وقّاد 🇸🇦.

شفّ بالي لا أنفردت بنفسي من الصجة ‏آخذ القهوة و أهقوي فالزمن و أمنّي ‏مرة أحب العرب و أمرار أحبّ السجة ‏" داخلي عودٍ تبرّا من حداثة سِنّي " - ‏سعد بن جدلان

ربة الحسن نوارّة جميع البقاع ‏غيرت وجه الارض ونورت فـ السما ‏مرت فـ عينها دمعة لـ يوم الوداع ‏وسلبت مني التفكير والانتما ‏قالت : الشعر قلته في عيوني وضاع ؟ ‏قلت : لا والله الا فيك زاد ونما ‏ماغدا الا خفوقً فيك بايع وطاع ‏سلطة العنق واللي تحت عنقك زما ‏اكفني شر نظرات العيون الوساع ‏خايف الرمش لا استامنت شره رما ‏ياوليفي تمادى حكم مثلك مطاع ‏انا مفتون غاوي وانت عذب اللمى ‏من عيوني ولو تطلب حليب السباع ‏صرت لك مع مغاليث السباع غرما ‏لينً فيك لـ حروف القصيد اتساع ‏ ينتشي كل حرف وينثني كلما ‏مال عودك غيا واثرت معك الضياع ‏الضياع ابرك امن الجوع وامن الضما ‏من كثر منت فارق بـ الحلا والطباع ‏كن مافيه غيرك بـ الصخاف طخما ‏غردتك الطيور ومضّت لك يراع ‏تدري ان في عروقك ورد ماهو دما ‏جعل دارً خذت عينك عليه اتطلاع ‏دونه الدهر يزجر والسحاب ايهما ‏لا تروعّك نظرات القلوب الجياع ‏عيني تشوف غيرك مير قلبي عما ‏انتي اول غزال يصيد قلب الشجاع ‏وانا رجال في حضن الغزال ارتما - فالح بن غشام

سلام الله على اللي راح لا منهي ولا مامور ‏خذاه الصيف مثل أخذه لـ بالي بين جلاسي ‏لذيك الدار ولنسناسها والخايع الممطور ‏مع أنّه لو يِخَيّر ما تَخَيّر غير نسناسي ‏على أبوه الملامه لو أبوه المنتج المشكور ‏وكيل الغِنْج والحور النجل والمبسم الماسي ‏وهبه الله وأخذ حوريّة الدنيا وجابت حور ‏جمالٍ يا صلاة الله لا بصري ولا فاسي ‏لهم فأرض الكويت قصور وأرض أهل الكتاب قصور ‏وأنا مالي جِدى إلا أنثر كنيني فوق قرطاسي ‏أمر البيت لو البيت من عذب اللما مهجور ‏على شرَّد بقاياه القليل أسَحّب أنفاسي ‏سقاني من هواه شعور وأسقيته شعر وشعور ‏ومال الكون يلعب بين مطراقي ومرواسي ‏وليفي كيف أعَبّر؟ والكلام يْغصص الحنجور! ‏معك كل اللغات الشاسعات أضيَق من احساسي ‏ثلاث سنين أغنّي بك على المنكوس والمجرور ‏ثلاث سنين ما هَوّد صبِيب القاف مقباسي ‏تناثرتك قصايد لين صرت الشاعر المشهور ‏وأنا قبل أنتثر وأنثرك شاعر بس متناسي ‏تجي مثل العميم اللي ليا من عَمّ الأرض البور ‏غدت سجاد فوقه للخزامى موكب رياسي ‏لو أقدر كان خلّيتك بصندوق الذهب مصرور ‏عن وجيه الآوادم مالك إلا وجهي مواسي ‏أحبك لين ما ينفخ سرافيل المَلَاك الصُور ‏أحبك لين ما تثني مفاليق الدهر باسي ‏ذكرتك وأنت من بين الكنايس ضاحكٍ مسرور ‏وأنا بين المساجد وأضرب أخماسي على أسداسي ‏وهيجنتك قصيدة للمجرّة وأشرق الديجور ‏من البارح عليك أصبّها وأكوسر نعاسي ‏خدين الروح وأن ما أكفاك هذا اللولو المنثور ‏وش يرد القريحة لا تطوّى في كفن ياسي؟ ‏قصيدة ما تقبلها بلطفك دمّها مهدور ‏وناسٍ ما أنت فيهم بينهم ما طاب مجلاسي - سلطان الحوالي

جميله جداً جداً جداً

يا ميّاس من باب الأمل لا تطيع الياس ‏حبيبك رهن في طلتك حاله .. و ماله ‏ماجيتك غريب وتايه وطرقي وعساس ‏انا جيت عاشق حط لـ العشق معداله ‏لو أنك بعيد أشوفك أقرب من الأنفاس ‏ولا زال حبك .. فـ أيسر الصدر منزاله ‏على كثر ماعذبني مفارقك ؟ .. لا باس ‏مادام الغلا .. لـ الحين باقي على حاله ‏وصالك هو اللي يحمل الموقف الحساس ‏و غيرك ما يعنيني بـ فرقاه .. و وصاله ‏لا صارت عيونك سامحه من وجيه الناس ‏ملى عينك إللي ناشد ابوه .. عن خاله ‏ياجعل العواذل .. فدوة عيونك النعاس ‏و فدا صوتك اللي يعزف الحرف بحباله ‏وش اللي لعب فيني سوا عودك الميّاس ‏تثنايته تبري و الأنسام تبرا له ‏من يهيم عقله فيك يا شمعة الجلّاس ‏ما يطرد خوى راسه بفنجال و بياله ‏عذوبة ثلاث حروفك اعذب من النسناس ‏من الي قدر ينساك و تروح من باله ؟ ‏لاتزعل لو اسمك يكتبونه بدون اقواس ‏على كثر الاسما مكتفي بـ اسمك لحاله ‏يموت العتاب بـ حضرة الود و الاحساس ‏و يعيش الشعور بـ طاري الحب و أطلاله ‏حدود التباهي بيننا ما لها مقياس ‏انا لاوصلتك مابعد طالتي طاله ‏ياطيب الكلام اللي يعبر عن النوماس ‏ليا قاله اللي لا وقف يدحم القاله ‏يعيفك من يعيف التنافس مع اكبر راس ‏ولا عافك الي جا لك " منكس عقاله " - حمود بن فارس

يا مكرمتني من وفاك ومن غلاك ومن حلاك قمتي بواجب روحي اللي في غرامك هايمه اما على قول البدو دمتي وجاد الله علاك والا على قول الحضر شكراً وسفره دايمه - وصل العطياني

اللهم صلِّ وسلم على نبينا محمد وعلى آله وصحبه اجمعين، ومن تبعهم بإحسانٍ إلى يوم الدين

" جابك الحب ولا طاري الشوق ؟ ياللي طلّتك جفّت أحداقي وهي ترتجيها أزهر النور وأثر النور من حول ظلّي ينبت من الدروب اللي خطاويك فيها والله إن ذا جبينك وإن ذي عيون خلّي وإن ذي الطلّه اللي من زمان أحتريها من تهادت له الغيمه .. ولا قال هلّي ! من تدانت له الدنيا .. ولا قال أبيها ! يشفي الحضن يا ريحانة الروح غِلّي روحي المُنهكه تحتاج حضن أحضنيها يا شعور السكينه في صلاة المصلّي يا طمأنينة الأنفس .. وما تحتويها يا أعذب من البراءه وأطهر من التسلّي صدفةٍ جابتك .. ودّي أقبّل يديها كيف أخليك ؟ وأنت وهبة المعطي اللي لا عطى ما يهمّه حَمد من يقتنيها لو لمحتي عيوني يوم أرحب وأهلّي ماقويتي على ليله .. تغيبين فيها ! لا تغيبين .. لو عني تغيبين من لي ؟ من فقد ضحكتك معذور لو يشتهيها لو تولّي السنين ؟ مْحبتك ما تولّي لين مالله يِرثّ الأرض واللي عليها " - سعود مهدي

" الصمت ستر الشعور إلا على المنتبه " - سلطان بن عباس

اللهم صلِّ وسلم على نبينا محمد وعلى آله وصحبه اجمعين، ومن تبعهم بإحسانٍ إلى يوم الدين

المسا مولد قصيد وضريح الامنيات ‏شره لـ جفني وخيره على من نامته ‏يبتدي مع غيبة الشمس صوت الذكريات ‏ولا استريح الّا بـ أذان الفجر واقامته ‏رحلةً تشبه حياتي معاناة وشتات ‏تفرح المبغض لـ قلبي وتضحك شامته ‏يا رفيقي كل ماصرت مهزوز الثبات ‏لاتعرّض سدك اهل الصدور الصامته ‏ليه ماتستر همومك تحت بشت السكات ‏والسكات اثمن من الهرج واجود خامته ‏شوف من باعو مباديهّم لـ أجل الغناة ‏فيهم اللي حط ماله فدى كرامته ؟ ‏من يدور في يدين العرب طوق النجاة ‏تزدريه اهل الكرامه وترخص هامته ‏الرجل لا صار قلبه رهين المغريات ‏ينتهي مجده ويستسلم لـ هدامته ‏ولاتصدق كل ما جا على السنة الرواة ‏عادي التاريخ يرفع قدر ظلّامته ‏عيب تشكي لـ المخاليق عن ظلم الحياة ‏كل قلبً لو تفتشه بقعا ضامته ‏يارفيقي كل ماضاقت الاربع جهات ‏ناصحك يمسح دموعة بـ شق عمامته ‏واتذكر من عشقته خيال وصار ذات ‏فارعً مطغيه بين البني وسامته ‏من عشق شيخة ملامح وفردية صفات ‏لا سلم من بحرها ما سلم دوامته ‏فوق جيد الفارع الغض سبع معلقات ‏اربع لـ وصف العيون وثلاث لـ شامته ‏ومن مناحل ثغرها لـ القطوف الدانيات ‏واديً حرّم لـ غيري وروحي هامته ‏قلت له من يوم ماغبت ماذقت السبات ‏قال لي مامر ليلً عيوني قامته - فالح بن غشام

‏غطرف المزن وبروقه من الغرب لاحت ‏في صحاصيح جو من المزابير غايم ‏يا ربيب القلوب اللي من الغيض ناحت ‏ويا نديم الكلام اللي على البال دايم ‏خسّرتني عيونك راحتي .. واستراحت ‏عن حماه القديم مْنفّره كل رايم ‏علقتني ولا ادري بعدها وين راحت ‏غيبةٍ مثل هذي ما وراها غنايم ‏تو ما الصدر ضاق وتو ما الكبد فاحت ‏وتو ما ذقت يا قلبي أمر الهزايم ‏جيت ابصد عنها وسبقتني وطاحت ‏طاحت الدمعه اللي فرحت كل لايم ‏ليتها ما استبدت بالجفا واستباحت ‏لين صرت أتوقّى من رقيق النسايم ‏كن غلاها حصاة رزاح ما يوم زاحت ‏عن طريقي وانا كبدي بها المر زايم - حمد العيباني

السماء منّي وأنا منها وهذي القاع قاعي ‏وين ما حطّت رحالك في بلد بـ أجيك غيمة - صالح حمد

احد قصايد مدغم اللي عيارها 21 من سبايك الذهب

‏الله لا يكشف خوافيك يا الصدر الكتوم ‏إلّا في برّ القريبين وإفشاء السلام ‏ودّي إنّي فـ المجره وأسولف لـ النجوم ‏لا أتكلّم مع هل الأرض ولَا أسمع كلام ‏لكن أنماط التقاليد وأعراف السلوم ‏خلّت الدنيا نظامٍ يطوّر له نظام ‏تحجم مْن مخالط الناس ويصيبك وجوم ‏لين تفرضهم عليك الثقه والإحترام ‏لا متى ووجيهنا السمر تلفحها السموم ‏لا متى وقلوبنا البيض يسكنها الظلام ‏نْتقابل بـ الصدف ونتسالم بـ الخشوم ‏والقلوب مْن التنافر على حدّ الحسام ‏والفتى لا أقفى به العمر مكفي ومخدوم ‏عدّه الفنجال الأوّل ونطّحه الملام ‏والشقا لولا الشقا سادوا العالم عموم ‏والذي ما نبت له ريش يطلع له سنام ‏والظفر قتّال والذلّ ما عزّ الرخوم ‏والبخل ما أغنى هله والكرم فقر الكرام ‏شقّ لْـ خطاك إتّجاهات ولْـ وجهك يموم ‏لا تجي مثل المصلّي ورى ظهر الإمام ‏وإن تماكنك اللزوم فْـ تقدّم فـ اللزوم ‏وإبذل أقصى ما بـ وسعك وعدّاك الملام ‏ربّ شيٍّ تفعله في حياتك ذات يوم ‏يختصر لك ما تسوّيه في عشرين عام ‏ما يعيب الرجل لا طاح وأزرى لا يقوم ‏دام نفسه ترقب المجد غايات ومرام ‏الفشل ما هو بـ لا خانت قْواك العزوم ‏الفشل لا طاح قدرك من عْيون الحشام ‏والقصيد اللّي من الصدق والروح مْعدوم ‏يْتبخّر فـ الهوى كنّه المال الحرام ‏والتمادي فـ الجهل يجعل الأخوين قوم ‏والرجوع لْـ منطقّ الحقّ خطوه لـ الأمام ‏والغضب يرهن مصيرك على بحرٍ يعوم ‏وأنت في ظلٍّ مْن الله وفي خير وسلام ‏إعف عند المقدره فـ الكثير مْن العلوم ‏شرّ ما عوّدت نفسك عليه الإنتقام ‏الحسد والخبث والجبن والنفس الحدوم ‏فـ الأنام وهي فـ الأساس ما هي فـ الأنام ‏ورفقة الأنذال بعها على أوّل من يسوم ‏وإعتزلهم لا يزورونك ألّا فـ المنام ‏وغير ربعك لو تعرف أمّة مْحمّد عموم ‏فـ أنت من غصن شْجره لا خوال ولَا عمام ‏إنتصب قدّام حسّادك بْـ بيض الهدوم ‏لو ما عندك لـ أهل بيتك شراب وْلَا طعام ‏عش بْـ لا ياس وتشاؤم لو تعيش مْحروم ‏من زرع حسن البدايه جنى مسك الختام ‏دام ما أنت بْـ دايم فْـ خلّ نبّاتك تدوم ‏لا تمرّ ظْهور الأيّام مرور الكرام ‏وإعرف إن تحقيق الأهداف وإدراك الحلوم ‏بـ الكثير مْن العمل والقليل مْن الكلام - مدغم أبو شيبه

أحبك ومحبتي في شكل عام وشكل خاص محبةٍ للعمر — ماهي للترفهْ والدجل عهدٍ علي والعهد ماينقض لو فـ حكم القصاص لا أصون حبك ، لين مايبقى على الدنيا " رجل " - حمد ابن الذيب

كل نسمة ساقها الرحمن من مربى جدودك ‏ما تنفست بـ هواها العذب من غير أتطيّب - عبدالله السراهيد

‏لو إنّ القلوب الخضر تاتي على المشهاه ‏نذر ما لحقني قل صحه ولا منقود ‏تشوف السعاده ترهم الوجه ومحياه ‏مثل ما ارهمت نجد العذيه على ابن سعود ‏ولا عاد تسمع بيت مترمزٍ معناه ‏تفاصيله بحاجه للجنه وخمس شهود ‏يمرك عذوبٍ رغم سبكه وقو بناه ‏إلى أوحيته تحسبه تقاسيم نوتة عود ‏لعمْرِي وانا عمري ما عدت احسبه وادراه ‏على اخير عهدي قبل اضيّعه عقد وزود ‏يوم البيت ما يركب على لحن من غنّاه ‏ما غير اردف ( من البارحه ) فـ ( الليال السود ) ‏واتل العبيّه واشلع الصوت بالتوداه ‏وانا وقتها لاني بفارس ولا أقني ذود ‏لكن فطرة الإنسان ما دسها مرباه ‏تبيّن قبل يشتد له فالليالي عود ‏اعرف الكريم محرّم المال عن مخباه ‏من النبره ان شاف الطراقي عليه وفود ‏واعرف الردي من نظرته خل عاد حكاه ‏تقول انه مهرب وانا ضابط أمن حدود - علي العساف

لمّني مثل الحرير وفكْ قيدي ‏فكة الفجر الضحوك من الغداري - مساعد الرشيدي

‏لو بشتكي ما سرّت القلب شكواي شكوى لـ غير الله يا فهيد ضايعة - خالد بن مدعث