Ahmed Sami Channel

https://youtube.com/shorts/aRdFuiOE_hE?si=RMIbQCl17OxmmodR

https://youtube.com/shorts/1aY0thmxHjk?feature=share

إيه اللي ممكن يجمع بين عمر عبد الرحمن، وعبد الله عزام، وإبراهيم البنا، وأبو أسامة المصري، وشخصيات تانية ظهرت في تاريخ الجماعة الإسلامية والج_ه_اد والقاعدة ود|عش وولاية سيناء؟ لما بدأت أدور، السؤال مكنش «هل الأزهر بيخرّج إرها_بيين؟» لأن الإجابة السهلة دي لا علمية ولا حتى مثيرة للاهتمام. السؤال الأخطر كان هو ليه بنلاقي بعض أصحاب التكوين الأزهري والشرعي تحديدًا في مواقع الإفتاء والتأصيل ومنح الشرعية الدينية للع_نف؟ وإيه اللي كانت بتضيفه شهادة أصول الدين أو الشريعة للشخص لما يدخل شبكة متط_رفة؟ البحث أخدني من أروقة الأزهر للسجون المصرية، ومن سيد قطب و«الفريضة الغائبة» لفتاوى ابن تيمية، ومن عبد الله عزام وبيشاور لتأسيس القاعدة، ومن الجهاد المصري لولاية سيناء. والأهم إني رجعت للمناهج نفسها، لأبواب الجهاد والردة والجزية والرق والتترس والطائفة الممتنعة، وشفت إزاي نفس النص ممكن الأزهر يستخدمه عشان يفند د|عش، ود|عش تستخدمه عشان تشرعن اللي بتعمله. وفي نفس الوقت البحث فيه حاجة يمكن تكون أهم من الاتهام نفسه هي إني حاولت أهدم الفرضية. لأن معظم خريجي الأزهر مش متط_رفين، وكبار إره|بيين كتير أصلًا كانوا أطباء ومهندسين، والأزهر نفسه أنتج علماء حاربوا التكفير واتقت_لوا بسببه. فلو المشكلة مش «الأزهر = إره|ب»، تبقى المشكلة فين؟ في النص؟ طريقة تدريسه؟ الشبكات؟ السجون؟ السياسة؟ ولا في اللحظة اللي بيتحول فيها التراث من مادة للدراسة إلى سلاح أيديولوجي؟ والسؤال الأخير يمكن يكون الأكثر إزعاجًا لكتير من حراس التناحة إن بعد عشر سنين تقريبًا من إنشاء مرصد الأزهر لمكافحة التط_رف، هل عندنا دليل مستقل قابل للقياس إن كل النشاط ده نجح فعلًا في تقليل التجنيد والتط_رف؟ ولا إحنا عندنا مخرجات ضخمة من غير ما نعرف أثرها الحقيقي؟ كل ده بالوثائق، الأحكام القضائية، الدراسات الأكاديمية، وثائق الاستخبارات الأمريكية، وأدبيات الجماعات نفسها. البث يوم الأحد الساعة 10 بتوقيت القاهرة المكرمة.

https://youtube.com/live/l6fECrL1AC8

https://www.youtube.com/live/pY3tx4va_Ns?si=B9G-q69h9CJSvaYt

https://youtu.be/ztPzAlK-HHs?si=EOR5CDHO6WcdP-uH

https://youtu.be/fljMdwKse6o

https://youtube.com/live/cHzzHLLsQcg نبدأ بعد نصف ساعة من الآن .. وأخيرا نكشف السر .. من يمول الملحدين!

أول ما حد بيتكلم عربي يطلع ينتقد الدين، قبل ما الناس حتى تسمع حجته، بيكون الحكم جاهز وهو أكيد الكنيسة بتدفع له، أكيد عميل، وأكيد فيه دولارات داخلة في الموضوع. بس المفاجأة إن فيه فعلًا تمويل كنسي، وفيه دعم غربي وحقوقي، وفيه منح ومساعدات… إنما السؤال الحقيقي هو هل ده معناه إن حد اشترى قناعة الملحد من الأول؟ ولا إحنا بنخلط بين تمويل نشاط أو علاج أو حماية، وبين صناعة الفكرة نفسها؟ في الحلقة الرابعة من سلسلة نظرية المؤامرة في الإسلام هنفتح التقارير المالية والوثائق، وهنشوف الفلوس فعلًا بتروح فين، وإيه الفرق بين تمويل التبشير، ومساعدة الخارجين من الدين، وأرباح صناعة المحتوى. والأهم، هنفهم ليه حكاية «الملحد المأجور» مريحة جدًا للبعض، لأنها بتوفر عليه يسمع الاعتراض ويفكر فيه. تابعوا الحلقة يوم الأحد 2 أغسطس، الساعة 10 مساءً بتوقيت القاهرة المكرمة، على قناة ماني الكاتب

https://youtu.be/T-45RLcjqG0?si=ZtOSyANcoEDVlu_Z

إحنا داخلين على لحظة مرعبة ومثيرة في نفس الوقت: ماذا لو الشيخ فقد السلاح اللي كان مديه مكانته طول عمره؟ ماذا لو بقى فيه “عقل” يراجع التراث أسرع منه، ويقارن التفاسير أدق منه، ويفكك دعاوى الإعجاز العلمي بدون ما يرفع صوته، ولا يلوّح بعمامة، ولا يحتاج منبر أصلًا؟ ساعتها السؤال مش هيبقى: الذكاء الاصطناعي هيقول إيه في الدين؟ السؤال الأخطر: مين هيبقى له حق الكلام باسم الدين أصلًا؟ حلقة النهارده مش عن شات بوت بيجاوب على سؤالين فقه، دي عن الزلزال اللي ممكن يضرب المؤسسة الدينية نفسها ويدمر عرش اقتصادها، سلطتها، خطابها، وخوفها من منافس لا بيتعب ولا بينسى ولا بيتكسف من السؤال الممنوع. هنروح كمان لأرض أخطر وهي الإعجاز العلمي، ووعي الذكاء الاصطناعي، ومعنى إن الإنسان يخلق عقلًا قد يهز الصورة اللي بناها عن نفسه من أول قصة آدم لحد شاشة الموبايل. استنونا النهارده الخميس 30 يوليو 2026 الساعة 10 مساءً بتوقيت القاهرة المكرمة في اللايف، ولو أنت فاكر إن الموضوع مجرد “تكنولوجيا جديدة”، فحاول تيجي بدري.

https://youtu.be/aLBsjvcSSsw?si=cldTJh7M8fkp6Rlt

https://youtu.be/YrAQcleM19g

https://www.youtube.com/live/20irtlnYC1w?is=lwIA87-4t7_zevWM

https://youtube.com/shorts/j7BwHDE_kHM?si=KAl3F4mffcxbV6kq

https://youtu.be/HNwHBXlWrDY?t=1

https://youtu.be/3PuWKTQrM_4?si=GLpEM1VeOs_9AnXS

https://youtu.be/QoIR7IBQlhA?si=HCEJIfWPDVFfgIzA