مُحاول .

بمناسبة نتيجة الثانويَّة العامة، نذكركم بقول د. عبد الرحمن ذاكر الهاشمي : " الفشلُ هو أن تفتحَ عينيك فتجد نفسك في حُفرةٍ من حُفرِ النارِ، ما دون ذلك فهو إخفاقٌ يمكننا القيام بعده".. هتبقى دكتور، مهندس، مُدرِّس، مُحاسب،...إلخ، دي كلها وسائل عشان توصل لغايتِنا الوحيدة؛ الجنّة! الشاطر مش اللـ بيجيب أعلى مجموع، ولا اللي بيدخل أحسن كُليّة، ولا حتى اللـ بيعرف يجيب فلوس في الآخر! الشاطر الحقيقي اللـ بيشكر ربنا على كُل ما يؤتيه، ويعيش الدُّنيا في سلام، وينجو منها بسلام" . سمر اسماعيل.

صباح الخير أصدقُ الشوقِ ما كانَ متبوعاً بالعمل ! وربنا سبحانه وتعالى مُطلع على تعبك وسهرك وضغطك النفسي ده، ومستحيل يضيع أجر من أحسن عملاً. ❤️

قَد يتطلبُ مِنكَ الطريقُ أحيانًا النوم علىٰ الطاولة، السهر إلىٰ منتصف الليل، والاستيقاظ قبل الجميع .. التحدث مع نفسك في طريقكَ إلىٰ الامتحان... كلُ هذه الأشياء هيَ ثمنُ النجاح، ثَمنُ أن يَقصدُكَ أحدٌ عندما يشعرُ بالألم.

بمناسبة الامتحانات... أنت كطالب مش محتاج حاليًا غير شيئين مهمين جدًا ( البركة والتوفيق) ودول من أعظم جنود ربنا الخفيين. بركة يعني ممكن تخلص في نص ساعة اللي بيخلص في أسبوع، وتوفيق يعني اللي ذاكرته تروح تلاقيه، وأنت مش عايز أكتر من كده..! ومش هتحصل عليهم إلا لو استعنت بالله، وتجردت من الاعتماد على نفسك ومذاكرتك للاعتماد على الله، واللجوء إليه، يعني اتعب واجتهد بس حط في بالك إنك بدون معية ربنا ليك لا شيء، فالموضوع مش مادي بحت. لح على الله في طلب البركة والتوفيق والسداد، وحس بضعفك وحاجتك له سبحانه، واعمل اللي عليك وربك لا يُضِيع عمل عامل. إحنا ولا حاجة بدونه..

الواحد عمال يقول زي ما تيجي تيجي وهي لو مجاتش زي ما هو عايز هيحصله حاجه ربنا يستر والله وكلنا نحقق اللي عايزينه ونخش كليات احلامنا ان شاء الله

سَيَأْتِيكَ الَّذِي تَرْجُوهُ يَوْمًا فَلَا تَعْجَلْ عَلَيْهِ وَإِنْ تَأَخَّرَ وَلَا تَجْزَعْ ، وَقُلْ يَا نَفْسُ صَبْرًا فَرَحْمَنُ السَّمَاءِ قَضَى وَقَدَّرَ سَيَلْطُفُ بِالقُلُوبِ وَيَحْتَوِيهَا وَيَجْبُرُ فِي الحَنَايَا مَا تَكَسَّرَ 🩶

الجدول نزل؟ ايوا نزل ، سواء كنت شايفه وحش او هو حتا وحش بجد ف هو هيكون وحش على كلو مش عليك بس استعن بالله ولا تعجز واسأله العون هيعينك ، قوله يا رب جهدي قليل وكرمك واسع يارب الفتره اللي جايه محتاجه شده يا شباب محصلتش ولا هتحصل تاني انت خلاص في اخر فرصه اللي وراه حاجه متذاكرتش خالص الاهميه كلها ليها لازم يفرمها في المراجعه لان دي اخر مره شرح ويحل كتير كتير الحل اهم حاجه دلوقتي وبأذن الله ربنا يكرمنا جميعا بالمجموع والكليات اللي نفسنا فيها

💗💗💗💗.

سيأتي الحُلم في مشكاة امل ، وعِندَ الصُبحِ تَرتَسِمُ الأمَاني 🖤

(( إِنِّي جَزَيْتُهُمُ الْيَوْمَ بِمَا صَبَرُوا أَنَّهُمْ هُمُ الْفَائِزُونَ)) وانت قاعد لوحدك في البيت علي كتابك في الوقت دا حط الآية دي في دماغك ، بكرة نضحك لما نفتكر الأيام دي والله هانت وهتعدي ربنا يجبر بخاطرنا يارب كلنا علـي قـد م هي صعبـة علي قـد م ربنا كريـم متقلقش من حاجة لينا رب كبير❤️❤️ بص علي منظر مكتبك قريب هتلاقي كل حاجة اتشالت، الحمل قرب يخلص بس اللي مش هيخلص ذكرياتك اتمني تكون بتعمل اللي عليك علشان تعمل ذكري كويسة ونشرف بعض كلنا ❤️

صبَاحُ الخَير.. «مَن أوكلَ اللّه يومًا بعض حاجته أتتهُ حـاجـاتـهُ فوقَ الذي أمِـــــلا»❤️

تعبت ومش قادر تكمل؟ ده العادي بتاع اي انسان! فخد استراحة مقاتل وارجع من جديد وارجع اقوى من الاول ♥️ مش قادر تقوم من وضع الكسل اللي انت فيه متضايق وحاسس ان الدنيا داخله في بعضها:) كل اللي عليك انك تقوم تاخذ لك شاور وترتب مكتبك أو ترتب اوضتك  *اي مكان انت بتذاكر فيه* وتصلي لو مصلتش كدا  وتقرا قران وتقول انا هعمل بس اللي عليا، انا مش عايز اي حاجه ومش بفكر في اي حاجة وسيب الموبايل من ايديك ويلا بسم الله ❤️

بص هنبدئها من الصفر لو أصدقائك أصدقاء سوء تجنبهم كده وصاحب ناس أول ما تسمع الأذان يقولولك يلا نصلي ثانيا هاتها ع مهلك كده اول ما تسمع الأذان قوم واتوضأ واحرق الشيطان اللي بيخليك تكسل او قاوم نفسك وصلي ويوم بعد يوم هتلتزم وانزل صلي الفجر جماعه ف المسجد وادعي كتيير واستغفر هتبص تلاقي حياتك بتتغير واحده واحده كده ❤️

لا بأس من محاولة أخرى 🤎.

السعي حلو لأن الفراغ مُهلك، بس ما خلف الكواليس مؤلم .. مؤلم لأنه بياخد مننا فِكر ووقت وعُمر وتجارب وفي الآخر يا صابت يا خابت .. بناخد كل خطوة وإحنا مجهدين ، وفي نهاية المطاف عسانا إنها خُطى نؤجر عليها، ما أصاب منها سَنسعد به، و ما لم يصب سنضعه في خانة التجارب التي ينبغي أن نتعلم منها و نتشاركها مع الغير فربما يُعينهم ذلك ع خطوة يُقدمون عليها .. أسأل الله أن يُسدد خُطانا ولا يُذهب منها شيئا سُدى ويرزقنا الصبر والرضا أينما حللنا ❤️

صباح الخير ♥ الشاطر بجد مش فاضي يحسس غيره إنه أشطر منه ♥

❤.

كل الحكايه انك ف اختبار ، ممكن يكون صعب شويه ولكن ربنا مش هيخذلك ف الاخر وهيكون عوضه مدهش لَا تَدْرِي لَعَلَّ اللَّهَ يُحْدِثُ بَعْدَ ذَلِكَ أَمْرًا 🖤

بس خُد بالك من حاجة يا صديقي، الضغط مش دايمًا دليل إنك ضعيف.. بالعكس دا أوقات بيكون دليل إنك مُهتم، وإنك بتجتهد عشان تحقق حلمك.

كن محسنا فيما بقي ، فلربما تجزي بالاحسان الاحسانَ 💗