محمد ابن هرشان

على هونكم ياللي تشورون ترني حر اعرف السنع و اميّز الصح والزلّه كبار الهقاوي بالاوادم : سوات السرّ اسوقه على اللي يبخص العزّ و يدلّه ضعيف العزم لا شان ظرف الزمان يفر مثل ما يفر ابليس لا من ذكرت الله مصير العتم يجلا و موج المحيط يقرّ و تسير السفن فيها و مرساه تاصلّه ورى عزتي لو سرت الاميال بحر و بر فلا ارجي نخل بيشه تموره ولا ظلّه انا شمّري والشمّري لو يذوق المرّ ما يشري غناة سنينه بـ كلمة الذلّه -محمد ابن هرشان

اللي عنده قصيده و يبغى له مصمم وش يسوي ؟🏃🏻‍♂️

اللي عنده قصيده و يبغى له مصمم وش يسوي ؟🏃🏻‍♂️

الجديييد

—{تحت رحمة الحور} —📍الجبيل — 13/7/2026 الليل هذا شعر و احساس و شعور بيّن من انسامه و ضوح الاهلّه قلب الشغوف يتيه مع كلّ ديجور ( يثبّته حلمه و وقته يزلّه) وان حارت الخطوات يا شارع النور دلّ الغريب ان ضيّع الدرب دلّه من وثّق قيودي ؟ و لفّاني السور غير البخت و عدوده المضمحلّه و انا شمالي صدر .. ما والف صدور : اهل الصدور الضيقات المغلّه ملجاي من حدّ (الحفر) لين ( ابو صور) الين (هشم الشايب ) الله يحلّه من يهدي الضحكه ، و من يسفط الشور ؟ و اعطيه قلبي لو ( ما املكْه كلّه ) قسم الغلا اللي منّه القلب مدمور كنّ الجروح هوايةٍ ما يملّه قلبي و انا مثل الرشيدي مع المور ما قد تفاهمنا على شيّ لله على شفى دربه توابيت و قبور و اخير قبر لـ : نفسي المسفهله لا جيت له عجلان غضلم على الفور ويرميني بعلط الرموش المظلّه اثر القتيل اللي ( تحت رحمة الحور ) غير القتيل اللي ( تحت رحمة الله ! ) -محمد ابن هرشان

https://x.com/mas_f16/status/2073820051493486822?s=46

https://x.com/mas_f16/status/2073820051493486822?s=46

https://x.com/mas_f16/status/2068023879058993639?s=46

في مقصلة حبّك مظاليم مشاعرٍ غرًّا كتومه كبرت في عمري من الضيم و المهتوي عن عام = يومه خدينة عْذاب الترانيم في صحوة اعياني و نومه لاحلّ ذكرك قلبي يهيم و جت لي ميَة طيحه وقومه غديت كنّي طالب يْتيم والدرس كان عن الامومه

ليكاتكم لاهنتو 🫡

https://x.com/mas_f16/status/2061899790028526047?s=46

يا مستور .. لا تكشف خفا العلم يا مستور و حنا رجاجيلٍ حفظنا مبادينا ما جبنا الفشيله و احتمينا خِلاف السور بوضح النقاء يشهد علينا معادينا شيوخٍ نحفظ العهد و نزبّن المكسور و نبني و نهدم و انتحدّا ليا جينا منار الشواهد و الفعل تبلج الديجور ما غطّا شعاع افعالنا…

يا مستور .. لا تكشف خفا العلم يا مستور و حنا رجاجيلٍ حفظنا مبادينا ما جبنا الفشيله و احتمينا خِلاف السور بوضح النقاء يشهد علينا معادينا شيوخٍ نحفظ العهد و نزبّن المكسور و نبني و نهدم و انتحدّا ليا جينا منار الشواهد و الفعل تبلج الديجور ما غطّا شعاع افعالنا من يناحينا يوم ان السهوم تخاطب الرمح والشرشور وقفنا الوقوف اللي يجمّل مخاوينا علوم المسفّه كنّها ضحكة المقهور تحاول تغطّ الحق و الحقّ يرضينا لكن الوكاد انّا صقورٍ عيال صقور ولايشكم من الهرج ماهيب تشقينا اسامي الجدود ثقال و اخصامهم طابور و قدرنا نعيش و نحتمل ثقل اسامينا -محمد ابن هرشان

https://www.tiktok.com/@_hrsh7?_r=1&_t=ZS-96XfcdbbE2M

https://www.tiktok.com/@_hrsh7?_r=1&_t=ZS-96XfcdbbE2M

https://tellonym.me/xv.19/whatdou

اليا ابتدت ليلة الشاعر و قيفانه اهمّل الناس و اشوف الورق ناسي شاعر و اهيّض حمام الدوح لـ الحانه و ابثّ من روحي الغبرا بقرطاسي و انا بشر روحي من الطيش ذبلانه ( ادريسي الروح / لو القلب نوّاسي ) عاشر شهر .. قلبي تجفله صدقانه عاشر شهر .. و الهموم السود جلّاسي ما كلّ عابر لقى في خاطري خانه والناسي اعيش في طرياه متناسي كم مقفيٍ قبل اجي و اطقّ بيبانه تكبّل يدي كرامة وجهي و ساسي من غربة الجذع لا من طاحت اغصانه انا اغرب بـ حيل و اغرب مني احساسي اثر الوطن يمتثل في هيئة انسانه تغيب عن عيني و تسكن بـ هوجاسي معَ طريق الوله و الرجل عجلانه المظلم اللي غلا راعيه نبراسي لا يا بعد حيّ محبوبك و حيّانه ما ميّعت برد قلبك حرّة انفاسي ؟ سبحانه يعوض شيّ بشيّ .. سبحانه عطاك قدٍّ رهيف و خاطرٍ قاسي صفة رموشك ركوع و شفّتك حانه يثمل شعوري هوى لا من ملا كاسي و اجي لمفرق طريقٍ عجّ ريحانه متقلبٍ بين صملاتي و وسواسي دخل الثنين و زمى عودك و ريّانه اللي بها اغلى الذهب يعوّد نحاسي اليا خذا البدر من غرّتك ضيّانه لا طلّ خوذي مطلٍ يجلي عماسي مريّت بك من هوى العاشق لـ خذلانه قصة ، تفاصيلها من عمري و باسي واديك قبل .. الغريب يعسّ جيلانه كنت البدو والقصيد العذب عسّاسي غرّبني الوقت لين اخذتني احزانه في سجنٍ اضحت طيوفك فيه حرّاسي وانا خليلٍ عشانك عاف خلّانه و عودت منهم و من شوفتك بافلاسي عشت العمر جاهل الفرحه و عنوانه ما ذعذعت بالفرح ريحي ونسناسي من عقب دمعٍ صمود المستحي خانه و من عقب جور الليال و بهرجت ياسي ان كان ما جيتي من الودّ ولهانه امانتك لا تجيني جية مواسي ! -محمد ابن هرشان

https://x.com/mas_f16/status/2042299333517713696?s=46