Sharif Hassan Sheikh Aden Issak

20-ka Nofeembar “Maalinta Caalamiga ah ee Xuquuqda Carruurta waa maalin aan dib ugu milicsanno masuuliyadda guud ee naga saaran ilaalinta, daryeelka iyo horumarinta carruurta Soomaaliyeed. Carruurtu waa hantida ugu qaalisan ee ummadeenna leedahay, waana waajib in aan u abuurno deegaan ay ku helaan nabad, waxbarasho tayo leh iyo daryeel caafimaad oo joogto ah. Waxaan xasuusinaynaa bulshada Soomaaliyeed in xuquuqda carruurtu aysan ahayn ikhtiyaar, balse ay tahay waajib bani’aadamnimo iyo mid sharci. Qoys kasta, macallin kasta, iyo hay’ad kasta oo bulsho waxay door ku leeyihiin ilaalinta karaamada iyo mustaqbalka jiilka soo koraya. Munaasabaddan waxaan ugu baaqayaa dhammaan bulshada inay noqdaan codka iyo garabka carruurta – in la ilaaliyo codkooda, in la dhageysto baahidooda, oo loo abuuro fursado ay ku gaaraan riyadooda. Mustaqbalkeennu waxa uu ku xiran yahay sida aan u maalgashanno maanta carruurta aan jecelnahay.

waxa aan ka qeybgalay kulan muhiim ah oo ay isugu yimaadeen mas’uuliyiinta Xisbiga Horumar iyo Midnimo Qaran iyo horjoogeyaasha kaamamka ku yaalla gobolka Banaadir. Kulanku wuxuu daaranaa sidii loo sii xoojin lahaa wada-shaqeynta bulshada iyo sidii dadka kaamamka ku nool ay codkooda ugu biirin lahaayeen hawlaha horumarineed ee socda. Waxa aan si qoto dheer uga wada hadalnay baahiyaha bulshada, caqabadaha jira, iyo sidii loo heli lahaa nidaam mideeya talooyinka iyo codadka dadkeenna. Doodda ayaa ahayd mid iftiimisay sida ay muhiim u tahay in muwaadiniintu ay kaalin muuqata ku yeeshaan jihaynta arrimaha dalka. Waxa aan si gaar ah ugu bogaadinayaa ka qaybgalayaasha dadaalkooda iyo sida ay u muujinayeen damqashada iyo rabitaanka nabadda. Mar walba waa in aan xusuusnaano ka shaqeynta amniga (“Nabad baa naas la nuugo leh.”) Kulankan wuxuu xoojinayaa in wadajirka bulshada iyo dhegeysiga dadku ay yihiin furaha horumarka iyo xasilloonida dalka.