"UDDU" CHANNEL

Prezident Shavkat Mirziyoyev tomonidan “O‘zbekiston Respublikasi Prezidenti Administratsiyasi to‘g‘risida”gi Konstitutsiyaviy qonun imzolandi. Administratsiya Prezident faoliyati va Konstitutsiyaviy vakolatlarini tashkiliy, huquqiy va tahliliy jihatdan ta’minlovchi yagona konstitutsiyaviy institut hisoblansa-da, davlat organlari bilan munosabatlarda uning faoliyatini qonun bilan tartibga solish bo‘yicha huquqiy bo‘shliq mavjud edi. Endilikda yangi qonun bilan ushbu masalalar tartibga solindi. Prezidentning farmon, qaror, farmoyish va topshiriqlari ijrosini tashkil etishda Administratsiyaning amaldagi vakolatlari doirasidagi faoliyati qonun bilan tartibga solinishi Prezidentlik institutining huquqiy asoslarini kuchaytiradi. Xalqaro amaliyotda Prezident faoliyatini ta’minlovchi institutning huquqiy maqomi qonun darajasida belgilanishi Prezidentlik boshqaruvining institutsional standarti hisoblanadi. Qonun 4 ta bob va 34 ta moddadan iborat bo‘lib, Administratsiyaning amaldagi vakolatlari doirasida Prezident faoliyatini ta’minlashning konstitutsiyaviy mexanizmlari qonunda huquqiy jihatdan rasmiylashtirildi. Xususan: – Administratsiya O‘zbekiston Respublikasi Prezidentining vakolatlari amalga oshirilishini tashkiliy, huquqiy, tahliliy jihatdan ta’minlaydigan davlat organi sifatida belgilandi; – Administratsiyani Prezident shakllantiradi, Prezident belgilagan asosiy yo‘nalishlarda faoliyat yuritadi, Prezidentga bo‘ysunadi va hisobdor bo‘ladi. Administratsiyaning asosiy vazifalari belgilandi: – O‘zbekiston Respublikasi Prezidentining konstitutsiyaviy vakolatlarini amalga oshirilishini tashkiliy, huquqiy va tahliliy ta’minlash; – Prezidentning farmon, qaror va farmoyishlari loyihalarini hamda topshiriqlarini tayyorlash, ularning ijrosini tashkil etish, nazoratini olib borish hamda ularni amalga oshirishga ko‘maklashish; – Prezidentning mamlakatni ijtimoiy-iqtisodiy va ijtimoiy-siyosiy rivojlantirishga oid yangi tashabbuslarini ishlab chiqish; – aholi va tadbirkorlar bilan ochiq va to‘g‘ridan to‘g‘ri muloqotlarni tashkil etish va ularni qiynayotgan masalalarga yechimlarni ishlab chiqish; – qonunlarni imzoga yoki qaytarishga tayyorlash; – Prezidentning Oliy Majlisga murojaatnomasini tashkil etish; – Prezidentga bevosita bo‘ysunuvchi (hisobdor) davlat organlari va tashkilotlari faoliyatini muvofiqlashtirish va boshqalar. Shuningdek, qonunda Administratsiya rahbarining huquqiy maqomi va vazifalari, Administratsiyaning mansabdor va boshqaruv shaxslarini lavozimga tayinlash hamda ozod etishga oid normalar belgilangan, Prezident huzuridagi Xavfsizlik kengashi faoliyatini tashkil etishning qonuniy asoslari yaratilgan. Administratsiya Prezident faoliyatini tashkil etish doirasida parlament, Hukumat, vazirlik va idoralar, mahalliy hokimliklar, sud hokimiyati va sudyalar hamjamiyati organlari bilan hamkorlik qiladi. Administratsiya Prezidentga bevosita bo‘ysunuvchi davlat organlari faoliyatini muvofiqlashtiradi, ularni takomillashtirish bo‘yicha takliflar tayyorlaydi va Prezidentga kiritadi. Administratsiya xodimlari uchun ularga yuklatilgan vazifalarni bajarishda ijtimoiy, iqtisodiy va huquqiy himoya choralari nazarda tutilmoqda. Prezident Administratsiyasi to‘g‘risida Konstitutsiyaviy qonunning qabul qilinishi Yangi O‘zbekistonda inson qadrini ulug‘lash, xalqimiz farovonligini yuksaltirish, davlat organlarini xalqqa xizmat qiladigan, ochiq va hisobdor tizimga aylantirish, mamlakatimizning xalqaro maydondagi nufuzini mustahkamlash borasida amalga oshirilayotgan islohotlarni yangi bosqichga ko‘tarishga xizmat qiladi. 🕊🛡 @UDDU_channel

Фирибгарлар тўдаси ушланди. Тўлиқ видео. 🛡 @UDDU_channel

35 YILLIK BUYUK YO‘L: ISHONCH, ISLOHOT VA YANGI BOSQICH Mustaqilligimizning 35 yilligi — bu shunchaki tarixiy sana emas. Bu o‘z taqdirini o‘zi belgilash, taraqqiyot va yangilanish sari dadil qadam tashlagan xalqimizning bosib o‘tgan buyuk yo‘liga nazar solish, bugungi yutuqlarimizni anglash va ertangi maqsadlarimizni belgilash fursati. O‘ttiz besh yil avval boshlangan mustaqillik yo‘li bugun Yangi O‘zbekistonning yangi qiyofasi, yangi tafakkuri va yangi taraqqiyot bosqichi bilan uyg‘unlashib bormoqda. Bu jarayonda har bir sohada, jumladan, soliq tizimida ham tub o‘zgarishlar amalga oshirildi. Ayniqsa, so‘nggi 5–6 yil davomida soliq tizimi yangi bosqichga ko‘tarildi. Soliq munosabatlarida ochiqlik va adolat, inson manfaati va tadbirkorlik erkinligi, raqamlashtirish va shaffoflik kabi tamoyillar tobora mustahkam qaror topdi. Soliq organlari va soliq to‘lovchi o‘rtasidagi munosabatlar ham yangi mazmun kasb etdi. Bu islohotlarning zamirida, avvalo, davlat boshqaruviga yangicha yondashuv, inson qadrini ulug‘lash va iqtisodiy taraqqiyot uchun qulay muhit yaratish g‘oyasi mujassam. O‘zbekiston Respublikasi Prezidenti Shavkat Mirziyoyev rahbarligida amalga oshirilayotgan keng ko‘lamli islohotlar soliq tizimini ham zamon talablariga mos ravishda yangilash va uni xalqqa yanada yaqinlashtirishda muhim omil bo‘ldi. Zero, zamonaviy soliq tizimi — bu faqat soliqlarni hisoblash va undirish mexanizmi emas. U davlat va jamiyat o‘rtasidagi ishonchning iqtisodiy ifodasidir. Fuqaro soliq to‘layotganda uning mablag‘i mamlakat taraqqiyotiga, farzandlar kelajagiga, obod mahallalar va farovon hayotga xizmat qilayotganiga ishonsa — soliq madaniyati ham, jamiyat mas’uliyati ham yuksaladi. Bugun biz ana shu ishonch muhitini shakllantirish yo‘lidamiz. Har birimiz — soliq tizimining bir bo‘lagimiz. Kimdir soliq to‘lovchi sifatida, kimdir shu tizimda mehnat qilayotgan xodim sifatida, yana kimdir mamlakat taraqqiyotiga o‘z mehnati bilan hissa qo‘shayotgan fuqaro sifatida bu jarayonning ishtirokchisidir. 35 yillik mustaqillik tarixi bizga bir haqiqatni o‘rgatdi: taraqqiyot tayyor holda berilmaydi — u xalqning mehnati, ishonchi, mas’uliyati va ezgu maqsadlari bilan barpo etiladi. Bugun soliq tizimidagi har bir islohot ham ana shu katta maqsad — Yangi O‘zbekistonning iqtisodiy qudrati, xalq farovonligi va barqaror kelajagiga xizmat qilmoqda. Ishonchimiz komilki, xalq ishonchi bilan kuchga kirib, zamonaviy tamoyillar asosida rivojlanayotgan soliq tizimi bundan keyin ham O‘zbekiston taraqqiyotining muhim tayanchlaridan biri bo‘lib qoladi. 🛡 @UDDU_channel

Бир ҳангома қилайлик... Импортёр: Чет давлатлардан шартнома қилиб пропан киритаман. Заправкачи: Ажойиб! Молодец сизлар! Газга эҳтиёж камаяди, нархлар тушади, халқга енгиллик бўлади! Импортёр: Газ келди, яна қолгани йўлда, 5-10 минг тоннага шартномам бор... Энди бир қисмини қўлда сотаман, бир қисмини эса биржага чиқараман... Заправкачи: Қанчадан берасиз тоннасини қўлдан олсам, приходсиз? Импортёр: Килосини 10-11 мингдан... Шатта олиб кетасиз. Заправкачи: Ия қиммату, Биржада 7 минг сўмку... Импортёр: Ия, биржадаги газ хаккерлардан ортмайдику) Брокерингиз ҳам биржадан ололмайди манимча, келинг ман биржага қўяман мандан сотиб олинг, приходингиз бўлади, солиқчи ва нефтоинспекция ҳеч нима дея олмайди... Биржага 7 мингдан қўяман, шаппа уриб олинг, қолган 3-4 минг шапкасини устига нахт санайсиз... Заправкачи: Ҳа, бунақа қилсам бўлади, приходим ҳам бўлади, газим ҳам бўлади, фойдам ўша-ўша, фақат қиммат сотиб оламан ва қиммат сотаман, лекин халқга сал жабр бўлади-да... Ока, биржада бошқа бири уриб олса нима бўлади? Импортёр: Бошқа бири уриб олса, мен Форвард шарти билан сотаманку, яъни тўловни 100% қилганидан сўнг, 180-250 кунда газини олиб кетади 😅😅😅... Бу шартларни кўриб харидор отказ қилади...😅😅😅 Биржадаги одатий ҳол ку бу... Заправкачи: Ия, унда мен уриб олсам мен ҳам кутаманми? Импортёр: Ёмон содда сизда дўстим, бу каби ишлардан хабарингиз йўқми дейман? Ахир сиз шапкасини нахт санаб берасизку, сиз учун Форвард талабини четга суриб қўямиз, зерикманг. Юқорида этганимдек шапкасини санаб молни олиб кетасиз... Заправкачи: Э, Ҳаа, энди тушундим, майли, келишдик! Йўлда у бу ушлаб олса итариб қўймайдими? Муаммо бўлмайдими? Импортёр: Зерикманг, келишамиз, ҳаммани ҳам оғзи бор... Биржага чиқардим, уриб олинг, брокерингизга айтинг... Заправкачи: Уриб олдим, шартномани олдим, пули 7 мингдан кўчди, мошинани ювардим. Шопирни олдида нахт пул йўқ экан, (ёки бир қоп пули бор) карта ташланг шапкасини картангизга ташлаб бераман... Ҳангоманинг 1-қисми тугади. Ушбу постдан кейин яна у бу ташкилот қимирлаб қолмасин, бу шунчаки ҳангома эди, импортёрлар эса "газ йўқ" деб туриб олишмасин янам... Бугунги 8.500 сўмлик газ эрта индинга 10.000 га чиқмасин тағин... Форвард тушунчаси: Биржада форвард шартномаси (контракти) — бу пропан (ёки бошқа товар) нархини бугунги савдода фиксация қилиб (келишиб), маҳсулотни эса келажакда белгиланган муддатдан (масалан, 180 кундан) кейин етказиб бериш мажбуриятини англатади. Форвард битимининг асосий моҳияти ва афзалликлари: Нархни мустаҳкамлаш (Хеджирлаш): Харидор ва сотувчи келажакда (180 кундан кейин) пропан нархи кескин ўзгарса ҳам, шартнома тузилган кундаги нарх бўйича ҳисоб-китоб қилади. Режалаштириш: Харидор 6 ойдан (180 кундан) кейинги хомашё таъминотини олдиндан кафолатлайди, ишлаб чиқарувчи эса келажакдаги сотув ҳажмини аниқ режалаштиради. Муддатлар эгилувчанлиги: Биржа шартномасининг турига қараб форвард муддати 30, 60, 90 ёки 180 кун бўлиши мумкин. Шундай қилиб, 180 кунлик пропан форварди — бу 6 ой олдиндан суюлтирилган газ етказиб беришни кафолатлайдиган муддатли биржа контрактидир. 🛡 @UDDU_channel

Давлат солиқ хизмати ташкил этилган кун муносабати билан ҳалол ва виждонан хизмат қилиб келаётган барча солиқ ходимларини чин дилдан табриклаймиз! Ҳар доим соғ-саломат бўлинг! 🛡 @UDDU_channel

Пойқадам енгил келди. Пропан нархи 8500 сўмга чиқди. Пақа-пақ этиб нарх теппага қараб кетмоқда... Бу форвард ўйинларию устидаги 3-4 минглик шапкани ҳеч ким олдини ололмаяпти... Импортёрлар хохлаган ўйинини қилишмоқда. Жабр халқга. Халқни ўйлайдиганлар эса... Уларни ўйинини, шапкаю қора айланмани шу соҳа вакиллари билишади. Яқинда биттаси қўлга ҳам тушди, лекин тизим соатдек ишлашни давом этмоқда. Антимонополия, прокуратура ҳузуридаги департамент, ДХХ бирон иш қилмаса, ҳеч ким ҳеч нарса қилмайдиганга ўхшайди. Шунчаки хужжатларни кўтаришса ҳаммаси келиб чиқади. Биз халқ эса жабр кўришни давом этаверамиз! 🛡 @UDDU_channel

Ушбу ДРБ Навои Когон Бухоро йўналишидаги йўлларда тушириб қўйилган. топиб олган ва етказган одамга 500.000 сўм мукофот бор. Алоқа учун 918287000 🛡 @UDDU_channel

Бухоро шаҳрида миллий нақшли мато — адрас билан қопланган ўзига хос автомашина эвакуаторга юкланди ... Автомашинанинг ташқи кўринишига бундай ўзгартириш киритиш — яъни, кузовнинг рангини тўлиқ ўзгартириш ёки уни мато билан қоплаш — Ўзбекистон Республикасининг амалдаги қонунчилигига кўра, тегишли рухсатномасиз амалга оширилиши тақиқланган. 🛡 @UDDU_channel

Пропан 8000 сўм! Самарқанд ва Наманганнинг айрим заправкаларида шунақа нархлар! Муборак бўлсин! Табриклайман! 10.000 қилинглар нархни! 🛡 @UDDU_channel

Ҳа айтганча, ҳолат Бухоро шахрида бўлган. 🛡 @UDDU_channel

ЧУВ ТУШГАН "ТАКСИСТ"НИНГ НОЛАСИ. Фирибгарлар кундан кунга кўпаймоқдами? Улар қонунлардан қўрқишмайдими? Чет эл фирибгарлари камлик қилганидек ўзимизникилар ўзимизникиларни ИТАРИШНИ бошладими? Ҳолат юзасидан қисқача маълумот... Бизгача келган маълумот ва асосларга қараганда: Бир фуқаро таксичилик қилади, хужжатлари жойида, лицензияси бор ва солиқларини тўлаб келмоқда. Яъни тўлиқ қонуний фаолият олиб боради ва шу меҳнати ортидан бала-чақасини боқиб қора қазонини қайнатади... Орзу ҳавас нарида турсин... Киракашга такси иловаси орқали доставкага заказ тушади, таксист бир кафега бориб ўзининг чўнтагидан фалон сўмга махсулотни сотиб олиб, заказ қилган одамга эмас, иккинчи одамга этиб беради. Доставкани заказ қилган одам таксистнинг картасига пулни тушириб беришини айтиб икки скриншот ташлаб беради, яъни пул ўтди деб... Орадан соатлар ўтади, кунлар ўтади, пулдан дарак йўқ... Доставка заказ қилган ва уни қабул қилиб олган икки шахс билан бир-икки-уч гаплашилинади ва охир уқубат таксистни қора рўйхатга тиқишади. Телефонларини кўтаришмайди, жавоб беришмайди. Гап 210 минг сўм пул ҳақида кетяпти. (Маълумот учун 2026-йилда Ўзбекистонда бир кишининг бир ойлик минимал истеъмол харажатлари 715 минг сўм деб эълон қилинган ва ушбу 210 минг сўм тахминан бир одамнинг 8 кунлик яшаши учун зарур бўлган пул миқдори ҳисобланади) Шунда саволлар туғилади... Иш йўқлигидан фалон сўмга мошина сотиб олиб ҳалол таксичилик қилиб оиласини боқаётган бир вақтда, айрим НОИНСОФларнинг унга бўлган муносабати ва қилган иши ачинарли эмасми ? Шунда 210 минг сўм учун ички ишларга ариза ёзиш, расмиятчилигини қилиш, ички ишлар ходимини оввора қилиш, ИИО ходими ҳам қизил ёки сариқ ҳудуди билан шуғулланиши ўрнига ушбу фирибгарлар билан шуғулланиши қанчалик давлатимизга, халқимизга манфаатли? Ёки бошқа бир вариантлари ҳам бор, САМОСУД вариантлари, телефон рақамларини, профилидаги расмларини, оммада мавжуд бўлган бор маълумотларини оммага чиқариб "УШБУ ФИРИБГАРЛАРДАН ЭҲТИЁТ БЎЛИНГЛАР" деб мавжуд бўлган ижтимоий тармоқларга жойлаштириш ҳам мумкин. (бу ҳаракат ҳам тухмат деб квалификация қилиниши мумкин, сабаби уларнинг айби исботланмаган ҳали, лекин қонунлар ишламаса бу сизнинг бахтингиз...) Ёки кўчада тутиб олиб яхшилаб савалаш ҳам мумкин, лекин уяғи кейин маъмурию-жиноийлар бўлиб кетади... Нима деб ўйлайсизлар? Нима қилса бўлади? Ҳа айтганча, ИИОга ариза қилинган тақдирда, ҳуқуқбузар телефонини кўтармаса, йўқ бўлиб кетса ҳам ИИО аризани ёпиб юбориш эҳтимоли ҳам бор... Яқинда шу каби ҳолат бўлганди. 🛡 @UDDU_channel

Бухорода эртага газ бўлмас экан. Метанда юрадиган шопир акалар, бугуноқ газларингизни тўлдириб қўйинг. 🛡 @UDDU_channel

Телефонни олиб қўйиш унинг ичидаги бутун ҳаётга рухсат деганими? Бугун телефон оддий ашё эмас. Унда ёзишмалар, суратлар, банк маълумотлари, электрон почта, геолокация, қисқаси, инсоннинг йиллар давомидаги шахсий ҳаёти сақланади. Шунинг учун терговда телефон олиб қўйилганда бир муҳим савол туғилади. Телефонни олиб қўйишнинг қонунийлиги унинг ичидаги барча маълумотларни чегарасиз текшириш ҳуқуқини ҳам автоматик равишда берадими? Конституциянинг 31-моддаси ҳар кимнинг шахсий ҳаёти дахлсизлигини, шахсий ва оилавий сирини, ёзишмалари, телефон орқали сўзлашувлари, электрон ва бошқа хабарлари сир сақланишини кафолатлайди. Жиноят-процессуал кодексининг 88-моддаси эса далилларни тўплашда фуқароларнинг ҳуқуқлари ва қонуний манфаатларини қўриқлашга оид талабларни белгилайди. ЖПКнинг 95¹-моддаси нуқтаи назаридан эса қонун талаблари бузилган ҳолда олинган маълумотнинг мақбул далил эканлиги алоҳида баҳоланиши лозим. Демак, телефоннинг ўзи билан унинг ичидаги рақамли ҳаётни бир нарса деб қараш тўғри эмас. Терговга муайян шахс билан муайян вақтдаги ёзишма керак бўлса, нега бошқа одамлар билан йиллар давомидаги шахсий ёзишмалар ҳам ўрганилиши керак? Нега ишга алоқаси бўлмаган суратлар, файллар ва бошқа маълумотлар кўчириб олиниши керак? Бу ерда битта муҳим чегара бор. Далил қидириш ҳуқуқи инсоннинг бутун шахсий ҳаётини титкилаш ҳуқуқи эмас. Илгари тинтувда бир уйнинг эшиги очиларди. Бугун эса битта телефон очилса, баъзан инсоннинг ўн йиллик ҳаёти очилади. Шунинг учун рақамли далиллар билан ишлашда учта саволга жавоб бўлиши шарт. Нима қидириляпти? Нима учун қидириляпти? Қаергача қидириш мумкин? Чунки Конституция ҳимоя қилаётган нарса телефон аппаратининг ўзи эмас. Унинг ичидаги инсоннинг шахсий ҳаёти ҳамдир. Телефон ашё бўлиши мумкин. Лекин унинг ичидаги ҳаёт ашё эмас. Advokat_Abdullayev 🛡 @UDDU_channel

GTA ўйинини ким ўйнаган? Ҳайвонлар учун паспорт, ҳокимнинг уйлардаги ташрифи, шарманда маҳалла ва шарманда хонадон, бу ҳолат ва хк... Охирги вақт бу каби ҳолатлар кўпаймадими? Ортида тинчлик бўлсин-да...🤲 🛡 @UDDU_channel

Пропан қани? Пропан нега йўқ? Бухоронинг тахминан ярмидан кўп заправкаларида пропан йўқ. Янги энергетика вазирининг келиши билан бу муаммолар йўқолади деб ўйлаган эдим. Чучварани хом санабман... 🛡 @UDDU_channel

Toshkent | 30.07.2026 Aholi foydalanishi uchun ajratilgan shahar hududlari ofis yoki turar joy binolarini qurishga mo‘ljallanmagan, ular o‘z vazifasiga ko‘ra xizmat qilishi zarur. Toshkent shahrining Mirobod tumanidagi “Lolazor” mahallasiga kelganimizda, mahalla ahli ekkan daraxtlar shafqatsizlarcha kesib, qo‘porib tashlanganiga guvoh bo‘ldik. Bolalar maydonchasi o‘rniga esa biznes markazi qurish rejalashtirilibdi. Odamlar dod deganicha bor – qurilishlar tufayli poytaxtdagi umumiy hovlilar, o‘yin va sport maydonchalari tag-tugi bilan yo‘q qilib yuborilyapti. Bosh prokuratura butun Toshkent shahri bo‘yicha bunday obyektlarni to‘liq inventarizatsiyadan o‘tkazadi. Qurilish uchun berilgan ruxsatnomalarning qonuniyligi, shaharsozlik me’yorlari va aholi huquqlariga qay darajada rioya qilinganini tekshirish shart. Agar qonunbuzarlik holatlari aniqlansa, mas’ul shaxslarga nisbatan murosasiz jazo choralari ko‘riladi, aybdorlar, kerak bo‘lsa, hatto ozodlikdan mahrum etiladi. — Городские пространства, отведённые под нужды людей, должны служить только своему назначению, а не использоваться под строительство офисов или жилых домов. К примеру, мы посетили махаллю «Лолазор» в Мирабадском районе столицы. Здесь варварски были уничтожены деревья, посаженные жителями, а на месте детской площадки планировалось построить бизнес-центр. Ташкентцы справедливо возмущаются строительными работами, которые уничтожают их родные дворы, игровые и спортивные площадки. Генеральная прокуратура проведёт инвентаризацию подобных объектов по всему Ташкенту. Важно проверить законность выданных разрешений на строительство, соблюдение градостроительных норм и прав жителей. И если выявятся нарушения, ответственные должны понести наказание, вплоть до лишения свободы. 🛡 @UDDU_channel

Қоровулбозор ЙХХБ да нима гап?

Энергетика вазири ўзгарди. Электр қуввати ўзгарадими? Бухоро шахридан мурожаат қиляпмиз. Бутун бошли ташкилотнинг хабари бўлса-да, нажот йўқ. 🛡 @UDDU_channel

Фирибгарлар схемаси. Оддий PDF файл орқали эгаллаб олинган телефон ва ўғирланган миллионлар... 🛡 @UDDU_channel

Энергетика вазири ўзгарди. Электр қуввати ўзгарадими? Бухоро шахридан мурожаат қиляпмиз. Бутун бошли ташкилотнинг хабари бўлса-да, нажот йўқ. 🛡 @UDDU_channel