសមត្ថភាពវិជ្ជាជីវៈផ្ទាល់ខ្លួនឱ្យកាន់តែប្រសើរឡើង។ ចំពោះគោរម្យងារជាព្រឹទ្ធាចារ្យសីល្បៈ មានកម្រិតសមមូលនឹងសញ្ញាបត្របណ្ឌិតវិជ្ជាជីវៈ។ ៣. #សញ្ញាបត្របណ្ឌិតកិត្តិយស ៖ ជាសញ្ញាបត្របណ្ឌិតដែលគ្រឹះស្ថានឧត្តមសិក្សា ប្រគល់ជូនបុគ្គលណាម្នាក់ ដោយសារការទទួលស្គាល់ស្នាដៃឆ្នើមកម្រិតខ្ពស់ ដែលមានអត្ថប្រយោជន៍ដល់សង្គម និង មនុស្សជាតិ តាមរយៈសមិទ្ធផលការងារ ការសរសេរសៀវភៅ ឬការផ្សព្វផ្សាយការស្រាវជ្រាវជាដើម។ #យោងតាមខ្លឹមសារខាងលើយើងអាចយល់បានថា៖ #បណ្ឌិតទី១ និង #បណ្ឌិតទី២ ឆ្លងកាត់ការសិក្សានិងស្រាវជ្រាវ។ #បណ្ឌិតទី៣ ត្រឹមតែធ្វើឱ្យមានស្នាដៃឆ្នើមដល់សង្គមជាតិបានហើយ។

BREAKING: សម្តេចតេជោ ស្នេីឲ្យពិនិត្យដកមន្រ្តីកាំកុងត្រូ (កបប) ដែលកុហករឿងទុរេននាំចូល ដេីម្បីជាសារព្រមានមន្រ្តីទាំងអស់ កុំឲ្យពូកែកុហកថ្នាក់លេីនិងប្រជាជន។ ថ្ងៃទី១៤ ខែឧសភា ឆ្នាំ ២០២៦ ពីវេទិកាជួបអង្គបោះឆ្នោតនៅខេត្តស្វាយរៀង។ (ឯកឧត្តមអ្នកនាំពាក្យសម្ដេចតេជោ)

ច្បាប់ស្តីពី គយ ឆ្នាំ២០០៧។

ច្បាប់ស្តីពី វិសោធនកម្មច្បាប់ស្តីពី ការបោះឆ្នោតជ្រើសតាំងសមាជិកព្រឹទ្ធសភា។

សម្ដេចតេជោ ហ៊ុន សែន បានក្រើនរំឭកដល់មន្ត្រីទាំងអស់ ត្រូវចៀសវាងភាពអសកម្ម ឬការគៀបសង្កត់ណាមួយ និងត្រូវចាំថា «មន្ត្រីមិនមែនជាចៅហ្វាយរបស់ប្រជាជននោះទេ គឺជាអ្នកបម្រើដ៏ស្មោះត្រង់របស់ប្រជាជន» ម្យ៉ាងវិញទៀត ត្រូវចៀសវាង «ប្ដីស័ក្តិ ៣ ប្រពន្ធស័ក្តិ ៤ កូនស័ក្តិ ៥» ដែលធ្វើឱ្យមានបញ្ហាក្នុងមូលដ្ឋាន។ កំពង់ចាម, ២៥ មេសា ២០២៦។

ករណីអង្គភាពមានការច្របាច់បញ្ចូល ត្រូវបានកែសម្រួល ឬលុបចេញ តើមន្ត្រីអាចនឹងត្រូវបានរៀបចំដូចម្តេច? ក្រោយពីរាជរដ្ឋាភិបាល បានចេញអនុក្រឹត្យស្តីពី «ការរៀបចំនិងការប្រព្រឹត្តទៅរបស់ក្រសួង ស្ថាប័ន»​ ជាបន្តបន្ទាប់មក បានបង្ហាញថា រចនាសម្ព័ន្ធរបស់ក្រសួង ស្ថាប័នទាំងនោះ ពុំមានក្រសួង ស្ថាប័នណាមួយមានការពង្រីករចនាសម្ព័ន្ធនោះទេ តែថែមទាំងបានកាត់បន្ថយអគ្គនាយកដ្ឋាន និងនាយកដ្ឋានបន្ថែមទៀត ឱ្យស្របតាមអភិក្រម «រៀបចំផ្ទះឱ្យបានរៀបរយ» និង «ពង្រឹងជាជាងពង្រីក»។ ការរៀបចំរចនាសម្ព័ន្ធ ត្រូវបានគិតគូរដោយផ្អែកលើការពិនិត្យឡើងវិញ និងការវិភាគមុខងារនិងរចនាសម្ព័ន្ធរបស់ក្រសួង ស្ថាប័ន ដើម្បីរក្សានូវអត្ថប្រយោជន៍ជូនមន្ត្រីរាជការស៊ីវិល លេខាធិការដ្ឋាននៃគណៈកម្មាធិការជាតិជំរុញការអនុវត្តវិធានការគន្លឹះក្នុងការកែទម្រង់រដ្ឋបាលសាធារណៈរបស់រាជរដ្ឋាភិបាលនីតិកាលទី៧នៃរដ្ឋសភា (គ.វ.រ.) បានរៀបចំសេចក្ដីព្រាងសេចក្តីណែនាំស្តីពី «ការតែងតាំងឡើងវិញមន្ត្រីរាជការ និងការរៀបចំមន្ត្រីក្នុងរចនាសម្ព័ន្ធថ្មី របស់ទីស្តីការគណៈរដ្ឋមន្ត្រី ក្រសួង រដ្ឋលេខាធិការដ្ឋាន និងស្ថាប័នចំណុះអង្គការនីតិប្រតិបត្តិ» សម្រាប់ការអនុវត្តក្នុងការរៀបចំតែងតាំងឡើងវិញមន្ត្រីរាជការស៊ីវិល ក្នុងមុខតំណែងគ្រប់គ្រង និងថ្នាក់ប្រហាក់ប្រហែលទៅតាមរចនាសម្ព័ន្ធថ្មី។ ក្នុងដំណាក់កាលគិតគូរចុងក្រោយលើសេចក្តីព្រាងសេចក្តីណែនាំ ​ ស្តីពី ការតែងតាំងឡើងវិញមន្ត្រីរាជការ និងការរៀបចំមន្ត្រីក្នុងរចនាសម្ព័ន្ធថ្មីនេះ បានចែងថា មន្ត្រីរាជការស៊ីវិលដែលត្រូវបានប៉ះពាល់ដោយការរៀបចំ និងការកែសម្រួលរចនាសម្ព័ន្ធថ្មី ត្រូវរក្សាទុកអត្ថប្រយោជន៍ផ្នែកបៀវត្សយ៉ាងហោចក្នុងកម្រិតដដែល រួមមាន៖ (១)ក្នុងករណីដែលមានការរៀបចំកែសម្រួលរចនាសម្ព័ន្ធដោយលុប ឬបញ្ចូលអង្គភាពថ្នាក់អគ្គនាយកដ្ឋាន ឬថ្នាក់ប្រហាក់ប្រហែលពីរ ឬច្រើនទៅជាអង្គភាពតែមួយ ត្រូវរៀបចំកែសម្រួលភារកិច្ចរបស់អគ្គលេខាធិការ ឬអគ្គនាយក ឬអគ្គាធិការ ឬថ្នាក់ប្រហាក់ប្រហែល ដែលមិនទទួលបានការតែងតាំងឡើងវិញជាអគ្គលេខាធិការ ឬអគ្គនាយក ឬអគ្គាធិការ ឬថ្នាក់ប្រហាក់ប្រហែល ទៅជាអគ្គលេខាធិការរង ឬអគ្គនាយករង ឬអគ្គាធិការរង ឬថ្នាក់ប្រហាក់ប្រហែល ដោយរក្សាប្រាក់បំណាច់មុខងារជាអគ្គលេខាធិការ ឬអគ្គនាយក ឬអគ្គាធិការ ឬថ្នាក់ប្រហាក់ប្រហែល និងអត្ថប្រយោជន៍ផ្សេងទៀតនៅកម្រិតដដែល។ (២)ក្នុងករណីដែលមានការរៀបចំកែសម្រួលរចនាសម្ព័ន្ធដោយលុប ឬបញ្ចូលអង្គភាពថ្នាក់នាយកដ្ឋាន ឬថ្នាក់ប្រហាក់ប្រហែលពីរ ឬច្រើនទៅជាអង្គភាពតែមួយ មន្ត្រីរាជការស៊ីវិលដែលមិនត្រូវបានទទួលការតែងតាំងជាប្រធាននាយកដ្ឋានឡើងវិញ នឹងត្រូវពិនិត្យនិងរៀបចំការតែងតាំងផ្អែកលើជម្រើសមួយចំនួន ដោយលើកសំណើសុំតែងតាំងទៅក្នុងមុខតំណែងគ្រប់គ្រងថ្នាក់អគ្គលេខាធិការរង ឬអគ្គនាយករង ឬអគ្គាធិការរង ឬថ្នាក់ប្រហាក់ប្រហែល ដោយផ្អែកលើទំហំការងារ និងលក្ខណសម្បត្តិស័ក្តិសម ឬលើកសំណើសុំកែសម្រួលភារកិច្ចទៅក្នុងមុខតំណែងគ្រប់គ្រងថ្នាក់អនុប្រធាននាយកដ្ឋាន ឬអធិការរង ឬថ្នាក់ប្រហាក់ប្រហែល ដោយត្រូវរក្សាប្រាក់បំណាច់មុខងារជាប្រធាននាយកដ្ឋាន ឬអធិការ ឬថ្នាក់ប្រហាក់ប្រហែល និងអត្ថប្រយោជន៍ផ្សេងទៀតនៅកម្រិតដដែល។ (៣)ក្នុងករណីដែលមានការរៀបចំកែសម្រួលរចនាសម្ព័ន្ធដោយលុប ឬបញ្ចូលអង្គភាពថ្នាក់ការិយាល័យ ឬថ្នាក់ប្រហាក់ប្រហែលពីរ ឬច្រើនទៅជាអង្គភាពតែមួយ មន្ត្រីរាជការស៊ីវិលដែលមិនត្រូវបានទទួលការតែងតាំងជាប្រធានការិយាល័យ ឬថ្នាក់ប្រហាក់ប្រហែលឡើងវិញ នឹងត្រូវពិនិត្យ និងរៀបចំកែសម្រួលភារកិច្ចទៅក្នុងមុខតំណែងគ្រប់គ្រងថ្នាក់អនុប្រធានការិយាល័យ ឬថ្នាក់ប្រហាក់ប្រហែល និងអត្ថប្រយោជន៍ផ្សេងទៀតនៅកម្រិតដដែល។ ប្រភពអត្ថបទ : ក្រសួងមុខងារសាធារណ:

សេចក្ដីជូនដំណឹងជ្រើសរើសមន្ត្រីរាជការឱ្យចូលបម្រើការងារនៅរដ្ឋលេខាធិការដ្ឋានកិច្ចការព្រំដែន