عَبْد الجَليل المدهّب

ان الله وملآئكته يصلون على النبيء يأيها الذين آمنوا صلوا عليه وسلموا تسليماً.

زعما نكتب بوست للطلبة نقوللهم متخشوش طب !

بعيدا عن استخدام ال Ai ف القراية والخدمة اللي المفترض يكون بشكل سليم وقتها حيعطيك نتائج افضل مش الاعتماد عليه بشكل كلي وهذا موضوع ثاني بكل بس تحير فيا فكرة ان هلبا ناس اعتمادهم ع ال Ai واصل لدرجة مسجاتهم وبوستاتهم Ai generated وميضطرش يكتب سطرين او ثلاثه بنفسه ! شيء كارثي لما حتى ال cognitive function تسلم فيها وتعطي لل Ai يكتبلك رد او مسج او ايا كان انت هكي تلغي فال neuronal plasticity وقدرة المخ ع النمو ورفع امكانياتك الذهنية والربط وخلق الافكار والابداع، رغم اني حتى دراسيا ضد الاعتماد عليه بشكل كلي ونشوفه فقط مساعد يعطيك information والتحليل وشكل المعلومة اللي حتزرعها فمخك يكون منك وبتعديلك انت بس مش لدرجة مسجات تخليها يكتبهالك ! انت مش فاهم ان المخ زي العضلة، تمرنها اكثر تنموا اكثر كذلك ال synapses عندك، انت عندك مسار من ال hippocampus لل prefrontal cortex وظيفته يدير memory consolidation ويقوي الافكار بين المعلومات الجديدة والقديمة وينشأ بينها روابط تُحفر بشكل حرفي في مخك اي انه يصنع synapses جديدة واللي هي توضحلنا قدرة المخ ع النمو مع كل فكرة جديدة وعادة جديدة وزرعها وجعلها اسهل للاستحضار والابداع وخلق الافكار بين المسارات اللي تكونها ال basal ganglia, hippocampus, prefrontal cortex بس كونك فقط متلقي ! حتى حروفك ومسجاتك مش موجودة ومداير offloading لل cognitive function عندك ؟ تضر في مقدرتك وامكانياتك الذهنية ومقدرتها ع النمو والتعلم والحفظ تقدروا تديروا سيرش ع المواضيع هذه بس خلي كلامك ع الاقل طبيعي وحيكون اجمل ويميزك ومن الاسطر متعك حيعرفوك انت، مش بس كل البوستات والمسجات مولية بنفس الاسلوب حافظ ع قدراتك ولازم ما مخك يبذل effort يوميا باش ينموا غيرها حتضمر مع الوقت وتصبح اضعف

الشخص مهما حافظ ع روحه، وكان منضبط جدا فهو قاعد عرضة لل distraction مهما حاول يبتعد خصوصا فبيئة زي هذه كلامي هني للناس اللي تعيش نفس افكاري ع الاقل، مش عايشة يوم بيومه، لا تفكر ديما وتخطط وتخاف ع مستقبلها، الناس اللي ديما اكثر عرضة للقلق والاكتئاب واللي ممكن يعيقها الشيء هذا ولعلي نكون مثال فقط ف تصرف اعدت استخدامه وليا فترة مدرتاش بس سرعان ما انتبهت لحجم المشكلة اللي ممكن تحل لو الوضع سيء جدا تمام ! انت تقدر تغيره ؟ لا انت تسعى ؟ ايه بس كثرة الاخبار السيئة والايام الموحشة ممكن تعيقك ووقتك جله يضيع فالتفكير، وانت ف الحالتين تفكيرك مش حيغير شيء، وسواء ادركت لسوء الوضع ام لا ف انت مش حتقدر تغيره، بس المطالبة هني تكون مع نفسك بالاستمرار فقط كثرة الاخبار السيئة والوضع المريب حذفت ع خاطره الفيس، اني انسان وقتي معبي ونخدم ونقرا يوميا، بس بصدق تفتح البرنامج هذا قلبك ينغم، خصوصا فالوضع الراهن، وقفت مع نفسي، انت ليك شهر كل ما تفتحه تقعد تفكر وتعاني، هل تقدر تغير شيء ؟ لا، انت مستمر ف سعيك ؟ ايه، بس العمل وسط ضغوط حيعود بمردود اقل وانتباه معدوم وتركيز غير مستمر لذلك ادركت المشكلة وحليتها من اساسها قبل لا تصير وتأثر فيا هالبيئة التعبانة، ع الحالتين معرفتي بالاخبار هذه مش حتغير من الواقع شيء، ف اقلها نسعى بانسجام وبعزلة عن هذا كله Written by a resilient soul

ان الله وملآئكته يصلون على النبيء يأيها الذين آمنوا صلوا عليه وسلموا تسليماً.

غالبا فالعطلة كل شخص فالقروب يمشي يعيش حياته المختلفة ويمارس هواياته وياخذ وقت اكثر مع العائلة اني وصحابي وحني عايشين فالحياة نفسها :

المسج حنخليه مثبت بعون الله والرسايل مش حنمسحهم، حنكمل غدوة ان شاء الله ولو اضطر الامر حتى ع ايام بحيث كل يوم ناخذوا راحتنا ف موضوع ونتطرقوله بشكل افضل ⭐ سبحانك اللهم وبحمدك، اشهد ان لا اله الا انت، استغفرك واتوب اليك

عَبْد الجَليل المدهّب pinned «طبعا اكثر اسئلة واللي تكررت هي زي توا، مش حنقدر طبعا نغطي المواضيع كلها اليوم بس الجايات بعون الله نشوفوا الاشياء الثانية ت المواضيع اللي تكررت اكثر حاجة : كيف نقرا للطب بطريقة صحيحة تخليني نتعلم فعلا ونربط ونحلل مش نحفظ حفظ، افضل الطرق، المصادر الخ الخ…»

وفالاخير بالنسبة للموضوع هذا مفيش شيء يجي فيوم وليلة، ومفيش شيء يجي بدون معاناة وتعب وعوائق وستين مصيبة تحطهالك الحياة هكي قدامك وهي وريني شن حتدير حتصبر ع نفسك باستمرارية وانضباط ممل وايام حتكون فيها مرهق ومفيش تحفيز لين حتبدا تطفح المعرفة هذه عندك وتبان نتائج المجهود اللي قدمته والتزمت بيه

اخر حاجة فالموضوع هذا، قدرت نوصل لفهم كويس وراضي عن ادائي بس النسيان فالطب كيف حنتعامل معاه ! للاسف انت هني حتدير شيء ميديرش فيها الغالبية انك حتراجع من فترة لفترة المواضيع اللي انت قاريها، ايه زي توا، ي يتراجع ب Anki ي تفتح مصدر فيديوات قصير تلم منه، ي تشوف النوتس اللي انت كنت كاتبها لما قريت الموضوع هذا، ي تخش تحل اسئلة طول وتعرف مواضع ضعفك من خلالها وتمشي تقويها لذلك ولو انها مش حتعجبك بس ايه انت مضطر تراجع من فترة لفترة حتى مواضيع انت قاريها من سمسترات فاتت باش متنساش + انك لما تراجع موضوع قديم، حتكتشف انك مكنتش فاهمه بالقدر اللي انت كنت عاطيه لروحك، انت لما تقدمت عرفت معلومة كونت روابط مع الشيء اللي انت قاريه قبل ف لما تجي تراجعه انت هكي تعبي ال gap وترفع المعرفة عندك اكثر

طبعا في هلبا طرق قراية ثانية، بس مش جميعها تمشي مع الكل، قراية المراجع، ال articles, ال library المتوفرات فالمواقع كلهم، المصادر هلبا بس في طريقة واضحة نفتح مصدري الاساسي وناخذه كفريم،. هذا حجر الاساس، نبني قاعدة صلبة نقدر نركب عليها، نشوف المصادر القوية الثانية اللي تعادل مستوى مصدري الاساسي، نشوف لافكارهم وعرضها بمنظور مختلف، وغالبا الطب ممكن ميكانزم وحدة تلقى ليها اكثر من تفسير ف انت هكي تبدا ملم بالنظريات كلها، بعد نبدا نتدرج زي توا هكي نزين قرايتي باني نطبق ع الكيسز، نشوف اوراق بحثية فالموضوع، معنديش وقت للمراجع نشوف الموضوع اللي نحسه كبير ومهم ونمشي نقراه من المصدر، اني مغرم باني نقرا من المرجع حقيقة لان تحس روحك تفهم مش تلقن، نلم اللي تعلمته كله ع الموضوع ف ورق عندي، ف ايباد،. فكراسة، مش شرط ان شاء الله حتى مخربش تخربيش عادي المهم انت تفهمه وافضل حاجة تكتمل بيها معلوماتك هي ال discussion, يعني نقاشاتك مع اشخاص زيك ع موضوع معين، حتبدا في تساؤلات وكل شخص يطرح فكرة وحتشوف 100% فكرة انت كانت غايبة عليك وكسبتها من النقاش لذلك تشجع وابدا شارك مع جرائد زملائك اللي تخاف تقراهم بينما محتواهم غالبا حتكون انت تعرفه غر خايف تواجه نفسك

ف هذه بالنسبة ليا افضل طريقة، انك تطبق اللي تعلمته ع الكيسات، حتى كيسات بمستوى بسيط فالبداية بعدين تدرج بالعلم متعك، زي ما قلت مفيش حد وصل لمستوى خارق طول، وراه سنين من المعاناة باش وصل لهكي وغالبا الشخص اللي انت تشوفه قوي هو فشل اكثر مما انت حاولت وهذه حاجة لازم ما تحرك فيك اشياء مش شيء واحد

باهي ومنعرفش ندير هكي، هل في guide هكي نمشي عليه ويعلمني ؟ يسلام تقدر تدور هلبا مصادر فيها الاسئلة ع هيئة كيسات، قريت موضوع ؟ نحاول نطبقه ع clinical cases اكيد تعرفوا ال UW و Amboss و Kaplan والمصادر هلبا مزال مستواي مش بمستوى البنوك هذه ؟ نخش لل Ai , معليشي ديرلي كيسات ع الملف هذا، حتنحفر الفكرة عندك بالهدف متعها وعلاش هي موجودة اصلا وحتوصل مع الممارسة للمستوى اللي قلتلك عليه

فهذه الفكرة الاولى قوي مصادرك / معروفة فالمجال في مصادر عادية ومصادر متوسطة ومصادر قوية، ره اول اداة فانك تتعلم صح انك تقرا من مصادر ممتازة باهي بعدين! قريت من مصدر كويس شن ندير ؟ هني يجي دور هلبا طرق مش وحدة ولا اثنين ولا عشرة ومش حنقدر نختزلهم بس ف رسالة بس حاول تتعلم بروحك، مشترك ف كورس ؟ اقرا منه وابحث معاه ! تقرا من مصدر مجاني ؟ برضو زيد ابحث معاه ره الحاجة اللي دماغك مش حيبذل فيها effort مش حيتعلمها، المعلومة جاهزه في فيديوات + شيت تلون فيه مش حتعطيك علم، هذا سلم واستلم وبتلوحه بعد الامتحان انت لازم تبحث وتقرا بعقلية الطالب اللي ديما يسأل ويطرح ف التساؤلات باهي هذه لو صار هكي شن حتسبب ؟ باهي هذه هل ليها علاقة بالشيء الفولاني اليي خطر عليا توا ؟ ترا خلي نبحث عليها انت هكي تكون في شبكات للعلم عندك، مش مجرد معلومات محطوطة في رفوف، ديما اطرح تساؤل وديما شوف للطب بمنظور هذه علاش نقرا فيها ؟ اكيد في حكمة وراها ؟ ي حتكون مرض ي حتكون ميكانزم استغلوها وداروا منها علاج، لما تبدا قرايتك بشكل زي توا make sense صدقني حتوصل لمستوى تقدر تجاوب حتى سؤال انت متعرفاش ! هذا حق ولا مبالغة ؟ لا واقع بشكل حرفي

باهي توا نجوا لاول شيء، كيف نتعلم الطب صح؟ والله شوف، بداية وديما نقول فيها هي المصادر " وهذه يجماعة شيء مستفز لما نشوف شخص هو نفسه عارف ان في اختلاف فالعلم الموجود ضمن المصادر المتاحة، وبكل صراحة يقولك اني نختار المصدر السهل، علاش ؟ لا هادوكا مصادركم انتم السوس !!! شن الفرق بين السوس والمش سوس حسب الاقوال يعني😂، مش انت لو قريت من المصادر الممتازة اللي يقروا منها الممتازين حتولي زيهم ! علاش انت منزل من امكانياتك هكي وباعترافك، انت غر من قالك انك ضعيف، انت جربت ؟ عطيت للمصادر القوية فرصة ! غالبا الاجابة حتكون لا وهذا شيء نتمنى نفهمه الحق فالسلوك البشري كيف ان لما الشخص هو يرضى وباراداته وادراكه طبعا انه يحط نفسه ف مرتبة اقل ومش راضي يتحرك ! ولا لان التحرك مؤلم شوية ؟

مزال مجاوبتش حتى اول سؤال منعرفش نشرح بشكل to the point للاسف

لذلك الموضوع مزال اكبر من شوية مصادر وخطة وادوات كورسات نعرف العشرات، عندهم الوقت والمصادر ومشتركين ف كل الكورسات وكل حاجة متوفرة بس الكورسات هذه كلها مقعمزة تقرا وتتطور بروحها الموضوع يبي انضباط عالي هلبا وحتعاني مستحيل حتوصل لهكي بدون معاناة، والفكرة تبدا من ابسط عاداتك اليومية، لو قدرت تنضبط فيها وتصلحها حتقدر ع الاهداف الكبيرة، تتحكم في وقتك، تتحكم في وقتك ع السوشل ميديا وال scrolling بدون اي داعي، تحط ع وقتك خطوط حمراء هكي ومش اي حد يقدر يلعبلك ف جدولك تكون شخص مرن وهذه اهم صفة، شوفوا يومي ممشاش زي ما نبي ؟ شوية خير من مفيش بكل يعني مقدرتش اليوم ندير خطتي كاملة ؟ باهي ندير نصها، مقدرتش ندير نصها ؟ ندير ربعها خسارة ساعات معينة ف يومك متعنيش انك خسرت اليوم كله، عادي في امر لخبطلي جدولي، العيلة طلعوا بموضوع صار اي شيء، هذا ميعنيش ان اليوم كله حيضيع لعارض واحد صار في جزء من اليوم، كون مرن بحيث انت حاط اربعه اهداف، مقدرتش عليهم ؟ نستبعد الاقل اهمية وننجز زوز، نعرف جسمي ونعرف ساعات تركيزي ونصبهم فيما ينفعني، والمهام السهلة اللي تتطلب اقل تركيز نخليها فالوقت اللي اني فيه اقل طاقة، نفهم جسمي وصحتي بحيث نعرف امتى حنحتاج فترات الراحة وامتى نستغل ال flow State وننجز فيها شيء صعب الاشياء هذه كلها ره جهاد وتبي وقت باش توصل للمهارات هذه واللي نشوفها اهم الادوات قبل اي شيء مادي تشوفله ع انه هو المنقذ، غير نفسك حيتغير واقعك كله

اوكي، انت اكتسبت العقلية واقتنعت وبحثت وخلاص انت حاليا مقتنع بالشيء هذا ؟ تسحاب روحك وصلت ؟ مزال حروب حتخوضها اولا حيجي دور التحفيز وال reinforcement اول ايام بعدين تمشي تمشي تمشي حتحس انك ف plateau, متحسش بمستواك تحسن بالشكل اللي كنت متوقعه، الشيء الواقعي طلع اصعب من اللي متخيله عليه، والامور مكانتش وردية زي ما كنت متخيل، لذلك ولو انت عندك self control وقدرت تمشي هكي شهر ! حيجي ماراثون الامتحانات وتتخلبط كل خططك للتطوير ونعاودوا ثاني وتو السيم الجاي نصلح من روحي, تعرف السيم الجاي هذا ؟ زي السراب، تتخايل فيه بس مستحيل توصل فيه وتمسكه

لذلك لما تفهم الشيء هذا، حيختلف تعاملك تجاه التخصص وتجاه القراية، حتكون نيتك وهدفك في كل يوم تقعمز تقرا فيه انك تتعلم وتستفيد بشكل اولي، مش الدكتور يركز ع هذه، والامتحان يجيبوا من هذه، وهذا الشابتر تجميعات وهذا مبيوع وهذا مش مهم وهذا ابصر شن انت مدخلكش فهذا كله ! هذا نسمحلك تخليه اسبوع الامتحان عادي، لكن طيلة السمستر انت تقرا بناء ع كيف يجيبوا فالامتحان هذه كارثة بحق نفسك وحق علمك

خلوني نتكلم اول شيء ع قراية الطب من البداية، واللي مهتم بكلامي يعني للي سال كيف نتعمق ونحلل ويبدا عندي clinical sense ووين المصادر وهذا كله بداية اول شيء، الطب تخشله كطالب انترو، ملوح كل تفوقك الدراسي قبله من رياضيات وفيزياء ونحو والخ الخ من موادك اللي قريتها ف حياتك كلها وتبدا من الصفر بشكل متساوي مع دفعتك اللي خشت معاك كلكم، كلكم بداياتكم cell membrane و hydrophobic و hydrophilic, ومن ثم نهاية الرحلة كل واحد موجود في مستوى، كيف صار هذا ؟ رغم انها نفس الكلية ونفس الامتحانات ونفس النظام المتبع شن المسبب للفروقات هذه ؟ التعلم الذاتي " انت شن هدفك من قرايتك ؟ انك تتعلم بطريقة تخليك تعرف وتفهم الهدف من اللي تقرا فيه وتطبقه فيما بعد فال real life فخدمتك كطبيب، لو فشلت فالشيء هذا ؟ غالبا حتفشل في شغلك وبدون تعميم طبعا عمرك سالت شن الهدف من وضع الامتحانات ؟ اكيدة بتقول باش يختبروك هل تجتاز الامتحان ام لا بس الامريكان يقولوا You don't pass the exam to pass the exam بمعنى اني مننجحش فالامتحان باش ننجح فالامتحان مالا علاش ؟ السبب هو فلسفي فالطبيعة البشرية، اللي تفضل ال comfort zone ع انها تتحرك، لان ال comfort zone مغرية اكثر لل prefrontal cortex فبالتالي الشخص حيفضل البقاء فالراحة الا ولو تعرض لل deadline معين اي لازم ما يتم مهمة ضمن توقيت معين فبالتالي حيضطر انه يتحرك وينجزها من المفهوم هذا كلية الطب تقدر تعطيك المناهج وانت تعلم وتعالا اشتغل، بس اكيد هذا مستحيل لينا كبشر، لذلك وضع الامتحان ماهو الا طريقة من خلالها يعطيك مهام معينة اللي هي " المقررات الدراسية متعك ف هاديكا المدة " باش تنجزها لان وراك امتحان، لكن الهدف الفعلي ورائها انك تنجز المقررات هذه ! فهمت ! لذلك فعلا اجتياز الامتحان فقط مش الهدف والهدف هو المحصلة اللي لازم ما يكون تركيزك عليها بشكل اولي قبل لا يكون كل تركيزك فقط شن حندير فالامتحان بمعنى لازم ما تحط النية انك تقرا للطب مش لامتحانات الطب، ولو انت قاري كويس ومحضر بشكل ممتاز فالامتحانات تحصيل حاصل، بدون تعميم طبعا "