XDP Farg'ona

#OAVda_biz 🟣O'zXDP Marg‘ilon shahar kengashi tashabbusi bilan “Bir kasb — bir imkoniyat” shiori ostida o'tkazilgan mehnat yarmarkasi "Farg'ona" televideniyasi orqali efirga uzatildi. 🌐Telegram | Facebook | Instagram

#OAVda_biz 🟣O'zXDP Quva tuman kengashi tashabbusi bilan o'tkazilgan “Yangi O‘zbekistonning matonatli ayollari” mavzusidagi davra suhbati "Farg'ona" televideniyasi orqali efirga uzatildi 🌐Telegram | Facebook | Instagram

🟣O‘zXDP Buvayda tumani kengashi tashabbusi bilan tumandagi 13-sonli umumiy o‘rta ta’lim maktabida “Dehqonobod” MFY aholisi o‘rtasida “Sog‘lom jamiyat — kuchli davlat” shiori ostida ommaviy bepul tibbiy ko‘rik tashkil etildi. Tibbiy ko‘rik davomida fuqarolar malakali shifokorlar tomonidan ko‘rikdan o‘tkazilib, ularga salomatligini asrash, kasalliklarning oldini olish va sog‘lom turmush tarziga rioya qilish bo‘yicha zarur tavsiyalar berildi hamda bepul dori-darmonlar tarqatildi. Aholi salomatligini mustahkamlashga qaratilgan bunday ezgu tashabbuslar inson manfaatlari va xalq farovonligini ta’minlashda muhim ahamiyat kasb etadi. 🌐Telegram | Facebook | Instagram

#no_comment

🟣O‘zbekiston Xalq demokratik partiyasi Marg‘ilon shahar kengashi tashabbusi bilan shahardagi Raqamli texnologiyalar markazida yoshlar va ishsiz fuqarolarni ish bilan ta’minlash, ularning bandligini oshirish hamda kasbiy yo‘naltirishni kuchaytirishga qaratilgan “Bir kasb — bir imkoniyat” mehnat yarmarkasi tashkil etildi. Tadbirning asosiy maqsadi ish izlayotgan yoshlar va fuqarolarni mavjud bo‘sh ish o‘rinlari bilan tanishtirish, ularning qiziqishi va qobiliyatiga mos kasb yo‘nalishlarini aniqlash, zamonaviy kasblarni egallashga yo‘naltirish hamda bandligini ta’minlash uchun amaliy ko‘mak ko‘rsatishdan iborat bo‘ldi. Yarmarka davomida ishtirokchilarga turli sohalardagi bo‘sh ish o‘rinlari, kasb-hunar o‘rganish imkoniyatlari, zamonaviy IT yo‘nalishlari va mehnat bozorida talab yuqori bo‘lgan kasblar haqida ma’lumotlar berildi. Ish izlayotgan fuqarolar ish beruvchilar bilan bevosita muloqot qilib, o‘zlarini qiziqtirgan lavozimlar va ish shartlari bo‘yicha zarur ma’lumotlarga ega bo‘ldilar. Shuningdek, yoshlarning kelajakdagi kasbiy faoliyatini to‘g‘ri belgilashi, zamonaviy mehnat bozorida raqobatbardosh mutaxassis bo‘lib yetishishi va yangi kasblarni o‘zlashtirishi muhimligi alohida ta’kidlandi. O‘zXDP Marg‘ilon shahar kengashi tomonidan bunday loyihalar orqali yoshlar va ishsiz fuqarolarning bandligini ta’minlash, ularni zamonaviy kasblarga yo‘naltirish va munosib mehnat sharoitlariga ega bo‘lishiga ko‘maklashish ishlari izchil davom ettiriladi. 🌐Telegram | Facebook | Instagram

🟣O‘zbekiston Xalq demokratik partiyasi Quva tuman kengashi tomonidan tumandagi 1-sonli texnikumda “Yangi O‘zbekistonning matonatli ayollari” mavzusida xotin-qizlar ishtirokida davra suhbati tashkil etildi. Tadbirda  O‘zbekiston Respublikasida xizmat ko‘rsatgan qishloq xo‘jaligi xodimi, O‘zXDP Quva tumani kengashi raisi M.Sayfutdinovna, Quva tumani hokimi o‘rinbosari M.Xolmatova, O‘zXDP Farg‘ona viloyat kengashi bo‘lim boshlig‘i Sh.Qosimov hamda faol xotin-qizlar va yoshlar ishtirok etdi. Davra suhbatida bugungi kunda mamlakatimizda xotin-qizlarning jamiyat va davlat hayotidagi o‘rnini yanada mustahkamlash, ularning huquq va manfaatlarini himoya qilish, bandligini ta’minlash, tadbirkorlik va ijtimoiy-siyosiy faolligini oshirish borasida amalga oshirilayotgan ishlar haqida fikr almashildi. Tadbir davomida yurtimiz taraqqiyotiga o‘zining munosib hissasini qo‘shib kelayotgan, turli sohalarda fidokorona mehnat qilayotgan matonatli va tashabbuskor ayollarning hayotiy tajribasi alohida e’tirof etildi. Ayniqsa, ayolning oiladagi o‘rni bilan bir qatorda, uning jamiyat hayotidagi faol ishtiroki, davlat va jamoat boshqaruvida o‘z ovozi va pozitsiyasiga ega bo‘lishi muhim ekani ta’kidlandi. Suhbat jarayonida xotin-qizlarni qo‘llab-quvvatlash, ularning muammolarini o‘rganish va amaliy yechim topish, yosh qizlarni kasb-hunarga yo‘naltirish, zamonaviy bilim va ko‘nikmalarini oshirish masalalariga ham alohida e’tibor qaratildi. Shuningdek, ishtirokchilar tomonidan xotin-qizlarning jamiyatdagi faolligini yanada oshirish, ularning tashabbuslarini qo‘llab-quvvatlash hamda yosh avlodni vatanparvarlik, mehnatsevarlik va ma’naviy qadriyatlarga hurmat ruhida tarbiyalash yuzasidan taklif va fikrlar bildirildi. Davra suhbati samimiy va ochiq muloqot ruhida o‘tdi. Tadbir yakunida ishtirokchilar o‘zlarini qiziqtirgan savollar bilan murojaat qilib, mutaxassis va mehmonlardan tegishli javob hamda tavsiyalar oldilar. Bunday uchrashuvlar xotin-qizlarning ijtimoiy-siyosiy faolligini oshirish, ularning jamiyatdagi mavqeini mustahkamlash hamda hayotiy tajribaga ega ayollar bilan yosh avlod o‘rtasida o‘zaro tajriba almashinuvini yo‘lga qo‘yishda muhim ahamiyat kasb etadi. 🌐Telegram | Facebook | Instagram