قصص وروايات 📚📖

الأحداث أنو هي شوق أهلا متوفيين وبتتزوج أحمد بظن أنو بيقربلها وفي يوم أحمد بيسافر ع لبنان وهي شوق بتنام وببتصحى بتشوف الأخبار بظن ف بتشوف أنو طيارة أحمد تفجرت وكلهم ماتوا إلا 3 وبإصابات بالغة وبتمر الأيام وهيي مفكرتوا ميت وبيتزوجها أخوه غصباً عنها وهو أسمو مجد ما بعرف شو بيصير بعدها بس هي بتهرب وبتسافر لمكان وبتشتغل ممرضة وبالنهاية تلتقي بأحمد وبتتبرعلوا بعيونا في رواية بطلتها اسمها بيسان وتتزوج ابن عمها وهو مابحبها وهي بتكون بتحبه وبعدها يطلقوا ما وهي بتخلص دراسة وهو بيتزوج حب حياته وبعدها بيكتشف انه بيحبها وبيرجعوا لبعض ذكاتكم يلي بيعرف اسم هل قصتين يكتبلي 👆🏻

@rwayatyebot ما يُروى من أحداث لا يعني بالضرورة تأييدًا لها، وبعض القصص تحتوي أخطاء أو تصرفات لا نرضاها شرعًا – نرجو الفهم بعين الناقد

قصص وروايات 📚📖 pinned «رواية جديدة : #يوميات_زوج_منحوس (كوميدية) قراءة ممتعة🫶🏼»

رواية جديدة : #يوميات_زوج_منحوس (كوميدية) قراءة ممتعة🫶🏼

ام عادل:-تروحو اتل انتي وياها ابركو عاقلين احسن ما اخطبلو التالتة هااا ماعد استحيتو طاول وانتو يلي عم تقرأو ابوس روحكون كلكلون شقد دمكون خفيف وبتتعيشرو 😘 #انتهت*

سعيد:- دخلت عالبيت وانا هلكان ومجهز حالي للحرب العالمية ال 100 او اكتر يمكن ماعد ينعدو وانا حاطت ايدي جنب وشي احطياطا لأي ضربة فجائية 😂 بس انصدمت من الهدووء مومعقول يمكن مخربط بالعنوان جميلة:- اجيت تؤبر البي يعطيك العافية 😘 سعيد:-😳 قمر:- اجيت ابن عمي انشاءالله بتكفنني وبتطلع ع قبري سعيد: 😳 جميلة:- اقعد ياتؤبرني خليني افركلك رجليك بتكون تعبان من الوقفة سعيد: 😳 قمر:- ارتاح تشكل آسي لبين ماحطلك غدا اما شوعاملة طنجرة محاشي مشكلة غير تاكل اصابيعك وراها جميلة:- استني ضرتي جاي عاونك سعيد:😳 ام سعيد: 😳😳 سعيد:- انربط لساني وماقدرت احكي شي خفت يكون حلم واصحى دخلو الجوز عالمطبخ وبلش الطاخ والطيخ واصوات الصواني والكاسات وريحة هالمحشي تخللت لقلبي كنت مجهز حالي وعم استنا يتخانقو وعم عد الدقائق … امي صرلن ربع ساعة بالمطبخ ولسا ماشدو شعر بعض الوضع طبيعي برأيك ولا لازمهن دكتور؟ ام سعيد:- علمي علمك ابني الصبح نتفو بعض متل الجاج وجبت جاهة لحتا فكيتن عن بعض الوضع غريب ابني الله يستر 😳 بالمطبخ** جميلة:- انقبري تبلي السلطة ولي على عيونك شو نايطة قمر:- لاتغلطي بالحكي وليه لاتخليني طلع جناني عليكي هلا ياحبة الكوسا جميلة انا بفرجيكي بس متطرين نوقف الحرب هلا ولا نسيتي كلام ام عادل قمر:- لاا يووه شو نسيت يبلاها بئتلها اشعر بدني من هالخبرية والله مابتجي التالتة الا ع جثتي ناقصنا نحن جميلة:- لكن ضبي لسانك بحلئك وخلينا نكمل الخطة يلا الحئيني بالصحون سعيد:- قعدنا وبلشنا نتغدا كان كلشي طبيعي كل وحدة بتلقمني بأيدها والتانية بتشربني مي وعلى هالغزل والدلع حسيت حالي متت وطلعت عالجنة وهدول الحواري اللي الله كافئني فيهن بعد كل العزاب اللي دقتو بحياتي ( اييه ياريتني متت من زماان 😌) سعيد:- جميلة جميلة:- ياببو عيونها لجميلة 😍 سعيد:- اقرصيني لشوف ازا كنت عم احلم جميلة: اي موتكرم (قرصتو بايديه قرصة متل قرصة العقرب لحتا يفيق من الصدمة 😂) سعيد:نط من الوجع ولك ااااخ ايدي قمر:- لك سلامتك من الآخ تئبشني ريتو لعدوينك سعيد:- يعني ماعم احلم سجل ياتاريخ هاليوم بحساباتك لك ريتكن تئبرو ئلبي وتطلعو على قبري ولي على قلبي شكلي مارح اتحمل الصدمة ورح الحق ابي جميلة:- انا وضرتي قررنا نعمل هدنة لحتا سعيد مايفكر يتزوج علينا لأنو الضرة مرة ومابدنا يتكرر هالشي قمر:- صحيح كنا ندخل عالمطبخ ونتفشش ببعض وننتف بعض بس نطلع كأنو مافي شي وتعودنا ع هالوضع مع الايام وهالتمثيلية بدت تاخد مسار تاني صرنا نتقرب من بعض انا وضرتي ونقضي وقت حلوو كتير مع بعض جميلة:- الله يخليلنا ام عادل اللي كل فترة تلطش حكي بخصوص زواج سعيد وخلتنا نتقرب من بعض ونحط عقلنا براسنا ونتقبل واقعنا ونتعايش معو سعيد:- بصراحة ماتوقعت بيوم من الايام يتفقو جميلة وقمر ومابعرف شو سبب هالتغيير المفاجئ حتى امي صارت تقرأ عليهن المعوذات صبح ومسا مشان الله يهديهن ويضلو عاقلين سعيد:- مدام ياسمين بما انك عم تكتبي القصة شورأيك باللي عم يصير ببيتي لانو بصراحة لهلا ماني مستوعب شو سر هالتغيير #ياسمين:- ههههه سبحان مغير الاحوال بصراحة انا بعرف السر اللي خلاهن ينقلبو هيك بس اوعدني ماتحكيلن شي للجوز الي عندك والا بتكون هدمت كلشي بأيديك سعيد:- وعد ما احكي ليش انا صدقت عشلي يومين حلوين متل كل هالناس #ياسمين:- بصراحة انا وجعني قلبي عليك وبعتت ام عادل تهدد نسوانك وتحكيلن انك ناوي عالثالثة وهني لما سمعو هيك نطو وماحطو😂😂 وشفت النتيجة بصراحة وانا مستغربة 😂😂 سعيد:-ايوااااا نسوان مابتجي غير بالعين الحمرة عم قول لحالي 🤭 شكرا كتييير الك انتي وام عادل مع انو شعلنا حروب كتيرة ووجعنالك راسك ياسمين:- ههههههه العفوو الله يسعدكن جميلة وقمر:- 🙂🙂 سعيد:- ولي على امتك ياسعيد رحت فيها 😱 حبيباتي انتو الجوز تقبرو عضامي تطلعو على قبري مازعلتو موو جميلة:- ههههه مووو… لا حبيبي بالعكس قبل هلا زعلنا كتيير وشفنا نتيجة زعلنا خلص قررنا نفتح صفحة جديدة بحياتنا موهيك ضرتي قمر:- هيك ونص ضرتي وبعدين انت مومقصر معنا تئبر البي والب ضرتي وكمان في خبرية بدنا نخبرك ياها سعيد:- شوهيي! !!!" جميلة وقمرر:-انا حامل يعني نحناا حوامل………… 🤰🤰 سعيد:- نعااااام 😳 حوامل مع بعض؟!!! جميلة:- اي حبيبي بالعلامة ابنك مشتهي شاورما وبيتزا وقطايف وكنافة قمر:- اي حبيبي وابننا كمان مشتهي جوز ولوز وبندق وشوكولا وازا كان معن مشاوي مافي مانع انت كريم وولادك بيستاهلو جميلة:- ولاتنسى تجبلنا خدامة لأني بقرف من ريحة المطبخ وضرتي كمان متلي موهيك ضرتي قمر:- هيك ونص وخمسة ياعيون ضرتك ام سعيد:- الواه الواه كأنو ماحدا خلف غيركن البسة كمان بتحبل وبتخلف حبيباتي يعني مو انجاز هاد كنوو بقاا سعيد:- المنحوس منحوس ولو علق ع راسو فانوس… فالج لاتعالج… 😫🤦‍♂️ #ياسمين:- الله يعينك ياسعييد حالتك ميئؤس منها 😂😂

سعيد:- مرحبا عمي ابو محمد ابو محمد:- ياميت اهلا بالعريس لكن ياعمي شفت الدلال والطبخ الطيب ونسيت عمك ابو محمد وصندويشاتو سعيد:- صار يضحك بصوت عالي متل المجانين ههههههههه دلال قلتلي ههههههه واكل طيب ههههههه لك عمي منظري بيوحي للدلال لك انا النحس راكبني من راسي لساسي ابو محمد:- لاحول ولا قوة الا بالله ابني شبك جنيت ليش عم تضحك متل المساطيل سعيد:- عمي بزكاتك لفلي صندويشة فلافل هلا واتركني من هالموضوع رح موت من جوعي الله وكيلك صار معي قولون عصبي وهضمي من ورا اكل الفلافل قلتلي دلال لكن لك عمي انا وقعت وما حدا سما علي اتورطت كنت بوحدة وصرت بتنتين شوف نصيحتك شو عملت فيني الله يسامحك مفكر كل النسوان متل نسوانك لك يعدمي هيك جازة ابو محمد:- الله يعينك يا ابني شو هالحظ النحس اللي عليك قلنا بتتزوج بيرتاح بالك… كُل ابني هالصندويشة وخد قنينة هالمي مشان تنبلع معك روح الله يحمل معك ويصبرك لك انت لو اجتمعو كل العالم مارح يقدرو يحلو مشاكلك انت ونسوانك ------------------- جميلة: - حطيت ابني عند حماتي اللي نزلت تشرب قهوة عند ام قمر ماشالله ضاربين صحبة ودخلت عالحمام من بعد ما انضرب سعيد على قلبو وجبلي ضرة صرت اهتم بحالي ونضافتي كتير حتى نقصت من وزني كمان المهم كنت بتحمم بهالمي السخنة وانا عم غني وفايتة بالجو وفجأة تحول الغناا لصراخ وولولة لما صارت تنزل علي مي باردة متل التلج طلعت من الحمام وانا عم ارجف وشعري كلو شامبو لقيت قمر قاعدة وعم تبتسملي ابتسامة صفرة جميلة:- وليه قمر انتي اللي طفيتي المي السخنة موو انا بفرجيكي تعي لهون قمر:- ههههههههههه ولييي فرطت لوتشوفي شكلك بالمراية طالعة متل الجاجة المنتوفة ( شمرت عن ايدها وبلش الهجوم) صارو يتضاربو بالمخدات والطاولة والريموت حتى ببرونة الصغير ماسلم منهن استعملو جميع انواع الاسلحة الفتاكة سعيد:- رجع عالبيت بعد ما انتفخ من اكل الفلافل واول مافتح الباب وخطى اول خطوة لجوا بووووووووووم اجا الريموت بنص راسو صار يشوف جميلة قمر وقمر جميلة وانتهت هالحرب بأصابة سعيد بكسر براسو الحمدالله انقضت عالكسر وما طلعو عيونو 😂😂 #الجزء_الخامس بعد كم يوم سعيد صار ينام بالشغل ومايرجع عالبيت الا كل يومين معو حق المسكين خايف ع روحو ام سعيد:- لك وحدة منكن تفتح هالباب رح ينكسر موسامعين يعني بس شاطرين تتخانقو قمر:- مبلا مرت عمو سمعت ئايمة افتح يمكن هي ماما… هي انتي ما… عفوا خالتو ام عادل هي انتي اهلا وسهلا ام عادل: - اشبك يووم كنك شفتي جني اوعفريت بعديلي خليني ابرك اعمليلي فنجان قهوة من تحت دياتك ام سعيد:- يا اهلا وسهلا بأم عادل وين هالغيبة تؤبريني الك وحشة ام عادل:- ابوس روحك خيت كنت مسافرة ع حلب عند ابني عادل المهم ئليلي هلا ايش اوضاع الجوز اللي جوا ام سعيد:- لك لاتشكيلي ببكيلك هدول رح يجيبولي الفالج قلنا بدنا نزوج الصبي لتعقل الاولى طلعت التانية مجنونة اكتر منها تقولي ديك وجاجة سالب وموجب طول يومن خناق ومشاكل الولد ماعد رجع عالبيت جميلة:- خالتو ام عادل انتي هون اهلا وسهلا من زمان القمر مابان ام عادل:- جميلةة اشو هالحلا كلوو اشبك اتحولتي من غوريلا لشاكيرة 😂 تعي يوم ابركي في جوز كلام بدي احكيه معك انتي وام لسان التانية ضرتك قمر:- بتدخل وبايدها صينية القهوة: الله يسامحك خالتو انا ام لسان لك اننا اللي تم ياكل ما اللي تم يحكي تفضلي القهوة ام عادل:- وباااا 😏 ابركي جنب ضرتك لشوف اشبك انتي وياها جنيتو طاول جميلة:- شبنا خالتو مابنا شي ماهيك ضرتي قمر:-هيك ونص ضرتي ام عادل:- انتو ناوين تجننو الرجال ليش عبتتخانقو عالطالعة والنازلة وبااا يئشكن ئش يبليها بئتلها اللي قالت لامكن مبارك ما اجاكي جميلة:- ماشاءالله كانك عايشة معنا وبتعرفي بكلشي عم نساويه( اتطلعت بحماتها ) قمر:- شورايك نتصل بعمو ترامب يلاقيلك وظيفة بقسم الاستخبارات بتلبقلك كتير حميلة وقمر:- 😂😂😂😂 ام عادل:- تنقال قوالك وتنكت كرارك وانتي التانية ترووحي فرم ع هالضحكة الفضيحة اللي عليكي اضحكو لشوف بكرا بس تجي التالتة وتنتفكن بدي اشوف وجك انتي وياها وبااا اشئد اغبيا انا قايمة ع بيتي خيت رفعولي الضغط والكوليسترول ونفخولي القولون يامو على الله ايش هالجيل الفاسد وبااا جميلة وقمر:- بيتطلعو ببعض: شوقصدها بالتالتة معقوول يعملها 😢 ام سعيد:- دخيلك ياتؤبريني لاتاخدي ع كلامن هدول مابيعرفو شوعم يحكو(انا بفرجيكن انتي وياها 👌) ام عادل:- ولا يهمك مابيتواخذو مع السلامة خييتوو(بتطلع لبرا وبتلاقي سعيد ع باب البيت) سعيد:- خالتو ام عادل كيفك شتقنالك والله ام عادل:- تشتقلك مكة يووم تعا بكرى لعنا مساويه كبه نيه و كبه مشويه وجنبا هل اللبن الغنم وكيبسه فليفله حدة نار يمو على الله شقد بتطلع طيبه والله. غصيتلك لك ابني سعيد:- هههه لك ريتك تسلميلي غير مرة انشاءالله سلميلي ع عمي ابو عادل ام عادل:- ميت السلامةة ابني بيوصل

يوميات زوج منحوس بقلم ياسمين الشام تمت الجزء_الرابع جميلة:- قررت حط عقلي براسي وارجع لبيتي وزوجي مارح اسمح لحدا ياخد مكاني وانا بعرف قصرت بحقك كتير بس عرفت غلطي وبدي صلحو وبدي نفتح صفحة جديدة مع بعض بس طلبي الوحيد انك ماتظلمني وتعدل بيناتنا وبوعدك ماسببلك مشاكل سعيد:- يعني مانك زعلانة لاني رح اتزوج عليكي جميلة:- لاحبيبي موزعلانة بعدين انا الكبيرة والاساسية وام ابنك وبهمني سعادتك لهيك مارح وقف بوشك سعيد:- دخيل قلبك اناا اكيد انتي الاساسية ومكانك محفوظ عندي صدقيني لو ماسمعتي كلمة امك واهتميتي فيني وبحالك ولو شوي ماكنت رح فكر اتزوج بس هاد اللي صار وماعد فيني اتراجع بس بتعرفي حاسس حالي بحلم بحبك يابنت ( بيحضنها وهو بيحكي مع حالو: والله طلع كلام ابو محمد صحيح لك المرة انقلبت 180 درجة حاسس حالي بحلم) جميلة:-وانا بحبك ابن عمي… بقلبها( ههههه اكيد عم تحلم حبيبي مافشرت هديك القطة الصفرة تاخد مكاني حسابكن عندي عسير متل مارح بتفوت ع هالبيت برضاها رح تطلع منو برضاها كمان انا بفرجيكن بدك تجبلي ضرة لكن اتحمل الجاي ازا بتقدر تتحمل😏) _____ يوم العرس سعيد:- تفضلي حبيبتي ادخلي برجلك اليمين نورتي بيتك وقلبي قمر:- يزيد فضلك حبيبي يخليلي قلبك جميلة:- الف مبروك ياعرسان انشاءالله جوازت الدهر قمر:- الله يبارك فيكي ضرتي 🙂 ( بيدخلو لجوا وجميلة واقفة مكانها والنار شاعلة بقلبها حاولت تمنع دمعتها لانها اعطت وعد لحالها ماعد تبكي ابدا بس رح تتغرغ للانتقام من سعيد وامو … وحماتها مستغربة كتير من هدوئها بس فرحانة كتير لابنها اخيرا قدرت تكسر راس جميلة وامها وزوجت ابنها يمكن هي هيك مفكرة ) تاني يوم جميلة:-واقفة بالمطبخ وهي بتحضر الفطور وعم بتغني ( اللي باعنا خسر دلعنا راح لحالو يالله يودعنا بالسلامة والقلب ناسية) ام سعيد:-وهي مستغربة من برودة دمها: صباح الخير كنتي شو كل هالنشاط؟ جميلة:- يسعدلي صباحك مرت عمو حبيت حضر الفطور لابن عمي بايدي اليوم ام سعيد:-(بتقرب من جميلة وبتتحسس جبينها) بسم الله عليكي انتي منيحة يابنت يمكن عليكي حرارة… بهالاثناء بيدخلو عصافيرنا عالمطبخ ومنظرهن مابيوحي انهن عرسان جدد: وبيحكو صباح الخير ام سعيد:- صباح… بسم الله عليكن ابني شوهالحالة اللي انتو فيها جميلة:- وهي كاتمة ضحكتها وعم تبتسم بخبث: ييي ليش هيك وشكن احمر شبكن سعيد وقمر:- لساهن واقفين مكانن وهني عم بحكو حالن متل المجانين وكل جسمهن بقع حمرة سعيد: مابعرف صحينا الصبح وكنا هيك دخيلكن رح موت لك قمر حكي ضهري ماعم اوصللو قمر:- وهي بتحك ايدها لك حل عني انا بدي مين يساعدني اكيد حدا متقصد يعمل فينا هيك ( واتطلعت بجميلة) جميلة:- اكيد اتحسستو من الفرش الجديد يمكن مونضيف وعليه جراثيم ولييي لتكونو مقملين 😨(هي قالت مقملين من هون والتانين بلشو يزيدو الحكة من هون 😂) جميلة: هلا بجبلكن مرهم حساسية رح تتحسنو عليه ام سعيد: لك ابني قلتلك لاتشتري من هداك المحل ماعجبني صاحبو مبين عليه جربان مارديت علي جميلة: ( طلعت من المطبخ وهي عم تضحك: ههههه ولي رح مووت من منظرهن وهني عم ينطو من الحكة متل المجانين بتستاهلو مشان تعرفو مع مين عم تلعبو لسا الخير لقدام والله لخليكن تمشو وتحكو مع حالكن) سعيد:- بعد كم يوم من زواجي وبعد معاناة طويلة مع الحكة الله لا يدوقكن ياها رجعت انزل ع شغلي والاوضاع كانت هادية بالبيت لدرجة انو هالهدوء كان بخوفني كتير لوهلة فكرت انو كلام عمي ابو محمد مزبوط وباب الحظ انفتحلي ورح عيش احلى ايام حياتي بس تجري الرياح بما لا تشتهي السفن 🤷‍♀️ كنت اظنُ كنت اظنُ وخاااب ظني 😭 ام سعيد:- ياجميلة ياقمر بسرعة علقو عالطبخة قرب يرجع زوجكن من الشغل جميلة:- مرت عمي انا مبارح طبخت اليوم دور ضرتي قمر قمر:- بالله شوووو ست جميلة انا لساتني عروس جديدة ومابدي ينتزعو ايديي وصير غوريلا متل بعض جماعة جميلة:-(كشرت عن انيابها وضربت ع صدرها متل الغوريلا😅) نعااام انا غوريلا وليه شوبتقصدي هاا قمر:- والله اللي فيه شوكة بتنغزو ليكك عرفتي حالك… سعيد يؤبر البي اخدني ع جمالي وطاير عقلو فيني لو كنتي حلوة ماكان اتطلع بغيرك جميلة:- هاهااا حبيبتي انا ما اخدوني على حمار خدودي اخدوني على صيت جدودي وهي لحالا بتكفي انا بنت عمو الغالية وانتي مومعروف قرعة ابوكي من وين قمر:- يبعتلك فالج منو ماتعالج جميلة:- العين تطرئك قمر:- اريضة تأرضك جميلة:- يبعتلك ئتلك قمر:- يبعتلك حمى ماتصحي منا جميلة:- اللهي بحترمك وباكل رزك (هالكلمة بتنحكى للي بموت وبوزعو رز ع روحو) قمر:- يعدمني ياكي ام سعيد:-لك اخرسي انتي وياها اللهي يعدمني ياكن انتو الجوز فعلا اللي استحو ماتو قال زوجنا الصبي ليرتاح اجينا لنكحلها آم عميناها سعيد:- (كان واقف عالباب وساند راسو عالحيط وعم يتسمع ع حفلة الضراير طلع لبرا بدون ماحد بنتبهلو وتركهن ياخدو راحتهن بالردح… وياحزركن لوين بروح لما بضل بلا غدا 🤔 )

ام قمر:- اهلا وسهلا شرفتونا ام سعيد:- تسلميلي سعيد:- احم عمي بشرفني اطلب ايد بنتك قمر على سنة الله ورسوله وانت بتعرف وضعي منيح ابو قمر:- يا ابني انت رجال منيح وماعليك كلام ازا وافقت البنت انا ماعندي مانع ام قمر نادي لبنتك تضيف القهوة ام قمر:- بتنادي ع بنتها لتفوت قمر:- كنت واقفة عالباب وعم اتسمع عليهن ولما نادتلي امي ثواني وكنت عندهم مع صينية القهوة ضيفت الكل و وصلت لعند ابو سعود يؤبر ئلبي مديتلو صينية القهوة ورمشتلو تلات رمشات بعيوني كان باقي رمشة وبطير بسبب طول الرموش الصناعية اللي حاطيتهن والتاني كان قلبو طاير من الفرح حمل الفنجان وهو صافن فيني قعدت مقابيلو مشان اقدر شوف ملامح وشو بعد مايشرب القهوة حمل فنجانو وشرب اول رشفة اتغيرت ملامح وشوو وصار لونو احمرر والدموع شرو من عيونو وانا كاتمة ضحكتي و عم براقب بصمت سعيد:- بقلبو:- يخرب بيتك حاطة فلفل حد بالقهوة ولي رح اختنق… قوي قلبك سعيد واشربها خليك رجال ولاتشمتها فيك حملت الفنجان وشربتو مرة وحدة حسيت حالي صرت تننين وبنفس النار من انفي بدل الاكسجين انا بفرجيكي ياقمر بس تصيري ببيتي مارح انسالك ياها بس ماتحملت وبلشت اسعل ابو قمر:- شبك ابني ليش تغير وشك هيك سعيد:- احم حكى وهو بيتطلع بقمر: مافي شي عمي هلا بشرب مي وبتحسن قمر:- اتطلعت عليه وانا عم ابتسم شواعمل كنت بتفرج ع مسلسل هندي وشفت مشهد البطله بتحط حد بالقهوة للبطل وقت يخطبها لحتا تختبر حبو واخلاصو ف حبيت جربها ع ابو سعود 😂 معلش خليني فرجية الفلفل الاحمر قصدي العين الحمرة من هلا مشان بكرا مايتحكم فيني ام سعيد:- لو يقعدو العرسان مع بعض شوي شو رايك ابو قمر ابو قمر:- اكيد قومو ياولاد اقعدو بالبلكونة لتتعرفو ع بعض سعيد:- واخيرا رح نضل لحالنا طلعت عالبلكونة وقمر لحقتني وبايدها كاسة عصير ليمون قمر:- وهي كاتمة ضحكتها: تفضل كاسة هالعصير رووق دماتك 🤭 سعيد:- شكرا بس العالم بتحط ملح بالقهوة مو فلفل بحياتي مو سمعان فيها هي قمر:- ههههههههه معلش هي سمعت فيها وجربتها كمان بس بالله عليك مو خييلة طعمة الفلفل مع القهوة 😂 سعيد:- تسلملي هالضحكة الحلوة وهالعيون الحلوين وهالشعر الحريري قمر:- احم احم ( احمرت من الخجل) خلص ولوو خجلتني 😊 سعيد:-لك يؤبرني الخجلان… قعدنا ندردش شوي وطلعنا عالبيت وانا طاير من الفرح هي اول مرة بعيش هالشعور كنت بستنى الجواب من ابو قمر وحاولت احكي مع جميلة كمان مرة بس رفضت ترجع عالبيت مصرة تسمع كلام امها وتخرب بيتها بأيدها انا بعرف كيف ربيها هي وامها وبعد يومين عطانا الموافقة ابو قمر وخطبنا رسمي وكتبنا الكتاب وحددنا موعد العرس جميلة:- بتفتح الباب: نعم سعيد شوبدك سعيد:- جميلة شوفي هي اخر مرة بحكي معك فيها ارجعي ع بيتك المرة الجاي ورقة طلاقك رح تصلك لهون جميلة: - ههههههههه حلو والله عم تهددني كمان سعيد افندي سعيد:- اسمعي يابنت الناس ولاتخلي يطلع جناني انا بحبك ومابدي نتطلق ولا يربى ابننا ضايع بيننا لهيك معك اسبوع رجعتي گان بها مارجعتي بتكوني خربتي بيتك بأيدك انتي وامك… صحيح قبل ماروح احكي لأمك عرس سعيد بعد اسبوع وانتو معزومين وخلي عنادكن يفيدكن هلا يلا سلااام…… جميلة:- 😨🤯😱😭 عملتها ياسعيد واتزوجت علي لك روح الله لايسامحك اللهي يبعتلك ياسعيد 12 سواا نار وبارود وهواا وصياح ونياح وغز رماح وعما وفالج وكرساح وفقر ودين وغضب الوالدين ------------------------------ سعيد:- جهزت البيت وفضيت غرفة مشان قمر واشتريت عفش جديد… وبيوم كنت راجع من الشغل متأخر دخلت عالبيت كنت بنام بغرفتنا انا وجميلة لما فتحت باب الغرفة انصعقت ورجعت خطوة لورا فكرت حالي مخربط بالعنوان لانو اليوم موعرسي لأنو مستحيل هي تكون غرفتي ورد وشموع وسفرة ملوكية لحد هون كلشي معقول بس مين هي اللي قاعدة عالتخت وعم ترمشلي وتعمل حركات بشفافها 😚 سعيد:- عفوا يا اختي مين انتي شو عم تساوي هون ** (يخلو عضامك اللهي)بدلع: له له معقول بهالسرعة نسيت مرتك حبيبتك سعيد:- فتح عيونو ع وسعن :جميلةةة 😳 مستحيل تكوني جميلة لتكوني شبحها وجاي تنتقميلها مني دستور من خاطركن اللهم ان كان هذا سحرا فابطله 😰 جميلة:- 😂 لا حبيبي هي انا جميلة مرتك ( اقتربت منو بخطوات بطيئة كانت لابسة قميص نوم احمر وصابغة شعرها اشقر وداهنة وشها اشكال الوان كانت متغيرة كتير حتى سعيد ماعرفها الا من صوتها قربت لعندو وطبعت بوسة ع خدو) سعيد:- وهو مصدوم ماعم صدق شو اللي صار لحتى غيرتي رأيك بعدين شوهالحلا كلو ياضرسانة والله ماعرفتك اتاريكي حلوة يابنت 😍

ام قمر:- لاوالله ياست الحسن ماقلتيلي شوفي قمر:- هديك جارتنا جميلة السمينة مبارح قالتلي انو هي حبلة ومشتهية عالكيك قلت باخدلا صحن حرام يطلع براس الولد موهيك ام قمر:- اي والله يابنتي الجيران لبعضا خلص انتي روحي وانا بنضف المطبخ الله يرضى عليكي قمر:- (نفدنا من التنضيف وكسبنا دعوة من نبع الحنان تعلمو تعلموو 😏) طلعت عالطابق التالت ومعي صينية الكيك عيب موحلوة مانضيف جيراننا 😉 ____ سعيد:- صباح الخير امي شو وينها جميلة والولد ام سعيد:- صباح النور… الخانم حردت لعند امها واخدت الولد معها انشاءالله روحة بلا رجعة سعيد:- امي مشان الله كمان اتخانقتو؟ رايح جيبها امري لألله لبست وطلعت لشقة حماتي دقيت الباب فتحتلي حماتي سعيد:- مرت عمي السلاا…… ام جميلة:- الله لايسلم فيك ولا عضمة ارجع لعند امك خليها تطبطب عليك لكن انا بنتي تنقلع من بيتها سعيد:- طولي بالك بس خلينا نتفاهم ياجميلة ام جميلة:- ما الك شي عنا جميلة مارح ترجع الا ازا امك المئوصة اجت واعتزرت منها: طبشت الباب بوشو سعيد:- نزلت وانا عم بربر وموشايف قدامي من العصبية فجاة اصطدمت بوحدة كانت طالعة عالدرج اخر شي بتزكرو قبل ما نوقع نحنا التنين طعمة الكريما اللي كانت عالكيك كانت بنكهة الفريز 😋 سعيد:- عفوا انسة انتي منيحة بعتزر كتير ما انتبهت قمر:- وقعت انا والصحن بحضنو للزلمة مسحت الكريمة اللي كانت ع وشي بكم بلوزتي ورفعت راسي وشفتو انصعقت حسيت بكهربا مشيت بجسمي بس يافرحة ماتمت ماصار الا وشافني وانا متل المهرجين 🤦‍♀️ سعيد:- عفوا يا انسة انتي منيحة؟ قمر:- اه اي منيحة تسلم اسفة انتزعو تيابك بسببي بس امي اشتهتكن بصحن هالكيك سعيد:- ولا يهمك حصل خير بفهم انتي بنت جارنا الجديد ابوقمر قمر:- اي انا قمر عمري 23 سنة وسنغل 😁 سعيد:- ههههه تشرفت بمعرفتك وانا سعيد عمري 30 سنة للاسف متزوج وعندي ولد قمر:- 😳😢 (ولي على امتك ياقمر اللي مالو حظ لايتعب ولا يشقى) اهلا وسهلا استاز سعيد بعتزر مرة تانية : تركتو ونزلت ركض عالبيت وانا عم جر صدمتي معي ياحوينة التعب والوقفة بالمطبخ ___ سعيد:- لساه قاعد مكانو وعم يفكر: معقول في هيك بنات حلوين بالدنيا هي اللي بينحكالها انثى مو متل اللي عندي كلمة ديناصور قليل عليها معقول تقبل تتزوجني 🤔 وليش لأ خليني جرب حظي بلكي تتربى وتعقل للي عندي رجعت عالبيت وناديت على امي ام سعيد:- خير ابني شبك ليش هيك اواعيك لتكون هديك المئوصة وامها الحرباية عملو فيك هيك… سعيد:- امي اسمعيني انا قررت اتزوج مرة تانية ام سعيد:- ليليليليليييشششش ماعم صدق واخيرا حطيت عقلك براسك ياما قلتلك اتزوج بس كنت متنح شكلا كانت ساحرتك الحرباية وهلا انفك السحر وليليليييششش #الجزء_الثالث سعيد: هسس امي فضحتينا اللي بيسمعك بفكر العروس صارت بالبيت ام سعيد:- صارت تحكي بصوت عالي: خلي كل الدنيا تسمع اعتبرها صارت بالبيت… هلا بحكي مع جارتنا ام عادل الخطابة اكيد في حواليها بنات حلوين سعيد:- ياحبيبي ازا الموضوع صار متعلق بأم عادل معناها اكلنا هوااا غيرت تيابي وطلعت عالشغل قبل ماتجي ام عادل وتستلمني _ بالطابق الثالث عند جميلة وامها جميلة:- امي سمعتي اللي سمعتو؟ هاي حماتي ع شو مبسوطة هيك اكيد موناوية ع خير خليني ارجع لبيتي احسن ما تزوجو علي بنكون بحماتي بنصير بحماتي وضرتي ام جميلة:- اخرسي وليه ما الك رجعة لحتى تجي الحرباية لعندي وتعتزر وهلا انقلعي من وشي قال ترجع قال نرجع لعند ام سعيد بتفتح الباب ام سعيد:- ياميت اهلا بحبيبة قلبي ام عادل نورتي ام عادل:- ابوس روحك شلونك خيت يامو على هالدرج بيئطع النفس خليني ابرك لأخد نفس… بتقعد وهي بتتلفت حواليها ام عادل:- اشو خيت كنو ام لسان كنتك ماي بالبيت ام سعيد:- لا والله المئوصة حردت لعند امها ولهالسبب بعتت وراكي ام عادل:- تروح فرم اشقد غبية هالبنت طيب ايش المطلوب مني هلق ام سعيد:- سعيد يئبر البي حابب يتزوج وانا بدي ياكي تلاقيلو عرووس حلوة مشان تتربى اللي فوق هي وامها ام عادل:- خلص ولايكلك فكر طاول طاول اعتبري الموضوع محلول ام سعيد:- لك تؤبري ئلبي شو بحبك ام عادل:- ابوس جناق وجك خيت بعدين العروس موجودة وقدام عيونك طسي منيح بتشوفيها شبنا خيتوو ام يعيد:- مين قصدك ليكون بتقصدي قمر 😍 ام عادل:- ابوس روحك شوفهيمة وبتلئطيها اواام اي عبحكي عن قمر حسن وجمال شقرة وصغيرة مومتل اللي عندك… وباااا يئشها ئش ام سعيد: 😎 ----------------- سعيد:- بعد يومين وبعد عدت مشاريع وتخطيطات من ام عادل اللي عملت غسيل دماغ لأهل قمر مشان يوافقو تنزل بنتهم ع ضرة اخدنا موعد من ابو قمر مشان نزورهن ونطلبها طبعا كل هالشي كان بسرية تامة مشان جميلة وامها مايعرفو بالموضوع ومايعملو مشاكل لبست وتعطرت وتشيكت اخر شياكة ونزلنا انا وامي لبيت حماي التاني قصدي بيت اهل قمر ابو قمر:- يا اهلا وسهلا زارتنا البركة تفضلو سعيد:- الله يبارك بعمرك تسلم عمي

ابو محمد:- هههههههه لاحول ولا قوة الا بالله لاتخاف خبيتلك حصتك بعرف مرجوعك لعندي… لك انت عندك امك ومرتك بالبيت معقول تضل بلا غدا سعيد:- (قعد ع كرسي صغير وبلش ياكل بهالصندويشة ويتفشش فيها) ابو محمد:- لك ع مهلك يا ابني رح تختنق سعيد:- بلع اللقمة اللي بتمو وحكى: عمي كرمال الله انصحني شو اعمل بحالي وحدة امي والتانية مرتي وحماتي من جهة لك مليت من هالوضع وين روح بحالي ابو محمد:- لاتروح ولا تجي انا عندي الحل 😏 سعيد:- شوهوو؟ ابو محمد:- اتزوج مرة تانية سعيد:- لما سمع هيك (غص و اتشردق وطلع الفلافل من مناخيرو ) ابو محمد:- بسم الله عليك راح فيها الزلمة 😨 #الجزء_الثاني سعيد:- ( بعد ماشرب قنينة مي ) عمي انت شو عم تحكي شو شايفني مجنون لاوقع بنفس الجورة مرتين لك فهمني حدا بجيب الدب لكرمو ابو محمد:- انت كيف صرت مهندس ماعم افهم لك ابني شغل هالبطيخة اللي بين كتافك اعمل متل عمك ابو محمد مارح تندم سعيد:- طيب انت ماندمت انك اتزوجت التانية ابو محمد:- لا طبعا بدل ماتقعد تاكل فلافل كل يوم من جكرهن ببعض رح يطبخولك كل يوم طبخة شكل والشاطرة اللي بدها تبسطك وتغنجك وترضيك وهات عالدلع والغزل ع تئبر قلبي ابن عمي تشكل اسي ياتاج راسي وامك بس تشوفك مبسوط رح تكيف وهيك رح تربيهن عالمزبوط سعيد:- مغمض عيونو وعم يتخيل المشهد نفش ريشو وفرد عضلاتو واعطى ابتسامة جانبية 😏 ( - ابن عمي تؤبر ئلبي اعمللك نفس اركيلة تروء دماتك - تشكل آسي حطلك صحن فواكة تتسلى فيهن ) سعيد:- لك روحو انشاءالله بتقبرو عضامي انتو التنين 😍 ابو محمد:- 😳 لا والله هاد خالص ( صار يهزو من كتافو) هييي سعيد لوين وصلت طول بالك دغري فتت بالجو هدي شوي 😂 سعيد:- خلص قررت اتزوج بس مين هي اللي بترضى تنزل ع ضرة ابومحمد:-بنات الحلال كتار وموطالبين غير السترة وانت شب معدل ماناقصك شي سعيد:- لك بشرفي انت مافي منك نيال نسوانك عليك الله يخليلي ياك والله بتسعدني اكتر من امي ومرتي ببوسو ع راسو وبيمشي وهو بحاكي حالو - لازم اتزوج بأقرب فرصة ليش شوناقصني لحتى ماكون متل بياع الفلافل خليني عيش يومين حلوين قبل ما انجلط متل ابي والحقو… وصل ع باب البناية شاف سيارةكبيرة وناس عم ينتقلو سعيد:- مرحبا انتو جيراننا الجدد صح -: اهلا وسهلا ابني انا ابو قمر… جيرانكن الجدد رح نسكن بأول طابق سعيد:- نورتو البناية عمي اهلا وسهلا مرة تانية ( تركن وطلع ع بيتو بس في عيون كانت عم تراقبو من ورا السيارة) قمر:- ( بنتو الوحيدة لابو قمر حلوة وشقرة ) كنت بساعد بابا وماما بتنزيل الغراض لافة راسي بشال امي اللي من ايام عرسها وشعري كل خصلة متبرية من التانية وحردانة بجهة… ولابسة شحاطة بابا البرتقالية تبع الحمام مشان اخد راحتي وانا بنقل الغراض ولابسة بجامة بيضة بسبب النقل والغبرة صار لونها رمادية… مابشفلكن الا وصاااروووخ خاااارق حااااارق متفجججر جاي من بعيد لناح البناي شخصية وعضلااات وهيبة… من اول نظرة حبو بئلبي نئش دخل على ئلبي طحش ريتو يؤبش ئلبي ئبش… لما عرفت انو داخل عالبناي حملت هالسجادة بأيد وحدة للحظة اتحولت لباباي وفردت عضلاتي بس لما شفت حالتي واتزكرت شال امي وشحاطة ابي البرتقالية وبيجامتي اللي اتغير لونها من الغبرة اتقلصو هالعضلات والسجادة وقعت من ايدي واتحولت من باباي لزيتونة ركضت لورا السيارة واتخبيت مشان مايشوفني وانا بهالشكل وماطلعت الا لما اتأكدت انو دخل لجوا --------------------- سعيد:- رجعت عالبيت اتحممت واتمددت عالتخت لأرتاح شوي جميلة:- سعيد !!! ايمت اجيت ما انتبهت عليك سعيد:- من شوي… صحي وانا جاي شفت عيلة جديدة بتنقل للطابق اللي تحتنا جميلة: - بعرف هلا انا ومرت عمو نزلنا نسلم عليهن ونشوف ازا بيحتاجو شي اماشوو عندن بنت بتطير ضبنات العقل جماال ونعومة حسيت حالي جعفر قدامها سعيد:- ههههههه حبيبتي انتي ازا شافك جعفر بزات نفسو رح يتبرى منك ليوم الدين ( سحب الغطا ع حالو مالحقت جميلة ترد الا وصوت شخيرو واصل للسطح) -------------------- قمر:- مرقو يومين ع جيتنا عالبناية وخلصنا ترتيب واخيرا… طول الوقت وهداك الصاروخ ماطلع من بالي اللي بعرفو انو اللي ساكنين فوقنا هني الخالة ام سعيد وكنتها السمينة اللي زارونا اول يوم… ماضل غير الطابق الثالث معقول يكون ساكن هنيك ياربي كيف بدي اعرف…وبعد تفكير طويل لمعت ببالي فكرة لقيتهاا💡😎 ركضت عالمطبخ وبلشت اكسر واخلط واعجن انقلب المطبخ فوقاني تحتاني بالأخير طلعت منها بصينية كيك ام قمر:- بتمسك اذانها: استني وليه لوين رايحة هيك وتاركة المطبخ متل ساحة الببجي قمر:- ااه اييي امي لك ليش ماقلتلك

يوميات زوج منحوس بقلم ياسمين الشام المقدمة جميلة _ الحمايةيلي بتحب الكنة الها كرسي بالجنة 😏 ام سعيد _ له ياشرنة… كلشي بالسيف الا المحبة بالكيف 🙂 جميلة - ياحماتي لاتقولي عني شرنة ما انتي كنتي قبلي كنة 👵 ام سعيد _ مصيرك ياكنة تصيري حماية 👱‍♀️ جميلة _ على ابنها حنونة وعلى كنتها مجنونة🙄 ام سعيد _ وقت الشغل بتقول مريضة ووقت الاكل بتقول وين معلقتي العريضة 🙃 جميلة _ البصلة عيرت التومة وقالتلا ريحتك خلتني مزكومة 🤧 ام سعيد _ عاشر الغني بيغنيك وعاشر الجربان بيعديك 😈 ______ ___ #الجزء_الاول ** اكيد بتعرفو بالحرب العالمية الاولى والثانية… طيب والثالثة والرابعة والخامسة وووو… مابتعرفوها طبعا لأنها قامت فوق راسي لوحدي 😥 طيب شفتو الحرب اللي صارت فوق 👆 هاد جزء بسيط من معاناتي اليومية اللي بعيشها مع امي ومرتي…… رح احكيلن قصة حياتي المنحوسة… متل مابقول المثل المنحوس منحوس ولو علق على راسو فانوس🔦 _ انا اسمي سعيد ( مابعرف شو خطرلو ابي وسماني هيك كان لازم يسميني حزين اوتعيس ) عمري 30 سنة طويل ومهيوب بس شعر راسي مشيوب من العمايل والهموم… بشتغل مهندس معماري وكمان بشتغل اي شي بيطلع قدامي متل مابقولو سبع صنايع والبخت ضايع كنت عايش حياة طبيعية متل كل هالعالم درست ونجحت واشتغلت واسست حياتي وبنيت مستقبلي متل مابدي واجا اليوم اللي قرر فيه ابي الله يرحمو ويصلحو على هالعملة يزوجني من بنت عمي جميلة اللي ما الها علاقة بالجمال لامن بعيد ولا من قريب 🤦‍♂️ لما كنا صغار ويزعجني حدا من رفقاتي بالحارة كنت خوفهن بجميلة بس يسمعو باسمها يهربو ومايسترجو يفوتو عالحارة اسبوع كامل… وانا كنت اواسي حالي وقول الجمال جمال الروح مو الشكل وبعدين اكتشفت اني غلطان 🤦‍♂️ طبعا مابحقلي ابدي راي بهالموضوع لأنو من لما كنا صغار الكل بيعرف جميلة لسعيد وسعيد لجميلة بس موهون المصيبة المصيبة الكبيرة انو امي وحماتي بيكرهو بعض كره العما لأنو بزمناتهم كانو يحبو نفس الشب واتحاربو واتقاتلو كتير عليه بالاخير الشب طفش منهن وتزوج من رفيقتهن وهالكره زاد اكتر لما صارو سلايف طبعا امي حاولت كتير تمنع هالزواج بس قرار ابي كان مصيري بالاخير تم هالزواج بيني وبين جميلة كانت باطلة ومحولة هديك الساعة وهون بلشت مسيرتي الدرامية الكوميدية البوليسية الخنفشارية واشتعلت الحروب العالمية اللي ذكرتهن فوق 👆🙂 والمصيبة بيت عمي ساكنين فوقنا بنفس البناية يعني كنا نتصبح بخناقة وننام ع خناقة غير القصف والردح بين امي ومرتي ابي المسكين ماقدر يقاوم كتير انجلط من وراهن الله يرحمو ويصلحو راح وتركلي كل هالبلاوي ع راسي احيانا بحسدو بقول لحالي نيالو نايم بقبرو مرتاح لانق ولا قال ولاقيل بس العترة عاللي اتمرمط واتشرشح بحياتو ماعرف لايتهنى بنومة ولا باكلة الا وبينسم بدنو… فكرت انو بس يصير عندي ولد يمكن يلتهو فيه وينسو حالن بس كمان كنت غلطان بتفكيري اجا الولد وزاد الطين بلة وصار الشاطر اللي بدو يربيه ع كيفو امي تقول برد غطيه وحماتي تقول شوب اكشفيه امي تقول جوعان رضعيه وحماتي تقول نعسان نيميه… مسكين يا ابني شكلك مابتعرف مع مين علقت و شومخبيلك لسا الله يعينك _^^^__ ام سعيد:- وليه مغضوبة الدنيا صارت الضهر وانتي لسا نايمة ولسا بتحكيلي ليش بزيد وزني اكل ومرعى وقلة صنعة رح يتفتحو جنابك من النومة يعدمني ياكي شو خمخومة نوم جميلة:- يافتاح ياعليم قايمة مرت عمي لاتنسي عندي ولد يسهرني للصبح هلا بخلص كل شغل البيت بساعة بعدين كل العالم بتحلف برتابتي ونظافتي طالعة لامي تؤبر البي 😘 ام سعيد:- ههههاي روحي اسألي عن امك وصّيتها بالحارة يلي بياكل من بيتها الجردان والصرصور والفارة… جميلة:- امي انضف وحدة بالحارة والكل بشم من ريحة مدارها وستي الله يرحمها كانت تحلف بجمالها ام سعيد:- وليه شوقصدك هااا انا كنت الكنة الكبيرة المدللة عند حماتي انا ام الصبي وامك ام البنت سعيد:- رجعت الضهر عالبيت مشان اتغدى وارتاح شوي وارجع ع شغلي بعدها بس مو الهيئة 🙄 دخلت عالبيت لقيت الحرب شاعلة… من جهة امي واقفة وحاطة ايدها بخصرها ومن الجهة التانية جميلة ساندة بايدها عالباب واقفة متل الزومبي 🧟‍♀️ وشعرها منكوش وعيونها ورمانة وعم تهز برجلها الوحدة فيهن مابتعطي مجال للتانية لتحكي بس سكتو وقت شافوني عالباب ام سعيد:- اااه ياابني شايف شوعم تعمل فيني هالمئوصة بتهون عليك امك تنهان ببيتها جميلة:- والله ياسعيد هي اللي بلشت وماخلت شي وماحكتو عني وعن امي سعيد:- حاااااج بكفي بقى ماعد بدي اتزهرم منيح انا شو اللي خلاني انضرب ع قلبي واجي عالبيت كنت اكلت سندويشة فلافل من عند ابو محمد احسنلي من هزة هالبدن ( طلعت وطبشت الباب وراي) ام سعيد:- عجبك هيك الولد راح بلا غدا جميلة:- لو حضرتك مااستلمتيني من الصبح كنت طبختلو وماكان راح بلا غدا ///////////////////// سعيد:- كيفك عمي ابو محمد ضل عندك فلافل؟!

رواية جديدة : #يوميات_زوج_منحوس (كوميدية) قراءة ممتعة🫶🏼

@rwayatyebot ما يُروى من أحداث لا يعني بالضرورة تأييدًا لها، وبعض القصص تحتوي أخطاء أو تصرفات لا نرضاها شرعًا – نرجو الفهم بعين الناقد

قصص وروايات 📚📖 pinned «رواية جديدة : #وجع قراءة ممتعة🫶🏼»

رواية جديدة : #وجع قراءة ممتعة🫶🏼

زهراء:شو هالسؤال الغبي يعني رح أشتغل شو رح أعمل؟. غزل:يعني مافي براسك شي تاني؟. زهراء:لأ أبدا كلشي عم فكر فيه هلأ أني أشتغل وأصرف ع بنتي وعيشا أحسن عيشة وبدي خليها تدرس لتصير شي مهم وهي تحبو بس تكبر. غزل:أممم حلو يعني مانك مفكرة تتزوجي؟. زهراء:شو هالحكي بدك ياني أتزوج وأرجع عيش نفس الوجع أنا ماصدقت خلصت. غزل:لك شبك يمكن يجيكي نصيب منيح ويريحك. زهراء:لأ مستحيل مابدي عم قلك أنا بدي عيش حياتي مع بنتي وبدي أعملا كلشي بريحا بتقليلي تزوجي شو جنيتي أنتي؟. غزل:بس أنتي لساتك صغيرة حرام تضيعي شبابك هيك. زهراء:أنا رضيانة هيك بكرا بلكي تزوجت وبنتي تشنططت مابدي ياها تعيش اللي عشتو. غزل:أزا بنتك رح تضل معك فيكي تهتمي فيها وتتزوجي وين المشكلة. زهراء:لاتصرعيني بهالسيرة أنا تعبت من تجربتي مع زياد وصعب عليي أتقبل فكرة الزواج مرة تانية بدي عيش حياتي حرة ومرتاحة وبما أنو أهلك مو متدايقين مني وخلوني أشتغل فهاد الشي كتير منيح وأنا مرتاحة هيك وبدي كمل حياتي هيك. غزل:الله يخترلك الخير يارب. بعد سنة: ------------ من لما بلشت أشتغل وأعتمدت ع حالي تغيرت حياتي وحسيت حالي أنسانة تانية الكل كان بدو ياني أتزوج مرة تانية وكانوا يجوني عرسان بس أنا كنت رافضة الفكرة نهائيا كل همي بنتي بدياها تعيش مبسوطة وتحقق كل أحلاما بس تكبر وأنا رح كون معها بكلشي بدا ياه أنا ماقدرت حقق أحلامي وعيش متل مابدي بس هلأ ضل عندي حلم واحد هو أني ما أحرم بنتي من شي وقدملا كلشي بتحتاجو وهلأ بلشت أول خطوة حطيتا بالمدرسة وعم تدرس وعم علما كلشي أول بأول لحتى تكون شاطرة وأفرح بنجاحا بكل المراحل الدراسية. ملاك:ماما أنا اليوم أخدت عشرات وكل الصف سفقولي. زهراء: براڤو ياروحي دخيلا بنتي الشطورة بدي تضلي هيك ع طول هاا. ملاك:أي. زهراء:شو بدك تصيري لما تكبري؟. ملاك: ببراءة وكلمات مو مفهومة كتير...بدي صير متل اللي رحنا لعندا لما كنت مرضانة. زهراء:ههههه يعني بدك تصيري دكتورة؟. ملاك:أي زهراء:ياقلبي أنا هالدكتورة الحلوة ليش بدك تصيري دكتورة؟. ملاك:لأنو هيك بحب. زهراء:قصدك يعني هيك حابة تصيري ياروحي الله يقدرني وحققلك كل أحلامك وشوفك أحلى دكتورة. بنتي بصغرها و ببرائتها بلشت تحلم بشغلات حلوة وأنا عم صلي وأدعي ليل ونهار أنها تقدر تحقق حلما وتعيش حياة حلوة وهي نهاية القصة أدعولي الله يريح بالي ويقدرني لعيش بنتي متل مابدي. __<<_<__<_<_<<<<_ وهيك بتكون أنتهت قصة زهراء ومتل ماقلتلن أخر جزء ماكان من الواقع وزهراء لساتا محتارة بمصيرا لهيك أختارت تكتب قصتها عن طريقي لتشوف رأيكن ونصائحكن ولاتنسوها من دعواتكن. 💛الله يريح بالك ويسعدك يازهراء💛 #أنتهت

عطيت فرصة لزوجي بلكي بيتغير رجعت لعندو أول فترة وأنا نبهتو أنو هي فرصة أخيرة وأزا ماتغير مارح أرجعلو أبدا بالبداية كان منيح ورجع لعادتو القديمة ماتغير عليه شي بعدين قررت هالمرة أني عنجد أتركو وأتطلق لأنو رجال متلو مستحيل يتغير ولو كان بدو يتغير تغير من زمان رجعت لعند أهلي وطلبت الطلاق. بعد شهرين: ---------------- أتطلقت من زوجي وبنتي ضلت معي أبوها لما كانت عايشة معو ما أنتبه عليها ولا عطاها أهتمام لهيك ماسأل عنها بعد ماتطلقنا قررت أقعد ببيت أهلي وأعمل كلشي بدن ياه أهلي المهم تكون معاملتن معي ومع بنتي منيحة حاولت أكسب خالتي مرت أبي لحتى تكون حنونة مع بنتي وبعدين قررت أشتغل مشان أصرف ع بنتي ومازيد الحمل ع أهلي... زينب:أي وشو بدك تعملي هلأ أختي؟. زهراء:بدي أشتغل وأصرف ع بنتي مابدي خليها تحتاج شي. غزل:شو بدك تشتغلي يمكن أبوكي مايقبل. زينب:أي والله مابتعرفي عقل أبوكي يعني. زهراء:رح حاول أقنعو كيف ماكان. غزل:أن شاء الله يقتنع. زينب:الله ييسرلك أمرك ويريحك بقى. زهراء:أمين يارب الله يسمع منك. ضحى:قوموا تغدوا يالله. الكل:طيب خالتي. زينب:لك شو عم يصير ملاحظة أنو خالتي متغيرة معاملتا معنا كتير شو القصة؟. غزل:هههههه بدك تسألي أختك صاير عندا مخ شغال. زهراء:هههههه لك تضربي أنتي وهالملافظ. زينب:بدكن تحكولي شو صاير ولا لأ ليش حاسة حالي متل الأطرش بالزفة؟. زهراء:ههههه ولاشي بس قلت بريحها وبشيلا ع كفوف الراحة بلكي بتريحنا من لسانا شوي. زينب:اييي وشو صار؟. غزل:ايي وبلشنالك أنا وأختك مانخليها تقرب ع شي وكل شي بدا ياه بنعملوا ع أكمل وجه. زينب:أييي؟. زهراء:وكل ماتحكي شي نقعد نروقا ونهديا بكلمة حلوة. زينب:أيي شوهاد؟. غزل:أيي ولو تشوفيها كيف قلبت وتغيرت معنا تقولي قمناها وحطينا وحدة تانية بدالها. زينب:هههههه يعليكن والله وبيطلع منكن!. زهراء:ههههه أي دخيلك خلينا نعمل هيك عالقليل بنكسب راحة بالنا وتحنن قلبا علينا مابخفيكي أنا كلشي عم أعملو مشان بنتي مابدي حدا يقسى عليها. زينب:أخخ زكرتيني بأمي قديش كانت تتحمل مشاننا وكانت ع طول بدي أتحمل مشان بناتي. زهراء:أيي والله. غزل:الله يرحمك يا أمي. زينب:يعني هي الطريقة نفعت مع مرت أبوكي وصارت منيحة معكن. زهراء:أي والله حتى بابا صار يتغير معها. زينب:أيي دخيل الله الله يسمعنا الأخبار الطيبة. غزل:شايفتيلي ع هالمخ اللي عند زهراء كيف عم يشتغل هههههه. زينب:هههههه لك أي شايفة بس كنتي شغلي عند زوجك ودبري حالك. زهراء:أخخخ لاتزكروني فيه ماخليت شي يعتب عليي بس هو مستحيل يتغير منيح أرتحت منو يلا خلصونا قوموا خلونا نتغدا. زينب:يلا بس لجيب ولادي عم يلعبوا بغرفة غزل. زهراء:وبنتي معن كمان جيبيا معك. غزل:خليكن أنتوا أنا رايحة جيبن. زهراء:طيب. عالأكل: ---------- ضحى:وينكن لهلأ برد الأكل؟. زينب:بتنكش زهراء وبتحكيلا بهمس...ييي عنجد متغيرة. زهراء:خرسي وتعلمي...كننا عم نجيب الولاد ليش أنتي حطيتي الأكل خالتي كننا أنا وغزل حطينا. ضحى:معلش مو مشكلة يلا وين ولادكن خلونا ناكل متنا من الجوع. غزل:ليكنا أجينا. زينب:تعوا ياروحي أنا بطعميكن تعي لعندي ملاك ياروح خالتك أنتي. زهراء:هاتيا عنك انا بطعميها. زينب:معلش خليا عندي مشتقتلا. أبو زيد:يلا كلوا وحاج تعزموا بعض. زهراء:ههههه حاضر شو أسكبلك بابا؟ أبو زيد:معلش أنا بسكب لحالي. زهراء:طيب متل مابدك. تاني يوم: --------------- زهراء:بابا أنا قررت أشتغل وأصرف ع بنتي. أبو زيد:شو هاد شو بدك تشتغلي ليش بنتك شو ناقصا؟. زهراء:بابا لاتعصب طول بالك أنا بدي أشتغل لخفف عنك وساعدك بالمصروف أحكيلك شي كلمة خالتي. ضحى:أزا هي حابة تشتغل وين المشكلة الشغل مانو عيب ولا حرام بالعكس بتتساعدوا أنت وياها. أبو زيد:كيف يعني بدك خلي بنتي تشتغل؟. غزل:بابا عادي كل النسوان عم يشتغلوا ويساعدوا أهلن مافيها شي. زهراء:أي بابا الله يخليك. أبو زيد:طيب شو بدك تشتغلي؟. زهراء:مابعرف بس عم فكر أشتغل بمشغل الخياطة اللي قريب مننا منو بتعلم الصنعة منيح ومنو بطلع مصروفي. ضحى:أي والله فكرة كل النسوان عم يشتغلوا فيه. غزل:أي بابا عادي أسمحلا لزهراء تشتغل فيو. أبو زيد:طيب ماشي بس مافي شغل للمسا بس بالنهار بتشتغلي. زهراء:أي أكيد يعني خلص سمحتلي أشتغل؟. أبو زيد:أشتغلي. زهراء:الله يخليلنا ياك يارب. بغرفة غزل: ---------------- زهراء:الف الحمدلله أبوكي سمحلي أشتغل. غزل:هههه شايفتلك من لما أخدنا خالتي من صفنا أمورنا عم تزبط أمورنا. زهراء:هههههه أي الحمدلله لو بعرف هالشي بجيب معا نتيجة كنت عملتو من زمان بس والله كمان ماكنت سيئة معها يعني نفس الشي. غزل:يمكن لأنها عم تكبر بالعمر هلأ تغير تفكيرا. زهراء:أي أن شاء الله تضل هيك. غزل:أن شاء الله المهم هلأ قليلي شوفي براسك شو بدك تعملي بعد ماوافق أبي أنك تشتغلي؟. #يتبع..... #وجع #الجزء الحادي عشر والأخير. #بقلم أيمان علو.