وَجْد

«ما عاد تفيد ضيقة خاطري سجه ولا مشراف وما عاد تهمّني كثر الوجيه اللي تورا لي»

الله على الحب وعلى بعد المسافه والحياه ‏اللي بدونك خلت شعوري على وجهي يبين ‏كنت احسب اني في حياتي ماني بمحتاج لوصاه ‏لين اعتلا صوت الهجير وهز نبرات الحنين ‏الله يوصل قلبي الملهوف ويحقق مناه ‏والله لا يجعل حظ قلبي من حظوظ الغابرين ‏من يشوفك غايه ونور الحياه ومبتغاه ‏لا تغارب لو يشوفك في وجيه العابرين ‏و لا تلوم اللي فقد حله وضيع الاتجاه ‏انت اتجاهاته وحله والمروفه والمعين

يفج لك قلب بابه عن العرب مسدود ‏وسيره ماهب سيرتك ب نفضّها سيره ‏لاجتك المشاعر جمْر - كنتي لها الكمبود ‏واذا ضاق وجه الشوق - كنتي تباشيره ‏لاجيتك ثراً ممحل - تعالي حَمَار ورود ‏كما ( خدّ نجد ) وقحيوانه ونوّيره

ابيع هالدنيا بلا سوم و اشريك ‏و من العذارى قلبي اليوم طايب ‏في عمري الماضي تخلد لياليك ‏ماينحسب عمري ليا صرت غايب ‏انا و قلبي في يدينك مماليك ‏وفي سلطتك دارت علينا النوايب

أبيع كل الخلق وأكسب معاليك أترك نجوم الليل واخذ قمرها العيد عيدك لا لفاني طاريك يا جعل عينك ماتونس ما يضرها ❤️

وش العيد وليال الهوى و الشعر لولاك "يا فرحة ملذات العمر وأجمل أعياده"

تقول وش القمر وأقول وش النجوم وتقول وش الحلى وأقول فيك بركه من شاف وجهك وركز في القمر قال توم بس القمر في المجرة وأنت في المملكة

‏ذكرياتٍ تعبر العمر طرقيه ‏وذكرياتٍ في وطنها ومرباها ‏وصورةٍ في متحف البال مطويـه ‏كل يوم افلها واتهجاها

‏معذور الغزال لا صار بك حيل طمّاع ‏أنت الشجاع اللي يليق بـ حضرة جنابي ‏معك الليال أفراح و دروبي وسـاع ‏و الحب ثوبٍ من لبسته زهى بي ‏شلون بجزع معك و أضيق و أرتاع ؟ ‏و أنت العوض عن كل خوفٍ عثى بي ‏علّمني أنسى معك تنهيد الأوجاع ‏و أشوفك قبالي لا ضاقت رحابي

عشان الكرامه والنبا والمقام الهام تعزّز بـ صبر و قل لـ الأيام لا عيّت أنا في رجا رب المخاليق والأيام متكّي على عرقوب و سلاحي مزيّت ذراك الكرامه لا تدوّر ذرا وحزام ورا اللي يشيع السر ويسحب الهيّت

من باب توديع الأماني والأحلام سلام ياللي جيت لرضاك كلي عقب الغلا والود و إخلاصك العام اليوم غيري جالسٍ في محلي

ما عرفني إلا أنتي إليا من جهل قلبي حريبه واحدٍ ماله نصيب من الطبوع إلا الجلافه أنتي أدفى ما ورى صدري وأقصى ما يجيبه وأنتي اخر عهده بجدب أرضه وقسوة جفافه مستعد أبيع دنياي القديمة باللي هي به أنتي دنيا ثانية ما أنتي على دنياي أضافه

تراك فالخاطر ولو ما نشوفك وغلاك مايمحيه قل المواصيل قلبٍ يعشقك ويشكي من حلوفك ما يطيب ليييييين تصبح له خليل

تندر اشباهك من العالم وانا متنبّه والحقيقة كل حسنٍ غير حسنك فاني وجهك يوم اشوفه .. لا تقول مشبّه مستحيل انه يذكرني في احدٍ ثاني !

على كثر ماكنت قاسي اشوفك سموح كل حاجةً منك شينه .. لك جملّتها حتى تلويحتك يومك توادع وتروح أنت ما لوّحت .. مير انا تخيّلتها

قلبي على الماء، وقلب الماء على شطّك الماء وأنا يا القراح العذب ورّادك كم شالك الحلم بأهدابي ولا حطّك والعين يرعى نظرها عشب ميعادك -يا شمسي- اللي تدلّى بالسماء قرطك عن كل هالورد هذا القلب عبّادك

ما تجود الرايحات مْن المزون الّا تجودك مع ذعاذيع النسيم ومع نسانيس الهبيّب أبتعد ولا اقترب ما تختلف قيمة وجودك أنت لا قبلك ولا بعدك ، بعيد ولا قريّب

العيد شوفتك ياريش العين ‏ماهيب شوفه ربعنا والجماعه