ابوذيات ، دارميات ، ترندات ، منوعات

نشدت الناس عنك...وانت هينه وعلى فركاك تلفنه...وأنتهينه الكلب أنت تعذبه...وانت هينه ويظل اسمك وغالي عليه

تعال وشوف حبك...موتلفني واذاأقبل بهجرك...موت لفني قبل من جنت ابرد...موتلفني دلفني شبيك اني اكبر خطيه

‏ليالي شلون حلوه علي...مرت لجن هسه بعكس للريج...مرت العمر يكضي بذاك الوكت...مرت ولاصد تصد شمات ليه

يبو شامه الحدر نهده...ونسوه زلمنه تروحلك فدوا...ونسوه عيونك تسوه ديرتنه...ونسوه تحبني وما تذب غيضك عليه

تذم بيه وأنا بمكفاك...ماطار ذجرك وأنته فوكي اسهام...ماطار بعملتك سولفت للطير...ماطار بجه الطير بعلمتك هاي بية

ألكاع الشالت اجدامك...يزتها مزار وكل قيم لجلك...يزتها أمن اموت جنازتي محد...يزتها لما تحضر تشك زيجك عليه

خفیت اجروح كلبي...وانت داري شكثر داریت كلبك...وانت داري تكلي ارحل لدارك...وانت داري شحلات العمر لو نبقه سويه

عمت عين الزمان شلون...ذبنه مثل قطعه ثلج بل ماي...ذبنه ياسايق لو رحت لنجف...ذبنه نشوف احبابنه ونرجع سويه

مكطره هموهي هم يمشي...ورا هم شوكت ياروحي اشوفتهم...وراهم صحت بصوت يالحادي...وراهم اخذني واليصير يصير بيه

الدمع من سال لجلك...سال فتنه جبيره وناس بالشر...سالفتنه عساها ابخت من طش...سالفتنه وخبث كل ولد عمك عليه

صورهم من مشو بالعين..تعرض وعراضه بروحي كل مصباح..تعرض جروح الكلب كلما بطو...تعرض ومثل شك الشراع اجروح بيه

الچنت نازله بس...قال تعالى رحت من يمه بس...قال تعالى الكضاها. وياي بس...قال تعالى طلع بايت بيت الكاوليه

لنا بلهيم رحله...ونهايه وتون محد يكلك...ونهايه قصت حبنه حلوه...ونهايه خنتني ويل منع جيتك عليه

وحـــگ مــن تــندب شــفاها...بـخلها ادور روحـي مــو بـــيدي...بـخلها كــريم الله الــسبب شــنهي...بــخلها جـــيتك وكــتبت گــطعان بــيه

يريت اكليبي مامطيك...مطريت ضهري والحچي بطاريك...مطريت مثل هذه المطر يفلان...مطرت الدنيه ورعدت من اطيت بيه

حزينه الروح بغيابك...شعرنه وقصايد بيك يمدلل...شعرنه الشعر لوشاب ما نصبغ...شعرنه الشباب يعود من ترجع اليه

خذوه وكتله ترجع كال...لاله الخذاه لاراحه اله للبال...لاله اكضي الليل شايل خلك...لاله اضويله وحريج النار بيه

طعني بسيف وبضلمه...طلاسيم زماني وساوم الغدري...طلاسيم محیر یا فكر كلبي...طلاسيم بحلك كنف سحر محطوط اليه

احس بالروح تطحن...راحة أمي لان دنياي سلبت...راحة أمي تدري بيوم كالو...راحة أمي احس گاع وسمه أنطبكن علية

مر اصفن عليكم...مره سايل مره الدمع ناشف...مره سايل مره احتار شكتب...منرسايل مره انتظر ساعات المنيه