Azimjon Zukhurov | Rasmiy blog

📌 Муҳим янгилик: Норматив-ҳуқуқий ҳужжатлар тури 8 тага етди! 2026 йил 14 август кунги “Ўзбекистон Республикаси Президенти Администрацияси тўғрисида”ги конституциявий қонун билан қонунчилигимизда жиддий ўзгариш юз берди. 🔹 Нима ўзгарди? Янги ҳужжат тури қўшилди: “Норматив-ҳуқуқий ҳужжатлар тўғрисида”ги қонуннинг 6-моддасига киритилган тўлдиришга кўра, Ўзбекистон Республикаси Президенти Администрацияси Раҳбарининг фармойишлари расман норматив-ҳуқуқий ҳужжатлар қаторига қўшилди. Норматив-ҳуқуқий ҳужжатлар иерархиясидаги ўрни: Эндиликда Администрация Раҳбарининг фармойишлари нормативй-ҳуқуқий ҳужжатлар иерархиясида Президент фармонлари ва қарорларидан қуйида, Вазирлар Маҳкамасининг қарорларидан юқорида жойлашди. 💡 Эслатма: Илгари “Норматив-ҳуқуқий ҳужжатлар тўғрисида”ги қонунда 7 та турдаги норматив-ҳуқуқий ҳужжатлар назарда тутилган эди. Юқоридаги конституциявий қонун билан уларнинг сони 8 тага етди. 👉🏻 @yurist_zukhurov

Imtihon natijalari (mandat) ertaga, 15-avgust — shanba kuni soat 08:00 da e’lon qilinadi. Buni tekshirish maqsadida tegishli mas’ullar bilan bog’landim, ular ushbu ma’lumotni tasdiqlashdi. 👉 @xushnudbek 👈

Дунёда энг ёмон кўрган одамингизни нима деб қарғашингизни айтайми? Илоҳим, ишинг кадастрга тушсин, деб қарғанг! Бу энди шунақанги ташкилотки, шу даргоҳдан Одам Атонинг бирорта зурриёди табассум билан чиқиб кетаётганини ҳали кўрганим йўқ! Бор-йўғи “кадастр паспорти” олишим керак. Янги эмас, бир неча йиллик уй! – Онлайн ариза берасиз, – деди. – Ариза бердим, бир ҳафта бўлди, – дедим. – Икки ҳафтада кўрамиз, – деди. – Қўлларингда ҳамма ҳужжат турибди. Шаҳарнинг ярми келиб, “кадастр паспорт” олмаётгандир! Наҳотки, шу бир варақ қоғозни 2 ҳафта тайёрласанглар! – Ока, қоидаси шундай! Ҳали тўлов қиласиз, кейинг 3 иш кунида тайёр бўлади. 3 иш куни икки ҳафтадан ташқари экан. Ёнимдаги киши маслаҳат берди: – Ока, ишим битсин десангиз, булар билан тортишманг! Ўчакишсангиз, йўқ жойидан битта муаммо топиб беради, кейин ўзингиз билан ўзингиз гаплашиб юрасиз, – деди. Мана, икки ҳафта ўтиб, учинчи ҳафтага йўл олдик. Ҳар куни тонг отиши билан my.gov.uz...га умидвор қарайман: “жараёнда”! Энди бу “жараён” қачон тугаса!.. Алишер Назар, Фейсбукдан 👉🏻 @yurist_zukhurov

Bir kuni masjid eshigi oldida bir eshak o'lib qoldi. Masjid imomi tozalikni muhofaza qiluvchi tashkilotlarga xabar bersin, deya hokimiyatdagilarga borib, ushbu xabarni yetkazdi. Shunda hokim imomni mazahlamoqchi bo'lib: - "O'liklarni yuvib-tozalash ishlari bilan siz imomlar shug'ullansangiz kerak", debdi. Imom esa: - "To'g'ri, lekin yuvib dafn etishdan oldin mayyitning ahliga xabar berib qo'yamizda", deb javob qildi. @yurist_zukhurov

Hayotingizdagi tartibni nimadan boshlash kerak? Menimcha, javob juda oddiy: namozdan. Uyquni tartibga solish, ishlarni yo‘lga qo‘yish, vaqtni boshqarish, ilm olish, sport bilan shug‘ullanish, pul topish — bularning barchasini tartibga solishga harakat qilamiz. Lekin eng muhim narsani tartibga keltirmasak, qolganlarining tartibi uzoqqa bormasligi mumkin. Namozni hayotingizning markaziga qo‘ying. Har bir ishingizni namozlar orasiga joylashtiring. Namozni ishlaringizga moslashtirmang — ishlaringizni namozga moslashtiring. Chunki namozini tartibga keltirgan insonning hayotiga ham tartib kiradi. Muvaffaqiyatning eng katta sirlaridan biri esa — davomiylik. Oz bo‘lsa ham, davomiy bo‘lsin. 📚 Ilmda — oz bo‘lsa ham, har kuni. 🕌 Namozda — oz bo‘lsa ham, mustahkam. 🤲 Yaxshilikda — oz bo‘lsa ham, davomli. 💰 Sadaqada — oz bo‘lsa ham, muntazam. 🏃‍♂️ Sportda — oz bo‘lsa ham, tashlab qo‘ymasdan. 💼 Mehnatda — oz bo‘lsa ham, har kuni. 💰 Boylikda — oz-ozdan bo‘lsa ham, tartibli. Katta natijalarni ko‘pincha katta harakatlar emas, kichik, ammo davomiy harakatlar beradi. Va yana bir muhim narsa: Insonlar bilan munosabatlaringizni yaxshilashning eng katta yo‘llaridan biri — Alloh bilan orangizdagi munosabatni isloh qilishdir. Alloh bilan munosabat joyiga tushsa, ko‘p narsalar o‘z-o‘zidan joyiga tusha boshlaydi. Shuning uchun hayotingizni birdaniga o‘zgartirishga urinmang. Avval namozingizni tartibga soling. Keyin kuningizni tartibga soling. Keyin odatlaringizni. Keyin hayotingizni. Ba’zan insonning butun hayotini o‘zgartirish uchun unga juda ko‘p narsa emas, bitta narsani to‘g‘ri joyiga qo‘yish kifoya qiladi. U narsa — namoz. 🕌 Abdulaziz Muhammad

#sizuchun 🔵 BEPUL ONLAYN VEBINAR «Islom moliyasiga kirish: O'zbekistonda Islom banklari» Tadbirkormisiz | Talabamisiz Islom moliyasiga qiziqasizmi? • Biznesingizni Shariat me'yorlariga mos rivojlantirishni o'ylab ko'rganmisiz? • Yoki oddiygina Islom moliyasi qanday ishlashini bilishni xohlaysizmi? 🎙 Spiker: Husan Hasanov — Islom Taraqqiyoti bankining O'zbekistondagi vakili Amanah Consultings Group asoschisi va rahbari Vebinarda: ✓ Islom banki tushunchasi va uning oddiy bankdan farqi ✓ Islom moliyasi bo'yicha boshlang'ich bilimlar ✓ O'zbekistonda Islom banklari yo'nalishida qanday jarayonlar bormoqda ✓ Tadbirkor uchun bu nimani anglatishi ✓ Jonli savol-javob 📅 Sana: 22-avgust, shanba 🕒 Vaqt: 19:00 (Toshkent vaqti) 📱 Format: shu kanalda jonli efir (Video Chat) 🔔 Kanalga obuna bo'ling va eslatma qo'ying — efir aynan shu yerda boshlanadi! 📌@amanahconsultings Telegram | Instagram | Vebsayt | Youtube | Linkedin

Солиқ қўмитаси чекларни соддалаштирилган шаклда кўриш имкониятини яратди Энди QR-кодни смартфон камераси орқали сканерлаб, электрон чекни очиш, ҳар бир товар нархи ва чекнинг умумий суммасини кўриш мумкин. Бу ҳисоб-китобларни тўғри текшириш учун қулай усул. Чунки суммани қўлда қайта ҳисоблаганда чегирмалар ва якуний суммага таъсир қилувчи бошқа параметрлар инобатга олинмай қолиши мумкин. Шунинг учун Солиқ қўмитаси харидлар бўйича ҳисоб-китобларни расмий электрон хизматлар орқали текширишни тавсия этмоқда. — Солиқ қўмитаси хабарида. 👉🏻 @yurist_zukhurov

#mulohaza Olimlardan biri Nobel mukofotini qo'lga kiritgach, jurnalistlar unga savol berishibdi: - Dunyoda ming-minglab olimlar bor. Bu mukofotni aynan siz olishingizning sababi nimada? Olim javob beribdi: - Bunda onamning xizmatlari katta. Har kuni maktabdan qaytgan bolalarga onalari "O'qituvching sendan nimani so'radi?" deyishardi. Mening onam esa "Sen o'qituvchingga qanday savollar berding?" der edilar. 👉🏻 @yurist_zukhurov

Отанинг исмини болага фамилия қилиб бериш мумкин бўлади Ўзбекистонда оталар ўз исмини фарзандига фамилия сифатида беришига рухсат этилади. Тегишли қонун бугун, 8 август куни Сенатда маъқулланди. Амалдаги тартибга кўра, бола ўз отаси ёки онаси билан фамилиядош бўлади ёки унга бобосининг исми фамилия қилиб берилади. Янги қонун кучга кирса, отанинг исми ҳам болага фамилия қилиб берилиши мумкин бўлади. ➖@Yurist_Zukhurov

Суд орқали шартнома тузишга мажбур қилиниши мумкин! Аукционда ер участкасини ютиб олиб, бошланғич тўловни тўлаган бўлсангиз-у, тегишли ташкилот қолган тўловларни бўлиб-бўлиб тўлаш шартномасини тузишни рад этса нима қилиш керак? Суд орқали ташкилотни шартнома тузишга мажбур қилиш мумкин! Иқтисодий суднинг ушбу иш бўйича ҳал қилув қарори бунга яққол мисолдир. Даъвогар (МЧЖ) электрон-онлайн аукционда кўп қаватли турар-жой биноси қуриш учун ер участкаларига бўлган ҳуқуқни ютиб олган ва тегишли баённомалар расмийлаштирилган. МЧЖ томонидан закалат тўланиб, ҳокимлик билан ижара шартномаси тузилган ҳамда ерда 5 қаватли уй қурилиши тўлиқ битказилган. Бироқ, аукционда сотиб олинган ер участкасининг қолган қийматини бўлиб-бўлиб тўлаш бўйича шартнома тузиш сўралганда, жавобгар ташкилот буни рад этган. Шундан сўнг МЧЖ судга мурожаат қилиб, жавобгарни бўлиб-бўлиб тўлаш шартномасини тузишга мажбур қилишни сўраган. Аукцион баённомаси расмийлаштирилгандан сўнг, қонунчиликка кўра шартнома тузиши мажбурий бўлган тараф ундан бош тортса, иккинчи тараф суд орқали шартнома тузишга мажбур қилиш талабини қўйишга ҳақли. Мазкур ҳолатда МЧЖ томонидан бошланғич тўловлар тўланган ва ажратилган ерда бино қурилиши тўлиқ якунланган. Суд даъвогар МЧЖнинг даъво талаби тўлиқ қаноатлантирган. Жавобгар ташкилотга аукцион баённомаларига асосан сотиб олинган ер участкалари қийматини бўлиб-бўлиб тўлаш бўйича олди-сотди шартномасини тузиш мажбурияти юклаган. Агар аукцион ғолиби бўлсангиз ва барча шартларни бажарган бўлсангиз, мутасадди идораларнинг шартнома тузишни сабабсиз рад этиши ғайриқонунийдир. Қонунчилик бундай ҳолатда тадбиркорнинг ҳуқуқларини суд орқали тўлиқ ҳимоя қилишни кафолатлайди. Агар сизда ҳам шу каби муаммолар юзага келган бўлса @Yuristlik га ҳозироқ мурожаат қилинг. Каналга уланиш: ➖@Yurist_Zukhurov

ЭЪЛОН ✅ Жорий йилнинг 8 август (шанба) куни Олий суд раиси ва ўринбосарлари, Судьялар олий кенгаши раиси ва ўринбосари, Тошкент шаҳар ва Тошкент вилояти судлари раислари, ўринбосарлари томонидан Тошкент шаҳри ва Тошкент вилояти аҳолиси (жисмоний ва юридик шахслар, шунингдек уларнинг қонуний вакиллари) учун процессуал хусусиятга эга мурожаатларни қабул қилиш бўйича сайёр қабул ўтказилади. Сайёр қабул давомида суд ҳужжатлари устидан келтирилган процессуал шикоятлар ҳамда суд органлари ваколатига тааллуқли бошқа масалалар юзасидан мурожаатлар қабул қилинади. 📌 Рўйхатдан ўтиш соат 9.00да, қабул соат 10:00да бошланади. 📍 Манзил: Тошкент шаҳри, Юнусобод тумани, Амир темур шоҳ кўчаси, 107 уй, "Ўзэкспомарказ" МКК 🔂Қабулга келувчи шахслардан шахсини тасдиқловчи ҳужжат (паспорт ёки ID-карта), вакиллардан эса ваколатини тасдиқловчи тегишли ҳужжат, шунингдек мурожаат мазмунига оид суд ҳужжатлари ҳамда бошқа тегишли материалларни ўзлари билан олиб келишлари сўралади. 🔂Мурожаатлар қабул қилиш ва кўриб чиқиш амалдаги қонунчилик талаблари ҳамда белгиланган тартиб асосида амалга оширилади. ☎️Қўшимча маълумот учун телефон: 71 207-97-37. (с)Тошкент шаҳар суди

Meni kim deb o’ylayapsizlar, hurmatli va oliyjanob mashenniklar? Shuni bosadi deb o’ylayapsizlarmi? Kim yuborgan bo’lsa ham, chuchvarani xom sanabsiz 😂 ➖@Yurist_Zukhurov

❗️ Эндиликда банклар ва микромолия ташкилотлари ўз фаолиятини исломий банк фаолиятига ўзгартириши мумкин!   Адлия вазирлиги Микромолия ташкилоти ва банк фаолиятини ўзгартириш тартиби тўғрисидаги низомга ўзгартириш ва қўшимчаларни давлат рўйхатидан ўтказди (рўйхат рақами 3656-1, 01.08.2026 й.).   ✅ Мазкур идоравий ҳужжат "Ўзбекистон Республикасининг айрим қонун ҳужжатларига Ўзбекистонда исломий банк фаолиятини жорий этишга қаратилган қўшимча ва ўзгартиришлар киритиш тўғрисида" 2026 йил 27 мартдаги ЎРҚ–1126-сон Қонунга мувофиқ айрим кредит ташкилотлари фаолиятини ўзгартиришнинг қуйидаги тартиб-таомилларини белгилайди.   ➖  микромолия ташкилотини фақат исломий банк фаолиятини амалга оширувчи микромолия банкига ўзгартириш; ➖ фақат исломий банк фаолиятини амалга оширувчи микромолия банкини фақат исломий банк фаолиятини амалга оширувчи банкка ўзгартириш;   ➖ фақат исломий банк фаолиятини амалга оширувчи банкни фақат исломий банк фаолиятини амалга оширувчи микромолия банкига ўзгартириш;   ➖ фақат исломий банк фаолиятини амалга оширувчи микромолия банкини микромолия ташкилотига ўзгартириш;   ➖ банкни фақат исломий банк фаолиятини амалга оширувчи банкка ўзгартириш.   Шунингдек, ўз фаолиятини фақат исломий банк фаолиятини амалга оширувчи банкка ўзгартиришга фақат исломий банк фаолиятини амалга оширувчи микромолия банки ҳақли.   📖 Микромолия банкини давлат рўйхатидан ўтказиш ва банк фаолиятига доир тегишли лицензия (лицензиялар) олиш учун ногиронлиги бўлган шахслар учун микромолия банки биноларида шаҳарсозлик нормалари ва қоидаларида белгиланган талабларга мувофиқ қулай шарт-шароитлар яратилганлиги бўйича Қурилиш ва уй-жой коммунал хўжалиги соҳасида назорат қилиш инспекциясининг хулосаси мавжуд бўлиши керак. Каналга уланиш: 👉🏻 @yurist_zukhurov

✅ СУДЛАР ВА АДВОКАТЛАР ўртасида ИШОНЧ КЎПРИГИ мустаҳкамланди! ✅ Барча вилоят судларида мурожаатлар билан ишлаш самарадорлигини янада ошириш ҳамда суд ишларини ташкил этиш билан боғлиқ муаммо ва тушунмовчиликларнинг олдини олишни йўлга қўйиш мақсадида Telegram-гуруҳлар фаолияти йўлга қўйилди. 👇 Қуйидаги хаволалар орқали аъзо бўлиш мумкин: Қорақалпоғистон Республикаси судлари Андижон вилояти судлари Бухоро вилояти судлари Жиззах вилояти судлари Қашқадарё вилояти судлари Навоий вилояти судлари Наманган вилояти судлари Самарқанд вилояти судлари Сирдарё вилояти судлари Сурхондарё вилояти судлари Тошкент вилояти судлари Тошкент шаҳар судлари Фарғона вилояти судлари Хоразм вилояти судлари Сайт I Telegram I Facebook I YouTube I Instagram

#fikr Eshakning faxrlanishi uchun asosi bor - uni tez-tez odam bilan tenglashtirib turishadi. ©️sanjarshams 👉@yurist_zukhurov

🤔 Бироздан сўнг суд ва бошқа давлат органларининг тадбиркорликка оид ижро ҳужжатлари билан боғлиқ масалалари юзасидан очиқ мулоқот бошланади. Очиқ мулоқот давомида тадбиркорларни қизиқтираётган долзарб масалалар, ижро ҳужжатларини амалга ошириш жараёнида учраётган муаммолар ҳамда уларнинг ечимлари муҳокама қилинади. 📹 Жонли эфирни томоша қилинг: https://youtube.com/live/Y0qlYVPXZ7M?feature=share 👉@yurist_zukhurov

Қарши даъво киритишда кўпчилик йўл қўядиган 1 та катта хато! Суд жараёнида жавобгар томон ўз ҳуқуқларини ҳимоя қилиш учун қарши даъво (встречный иск) киритиши жуда кенг тарқалган тажриба. Аммо, процессуал қоидаларга аниқ риоя қилинмаса, суд қарши даъвони кўрмасдан қайтариб юборади. Яқинда амалиётимизда учраган суд ажрими мисолида буни тушунтириб бераман. Даъвогар (лизинг компанияси) судга мурожаат қилиб, икки ташкилот ўртасида тузилган шартномани ҳақиқий эмас деб топишни сўраган. Жавобгар эса жавоб тариқасида қарши даъво киритиб, даъвогардан асосий қарздорлик ва юридик хизмат харажатларини ундиришни талаб қилган. Бироқ суд ушбу қарши даъво аризани қайтарди. Сабаби, Ўзбекистон Республикаси Иқтисодий процессуал кодекси (ИПК) талабларига кўра, қарши даъво фақат қуйидаги 3 та ҳолатда қабул қилинади: 1️⃣ Ҳисобга олишга қаратилган бўлса (талаблар бир-бирига ўзаро ёпилса); 2️⃣ Қарши даъвони қаноатлантириш дастлабки даъвони истисно этса (масалан, бири шартномани ҳақиқий эмас деса, иккинчиси уни ижро этишни талаб қилса ва бу бир-бирини рад этса); 3️⃣ Даъволар ўртасида тўғридан-тўғри боғлиқлик бўлса ва уларни бирга кўриш низони тўғри ҳал қилишга ёрдам берса. Мазкур ишда эса Даъвогар шартномани ҳақиқий эмас деб топишни сўраган, жавобгар эса умуман бошқа мазмунда — пул ундиришни талаб қилган. Суд ушбу талаблар ўртасида бевосита процессуал боғлиқлик йўқ деб топди ва қарши даъвони қайтарди. Хулоса шуки, қарши даъво киритиш — шунчаки жавоб бериш эмас, балки аниқ юридик стратегиявий юришдир. Агар процессуал талаблар тўғри ҳисобга олинмаса, вақт йўқотилади, давлат божи ва бошқа юридик харажатлар бўйича муаммолар юзага келиши мумкин ва судда тактик устунлик бой берилади. Мазкур ҳолатда жавобгар томон пулни ундириш бўйича алоҳида мустақил даъво аризаси билан судга мурожаат қилиши лозим эди. Суд жараёнларида хатоликка йўл қўймаслик ва ҳуқуқларингизни профессионал ҳимоя қилиш учун бизга мурожаат қилинг. Ҳуқуқларингизни профессионалларга ишонинг. Ҳозироқ @Yuristlik га мурожаат қилинг. Каналга уланиш: ➖@Yurist_Zukhurov

Тошкент марказида тўртта кўп қаватли уй ноқонуний қурилгани маълум бўлди “New Port” турар жой мажмуаси масъуллари томонидан уйи бузилган ватандошларга компенсация тўланмаётгани ҳолати ўрганиб чиқилди. Прокуратуранинг аниқлашича, одамларнинг уйлари ўзбошимчалик…

Тошкент марказида тўртта кўп қаватли уй ноқонуний қурилгани маълум бўлди “New Port” турар жой мажмуаси масъуллари томонидан уйи бузилган ватандошларга компенсация тўланмаётгани ҳолати ўрганиб чиқилди. Прокуратуранинг аниқлашича, одамларнинг уйлари ўзбошимчалик билан бузиб ташланган ва битта 20 қаватли, иккита 19 қаватли, битта 12 қаватли ва битта 2 қаватли турар-жой бинолари тегишли рухсатномасиз қурилган. Ҳолат бўйича жиноят иши очилди. Эслатиб ўтамиз, ўтган ҳафта Президент администрацияси раҳбари Саида Мирзиёева шаҳар прокурорига бутун пойтахт бўйича қурилишларни инвентаризациядан ўтказишни буюрган эди. 👉 https://kun.uz/kr/36325585 Kun.uz расмий канали