أدب وأشياء..

‏من ديرة ضمير والغوطه ‏جينا على الوجه حوالي ‏مثل البساتين بحيوطه ‏يذكر لنا ديرة الغالي ‏راعي الغلا تحلل خيوطه ‏والربط للي ماهو ببالي ‏وكانك تنامين مبسوطه ‏ليّه عن النوم شتّالي - رحمة رغيان المقرض الرويلي

‏« أنتي مطغيك البها لين حدد مستواك ‏يعني أكبر مجرمة حب و أكبر طااااااغية » ‏- سعد بن جدلان

‏من فقد مثلك ما يعتاض في باقي الوجيه ‏لو يمرّونه أهل الأرض من بيض و سمر ‏ما على وجه البسيطه من أشباهك وجيه ‏طينتك من مسكٍ أبيض و من تربة قمر

‏يارب سهل لي .. صلاة الجـماعه ‏ومكني من اول صفوف المصلين ‏الفرض ماياخذ .. ولا ربع ساعه ‏وحنا نجي عجلين ونروح عجلين - فلاح القرقاح

‏سبايب وليفً حط فالقلب ست ارماح ‏تندم على حالي بعد مامكن ارماحه ‏ترى القلب طير وشوفتك كنها الملواح ‏ترفق على قلبي ولا تجدد اجراحه ‏- مسعود ال مشعاب

"أشوفك نور ما بين اليقين .. و عتمة التخمين ‏تجي مثل الصباح اللي يصادف موعد إشراقي"

‏تبين التراقي لا فقهت الجديل خلاف ‏بيان القمر لا روّح الغيم متقافي ‏عطاك الله اوصافٍ تجلت عن الاوصاف ‏وثوبٍ تفاصيله مثل ما ذكر .. لافي ‏خضار العروق اللي تحت جلدك الشفاف ‏عناقيد ربلٍ ما سفى فوقها .. السافي

‏عَليكِ يَميلُ قَلبي وهوَ يَدري ‏بأنَّ الهَوى نارٌ… ولَكِنَّهُ يَغري ‏أُحادِثُ طَيفَكِ الساري خُفوتًا ‏فَيَصحو الشَّوقُ في صَمتِي ويَسري ‏إذا غِبتِ استَحالَ الوَقتُ صَحراءً ‏وإن حَضَرتِ أزهَرَ العُمرُ عُمري

لو ماهو انتي ماقلت لك تم..! ‏اشيائك تخلي للأشعار قيمه ‏اذا تبسّم فمك هاذا ماهو فم ‏هاذا من الحان السماء الكريمه ‏لمة خدودك مثل جمعة بني عم ‏تجمعو من شان رد الظليمه - رضا حليس الرويلي

مالانت عزومنا من لين جانبنا يا كثر ما نقدر ويا كثر ما أعفينا الفَضل بعد الله يعود لتجاربنا من طيب نياتنا طابت مساعينا لو إن خساراتنا أكثر من مكاسبنا كل الخساير تهون إلا مبادينا ما نترك الحقد ياكل من ترابينا ولا انعرف.. انتقاضي لا تقاضينا لو ننشغل فالضعوف اللي تحاربنا ضاعت شيمنا قبل ضيعة هقاوينا ما دون حد الكرامة.. ما يناسبنا طبيعة من خلقنا الله وهي فينا اللي ما نرضابه يصحب يصاحبنا ما نعترف به عدو (مهما يعادينا) واللي ما يطلق لسانه غير لا غبنا توه لهالحين ما هذر بأسامينا ما للحسايف علينا درب لا طبنا لو في خشاش الثرى جادت يمانينا حتى لو تغثرب الدنيا مشاربنا إذا قدرنا نسوي طيب.. سوينا قالوا ما يستاهلون وقت واجبنا إن كانهم.. ما تربوا! قد تربينا الله لا يجعل مصايبهم مصايبنا لو التعامل سوى يمدي تساوينا طبنا ولا طابوا وخابوا ولا خبنا على كثر ما تردوا.. ما تردينا - عبدالله السراهيـد

‏الفزعة اللي ليا احتجنا لها ما تبين ‏شرّه على من ترجاها و من لامها ‏اللي ما يعطيك وجهه لو عطى الفرقدين ‏ما أعطاك من قدر نفسك ربع ما ضامها - محمد الرويبخ

‏ ‏في حضورك ياولي العهد ولا في انشغالك ‏يختلف لسلوب عن لسلوب كلاً في محله ‏مره نناديك ابو سلمان ادام الله ظلالك ‏ومره نطريك ابو سلمان ادام الله ظله ‏يا اختلاف النهج حتى المختلف ترجي وصالك ‏لو تجي بغلافها صوره رجع عصر المجله ‏للسياسة ملعبة فن ودهاليز ومهالك ‏وانت اكبر راس ماياخذ معك فنجال دله ‏سيدي ماتدخل التاريخ فأحلامك وأمالك ‏يدخل التاريخ بالتاريخ واسمك في سجله ‏- مزيد الوسمي

صلّى عليك إلهُ العرشِ ما طلعت ‏شمسُ النهارِ ولاحت أنجُمُ الغَسَقِ اللهم صلّ وسلم على حبيبنا محمد وآله وصحبه ❤️

أخذت أخوه أبي العوض ذاك من ذاه والبيت واحد من كبار الحمايل عندي مثيله واحدٍ كنّه إيّاه عليه من توصيف خلّي مثايل الزول زوله و الحلايا حلاياه والفعل ما هو فعل واف الخصايل - موضي الكثير

‏﴿ إن الله وملائكته يصلون على النبي ‏يا أيها الذين آمنوا صلوا عليه وسلموا تسليما ﴾ ‏ٰ ‏اللهُّم صلِّ و سلّم على نبينا محمّد ﷺ

‏تشب فيهم ضو في سرعة الصوت ‏تنسف عمايمهم عمامه .. عمامه ‏غاراتها ماهي تشغّل بريموت ‏يقودها اللي ما تراعد عظامه

رثاء خزنة الملحم زوجها الشيخ سطام الطيار العنزي رحمه الله : البارحه جريّت بالصدر ونات والنوم عيا لا يهملج قليله ياعين لاتبكين كثرة وقالات وأبكي على اللي كاسبين النفيله ابكي على سطام زبن الونيات يالولب الحكام كلن يجيله ابكي العديم اللي مع الناس مامات مرباع وايل بالسنين المحيله ابكي ذعار الخيل وإن صار شدات زيزوم جيشه بالسنين المحيله

الحاجة اللي دونها كل منّان عرضت على النفس العزيزة وعَيَّت منتب على مدح أكثر الناس شفقان ولا على مساحة الجوخ مِيت كم مرّةٍ جاتك محبّة وسلطان وتركتها مثل الطعام المبيت