" سُبل الـ𓂆ـراشــدين| قرآن | Quran

قال الإمام حمزة الزيات صاحب القراءة السادسة المتواترة في القراءات العشر: كُنت بحلوان فبينما أنا ذات ليلة أقرأ؛ إذ سمعتُ هاتفًا يقول: (ناشدتك الله يا أبا عمارة إلا أنصتَّ إليَّ حتى أقرأ عليك!)، فقرأ عليَّ سورةَ النجم، فوالله ما عدلتْ قراءتُه قراءتي!، أي طابقت قراءتُه قراءتي. فلما فرَغ قلتُ: من أنت يرحمك الله؟! فقال صاحب الصوت: أنا وردان، رجلٌ من الجِنِّ، كنت آتيك بالكوفة فأجلس عن يمينك فأتعلم! [مُعجم الأدباء]

لاحظتوا !!!!!!! ‏إن احنا فعلًا دخلنا في الجيل اللي وصفه الله في الآية 59 من سورة مريم. ‏والآية تقول: فَخَلَفَ مِن بَعْدِهِمْ خَلْفٌ أَضَاعُوا الصَّلَاةَ وَاتَّبَعُوا الشَّهَوَاتِ فَسَوْفَ يَلْقَوْنَ غَيًّا﴾ ‏[مريم: 59] ‏ايه هي «غَيًّا»؟ ‏«غَيًّا» معناها الخسران والشر والعذاب الشديد. ‏وقيل في بعض التفاسير: وادٍ في جهنم. ‏وهي الوعيد اللي جاء للجيل اللي ضيّع الصلاة واتبع شهواته

واحد قفش مراته بتفطر في عربية مع زميلها في الشغل. والموضوع له أبعاد كبيرة على فكرة ! يعني إيه؟ يعني غالبًا مفيش حد بيصحى الصبح فجأة يقول: أنا هقعد في عربية لوحدي مع واحدة أجنبية عني من الشارع وأفطر معاها واكسب ثواب يعني 😀 قبلها ممكن يكون فيه كلام كتير… رسائل… هزار تعود… ثقة زيادة… خروج بحجة الشغل… «إحنا إخوات»… «ده زي أخويا»… «دي زميلتي»… وبعدها الحواجز بتبدأ تقع واحدة واحدة بهدوء وتاتة تاتة.... وده بالظبط اللي الشرع حذرنا منه. ربنا سبحانه وتعالى قال: ﴿وَلَا تَقْرَبُوا الزِّنَى إِنَّهُ كَانَ فَاحِشَةً وَسَاءَ سَبِيلًا﴾ خد بالك من التعبير: ماقالش «ولا تزنوا» وبس، قال ﴿وَلَا تَقْرَبُوا﴾. والنبي ﷺ قال: «لا يخلونَّ رجلٌ بامرأةٍ إلا ومعها ذو محرم». وده في حالة الضرورة اصلا ما بالك بقا أنه بيفطرها ولا الدنيا كانت حر 😀 وعشان كدا هتلاقي معظم الناس اللي بيقولوا إن الشغل حرام بالاطلاق بيبقوا باصين للحوادث دي بس، وطبعا مفيش حد في الدنيا هيقبل كدا ولكن الشغل في حد ذاته مباح عادي جدا طالما فيه نفع للأمة والناس محتاجينه والنساء للنساء. حدود ربنا متزعلش اللي يزعل لما تقولها لحد ويجادلك في حدود ربنا ويشت.مك لمجرد أنك بتنصحه ودي نصيحة بقدمها لنفسي ولأي حد مينفعش زوجتك أو خطيبتك تشتغل في مكان مختلط ومتكونش رقيب عليها وده مش عشان انت مش واثق فيها تؤ تؤ لأن معظم اللي حواليها مش كويسين والإنسان ممكن ينخرط في البيئة اللي حواليه ويتأثر بيها للأسف حتى لو هي كويسة وده الواقع يا جماعة منضحكش على بعض ده لو هي مش مضطرة إنما للضرورة أحكام وضوابط بردو. والعلماء دائمًا بيحذروا من التساهل في مقدمات المعصية؛ لأن المعصية في الغالب مبتبدأش بخطوة كبيرة، وإنما بتبدأ بخطوة صغيرة الإنسان يقنع نفسه إنها «مش مشكلة». - .

#طالبتين بنات ولاد عم ساكنين فى بيت واحد ، فى الثانويه العامه واحده جابت 98.5% و التانيه جابت 75% قامت ام 98.5% لغت الصداقه مع بنت عمها ع الفيس وقالت لها انا هدخل طب و هيبقى الاكونت كله دكاتره . الاولى دخلت طب فعلا التانيه دخلت تجاره الاولى فرحت بالبالطو الأبيض و لقب دكتوره و حست بنفسها .. التانيه دخلت كلية الشعب و عينها ع القمه الاولى طول اليوم بوستات تعرف الناس انها بتدرس فى طب و ان الدراسه صعبه و انها بتعانى التانيه لغت صفحتها من ع الفيس #فى_آخر_السنه الاولى جابت جيد بالعافيه التانيه جابت امتياز #بعد أربع سنين الاولى كانت فى رابعه طب التانيه كانت الاولى على دفعتها و بقت مُعيده #بعد سبع سنين الاولى اتخرجت من طب و بقت دكتورة و اتخصصت نساء وتوليد التانيه بقت دكتوره فى الاستثمار واتجوزت ومعاها معاذ ومنه " توأم " الاولى جالها تعين فى وحدة صحة 100 بدر حلاوه ومفيش داعى اقولكم بتعمل ايه " تخيلوا انتم " التانيه اتعينت مستشاره فى الحكومه غير انها دكتوره فى الجامعه الاولى لسه لها اكونت ع الفيس بتشير عليه بوستات معاناة الاطباء وحملة وضع حارس قضائى على دار الحكمه .. التانيه لها اكونت على تويتر وبتطلع تغريداتها فى النشرات الاقتصاديه والاكونت الشخصى عليه اساتذة جامعه ومسئولين فى الحكومه و مشاهير الاولى بتحضر مؤتمرات فى قاعات النقابه وهتموت على رحلة شرم بتاعة شركات الادويه التانيه كل لقاءاتها فى شيراتون وانتركونتننتال وسان ستيفانو الاولى اتجوزت دكتور التانيه ولادها فى حضانه لغات الاولى بعتت للتانيه ادد التانيه قبلته وفتحت لها الفريندس عشان تشوفهم وبعدين اديتها بلوك .. #الحكمة ايه من القصة يتوقف حلمك عندما تموت الحلم مش بكليه القمة اللي بتحلم تدخلها عشان تحقق ذاتك الحلم مش إنك تطلع دكتور أو مهندس الحلم إنك تحقق ذاتك في المكان اللي انت فيه وتسيب بصمتك

الرمية التي أقرَّت أعين المؤمنين..!! 🚨 يقول يعقوب بن جعفر: غزونا عمورية مع الخليفة المعتصم، فما رأيت قومًا يحبون محمدًا ﷺ كما رأيت المسلمين في تلك الغزوة. فلما وصلنا إلى أسوار عمورية، أطَلَّ علينا علجٌ (أي: محارب رومي) من أعلى السور، وقد وضع الصليب على صدره، وتكلم بلسان عربي فصيح، وذكر أهل النبي ﷺ ونسبه بسوء، فامتلأت صدور المسلمين غيظًا، وجعلوا يسبونه ويرمونه بالنشاب، فلا تصله السهام، وهو يضحك ويشتم نبينا ﷺ ويذكر أهله ونسبه بسوء. وقد كنت رجلًا راميًا، فعلوت تلًّا، وانتزعت سهمًا، وقلت: بسم الله، ورميته، فما وقع سهمي إلا في نحره، فانكبَّ على وجهه من أعلى السور، فتناوله الناس فق.طعوه، وفرح المسلمون، وكبَّروا حتى ملؤوا الأرجاء بالتكبير. فأرسل إليَّ المعتصم، فقال لي: «ممن أنت؟» فانتسبتُ له (أي من قريش من بني العباس)، فقال: «الحمد لله الذي جعل ثواب هذه الرمية لرجل من أهل بيتي»، ثم قال لي شيئًا عجبًا، قال: «بعني ثواب الرمية!» وبذل لي خمسمائة ألف درهم من الفضة. فقلت: «يا أمير المؤمنين، ما سمعت أعجب من هذا، وهل يُباع الثواب؟!» قال: «هبه لي، وخذ هذا المال، وإن شئت زدتك.» فقلت: «لا والله، لا أهب ثواب الرمية، ولكنني أشهد الله أنني وهبتك نصف ثواب الرمية، إن أذن الله لي.» وطفق الناس يسألونني: «هب لي بعض أجرها... هب لي هذا الثواب، وخذ مني داري وهب لي الثواب.» فقلت: «هو، إن أذن الله لي، لي ولكم.» وفرح المعتصم بذلك الثواب أكثر من فرحه بالغزوة كلها، وجعل يقول: «الحمد لله أن لي نصف ثواب رميةٍ من سبَّ رسول الله ﷺ.» هذا و يذكر أن طو.اغيت العرب و العلمجنية و المخا...نيث الكيوت المنتسبين للاسلام تعاطفوا سنة 2015 مع سابين النبي ﷺ من صحفيي شارلي إبدو الفرنسية... - ابن الجوزي، المنتظم في تاريخ الملوك والأمم (11/82).

فيه حاجات للأسف بقت عند ناس كتير عادية... وهي في الشرع مش عادية خالص. النبي ﷺ قال: "لا يَنظُرُ الرَّجُلُ إلى عَورةِ الرَّجُلِ، ولا المَرأةُ إلى عَورةِ المَرأةِ، ولا يُفضي الرَّجُلُ إلى الرَّجُلِ في ثَوبٍ واحِدٍ، ولا تُفضي المَرأةُ إلى المَرأةِ في الثَّوبِ الواحِدِ." رواه الإمام مسلم. يعني مفيش حاجة اسمها: "إحنا رجالة في بعض عادي." ومفيش حاجة اسمها: "إحنا بنات قدام بعض عادي." ومفيش حاجة اسمها إنك تستبيح كشف عورتك أو تشوف عورة غيرك بحجة إنكوا من نفس الجنس. ولو اللي قدامك هو اللي مش بيتكسف، أو بجح، أو مستسهل الموضوع... ده ما يديكش الحق إنك تعمل زيه، ولا يبرر إنك تبص. العورة سُمِّيت عورة لأنها مما يُستحيا من كشفه، وكشفها يجلب العار، ولذلك أمرنا الله ورسوله بالستر وغض البصر وحفظ الحياء. قال الله تعالى: ﴿يَا بَنِي آدَمَ قَدْ أَنزَلْنَا عَلَيْكُمْ لِبَاسًا يُوَارِي سَوْآتِكُمْ وَرِيشًا ۖ وَلِبَاسُ التَّقْوَىٰ ذَٰلِكَ خَيْرٌ﴾ [الأعراف: 26]. الحياء مش ضعف... الحياء شعبة من الإيمان. والستر عبادة. وغض البصر طاعة. فاستر عورتك... واحفظ عينك عن عورات الناس... ومتخليش اعتياد الخطأ يخليك تفتكره صح.

عندما تُقبلين على خُطوةِ الزواجِ، لا تقبلي برَجلٍ يحتاجُ إلى من يقوِّمُه دينيًّا، وذلك لسببين؛ أولًا: القوامةُ الرعائيَّة في يدِّ الزوجِ فهو المؤدِّبُ لأهلِه وأبنائه، وهو النموذجُ الذي يتبعونه. ثانيًا: الرجلُ_بطبعِه_لا يتقبَّلُ النُصحَ وتلقِّي التوجيهاتِ. فلا تتزوجن الفَسدةَ

شريحة كبيرة من المعقّدين اللي متخيلين نفسهم الفرقة الناجية دمهم تقيل وتِنْكِين وعايشين الدور بشكل سمج وبايخ! المشكلة إن تصدرهم المشهد في السنين الأخيرة هو اللي سبب نفور أغلب الجيل الجديد من التدين ليه يوصّلوا الإنسان لدرجة إنه يحس بالذنب لو ضحك من قلبه أو قعد يلعب جيم أو يتفرج على حاجة ترفيهية؟!! تعرف إن في الإسلام مش بس العبادات هي اللي بتخليك تاخد حسنات؟ حتى (الجماع) عندنا عليه ثواب مش مصدق؟ النبي ﷺ قال (وفي بُضْعِ أحدكم صدقة) قالوا يا رسول الله أيأتي أحدنا شهوته ويكون له فيها أجر؟ قال (أرأيتم لو وضعها في حرام أكان عليه فيها وِزْر؟ فكذلك إذا وضعها في الحلال كان له أجر). تعرف كمان إنك بتاخد حسنات لو أكلت أكلة حلوة وكيفتك واتمزجت بيها ؟ سيدنا محمد ﷺ قال (إنَّ اللهَ ليرضى عن العبدِ أن يأكلَ الأَكْلَةَ فيحمدَه عليها أو يشربَ الشَّرْبَةَ فيحمدَه عليها). ولما سألوه عن الراجل اللي بيحب لبسه وشكله يكون حلو ومستمتع بشياكته قال (إنَّ اللهَ جَمِيلٌ يحبُّ الجَمَال). وحتى اللعب والترفيه والفُرْجَة على اللي بيلعبوا سيدنا محمد ﷺ قعد بنفسه مع السيدة عائشة يتفرجوا على الأحباش وهم بيلعبوا (في المسجد) ! ﴿ قُلْ مَنْ حَرَّمَ زِينَةَ ٱللَّهِ ٱلَّتِيٓ أَخْرَجَ لِعِبَادِهِۦ وَٱلطَّيِّبَٰتِ مِنَ ٱلرِّزْقِ ﴾. اللذة الدنيوية مخلوقة عشان تخلي عقلك يحاول يتخيل الجنة. ولأن تركيبتك النفسية مجبولة على حب اللي بيكرمها ويسعدها فكل متعة حلال بتعيشها بتزود رصيد محبة ربنا في قلبك لأنك بتشوف أثر رحمة ربنا وكرمه عليك واقع ملموس وده بيحول علاقتك بربنا لطاعة حية مبنية على الحب استمتعوا (بالحلال) يا جماعة.

قابلتني آية في سورة الملك بتكشف إن كل اللي درسناه في العلوم كان كله نُص حقيقة ! ربنا بيقول ﴿أَوَلَمْ يَرَوْا إِلَى الطَّيْرِ فَوْقَهُمْ صَافَّاتٍ وَيَقْبِضْنَ مَا يُمْسِكُهُنَّ إِلَّا الرَّحْمَٰنُ إِنَّهُ بِكُلِّ شَيْءٍ بَصِيرٌ﴾ في الأول أثبت حركة جناح الطائر وقوانين الديناميكا الهوائية وسماها ﴿صَافَّاتٍ وَيَقْبِضْنَ﴾ وده النُص اللي العلم المادي بيقف عنده ويقنعك إنه السبب الكامل... لكن تعرف ايه معنى النُص التاني اللي هو ﴿مَا يُمْسِكُهُنَّ إِلَّا الرَّحْمَٰنُ﴾ ؟ يعني حركة الجناح وقوانين الرفع دي مجرد ستارة ومشهد ديكور خارجي لكن في الحقيقة الله هو اللي بيخلق الطيران نفسه لحظة بلحظة. لازم نعترف إننا بسبب المادية المُعاصرة بقى عندنا مشكلة عميقة في طريقة تفكيرنا وعقيدتنا لحد ما أطفالنا بقت بتكبر متخيلة إن الكون شغال أوتوماتيك بقوانين طبيعية! اومال ايه الصح؟ لو ربنا رفع مدده عن الكون لحظة واحدة كل القوانين دي هتتجمد وتنهار وتفقد وظيفتها. عايزني أقربهالك أكتر؟ تخيل زرار الكيبورد اللي بتكتب بيه هل الزرار ده جواه قوة ذاتية تخليه يظهر الحرف على الشاشة؟ أكيد لأ. لكن بمجرد ما بتدوس فيه نظام تشغيل كامل ورا الشاشة هو بيظهر الحرف في نفس اللحظة. قوانين الفيزياء والأسباب الكونية عاملة زي زراير الكيبورد بالظبط؛ الأسباب مجرد زراير بندوس عليها لكن الله هو اللي بيخلق النتيجة عندها مش بيها. ولله المثل الأعلى. أمثلة من القرآن؟ ١- (الشمس) مش بتنور بطبعها الذاتي وربنا اللي بيخلق نورها كل لحظة عشان كدا في القرآن ﴿قُلْ أَرَأَيْتُمْ إِن جَعَلَ اللَّهُ عَلَيْكُمُ اللَّيْلَ سَرْمَدًا إِلَىٰ يَوْمِ الْقِيَامَةِ مَنْ إِلَٰهٌ غَيْرُ اللَّهِ يَأْتِيكُم بِضِيَاءٍ﴾ ٢ـ المطر {أَفَرَأَيْتُمُ الْمَاءَ الَّذِي تَشْرَبُونَ﴾ ﴿أَأَنتُمْ أَنزَلْتُمُوهُ مِنَ الْمُزْنِ أَمْ نَحْنُ الْمُنزِلُونَ﴾ ٣ـ الزرع ﴿أَفَرَأَيْتُم مَّا تَحْرُثُونَ﴾ ﴿أَأَنتُمْ تَزْرَعُونَهُ أَمْ نَحْنُ الزَّارِعُونَ﴾ ونفس الكلام مع كل الأسباب؛ السبب ده هو الستارة اللي بتختبر بصيرتك هل هتقف تعبد الستارة وتنبهر بيها ولا قلبك هيشوف مين اللي بيخلق الحدث من وراها؟

تخيل تفتح كهف مهجور في قلب الجبل بقاله 51 سنة محدش عتب ناحيته.. فتلاقي ١٠ رجالة قاعدين صف واحد.. "هياكل عظمية" كاملة.. بس لسه ضاغطين على الزناد وموجهين وشهم للكعبة! دي مش لقطة من فيلم رعب أمريكاني، ولا خيال مؤلف.. دي "وثيقة شرف" اتكتبت بدم وعطش في قلب سيناء، ومحدش عرف عنها حاجة غير بالصدفة البحتة! اقفل أي حاجة في إيدك، وركز معايا يا صديقي عشان اللي هتسمعه ده درس في "العقيدة" مش هتلاقيه في الكتب.. القصة بتبدأ من سنة ١٩٨٤، بس عشان تفهمها لازم نرجع بالزمن لورا.. لتاريخ الوجع والبطولة.. "أبريل ١٩٦٩". الفصل الأول: المهمة المستحيلة احنا في عز "حرب الاستنزاف".. الفترة اللي الجيش المصري كان بيعمل فيها عمليات انتحارية عشان يقول للعدو "احنا لسه هنا". خرج قارب صيد "مموه" من ميناء سفاجا.. عليه مين؟ ١٠ ضباط من "وحوش الصاعقة المصرية". الهدف؟ جبل سانت كاترين في عمق سيناء (اللي كانت محتلة وقتها). المهمة؟ مش بس تدمير قاعدة صواريخ إسرائيلية.. لأ.. دول رايحين "يخطفوا" رأس صاروخ إسرائيلي متطور عشان المخابرات الحربية تدرسه في القاهرة! تخيل الجرأة؟ عملية "خطف" من قلب معسكر العدو! الفصل الثاني: الجحيم الصامت الرجالة وصلوا بالليل.. معاهم "كلب حرب" مدرب على شم الألغام.. مشيوا على رجليهم ٣ ساعات في وعرة الجبال في صمت تام لحد ما وصلوا للقاعدة. وفي لحظة الصفر.. الجحيم اتفتح. الأبطال زرعوا العبوات الناسفة، وقدروا بالفعل يستولوا على "رأس الصاروخ" المطلوب.. وفجرو القاعدة بالكامل. المصادر بتقول إن الخساير في صفوف العدو كانت مرعبة (تقديرات بتوصل لـ ٨٠٠ جندي ما بين قتيل وجريح في المعسكر ومحيطه بسبب الانفجارات المتسلسلة لمخازن الذخيرة). لحظة هنا : احنا بنقول 10 رجالة دخلوا معسكر العدو قضوا علي 800 عسكري وصف ظابط وظباط ما بين قتيل وجريح , لو فيلم امريكي اكشن عمره ما يوصل للعدد دا ولا في خياله ولا خيال المؤلف , بس احنا بنتكلم عن ابطال بجد وقصة حقيقية . الفصل الثالث: حصار الموت العملية نجحت؟ آه.. بس الانسحاب كان هو "الكابوس". العدو جن جنونه.. الطيران الإسرائيلي مسح المنطقة شبر شبر.. وقوات المشاة قفلت كل المخارج. الأبطال العشرة، ومعاهم رأس الصاروخ والكلب، لجأوا لـ "كهف سري" في جبل كاترين.. كهف ملوش مخرج تاني. الحصار طال.. الأكل خلص.. والمياه خلصت. تخيل شعور قائد المجموعة وهو شايف رجالته بيموتوا واحد ورا التاني.. مش من الرصاص.. لأ.. من العطش والجروح! في اليوم التاني مات اتنين متأثرين بجراحهم.. في اليوم الرابع والخامس مات اتنين كمان.. ومع نهاية الأسبوعين.. السكون سيطر على الكهف تماماً. الفصل الرابع: المشهد الذي أبكى البدو (١٩٨٤) نرجع بقى لسنة ١٩٨٤.. سيناء رجعت.. وبعض بدو سيناء الشرفاء (ومنهم الدليل عابد المصري) اكتشفوا الكهف ده بالصدفة. لما دخلوا.. شافوا مشهد يوقف شعر الراس.. مشهد يدرس في الأكاديميات العسكرية عن معنى "الثبات الانفعالي": ١٠ هياكل عظمية.. نايمين صف واحد.. المسافة بين كل جندي والتاني "شبر" (٢٠ سم بالظبط).. كلهم نايمين على جنبهم اليمين.. وكل واحد حاضن سلاحه كأنه حتة من جسمه! لما فحصوا المكان، لقوا "بوصلة" مع القائد.. اكتشفوا إنهم قبل ما الروح تطلع، رتبوا نفسهم وحسبوا اتجاه "القبلة" بدقة متناهية، عشان يموتوا وهم موجهين وشهم لبيت الله، ومتمسكين بسلاحهم لحد آخر نفس. لقوا معاهم "كراسة صغيرة".. مذكرات كتبها واحد فيهم وهو بيودع الدنيا.. بيحكي تفاصيل "أيام الموت والبطولة". الخلاصة يا صديقي: الناس دي ماتت من العطش والجوع، وكان ممكن يستسلموا وياخدوا أكل وشرب.. بس اختاروا الموت في كهف ضلمة عشان "سر الصاروخ" ميرجعش للعدو، وعشان شرف البدلة الميري ميتمسش. التاريخ مش مجرد حكايات بنحكيها.. التاريخ هو "عضم" الناس دي اللي بنى الأرض اللي احنا واقفين عليها دلوقتي. رحم الله أشباح سيناء.. ورحم الله كل من ضحى عشان البلد دي تفضل واقفة. المصادر للإطلاع: ١. سجلات حرب الاستنزاف - المجموعة ٧٣ مؤرخين. ٢. شهادات بدو جنوب سيناء (رواية عابد المصري). ٣. أرشيف بطولات الصاعقة المصرية. رحمة الله تعالى عليهم أسود العرب تخيل تفتح كهف مهجور في قلب الجبل بقاله ١٥ سنة محدش عتب ناحيته.. فتلاقي ١٠ رجالة قاعدين صف واحد.. "هياكل عظمية" كاملة.. بس لسه ضاغطين على الزناد وموجهين وشهم للكعبة!

أكبر جنازة في تاريخ فلسطين 112 شهيد من عائلة واحدة كانت جنازتهم النهاردة في غزة من بينهم 40 طفل و 38 امرأة!

مش عايزك تستغرب لما تلاقي زميلك بيبذل نص مجهودك في الشغل وبيطلع نتايج أحسن منك بكتير وإنت بتسف تراب وتطلع عينك عشان بس تقرب من مستواه الموضوع ملوش علاقة بالذكاء الموضوع كله إن المجال مناسب لمهاراته وقدراته أكتر منك. السؤال اللي الكل بينسى يسأله لنفسه إنت دماغك وجسمك متصممين لأي نوع من الشغل؟ وهل لو دخلت تخصص معين عقلك هيستوعبه أصلا ولا هتعيش طول عمرك بتعافر؟ الكل بيجري ورا البرمجة وتحليل البيانات عشان بيقبضوا بالدولار بس هل إنت بتعرف تقعد على كرسي عشر ساعات متواصلة عينك في شاشة بتدور على غلطة في كود قد النملة؟ هل إنت شخص بيعرف يعزل نفسه عن العالم وعنده قدرة خرافية على التركيز المفرط وتحمل الإحباط المتكرر؟ لو إنت شخص ملول وحركي وبتحب تتعامل مع بشر كتير واشتغلت مبرمج هتكتئب وتموت حرفيا. الطب مش مجرد بالطو أبيض ولقب دكتور دكتور الجراحة ده بني آدم أعصابه تلاجة إيده مبتترعش تحت الضغط وبياخد قرار حياة أو موت في كسر من الثانية ومبيخافش من الدم بينما دكتور الباطنة أو النفسية ده واحد تاني خالص ده إنسان باله طويل جدا بيعرف يسمع المريض اللي بيرغي في تفاصيل ملهاش لازمة عشان يلقط منها الخيط ويوصل للتشخيص. لو عكستهم الاتنين هيفشلوا ويموتوا الناس رغم إنهم خريجين نفس الكلية. هندسة وعمارة وتصميم مش مجرد رسم وبرامج دي شغلانة لواحد بيشوف الأبعاد في خياله قبل ما تتنفذ واحد بيعشق التفاصيل لدرجة إنه ممكن يهد الشغل كله عشان ملي واحد فرق أو درجة لون مش مظبوطة لو إنت شخص عشوائي وبتحب تنجز وتاخد الأمور بالتقريب ومبتركزش في التفاصيل الدقيقة إياك تقرب من المجالات دي. المبيعات والعلاقات العامة والبيزنس مش فهلوة دي محتاجة بني آدم بطاريته الاجتماعية مبتخلصش بيعرف يفتح كلام مع طوب الأرض وعنده مناعة جبارة ضد الرفض بني آدم لسانه حلو بيعرف يقرأ اللي قدامه ويقنعه بمرونة لو إنت شخص خجول بتحب الصمت وبترتبك في الزحمة وبتتوتر من كلمة لأ إزاي تتخيل إنك هتنفع سيلز؟ الحسابات والمالية دي لواحد دماغه سيستم متقفل واحد بيستمتع بالأرقام ومبيزهقش من الروتين وعنده قدرة يقفل ميزانية وميسبش قرش تايه لو إنت شخص مبدع بتحب التغيير وبتكره التكرار والأرقام بتعملك صداع الشغلانة دي هتكون جحيمك اليومي. التدريس وإدارة الموارد البشرية مش مجرد وظيفة روتينية دي محتاجة بني آدم عنده طاقة يعيد ويزيد من غير ما يزهق وبيعرف ينزل لمستوى تفكير اللي قدامه ويفهم دوافعه لو إنت خلقك ضيق ومبتستحملش الاستيعاب البطيء هتدمر أعصابك وتعقد اللي بتتعامل معاهم. النجاح مش في الشغلانة نفسها النجاح في إنك تلاقي الشغلانة اللي راكبة على سوفت وير دماغك. لو دخلت ملعب مش ملعبك هتنزف مجهود طول عمرك عشان بس تبقى موظف عادي محدش حاسس بيه. بينما لو دورت على الحاجة اللي بتليق على طبيعتك ونقاط قوتك الحقيقية أقل مجهود هتبذله هيخليك حوت في مجالك والكل بيسأل إنت بتعمل ده إزاي بسهولة كدا؟! مفيش مجال ناجح مع الكل ولا مجال فاشل مع الكل. (أمانسيو أورتيجا) مؤسس Zara ساب المدرسة واشتغل صبي في محل هدوم. (جاك ما) مؤسس Ali baba خريج آداب واترفض في وظيفة في كنتاكي. ومحمود العربي مكملش تعليمه وبدأ حياته بيبيع بلي وبلالين! وحتى أغنى مهندسين ودكاترة في العالم بقوا مليارديرات لما سابوا الشغل الفني بإيديهم ودخلوا في الإدارة وتوسيع الاستثمارات. أهم دراسة محتاج تدرسها في حياتك كلها هي (شخصيتك) لازم تبقى فاهم اللعبة اللي هتلعبها وحافظ نقاط ضعفك وقوتك. وبالمناسبة كل الشغل متعب ومرهق ومفيش حاجة اسمها اشتغل اللي بتحبه عشان تستمتع. المهم تختار المجال اللي تقدر تستحمل قرفه.

زلزال ربنا يحفظ مصر جميعا❤❤

والله ما شُفت أطيب ولا أحنّ من هذا الرئيس… يقاتل من أجل بلده، ويحلم أن يعيش شعبه في دولة تليق به، ويبني دون أن يغامر بأمننا أو بأرواحنا. وأنا بقولك يا ريس: إحنا نتحمّل وإحنا قدّها… خُد القرار وهتلاقينا كلنا في ضهرك مهما كان. القرار ♥️ 🇪🇬 كلنا في ضهر مصر ⚡

بتصحى في يوم تلاقي نفسك كبرت تبص حواليك تلاقي اصحابك اللي سافر واللي اشترى شقة واللي اتجوز... تحس إن القطر فاتك وتبدأ تندم وتجلد في نفسك وتقول أنا اللي ضيعت عمري وأنا اللي قصرت ومأخدتش بالأسباب ويدخل الشيطان من الباب ده يقنعك إنك طالما ضيعت اللي فات يبقى اللي جاي كمان ضاع؟ لازم تفهم إن سعينا في الدنيا حاجة ورزقنا حاجة تانية خالص الرزق سواء فلوس أو جواز أو نجاح ده مقسوم ومكتوب بمحض المشيئة الإلهية قبل ما تتولد أصلا. يعني لو كنت قطّعت نفسك شغل ومكتوبلك متتجوزش في السن ده مكنتش هتتجوز. ولو كنت أذكى واحد في جيلك ومكتوبلك رزق مادي معين مكنتش هتاخد قرش زيادة عنه. أنت عبد مطلوب منه الحركة في مساحة الأسباب والنتيجة ملك للخالق وحده. جلدك لنفسك على إنك ضيعت الرزق ده وهم؛ لأن الرزق اللي مكتوبلك محدش خده غيرك واللي راح منك مكنش بتاعك أصلا. طيب طالما الرزق مكتوب والنتيجة مش بإيدي أتعب نفسي ليه؟ أنت مأمور بالسعي عشان تثبت عبوديتك مش عشان تخلق رزقك يعني لما بتنزل تدور على شغل أنت رايح تعبد ربنا بالسعي مش رايح تجيب الرزق بدراعك ولما بتذاكر أنت بتعبد ربنا بطلب العلم مش بتخلق النجاح بذكائك السعي تكليف شرعي زيه زي الصلاة لو سيبته تأثم لكن النتيجة فضل إلهي لو جات تشكر ولو مجاتش ترضى وتسلم. أصلاً المقاييس بتاعتنا للنجاح كلها غلط في غلط فهموك إن النجاح هو الفلوس والجواز والشهرة والسفر؟ طب دي كلها أرزاق مقسومة! النجاح الحقيقي هو أخذك بالأسباب هو توبتك بعد كل سقوط هو استمرارك بعد كل فشل هو رضاك بعد كل نتيجة.

🤩 💎احسبها صح 🔘رزقك مش في التعليم وبس افهم الدنيا وارضي بقضاء الله ♥

يؤلمك ذنبك، وهذه علامة خير.. كيف؟ المنافق لا يحزن على بُعده عن الله، والذي مات قلبه لا يتألم، وأنت تتألم؛ لأن قلبك لا يزال يحب الله ويصبو إليه.

جوزي كان حاطط صورته مع أصحابه في بداية أول شغل وكانوا صغيرين مش دي المشكلة، هو في الصورة كان عامل تعبير بوشه يوحي كأنهم دول عيال صغيرة والناس بتشوف البروفايل. أنا شايفه، إنه متجوز دلوقتي وكبر وحيبقى له عيال، يفضل بطفولة وشبابه معانا وأهلنا وأصحابه بس. مش حابة دي صورته تتصدر للناس غريب وقريب، هل أنا غلط. مش عايزة أموت طفولته، لبسته ولا بساطته بس وطلبت منه يشيلها. ج/ رأيي الشخصي؟ سيبيه براحته الحقيقة، دي عفوية تلقائية جميلة والله، وبراحته ده حسابه الشخصي يعمل اللي هو عايزه فيه، وأي حد يتجاوز حدوده أنتِ تكوني أول حد يقف ويدافع عن جوزك وحريته في اختيار شكل حياته طالما مش بيؤذي حد ومش بيعمل حاجة حرام. وعلى الناحية التانية لو بتعملي حساب أوي لكلام الناس ورؤيتهم ممكن تاخدي بالك من الموضوع ده لأنه مؤثر. لصاحبته

إيه ممكن يعوض جوع إني محتاجة يكون عندي أم؟ ج / مفيش، هذا جوع لا يملأه إلا رب السموات والأرض، بتركزي على باقي جوانب حياتك، فالحياة لا تخلو من نقص وألم الوقوف والعطالة عنده عجز لا يحبه الله. ==== لا تستطيع أية علاقة إنسانية أن تكون طعامًا يغني عن غيره من الأطعمة، ولا تقدر علاقة منها على القيام بدور علاقة أخرى، ولا على إشباع الاحتياج الذي خلق الله هذه العلاقة لإشباعه. يعطيك الأب ما لا يعطيه الزوج، ويعطيك الزوج ما لا يعطيه الأب، الأم تعطي ما لا تغني عنه الزوجة، والزوجة تعطي ما لا تشبعه الأم، والولد يعطي أبويه ما لا يعطيانه لبعضهما، والصديق يعطي صديقه ما لا يعطيه الأخ، والأخ يعطي ما لا يعطيه الأب. كالعناصر الغذائية تحتاج النفس إلى هذا التنوع العلاقاتي وتكتمل به وبتوازنه كمًا وكيفًا، وتتناوب هذه العلاقات وتتفاوت نسب الاحتياج منها باختلاف أحوال الإنسان طفولة وشبابًا واكتهالًا وشيخوخة وصحة ومرضًا، قد تتقاطع هذه العلاقات وتختلط أدوارها بدرجة مقبولة، وقد يصل التقاطع واختلاط الأدوار لدرجة مرضية تنبع من نقص النفس ونهمتها للناس كمريض الاستسقاظ ينهل ولا يرتوي؛ والداء فيه لا في علاقة ترويه. وكلما نضجت النفس واقتربت من السواء= استطاعت أن تأخذ زادها من تلك العلاقات بالقدر المضبوط كمًا وكيفًا، فهي نفس راسخة الجذر تنعم بالهواء والضوء وتأخذ من القطر ما يرويها ولا يغرقها ويفسد تربتها. وهي نفس لا تفقد أبدًا وجهتها نحو السماء، ومهما ضعفت وانحرفت= تقدر أن تسترجع قلبها إن هوت به علاقة من تلك العلاقات في ذلك القعر الذي يمكن أن يقطع الحبل الذي يصلها بالزاد الأكمل والأتم والأغنى والأنفع، ذلك الزاد الذي يصل قلبها بالرب الذي خلقها. وكل احتياج فاتك أن تشبعه لفقد أو فوات في العلاقة التي دورها أن تشبعه= لا تطلب إشباعه من علاقة غيرها لها دورها المختلف؛ فذلك يحرمك الثانية ولا يعوضك الأولى، تقبل أنك فقدت الأولى، واستمتع بالثانية في محلها وبالتقاطع المحدود بين دورها ودور المفقودة، وابك على ألم الفقد بقدر ما يشفي النفس ثم قف وواصل؛ فإن قوام الحياة النقص والفوات والألم، وليس كل ما يؤلمك يضرك، ولا كل ما يسرك ينفعك. الشيخ أحمد سالم

لو أمي زنت وشوفتها بعيني والموضوع كان من زمان لكن حتى الآن لا أطيق حتى أن يذكر أحد اسمها أو حتى آراها من بعيد، لا أطيق ولا أكلمها تماما ولا أتعامل معها كأني تبرأت منها لأن المصيبة شديدة ورأيتها بعيني. ما الواجب علي من ناحية الشرع؟ ج/ لا أدري ما أقول لك. حاول أن تغفر وتفعل أدنى ما يجب عليك، وما فوق ذلك فقد تعذر فيه مادام فوق طاقتك، فالنبي عليه السلام قبل إسلام وحشي بن حرب ولم يكن يقدر أن ينظر في وجهه لما فعل بحمزة. الشيخ عمرو بسيوني