عافر - 3afer

- سيأتي يوم يحمِل فيهِ القدرُ أحلامنا المؤجلة لـِتنهمر على شرفات قُلوبنا بغزارة 🤍✨

النتيجة نزلت ✅كلها هنا طمنونا يارب خير

اللي داخل تالته ثانوي السنادي يبعتلي

لو مش عارف تعزل نفسك عن المجتمع وتحلم وتصحي تكافح تحقق حلمك كده متستناش انك توصل ، لو أحبطت بسبب المجتمع وكلام الناس والاهل يبقي عمرك ما هتنجح ، كل الناس اللي بتضحك علي حلمك وطموحك دلوقتي هما هما نفس الناس اللي هتسقفلك قدام لما تحقق حلمك وهيقولولك احنا كنا متأكدين انك هتنجح وكنا شايفين فيك بطل ، خسرت أي حاجه في حياتك اوعي تيأس لان النجاح ضريبه كامله ولازم تدفعها ، هتحرم نفسك من حجات وهتستحمل ضغوطات كتيره بس كل ده برده علشان تنجح ، خدعوك فقالوا الشغل مش بيقف علي حد ، هو اه مش بيقف علي حد بس نسيوا يعرفوك انه بيتأثر بأشطر شخص وانه بيخسر لو مفهوش حد محترف وانه بيتأثر لو مفهوش شخصيه مبدعه نسيوا يكملولك كل ده ، ارسم الصوره كلها قدام عنيك وابدا كافح ، قلل نوم وكسل وعجز معنوي ، كل واحد فينا مخلوق بنفس المقومات وانت اللي بتختار نهايتك بإيدك سواء بطل لو ضحيه ، لو اخفق حاول تاني وتالت وألف ، اوعي تبطل محاوله بس متبقاش غبي وتحاول بنفس الاسلوب غير الاسلوب لو مشيت في طريق ولقيت اخره سد من الغباء انك تمشي فيه تاني تحت مسمي المحاوله ، كافح النجاح ليه تمن ، سلام ☺️👌

النجاح عقليه نقطه ومن أول السطر ، مهما تكون بتمتلك قدرات ومهارات وعقليتك مش عقليه ناجح استحاله هتنجح ، لو مش قد تمن النجاح مش هتنجح ، النجاح عاوز استمرارية وصبر وإصرار وانك تشتغل علي نفسك في وقت الكل بيترفه فيه ، النجاح علشانه هتحرم نفسك من خروجات وفسح وقعدات اصحاب ، هتتنازل عن حجات كتيره مقابل انك تنجح ، فأنت لو مش عقليه ناجح عمرك ما هتنجح ، النجاح طريق معروف شد حيلك وامشي علي خطي الناجحين بطريقتك وهتوصل ان شاءالله ولو موصلتش يكفيك المجاهده في طريق العلم ، سلام ❤️

https://www.instagram.com/4pixels.agency?igsh=d2d3dHdybW0xaQ%3D%3D&utm_source=qr Support Follow Like Share

https://youtu.be/ZlQ7hhxa_sg?si=z_oSPN3Kc-B6FHwM متستناش تبقى جاهز... ابدأ دلوقتي! 🌱✨ كم مرة قلت لنفسك: "هبدأ لما أبقى جاهز"؟ الحقيقة إن مفيش حد بيبدأ وهو جاهز 100%. كل شخص ناجح كان عنده خوف، وكان بيغلط، وكان بيتعلم مع كل خطوة. لو فضلت مستني الوقت المثالي، ممكن يضيع عمرك كله في الانتظار. ابدأ بالإمكانيات اللي عندك. ابدأ حتى لو بخطوة صغيرة. ابدأ حتى لو محدش بيشجعك. ابدأ حتى لو الطريق طويل. افتكر دايمًا: "مش لازم تكون عظيم علشان تبدأ... لكن لازم تبدأ علشان تبقى عظيم." 💙

السلام عليكم ورحمة الله وبركاته يا جماعه التطبيق ده اسم القرآن مباشر مجانا تحفه بجد حفظ من البيت مجانا مع معلمات مشاء الله عليهم حفظ ومراجعه بالاحكام بجد نزلوا تطبيق جميل جدا في معلمات للبنات وف معلمين للشباب حرفيا جمييييل جزاهم الله عنا خيرا ❤️❤️❤️❤️https://play.google.com/store/apps/details?id=maknoon.student

رساله لاخواتي قبل ما اسيبهم واروح الجيش سنه كامله ، اولا انا كنت مبسوط وفخور بيكم واني بشرحلكم ، حتي لو حجات بسيطه او الظروف مسمحتش اني اقدم علم كويس ، بس نصيحه مني لاخواتي الصغيرين ، بلاش تضيع عمرك في الفاضي وتعيش تايه وتدرك لما تكبر ان مكنش ليك هدف وقيمه ، اشتغل علي نفسك وعافر وصدقني اللي مش هتعمله فترات الدراسه والاجازه مش هتعرف تعمله بعد التخرج وانت كبير ، الحياه بتلهي ، ومتعلقش نجاحك علي حد ، امشي في طريقك حد جه معاك خير محدش جه كمل واختار تكون ناجح وتغير فمن ضمن الحجات اللي بتفضل بعد موتك صدقات جاريه " أو علم ينتفع به " فمتخليش الحياه تلهيك ي صديقي وخد كم بسيط واستمر هتوصل فلو معلومه وحده بصدق كل يوم في السنه هيكون عندك ٣٦٠ معلومه مرسخه في عقلك ، اوعي تضيع دينك تحت اي مسمي او مبدأك وخليك قدوه ، وفي الختام ، استودعكم الله الذي لا تضيع عنده الودائع سلام ❤️

الدنيا هتعصر فيك لحد اخر نفس هتحاول تنجح وهتجتهد وهتخفق وهتحاول تاني وتالت ورابع ، هو موضوع الكنز في الرحله انك كل مره بتحاول فيها ، بتعمل اخطاء المفروض دي دروس تستفاد منها وانت علي الطريق ، علشان الحياه في النهايه هتديك فرصه وتسيبك تنجح ، فأحرق مراكبك وهات اخرك ، ومهما تقع اقف وكمل ، من غير ما تستني حد يسندك ، انت كفيل تسند نفسك بنفسك وتتعلم من تجربتك ، هتوصل وهتبقي قدها بس صدق نفسك وصدق حلمك وده الاهم ❤️

تعبان ومرهق وكان نفسك تطور ومش قادر 🥺 احترم انك انسان مش اله ووارد انك تكون مرهق ، ووارد انك تكون في ظروف صعبه ، ووارد انك تكون مكبوت ووحيد ، كل ده وارد ويمكن معندكش طاقه ولا شغف وحابب ، حاول ترتاح وتسترخي ، وتاخدي الموضوع وحده وحده ، حتي لو معلومه كل يوم ، هي بتبقي صعبه في البدايات بس اوعي تسيب نفسك وافتكر انك لما تبدأ حتي لو غيرك سبقك ممكن تحصله ، انت لايق عليك النجاح فصدقني هتبقي حلو لو ناجح فيالا نحاول مش يمكن المره دي ننجح 🥺

ازيكم يا ابطال البوداكست التاني من بودكاست افهمني واللي بيتكلم عن فتره الامتياز واهم الكتب التمريضيه ، لنك البودكاست : https://youtu.be/WW4bi7jVhwQ?si=Q6vooQ7V4-z8lJSJ

السلام عليكم ي ابطال ، الغرض من سؤالي عن سوره الكهف رساله مهمه جدا ، انك اوعي تكون بتهتم بالعلم الدنيوي علي حساب دينك ، ومش بقولك كده علشان انا صالح لا انا اول المخطئين والمذنبين 💔 بس بذكركم لأن الذكري تنفع المؤمنين ، فلازم الدين يكون رقم واحد وبعده الدنيا والطب والعلم الدنيوي ، طبعا سوره الكهف من السنن المحبه ليوم الجمعه ومعاك من مغرب يوم الخميس لمغرب يوم الجمعه ممكن تقرأها في أي وقت وهي عباره عن اربع قصص بنتعلم من كل قصه مغزي فالقصه الاولي قصه اصحاب الكهف واللي بنتعلم منها انك تنفصل عن البيئه الفاسده حتي لو هتقعد لوحده ، القصه التانيه قصه الخضر وسيدنا موسي وازاي نسعي للعلم ونفهم الاقدار ، وقصه صاحب الجنتين وازاي لما ربنا كرمه اتغر وكفر واخر قصه قصه ذي القرنين وازاي لما ربنا اداه صرف ده لوجه الله ، طبعا الداعيه احمد عامر فسرها في اربع لقاءات حاولوا تسمعوهم بهدوء ١/ المجلس الاول قصه اصحاب الكهف https://youtu.be/Atx8H_b-cbU?si=5Woq6MtrwQ5owi57 ٢/ المجلس التاني قصه صاحب الجنتين https://youtu.be/4HX5U5GRANY?si=Qyg462DdHdAUdk__ ٣/ المجلس التالت قصه موسي والخضر https://youtu.be/Njm4uKwrdnI?si=ld3jEkOFw5ege2rA ٤/ المجلس الرابع قصه ذي القرنين https://youtu.be/L-EuGScpsgg?si=KIQ0dwbMalXR_uZX وربنا يهديني ويهديكم يا ابطال ❤️

السلام عليكم يا ابطال ، اولي حلقات العظمه اللي هتتعمل قبل الجيش ان شاء الله ، انا عملت بوكاست اسمه افهمني بتكلم فيه عن التمريض واول بودكاست عن فتره الدراسه سواء مدرسه او معهد او كليه تمريض وازاي نزاكر صح ونطور من نفسنا وايه العقبات اللي هتقابلنا وازاي نحلها بجد بودكاست هيفيدكم جدا وده لنك الحلقه وبالتوفيق 🤍 : https://youtu.be/4fu-u4v8BNA?si=rSkhgpUHpcTUmkHF ❤️❤️

إنت ذكي وموهوب وشاطر، وقادر تلم الماده ليله الامتحان، بس شوف ذكاءك لو مستغلتوش صح وبجد واستغليت نعمه ربما ممكن يوديك لفين، الفيديو ده بيلخص حياه 90٪ من الاشخاص اللي ربنا مانحهم الذكاء والقدره وهو بيحكم علي نفسه بالعجز 💔

مش عيب انك تبدأ متأخر ، مش عيب انك تقرر دلوقتي تبدأ ، مش عيب تاخد كورس اساسيات ، مش عيب تبدأ من الصفر ، العيب اللي بجد انك تخاف تواجه مشاكلك وانك تفضل عند نقطه الصفر ومتتحركش ، العالم كله بيجتهد والحياه اتملت مهارات فبلاش تكون في وضع السكون ، لانك لو مش منتج فبالتالي انت مستهلك ، حدد هدف فدايما بقولك " التايه عمره ما هيوصل " وخد بالاسباب وحاول ووحده وحده مع الاستمراريه هنوصل نقطه ورا نقطه يتملي البرميل وخطوه ورا خطوه نمشي الف ميل 🤍

ودي شهاده سفراء سلامه المرضي من وزاره الصحه وباعتماد منظمه الصحه العالميه هتخدوها في نهايه المبادره ان شاء الله بشرط الحضور واجتياز امتحان الفاينل بنسبه ٨٠ %

الخبر الكويس ، ان وزاره الصحه فتحت تقديم للدفعه التانيه في مبادره سفراء سلامه المرضي للطلبه والخريجين بالقطاع الطبي ، مبادره كويسه جدا وهي كلها ٦ محاضرات بتتاخد في شهر وليها تكمله وهي مجانيه وليها مميزات كتيره ومعتمده من منظمه الصحه العالميه وفي شهاده في النهايه ، وده لنك تقديم الدفعه التانيه وياريت نكتب الجيميل صح لان كل التعامل عليه ، وده لنك التقديم https://safeer.gapsafety.site