هاجس الصحو

وش دموع العيون الشوق لو تكفيه دمعة عين بكيتك؛ والعيون مقدِّره.. والنفس مشكوره على اطلالك وقوفي ما يرد من السنين سنين كبر كلٍ على "الغصن القديم" وطارت طيوره سقى اللّٰه ليلةٍ نشري بها ضحكة رضانا ، دَين يوم إن اغلب عيال الناس منهيه - وماموره نقول اللي نبيه لبعضنا - راضين .. زعلانين "ياويل اللي يروح وكلمته تاقف بحنجوره" كثر ما نشعر إنّا واحد ، إلا بالفراق اثنين يرجعنا الحنين لحاجةٍ فالبال محفوره محبتك أول ايام الصبا .. هي مثلها للحين لبكره .. والزمن دوره يضيق - وينفرج دوره شحيحٍ عند غيرك يوم أقول البيت .. والبيتين ومعك حتى اللي ماهي "كامله" ماهيب مذخوره من شروط الغلا ، اللي ما يصير؟ "يصير للغالين" تفرّد فالضلوع اللي عساها فيك معموره .. أحبك .. والعذاب اللي موّريني بعْدك الشين ماهوب اللي يطلّع خاطرٍ شاريك من طوره أنا اول من معك خاض المعارك ، وأخر الناجين كثر ما تندلع للحزن ثوره .. وتخمد ثوره عجزت ارضى بقول المقبلين ابدى من المقفين ياحظ اللي يصدّق نظرته .. ويكذّب شعوره — عبدالعزيز العبلان

‏من السهد، كن الليل عقبه ثلاث لْيال من الظلم، كن الصبح مخفيه في شاله — صالح بن حمد

مانفع تحذيري القلب الجفول يرقد الخالي وعيني تسهرا باسألك قل لي: ولوفيها فضول كيف تذبح من يشوفك مادرى؟ — خالد الفيصل

يالله وأنا عبدك اللي طامعٍ في رضاك وأحيان أضيّع دروب الحق وأدلها لا جيتك بدعوةً فيها شعور إرتباك أفتح لها أبوابك اللي في السماء كلها — صالح النشيرا

‏أمانه ! تخشرون إسمي من الدعوات يا حِجّاج ‏انا روحي لرحمة قاضي الحاجات .. محتاجه ‏الا يا ماهد ٍممشى نبيّك ليلة المعراج ‏طريقي موحش وغارت نجومه و اعتم سراجه ‏على قلبي عواصف ذعر منها والظروف أمواج ‏وقف طالبك من كثر السحى كنه على صاجه ‏لك المنّه على اقدارك لك الشكر ولك الالهاج.. ‏بحمدك لين ترضى يا عظيم الملك .. بفراجه - بشاير المقبل رحمها الله

‏يامعين اللي له أيام نفسه نفس طير عقب كان بنفسه وعزمه وقلبه جمل مايداني زحمة الناس والبيت الكبير يرغب العزله تقول معمولٍ له عمل ويتعذر بالمشاغل و بالنوم الكثير والعرب ترقد وهو من همومه مستمل يكشفه أسراره لسجادة الثلث الأخير ويتحرا الصبح يطلع بتحقيق الأمل والعرب كلٍ يعاتب لو ان الوضع غير المعاتب ينبش جروح اللي تندمل والهموم اليا تراكت على الضلع القصير خلت القلب الشقاوي مثل بيت النمل — عبدالعزيز العازمي

وين السعادة ودربها كله إجحاف لا راح همّ... جدّ همّ ودعاني كنّي مطية للشقا بين الأجلاف لا روح تفهمني ولا قلب حاني — نواف بن فيصل

غيبوبتي طالت وحلم العمر طاف وهمّ التعاسة في مكاني رماني أضحك وأجامل والحشا يرعف رعاف متبعثرٍ مابين قاصي وداني ماتت جماهير الأمل قبل تنشاف ومستقبلي من قبل أزوره جفاني وليلي طويلٍ ماله حدود وأطراف والصبح ما بيني وبينه مواني والموج يهزا بي وأنا بدون مجداف متغربلٍ والياس حلّ وطواني — نواف بن فيصل

أعقِل ذلولي ليه لا قيل السما ما فيه غيم؟ ما هو بيستأذن حضور "الغيث" رمضى اليابسة عندي عشم، مثل الكفوف الباردة ورا الهشيم عندي أمل، مثل الندى فوق الغصون اليابسة — صالح بن حمد

امسح دموع السبت في كم الأحد وانام في عين الله اللي ماتنام — عبدالمجيد الزهراني

عاد عيدكم وعاش حبيبكم وكل عام وأنتم بخير والله يتقبل منا ومنكم صالح الأعمال ويعيده أعوام عديدة وأزمنة مديدة بخير وصحة وعافية 🤍

‏عسى الله يجيب العيد واعايده وأشوف ‏وش العيد لولا صوته العذب وإحساسه؟ — بندر الدويش

يالفاتن اللي زل عيني ولا زال ‏طيفك يراودني وياخذ جديدي ‏مزن القصيد أن مرني صار همال ‏والوجه شمس وساحة النحر بيدي ‏لا أقبلت لي ما عاد ابي بعدك أقبال ‏هلّت ضلوعي لك ويهتف وريدي ‏من قال بأن العيد مبداه شوال؟ ‏ساعة مجيك عيد قلبي وعيدي — علي بن عواض ⁦

‏ياربّ وأشواقي لشوفتك تكبر ‏ياربّ وعيوني لجنّتْك ولهى ‏آنا عجزت القى فدنياي معبر ‏والناس مدري كيف ابرضي زعلها ‏ليلٍ يلم الحلم ويكبّه اغبر ‏وبنتٍ ترجى الصبح يشرق بأملها ‏وش تنفع الرجوى اذا الحظّ مدبر ‏وقلوب خلق الله تضيق بأهلها ‏لي روح من عمق المعاناة تصبر ‏ولأحلام عمري روح مكتوب أجلها

‏يالله الغفران بالعشر التوالي ‏ياعظيمٍ نرتجي عفوه وخيره ‏ ظلنا في يوم نحتاج الظلالي ‏يوم ظلك مالنا مزبان غيره — مساعد الرشيدي

سامح الله وجه الايام يا ذيك الثمان والعيون اللي تبسّامها سر الوجود أنت دعوه قالها القلب واخطاها اللسان غافلتني بالتراويح واقفت بالسجود — صالح الهويملي

على كثر ما شريط الذاكرة يطوى ‏ما فيه وجهٍ ثبت في الذاكرة كثرك ‏— سعد الحريّص

‏يارب منا العبادة.. وأنت منك القبول أثناء شهرك الكريم.. افضل شهور السنة في داخل صدورنا العبرة تصول وتجول ولك بالدعاء والتضرع تلهج الألسنة — لافي الغيداني

مبارك عليكم الشهر، والله يجعله شهر خير ورحمة علينا جميعًا وأن تُغفر فيه الذنوب، وتُرفع فيه الدرجات، وتتحقق فيه الأمنيات ويكتبنا فيه من المقبولين الفايزين🤍