Stage 5 Info.

السلام عليكم شلونكم دكاترة اولا كل عام وانتم بخير وصحة وسلامة ينعاد عليكم بالافراح والمسرات وان شاء الله العيد الجاي متخرجين وخلصانين من الكلية . ثانيا ادري المعايدة متاخرة بس گلت العيد ما يرهم الة بعيدية واتمنة اكون ما قصرت وياكم بهاي العيدية : https://t.me/Stage6Info

السلام عليكم شلونكم ستاجيرية احب اكون اول شخص يباركلكم على العطلة وان شاء الله تكون عطلة سعيدة وان شاء الله كلكم تنجحون وتخلصون من هاي المرحلة . اليوم احد زملائكم سئلني گال السادس لو الخامس گتلة اكيد ومليون بالمية السادس السادس اسهل بالف مرة من الخامسة الخامس كل مادة محصورة بيومين او يوم فاذا عبرتم الخامسة اموركم ان شاء الله بالسليم السادس بي قراية هواي صح بس الامتحانات بينهن شهرين ونص والمواد مو كلهة لازم تقراهة وبالنسبة للوزاري القراية بعد اسهل لان عل Blueprint والجماعة يلتزمون بي (تقريبا) . والسادس اكثر مرحلة راح تحسون بيها انكم صدگ اطباء وبنفس الوقت عدكم وقت تقرون كلشي وتطلعون وتعيشون . مشكلة السادس انه حيييل طويل يعني سنة كاملة دوام وجراحة وباطنية اداوم ٦ ايام بالأسبوع والغياب علي تشدد وفصل . بس مع ذلك حيكون رمشة عين . الف مبارك عليكم العطلة وان شاء الله تنجحون كلكم وتخلصون . بالتوفيق 🌹

للتذكير د.لبيب كرر العام بالفاينال اكثر من 45 نقطة بس لاتعتمدون فقط على التكرار بالتوفيق 🌹

يفيدكم بالاطفال☝️☝️

الدفلوبمنت : يا شباب الدفلوبمنت ما يستاهل ياخذ منكم وقت كثير عندكم فيديوين للمناوين يقرونه ويتركونه بثلاث دقايق عيده اكثر من مرك كل يوم تضبط ٧٠٪؜ : https://youtu.be/_yV-pR8Xkl8?si=_mi6b6beudocneB0 للاشخاص الي ناوين يقروها فيديو ٢٠ دقيقة يضبطلك ٩٠٪؜ من المادة https://youtu.be/gg4MgMfPm_4?si=xZpTHUUTdhPb5SOf

حسبنا الله ونعم الوكيل على كل طالب عندة ملف مهم ويحتكرة على البقية 👌

السلام عليكم شلونكم دكاترة ان شاءالله بخير . الباقي من السادس سشن النسائية فقط ان شاء الله ومن ثم ندخل فترة الوزاري . بعد السشن ان شاء الله راح اتفرغ اسبوع او اقل حتى اوضح الي صار هاي السنة تحديدا گروب D من الدفعة 30 وذلك باعتبار حرفيا وعلى اتفاق باقي الگروبات - - > احنة الگروب الي حصل اصعب اسئلة بالباطنية . سويت قناة جمعت بيها الملفات + فديوهات + قنوات المهمة بالسادس ومع ذلك اريد اذكركم ترة الاساس هو مادة الخامس والرابع . *اكثر الي حكتبة حتكون تجارب شخصية *اوضح شنو الدكاترة يضوجون منة *ونوضح شنو يحبون الدكاترة *انوه من هسة على المشاركة بالسشن وخصوصا يم دكتور لؤي لان يتذكركم بالامتحان (بس كون اجوبة صح مو تشارك غلط) *وحنكتب التجربة الحلوة مع الدكاترة لمن يوصوكم على فد موضوع ركزو علي وراها ما يجيبون منة شي *ونوضح الفكرة الجديدة يم الدكاترة من تدخل على محطة الاوسكي وتلگة حاطلك ايباد او لابتوب بي صورة Case معين ويگلك عاملة على انه (Real Patient) هنا انت راح تحچي الي قاري ومن تخلص حيگلك هاهية خلصت ؟ حتگلة اي نعم دكتور حيگلك تمام بالتوفيق ومن تگوم حتى تطلع حيگلك تدري انت ضيعت اسهل 4 درجات فتگلة عفوا دكتور؟! 🙂💔 حيگلك مو گتلك هذا Real Patient اشو انت لا سلمت على المريض ولا اخذت منة بيرمشن ولا گتلة شكرا (يعني اني لازم اسلم على الايباد واگلة اني الطالب فلان واخذ من الايباد بيرمشن) 🙂🙂🙂 هنا للامانة اني ضحكت وگتلة تمام دكتور شكرا جزيلا وراها طلعت اني من المحطة اضحك واهف بيدي والتعليق الكم ليش اني سويت هيچ بيدي 🙂 . ومن غير احداث سشن الباطنية وسشن الاطفال اما النسائية فبعدنة باول اسبوعين ما شفنة شي بعد . واكيد انوه على موضع الـLogbook وشصار بينة بالباطنية من حصرونة باقل من شهر يلا سلمونة الـlogbook ومحد ابد نوه عنة گالم بالبداية لازم تسوي دفتر واكتب بي كلشي وتابع المريض من يدخل الى ان يطلع (يعني صعبوها بشكل 🙂💔) وبالخير طلع ملف تسحبة ومجرد توقيع من الدكتور بعد القاء الهستري وشغلة حتشوفون شگد سهلة وتفض بشهر واحد واصلا بدون تعب . الحچي هواي وان شاءالله لنا لقاء بعد سشن النسائية . شدو حيلكم حتى نشوفكم السنة الجاية على ستيج التخرج . #You _Are_The_Next

شكرا لمن حضر فرحنا وشكرا لمن بارك لنا وشكرا لمن فرح معنا شكرا لحضوركم الكريم الذي زاد فرحتنا . صراحة شعور التخرج جميل مهما كان اكو اشياء سلبية (هواي سلبيات من الشمس الى القَسم الي حضرة حوالي فقط 30 طالب) بس مع ذلك شعور حلو بكل سلبياته . احلى شي هي فرحة الاهل وفخرهم بيك لمن يشوفون ثمرة تعبهم طول هاي السنوات شعور مهما ينوصف مراح يوفي بي الوصف . ان شاء الله نشوفكم السنة الجاية بهذا المكان ونفرح بيكم ويارب من نجاح الى نجاح

كذلك بي خاصية الWalkthrough وهي خاصية توضحلك الطريقة الصح للتعامل مع هذا ال Case

السلام عليكم شلونكم دكاترة ان شاء الله بخير لگيت هذا التطبيق الكلش حلو فكرته انه يجيلك مريض للطوارئ ولازم تشوف من شنو يشكي يعتمد الذكاء الاصطناعي بالجواب وتگدر تسئلة عن طريق المايك وهو حيرد عليك بي ال Hx والExam وال Investigations وكذلك ال Ddx وايضا العلاج وبي شغلة عجبتني كلش الي هي الواقعية يعني اني دا اقرة بال Hx مال المريضة فجاة الممرضة گالت المريضة بعد ما تتنفس وبالفعل الشخصية مال المريضة فصلت فجاة ولازم اني ادخل هنا حطيت ال Ecg وطلع الاوكسجين نازل لل92 ويريد مني اسوي اجراء حتى اتلاحگ المريض اللعبة كلش واقعية بشكل النسخة المجانية بيها فقط 4 حالات مرضية واذا تشترك سنوي حتفتح 213 حالة مرضية بس صراحة تطبيق مذهل بشكل 👌

https://apps.apple.com/iq/app/full-code-medical-simulation/id1207424206

Check out "Full Code Medical Simulation" https://play.google.com/store/apps/details?id=com.minerva_medical.minerva

السلام عليكم طلاب هاي تعتبر آخر رسالة بهاي القناة قبل اگول الي يحتاج شي يدخل يراسلني بس بعض المراسلات مجرد جابتلي مشاكل والله ما اعرف شلون صراحة بس مع ذلك جابت مشاكل الي يحتاج شي يلگا بالقناة القناة مرتبة وتعبان عليهة كلش حتى تكون سهلة الكم الرجاء عدم المراسلة لاي سبب كان اتمنة تقدير هذا الشي 🙏 بالتوفيق للجميع يارب 🌹

طلاب الدكتور سعد ودكتور بسام العام كررم السنة مدري عاد بس هاي الملفين اقروهن اذا ما قارين مادة د. بسام او مادة د. سعد وبالتوفيق للجميع ❤️

د. بسام

د. سعد

كلشي يخص الفصل الاول ١٠٠٪؜👆🏻