Toshkent viloyati Kengashi | RASMIY

#deputatlik_faoliyati Xalq deputatlari Toshkent viloyati Kengashi deputati Sh. Ergashev tomonidan Ohangaron shahridagi “Adolat” mahalla fuqarolar yig‘inida uylarda issiq va sovuq suv bilan ta’minlash, elektr energiyasi, gaz bilan bog‘liq masalalar yuzasidan fuqarolar bilan muloqot o'tkazdi. Muloqot davomida fuqarolar o‘zlarini qiynab kelayotgan muammolar yuzasidan taklif va murojaatlarini bildirdilar. Deputat tomonidan har bir murojaat diqqat bilan tinglanib, muammolarni joyida o‘rganish, ularning yechimini ta’minlash hamda tegishli mutasaddi tashkilotlar bilan hamkorlikda zarur choralarni ko‘rish bo‘yicha mas’ullarga topshiriqlar bildirildi. Uchrashuv yakunida fuqarolarning murojaatlari yuzasidan tegishli tashkilotlarga deputatlik so'rovi chiqarib, mavjud kamchiliklarni bartaraf etish hamda aholiga ko‘rsatilayotgan kommunal xizmatlar sifatini yaxshilash bo‘yicha amaliy choralar belgilab olindi. Deputatning bunday sayyor uchrashuvlari aholi bilan bevosita muloqotni kuchaytirish, hududdagi muammolarni joyiga chiqib o‘rganish va ularning amaliy yechimiga ko‘maklashishda muhim ahamiyat kasb etmoqda. 📱 Telegram 📱 Instagram 📱 Facebook

#deputatlik_faoliyati Mahalladagi soliq inspektori tomonidan unga yuklatilgan masalalarni amalga oshirilishi holati o'rganildi. Xalq deputatlari Toshkent viloyati Kengashi deputati Nizomiddin Botirov tomonidan Oqqo'rg'on tumani "S. Rahimov" mahalla fuqarolar yig‘inidagi soliq inspektori Axmedov Muhiddinga yuklatilgan vazifalarning amalga oshirilishi holati o‘rganildi. O‘rganish davomida soliq inspektori M Axmedov tomonidan o‘ziga yuklatilgan vazifalarning bajarilishi, soliq tushumlarini ta’minlash, soliq to‘lovchilar bilan ishlash, qarzdorlikni qisqartirish, tadbirkorlik subyektlari bilan hamkorlikni yo‘lga qo‘yish hamda boshqa belgilangan vazifalarning ijrosi tahlil qilindi. Mazkur o‘rganish natijalari yuzasidan tegishli xulosa va takliflar bildirildi. 📱 Telegram 📱 Instagram 📱 Facebook

#doimiy_komissiya Xalq deputatlari Toshkent viloyati Kengashining Agrar, qurilish, kommunal sohalar, ekologiya, sanoat, transport va suv xo‘jaligi masalalari bo‘yicha doimiy komissiyasining navbatdagi yig‘ilishi bo‘lib o‘tdi. Yig‘ilish kun tartibidan Angren, Ohangaron, Chirchiq va Yangiyo‘l shaharlarining transport va yo‘l-transport infratuzilmasini rivojlantirish bosh rejalarini tasdiqlash masalasi o‘rin oldi. Shuningdek, Toshkent viloyati Transport boshqarmasiga 2025-yil dekabr hamda 2026-yil yanvar oylarida ko‘rilgan zararlarni qoplash bo‘yicha murojaat qilgan korxonalarning hisob-kitoblari asosida subsidiya ajratish masalasi ko‘rib chiqildi. Yig‘ilishda Angren shahar “Issiqlik ta’minoti” MChJ hisobidagi issiqlik tarmoqlarini rekonstruksiya qilish va modernizatsiya qilish bo‘yicha loyiha konsepsiyasini kelishish, shuningdek, “Chorvoq” erkin turistik-rekreatsion zonasi hududidagi “Amirsoy Resort” hududida ekologik toza hudud tashkil etish va uning rejimini joriy etish to‘g‘risidagi masalalar ham muhokama qilindi. Muhokamalar yakunida kun tartibidagi masalalar yuzasidan tegishli qarorlar qabul qilindi. 📱 Telegram 📱 Instagram 📱 Facebook

#deputatlik_faoliyati Nogironligi mavjud fuqaroning holidan xabar olindi Xalq deputatlari Toshkent viloyati Kengashi deputati Nizomiddin Botirov tomonidan Oqqo‘rg‘on tumanida nogironligi mavjud fuqarolarning huquq va manfaatlarini himoya qilish, ularga davlat tomonidan belgilangan imtiyoz va ijtimoiy ko‘maklarning amalda to‘g‘ri va to‘liq qo‘llanilishini o‘rganish maqsadida fuqarolar holidan xabar olindi. O‘rganish davomida fuqarolarning sog‘lig‘i, yashash sharoiti, ijtimoiy holati hamda mavjud ehtiyojlari bilan bir qatorda, nogironligi mavjud shaxslarga amaldagi qonunchilik asosida berilayotgan ijtimoiy nafaqalar, moddiy yordam, tibbiy va ijtimoiy xizmatlardan foydalanish imkoniyatlari, reabilitatsiya vositalari bilan ta’minlanishi hamda boshqa belgilangan imtiyozlardan foydalanish holati ko‘rib chiqildi. Shuningdek, davlat tomonidan nogironligi mavjud shaxslar uchun yaratilgan imkoniyat va imtiyozlarning o‘z vaqtida, qonuniy va manzilli tarzda yetkazilayotgani, fuqarolarning mazkur imtiyozlardan foydalanish jarayonida duch kelayotgan muammo va to‘siqlari o‘rganildi. Aniqlangan masalalar yuzasidan fuqarolarning murojaatlarini tegishli tartibda hal etish, mavjud muammolarni bartaraf etish hamda nogironligi mavjud shaxslarning qonuniy huquq va manfaatlarini ta’minlash bo‘yicha tuman mas’ul tashkilotlari, jumladan, “Inson” ijtimoiy xizmatlar markazi xodimlariga tegishli tavsiyalar berildi. O‘rganish yakunlari bo‘yicha fuqarolarga davlat tomonidan kafolatlangan ijtimoiy himoya va imtiyozlardan to‘liq foydalanishlari uchun amaliy ko‘mak ko‘rsatish, aniqlangan masalalarni nazoratga olish hamda ularning murojaatlarini belgilangan tartibda ko‘rib chiqish bo‘yicha tegishli choralar belgilandi. 📱 Telegram 📱 Instagram 📱 Facebook