قصائد استشهاد مولاي الاكبر (ع)

علي الاكبر علي الاكبر ــــــــــــــــــ خل راس المعركة تطگ راسها على الاكبر بيدة ضك انفاسها نزل سيفة لمستواها وقاسها شلع اركاب الزلم من ساسها هالشجاعة وهالفعل هاشمي ونعم الاصل علي الاكبر علي الاكبر ــــــــــــــــــ جدة ذاك الي قلع بيبانها والقلاع تهزهزت بمجانها ببدة مهرة الحومة جر اعنانها تفتر الدنيا بجمع سكانها مدرسة بفن الحرب جن حيدر من يطب علي الاكبر علي الاكبر ــــــــــــــــــ نفخت أبواق الحرب وأنذارها بيدة طشرها ونكث طشارها سوة غارة اعله الكفر من غارها خلة نار الحومة تحرگ نارها حارب بهمه وعزم ونعم منه ونعم علي الاكبر علي الاكبر ــــــــــــــــــ ماخلص عزمة الحرب مفتوحة من يطب فرقة وطلع مذبوحة والله ماگدرولة رغم اجروحة بس عطش قلبه الأخذ من روحه يبست اغصان الورد بالعطش مات الجبد علي الاكبر علي الاكبر ــــــــــــــــــ نزل وي عمه الشجاع وزادها وصل قلب العكسر شما رادها تيهت كل الزلم مشرادها وعاد صولت حيدره وامجادها ردت امجاد الولي علي وجن جده علي علي الاكبر علي الاكبر ــــــــــــــــــ دخنت والطف فتل دخانها وعلي الاكبر من كتب عنوانها رسم تاريخ الحرب ميدانها والحبر دم من نحر شجعانها سيف قرطاس النصر والحبر دم الحبر علي الاكبر علي الاكبر ــــــــــــــــــ الشاعر زين العابدين الشمري https://telegram.me/aabas78 قصائد لكل ايام محرم اشترك بالقناة

نزله الحومه الأكبر محتزم ليها والكلفه انه يصيح راعيها ======================== رؤس أشكثر يوم اعتنه طارت وبالشرده من عنده العده احتارت چنهه القيامه مو حرب صارت تصفر بقت بس الچثث بيها الحومه الأكبر محتزم ليها ======================== صاحو اظن حيدر رجع لينه نفس الشجاعه وخزرة وعينه نتراجف انظل من يلا گينه رؤس العده متكطعه واديها الحومه الأكبر محتزم ليها ======================== بتاره بيده وشرد العسكر وكل الجمع من طبهم اطشر صاح انه راعي الموزمه الأكبر جيوش الاعادي بيمنتي افنيها الحومه الأكبر محتزم ليها ======================== بالحومه كلهه تحسب احسابه تخاف العده من اسمه وتهابه راس ابن غانم للخيم جابه گاللهه يمه اعداي ابچيها الحومه الأكبر محتزم ليها ======================== چن حيدر بصولاته وفعاله فن واحد من العده يدناله عاشت يمينه وعاشت اشماله عدوانه كلها يگدر عليها الحومه الأكبر محتزم ليها ======================== متروسه غيره كصته وهامه فنه الوگف بالحومه جدامه فنون الشجاعه صارت وسامه وبسم الحسين أفعالها يبديها الحومه الأكبر محتزم ليها ======================= الشاعر احسان الحميداوي https://telegram.me/aabas78 قصائد لكل ايام محرم اشترك بالقناة

لسان حال السيده ليلى أم علي الأكبر روحي الخضر واليابس .. لهاشاب وعيني بنص جفنها اصبح.. لها شاب تجابلني المره الرايح .. لها شاب نعمي عيونه ونلطم سويه.

علي يم دمه نزف كل الصبر ‏علي كرة عينك بهذا العمر ‏علي عطشان وشفت گلبه جمر ‏اكثر من الدمع هاي جروحه ‏ ‏يا حسين تريد من تودعه ‏تحضنه لن تشوفه جثه مگطعة ‏حيل ما عندك و جسمة تجمعة ‏جروحه ضلت للشمس مفتوحة ‏ ‏يا حسين تعرفه من عطرة اليهب ‏لان هاي اوصافه بدلها السلب ‏و قبل نار الخيم نيرانك تشب ‏ونبض گلبك هذا يشبه نوحه ‏ ‏ردت كلمة بويه تسمعها و ابد ‏ما گدر يحجيها يحسين الولد ‏بعد ما ضل ولد غير الـ بالمهد ‏تشوفه بيدك رگبته مذبوحة ‏ ‏تروح من المصرع بهذا المصاب ‏يا حسين ومتعبة جروح الشباب ‏وبين جثته والخيم هالگلب شاب ‏و ضيعت دربك بهاي الروحة ‏ ‏_ زيد رضا الكعبي

نزل للحومه علي الأكبر نزل مثل حملت حيدر عليهم حمل ===================== بالشحاعه الأكبر اطاهم دروس وعله الشوارب گام بجدامه يدوس وفوگ الرگاب الشهم ماخله رؤس هذا حيدر لوعلي أغلبهم سئل مثل حملت حيدر عليهم حمل ========================= بيده بتاره اعتناهم حامله وابن غانم گطع راسه وجندله ظل يصيح الكون بسمه والمله علي چن بركان لو لاحه الزعل مثل حملت حيدر عليهم حمل ========================== چن علي الكرار بيده ذو الفقار أمر من أربع جهات يظل حصار تيهه اعليهم الليل من النهار ظلمه خلاها علي الحيد الفحل مثل حملت حيدر عليهم حمل ========================== الحومه صنتت والعده أخذه الرجيف المنظر السواه على كلش مخيف معزب وللموت ظل بيهم يضيف چم نشيد وهوسه بالحومه ارتجل مثل حملت حيدر عليهم حمل ========================= ايصيح ياهو الگدهه خي ايلاگني اني احامي عن ابوي وديني فدوه كل ما امتلك لحسيني إليصل يمه يعني بالموت انشمل مثل حملت حيدر عليهم حمل ========================== بخيمته مهمومه تدعي الوالده ربي احرسه وليدي من شر العده حزني معناهه إذا طاح ابتده الموت يلفيني إذا عني رحل مثل حملت حيدر عليهم حمل ======================= الشاعر احسان الحميداوي https://telegram.me/aabas78 قصائد لكل ايام محرم اشترك بالقناة

٣٧٠- علي الاكبر عليه السلام راويهم زودك راويهم ــــــــــــــــــــــــــــ ياشبه المبعوث الهادي خل سيفك بالگوم اینادي احرگ بیهم هذا الوادي وعالسافل تگلب عالیهم ــــــــــــــــــــــــــــ يالمن حيدر ماخذ شَمره كرار ومافر فد مره يالاكبر خل نارك حمره ولاولهم يتبع تاليهم ــــــــــــــــــــــــــــ يا اول قربان اتقدم گاع الطف خل تغرگ بالدم اسكت خل سيفك يتكلم وادروس الميدان انطيهم ــــــــــــــــــــــــــــ حيدر چان الباب ایقلعه وانته الماخذ همته وطبعه اطبر راس الغي وشلعه وجدد صولة خيبر بيهم ــــــــــــــــــــــــــــ خل تتعجب هاي الوادم لمّن يلمع ذاك الصارم واتحز بي منحر بن غانم سيفك حاكم وايقاضيهم ــــــــــــــــــــــــــــ هاي امك دمعتها اتندّي وتنادي ياثمرة چبدي احذر احذر من العَبدي هالوادم تغدر تدريهم ــــــــــــــــــــــــــــ لو ما يغدر بيك العسكر چا مامل سیفك يالاكبر وسفه ايطبرك سيف المنكر وبچتلك يفرح طاغيهم ــــــــــــــــــــــــــــ فراس المحمداوي ٨ محرم ١٤٤٨ هـ

نعي   الوداع بين الامام الحسين عليه السلام وابنه علي الاكبر  (وزن نصاري) الموادع صعب لوحصل فرگه وداع المابعد وياه  ملگه ياخد   الدمع لونزل يلگه                خد من الدمع ذاب وتفطر حسين بهلموادع جبل حزنه يودع الروح من ايودع ابنه يشمه وينحب  بشوغه ويحظنه                 يگله فرگتك تكتل يلاكبر الموادع صعب ياوالدي شلون سلب مني العزم  واثر بالعيون متهمني المنايا  شلون مالون هظمني اتظل وحيد بغير عسكر اتجلَّد  للعده  وماضعف صبري بس الله بعظم بلواي يدري ظلوعي اتوجرت ونكسر ظهري                 شفت يبني عليك الگوم تفتر اشوفك تنذبح ياماي العيون گبل نحرك ابنحري سيوفهم كون علي يبني عليه اظلم الكون                  صريع اشلون اشوفنك امطَبَّر الشاعر حسن لعيبي الحريشاوي

على وزن دهري ذبني لحمزة الصغير   حول الامام الحسين عليه السلام يخاطب ابنه علي الاكبر سلام الله عليه الاكبر گصد للگوم       تنعاه الاملاك ناده عليه حسين    گلبي مشه  وياك ناده     يبني        عيوني يلاكبر بلسم جروحي ★★★★★ موسهله يبني تروح     متعني للگوم كطّعني صبري عليك ظل حيلي مهدوم ماكو رحم بعداك         ماترحم اليوم گبلك امرها الروح     ياريته محسوم ناده     يبني         عيوني يلاكبر بلسم جروحي ★★★★★ امك حزينة حال   بس تنحب عليك منها الگلب مصدوع    لاتنفجع بيك ماتصبر على الجور   بالدنيا تدريك ابدال العذب عدوان  بالحتف ترويك ناده     يبني         عيوني يلاكبر بلسم جروحي ★★★★★ يابويه روحي وياك    ماظلي كل لون امخاطف عليك اسيوف يلاكبر شلون بيا لحظه بيك اعداك   خايف يغدرون بعيني ينور العين      بيها اظلم الكون ناده     يبني         عيوني يلاكبر بلسم جروحي ★★★★★ وجهك يبعد الروح    يلعني ابعد أيذكرني  بالمختار  جدي  محمد بعدك ينور العين     بيت وتفرهد لاانته لاعباس          ماظلي احد ناده     يبني        عيوني يلاكبر بلسم جروحي ★★★★★ للخيمه لورديت   امك شكّلها ملت صبر ودموع    لجلك تهلها وانا ابحزن ظليت   حاير مثلها عليه العفه  دنياي    بعدك شملها ناده     يبني        عيوني يلاكبر بلسم جروحي ★★★★★ عليها العفه دنياي   بعدك   يلاكبر من شفته بالميدان   مهرك تگنطر گطَّعَن  بيك اسيوف   جسمك  توذر بخيل العده مرضوض صدرك تكسر ناده     يبني        عيوني يلاكبر بلسم جروحي الشاعر حسن لعيبي الحريشاوي

عن  شجاعة علي الاكبر سلام الله عليه قضية حسين دربه ومنهجه ومسعاه ابن زود المعارك لوردت   معناه شوصف علي الاكبر ياوصف الگاه (ياچلمه أتوصف شخصيته ) نور من النبي فوگ الأرض ازهر وشجاعة جده ذاك المرتضى حيدر نزل يفني الصفوف بصولته الاكبر (صولات الأكبر معروفه ) الشاعر حسن لعيبي الحريشاوي

افتخاريه شجاعة علي الأكبر شور+رباطات بزر حسين لجل الدين فادي الروح ونفاس خله الگوم روجة ماي يشبه عمه عباس هد عالجيش ياهو ايعيش طگ الراس براس زلمه وحيد ما ينلاح ينضح مرجله وباس چبير البيت وعيونه تموت باليلاگونه ولا بيهم يگدرونه علي حي علي شبيه المصطفى وحيله بي مفتخره يا ليله يكسر صلبه ولميله يعدلها علي هد والحومه صاحت يارب ++++++++++++++++++++++++ گمرة ليل ينگط حيل ياهو يوگف وياه كلها تصير ريش بريح من ايرفرف الواه من ايغير نار ايصير وليدناله چواه هوس گال بالجيدوم حي حسين ناداه ترده حسين خلانه كلها تصيح موش انه الزلمه متيه مچانه علي حي علي شد الاوله بالأخرى خله بجيشهم كسره جدم اليبرز تهطره منو مثله علي محد لاگه صگار.الطف. ++++++++++++++++++++++++ صفنة بيه كل الگوم من سولف رعد صوت هوس گال شنهي الموت نتونس على الموت سد معلاه ما عبروه ياهو يگدر ايفوت منه ايطيح.گلبه بتوت رملها شگد بيوت حيدر واگف بطوله حمزه وماحمل لوله من الخوفه نادوله علي حي علي يبن حسين سامحنه وادم شينه غشتنه بالذهبات غرتنه ولا ذكرو علي ما ندريها.يمنتكم.سل ++++++++++++++++++++++++ صله عليه رب الكون بيه الكون محتار هاذ منين هد للجيش چن بيمينه فقار يسره تصيح يمنه اطيح مايك منگلب نار إبن حسين شيخ الحوم ولگاصدله يحتار لاكد مهرته وسيفه من عدهم اخذ حيفه ناره تچوي الصيفه علي حي علي يمشي الموت بخياله ما واحد تدناله حيد وأهله عياله علي وجده علي كلها تهابه چن حيدر رد ++++++++++++++++++++++++ ألخويدم الشاعر رحمٰن الشغانبي تمت بعون الله تعالى 2026/6/24 #علي-الأكبر #ليلة-الثامنه #كربلاء #قصائد-حسينيه #يوم-الثامن #نزالات #شور #رحمٰن.ـالشغانبي #ياالله

رثاء #علي_الأكبر كان الله في عونك .. حبيبك علي راح المصاحب عيونك .. حبيبك علي راح آه واحسيناه .. آه وا علياه •••=•••=•••=•••=•••=•••=••• يابحر ضيم وكَمَد ،، ها ياصبر ماله حد ،، بس الهجر أذاك الفجر ذاك انطفه ،، وجرحه بدليلك غفه ،، راح وتون خلاك ضميت دمعك عسن ،، ميشوفه الاكبر لَچن ،، اتفجر حزن عيناك من شفته صاير وذر ،، ماي العيون انهمر ،، ومددت طوله اوياك وونيت يم طوله .. وعِله الون والنياح چن نوح مثكوله .. حبيبك علي راح آه واحسيناه .. آه وا علياه •••=•••=•••=•••=•••=•••=••• صدره سهام انمله ،، وضميته واتقبّله ،، چنّك ردِت تحميه وحطّيت خد اعله خد ،، واصرخت آه يالولد ،، وچم آه صحت اعليه عالدنيا صحت العفه ،، يالتشبه المصطفه ،، كون الله لا ينطيه الگطع رحمي وگطع ،، عمري وسلوتي وفجع ،، زهرة محمد بيه واتصوب الهادي .. على اللي يشبهه ناح يواسيني وينادي .. حبيبك علي راح آه واحسيناه .. آه وا علياه •••=•••=•••=•••=•••=•••=••• عن وجهه تمسح دمه ،، وايد ارفعت للسمه ،، وتحچي اويه ربك صار گتله بوتر گلبي حز ،، اشهد يرب قد برز ،، شبه النبي المختار جده النبي ورحمته ،، لا ما رعو حرمته ،، العسكر على ابني دار بسيف ونبل وبرمح ،، ينبت جرح في جرح ،، بكل جسمه اشوف آثار اي عظم الله اجرك .. كثر ما بي جراح وزاد الله في صبرك .. حبيبك علي راح آه واحسيناه .. آه وا علياه •••=•••=•••=•••=•••=•••=••• يَمّه حِنيت الظهر ،، وبحسره درت النظر ،، لفتية بني هاشم عينوني ها ياهلي ،، خـ نشيل جثة علي ،، ودمعك جمر ساجم وگدام جثته سِرت ،، بدخلة خيمكم حِرت ،، ما رد علي سالم ولن زينب اتلگتك ،، وليلى بنحب شبگتك ،، وضجت حرم فاطم چن صيحة اقيامه .. المخيم ويلي صاح وشيجبر آلامه .. حبيبك علي راح آه واحسيناه .. آه وا علياه •••=•••=•••=•••=•••=•••=••• بعين الله گلت الحصل ،، يهون العلينه نزل ،، يا ليلى يا زينب يا سكنه يا فاطمه ،، مو هذا آخر دمه ،، هذا اول مخضب ساعه واظل وحّدي ،، بذبحي الشمر يبتدي ،، والعيله تتسلب جمعي النسه يالإخت ،، اي هسه من كل وكت ،، صار السبي اقرب ودعته ودموعك .. بعد ما تستراح يا لچمة ضلوعك .. حبيبك علي راح آه واحسيناه .. آه وا علياه •••=•••=•••=•••=•••=•••=••• ياسر حسن محرم الحرام ¹⁴⁴⁷

ليلة الاكبر س . . . جــروح لاتـُعــد     جــروح يالـــولد جـروح بالگـلب  ياعلي يبني *** ياعلي وسهر اللـيالي ومهجـتي وعافيتي لورحت ينهجم بيتي وترضـه تهجم بيتي؟ استظــل انه بفيـــايــك ياعلــي امنـــيتي يالِمكبر صيتي عگــبك شلي يبني بصيتي   جروح للابــد    جروح يالولد جروح بالگلب ياعلي يبني *** وجه ابوك حسين يبنـي شما اشوفه غيم يبني اتطشــر اجـروح النــوب ارجـع التم المنجرح رايدله بلسم وانته يبني البـلسم وجرحي يالاكبر ييمه علــى اديك امعــلم   جروح والاشد      جروح يــالولد جروح بالگلب  ياعلي يبني *** احضني غفيني اعله نحـرك يابعـد روح امك ارد اشمـــك قـبل لايبنـــي الســـهام اتشــمك كون يبني يصير اضمك ليـش چــا مــاضمك ولحمي وي لحمك يصير ودمي امزجه بدمك   جروح فد جسد      جروح يالــولد جروح بالگلب ياعلي يبني *** بكر ابن غانم ييـــمه الحــومــه بيـهـا وخطره بروحتك ياعلي الأكبر ظــهــري خـاف تكسره تخسر الام كلشي يبــني وليدها امن اتخسره انتـه ناوي تروح لكـــن گـلبــي ياهـــو يصبره   جروح عالوعد       جروح يالولد جروح بالگلب ياعلي يبني *** اندعي ترجعلي سـالم وادري لا مـــاترجع ادري بعد شـويه يبنــي انـــي راح اتـروع عظم الله اجـرچ يليله بـهــاي لــمن اسمع يعني جاب حسين جسـمك للخيام مگطع   جروح يالســند        جروح يـالولد جروح بالگلب  ياعلي يبني *** حيدر تركي الكربلائي

#تـراث #نعـي لمولاي الأكبر صلوات الله عليه الماي يبني امنين اجيبه او گلبي مثل گلبك لهيبه يبني مواعيــدك جريبه يبدر التنوّه اعله مغيبه ياگصــوره المعرس ابشيبه خواتك و عمّاتك ابريبه يرضيك لن زينب سليبه عــدام العمر يــرفع الغيبه سَـدَّر مهتمّ ابظهر النجيبه او شال الكتيبه اعله الكتيبه سوّه مثل حيدر ضريبه گومي تلگّي ابنچ يليله لامة حرب شايل ثجيله ومن العطش ذايب دليله وحسين أشوفه يتچّيله راح الذي راسي يشيله يبني علي فتشة العين يبني الصواب الچاتلك وين آنه والدك عد راسك احسين او علي حالته شنهي بعد وين ينازع و عنّك سكّته البين بچه و ودّعه ابشمّة الخدّين ياعلي يبني انّوب ذلّيت والموت ياخذني تمنّيت عمود الوسط يالشايل البيت يبني بعد عندي اشخلّيت آنه بيش اجيت و بيش ردّيت ياواحدي للحيل هدّيت او ظهري انحنه ولشوفي اعميت عساني لهاي الدار لاجيت المرحوم الشيخ عبد الامير الفتلاوي #اللهم_عجل_لوليك_الفرج

مقتل سيدي ومولاي علي الاكبر صلوات الله عليه خرج علي بن الحسين عليه السلام وكان من أصبح الناس وجهاً وأحسنهم خلقاً فاستأذن أباه في القتال فأذن له ثم نظر إليه نظرة آيس منه وأرخى عليه السلام عينه وبكى . وروي انه (عليه السلام) رفع شيبته نحو السماء وقال: اللهم أشهد فقد برز إليهم غلام أشبه الناس خلقا وخلقا ومنطقا برسولك صلى الله عليه وآله وسلم وكنا إذا اشتقنا إلى نبيك نظرنا إلى وجهه اللهم امنعهم بركات الأرض وفرّقهم تفريقاً ومزقهم تمزيقاً واجعلهم طرائق قدداً ولا ترض الولاة عنهم أبداً فإنهم دعونا لينصرونا ثم عدوا علينا يقاتلوننا 😭 ثم صاح وقال يا بن سعد قطع الله رحمك ولا بارك لك في أمرك وسلط عليك من يذبحك بعدي على فراشك كما قطعت رحمي ولم تحفظ قرابتي من رسول الله صلى الله عليه وآله ثم رفع صوته وتلا: {إن الله اصطفى ءادم ونوحا وال إبراهيم وال عمران على العالمين ذرية بعضها من بعض والله سميع عليم} (آل عمران ٣٣) ثم حمل علي بن الحسين ع على القوم وهو يقول : أنـا عـلـي بـن الـحـسـيـن بـن عـلي نـحـن وبـيـت الله أولـى بـالـنـبـي مـن شـبـث وشـمـر ذاك الـدنـي أضـربـكـم بـالـسـيـف حتى ينثني ضـرب غـلام هـاشـمـي عـلوي ولا أزال الـيـوم أحـمـي عـن أبـي تالله لا يـحـكـم فـيـنـا ابـن الـدعـي وشد على الناس مراراً وقتل منهم جمعاً كثيراً حتى ضج الناس من كثرة من قتل منهم وروي أنه قتل على عطشه مائة وعشرين رجلاً وفي المناقب أنه قتل سبعين مبارزاً، ثم رجع إلى أبيه وقد أصابته جراحات كثيرة فقال : يا أبة العطش قد قتلني وثقل الحديد أجهدني فهل إلى شربة من ماء سبيل أتقوى بها على الأعداء فبكى الحسین (عليه السلام) وقال : (يانبي يعز على محمد وعلى علي وعلى أبيك ان تدعوهم فلا يجيبونك وتستغيث بهم فلا يغيثونك ' يابني هات لسانك ) فأخذ بلسانه فمصه ودفع إليه خاتمه وقال : امسكه في فيك وارجع إلى قتال عدوك فإني أرجو أنك لا نمسي حتى يسقيك جدك بكأسه الأوفى شربة لا تظمأ بعدها أبدأ . فرجع إلى القتال وهو يقول : الـحـرب قـد بـانـت لـها الحقائق وظهرت مـن بـعدهـا مـصادق والله رب الـعـرش لا نفارق جموعكم أو تـغمد الـبـوارق فلم يزل يقاتل حتى قتل إتمام المئتين وكان أهل الكوفة يتقون قتله (قتاله ) فمر يشد على الناس بسيفه فاعترضه مرة بن منقذ فطعنه فانصرع واحتواه الناس فقطعوه بأسيافهم . ثم اعتنقه فرسه فاحتمله الى عسكر الأعداء فقطعوه إربا إربا . وفي المناقب : فطعنه مرة بن منقذ العبدي على ظهره غدراً فضربوه بالسيف . وقال أبو الفرج : 😭وجعل يكر كرة بعد كرة حتى رمي بسهم فوقع في حلقه فخرقه، وأقبل يتقلب في دمه ثم نادى : يا أبتاه عليك السلام هذا جدي رسول الله صلى الله عليه وآله يقرئك السلام ويقول عجل القدوم إلينا وشهق شهقة فارق الدنيا . 😭😭 وقال حميد بن مسلم : سماع أذني يومئذ من الحسين عليه السلام يقول : قتل الله قوماً قتلوك يابني 'ما أجرأهم على الرحمن وعلى انتهاك حرمة الرسول : ثم هملت عينا بالدموع ثم قال : على الدنيا بعدك العفا . 😭 خروج مولاتي زينب 😭 وقال حميد بن مسلم: فكأني أنظر إلى امرأة خرجت مسرعة تنـادي بالويل والثبـور، وتقول: يا حبيباه يا ثمرة فؤاداه، يانور عيناه ! فسألت عنها فقيل: هي زينب بنت علي عليه وعليها السلام وجاءت وانكبت عليه، فجاء الحسين فأخذ بيدها فردها إلى الفسطاط، وأقبل عليه السلام بفتيانه وقال: (احملـوا أخاكم)، فحملوه من مصرعه ، فجاوا به حتى وضعوه عند الفسطاط الذي يقاتلون أمامه . وقال أبو مخنف: ثم انه عليه السلام وضع ولده في حجره وجعل يمسـح الـدم عن ثناياه ، وجعل يلثمـه ويقول: يا ولـدي أما انت فقد استرحت من هـم الدنيا وغمها وشـدائدها وصرت الى روح وريحان وقد بقى أبوك وما اسرع اللحوق بك ــــــــــــــــــــــــــــــــــــــ 📚المصادر بحار الانوار ج ٤٥ ص ٤٢-٤٣ اللهوف ١٠٠ الدمعة الساكبة ج ٤ ص ٣٣١ الارشاد ٢٣٩ مقاتل الطالبيين ١١٥ مقتل الحسين لابي مخنف ١٢٩ البداية والنهاية ج ٨ ص ٢٠١

#تـراث #ابوذيـات لمولاي الاكبر عليه السلام سواد العين فـاض ونشف مايه عله إللي نزل للميدان مايه إسم ألله يا إوليدي عسن مايه الكدر ليك وترد محروس إليه يهل شايل عزيز الروح وانه إودعنه وجر إعليه وانه منه إسهرت الليالي إعليه وانه الكسرني الدهر بأرض الغاضريه إصبي العين متلولح وناراه وذهب من ناظري ضيه وناراه بگلبي ظلت الونه وناراه إحمست چبدي وأجر ونه خفيه جمـر العطش بگليبي شبابه عله إللي منحرم لذة شبابه يمدونه عله الغبره شبابه إنگطع منه الوصل وإنگطع بيه يالأكبر هاك إخذ گلبي وراعه يبني وإدرع إبصبره وراعه وإخذ الماي من چبدي وراعه إتغذه إبمهجتي إو شد عالمنيه الشاعر المرحوم الحاج كاظم المنظور الكربلائي #اللهم_عجل_لوليك_الفرج

#تـراث #نعـي نعي مولاتي ليلى لمولاي علي الأكبر اجـت شـايطه وشبكت ولدها والولـد كطعـه مـن جبـدها اوچبـت عد راسه تنـدها يالي جبتتها كوم ردها امك تـداعيك بجهدها تــره خلتك محد يسدها يـابدر عزها ويا سعدها أشخليت يامدلول عدها يبني علي يالبالحرب منعـوت اناديك ليه ما تسـمع الصوت يالولـد ردتك ســاعة المــوت وينشال بحضورك التباوت يالي كضيت بكـربـلا فـوت مبطـل عليـك النوح للمــوت اشلون استكن يهيد ونـي علـى ابني الليالي البي چوني واحـد وباگه البين مـني گبل كـربلا ميتـه عـســني وعكـب الـولـد لا ضحك سـني انـه امـك واريـد اتـودع ويــاك دريــض يمـــن روحـي فداياك انه بـخيمتي ارد اكعـد اتناك تـره خيمتي توحش بالايـاك حسبتك عليـه تخلـف ارباك وين الربه اويـن التعـب ذاك الحاج المرحوم مُعين السباك #اللهم_عجل_لوليك_الفرج

#تـراث أظلم اعله احسين جوها اوضاگت ابعينه الفله حين شاف الزان شابچ فوگ راس أمدللـه ــــــــــــــــــــــــــــــــــــــ حين شاف ابنه الاكبر شابچه اعليه الرماح اومفترش شوچ النشاشيب اوگابع بالسلاح ضحك مستبشر اودمعه حمر عالوجنات ساح اوگاللـه امهنّه يالاكبر جاوزيت المرجله ــــــــــــــــــــــــــــــــــــــ اولا عجب يبني يالاكبر من تعدّيت الحدود بالمراجل والفراسه الباسله اوطلعت الجود انته من عصبه ابشرفها اوزودها اعداهم شهود اوهذا ما بالفخر شبهه التشهد العدوان اله ــــــــــــــــــــــــــــــــــــــ اوحين عرّضتك يالاكبر للسيوف اوللسهام من بعد جيمة اصحابي گبل الاخوه والعمام جود منّي بيك عالدين يضيغم يضرغام وآنه ابوك الندب والجود محلّه اومنهله ــــــــــــــــــــــــــــــــــــــ لاچن امصابك يچبدي فگد من عندي الچبد اويظل حي بالدنيه امحال الچبده ينفگد ريتني گبلك يالاكبر يلم چثماني اللّحد اولا اشوفنّك ابعيناي جديل ابكربله ــــــــــــــــــــــــــــــــــــــ روحي المابين جنبي يبني يابدر الشباب اشلون عيني اتشوف روحي ثاويه فوگ التراب يبني اوطعناتك المايكون الهن احساب عشر من حزني عله فرگاك البي گلبي ابتله ــــــــــــــــــــــــــــــــــــــ لون ما يدركني الله يبني بمياه الحكم نار فگدانك خذتني وانضجت منّي الجسم يا تره هالكون الاسود علي وجموع الزلم اهون امن اصواب فرگاك اوحرگة مشعله ــــــــــــــــــــــــــــــــــــــ العفه لا على الدنيه ياشبيه المصطفه لاچن اعله الكون وهله بعدك اعليه العفه ظل عليك الگلب منّي طير چنّه اعله اسعفه اوحدره صیّاده اويره الحوم يريد ايجندله ــــــــــــــــــــــــــــــــــــــ اولون ما أعلم يشبلي خلفك انجد عالاثر لعدم العالم وجوده اولگطع اوتين الدهر لاچن اصبر عالشدايد مثلما عودي صبر على امصاب الزهره وهو للرسول ایغسّله ــــــــــــــــــــــــــــــــــــــ يبني واحتسبك على اللّي ماسِوا حَي ينّدب ما يفوته بالدهر فوت ولا يخفي ذنب ناده بشبول الهواشم يا آل عبد المطّلب دونكم شيلو عزيزي للخيم والعايله ــــــــــــــــــــــــــــــــــــــ غدت كلما تزم جانب منّه اوبي تنتهض یگع ياويلي امن اديها منّه جانب عالارض حتّه للصيوان جابوه اومنّه طول عرض خذم والبین ابرهيفه وبسنانه امفصّله ــــــــــــــــــــــــــــــــــــــ هاجت ابنات الرساله امن الخيم يتصارخن شابچه العشره على الهام اوبالرمضه ايعدن حتّه الريحانة احسين الأكبر من لفن هون من شافنّه فوگه مثل مهوه اهل البله ــــــــــــــــــــــــــــــــــــــ واحده اتحبّه ابوجنته اووحده ابصدره تشم اووحده تتخضّب ابدمّه اووحده الجسمه تلم اووحده اتخمّش ابخدها اوّحده تشچيله اليتم ريحانة احسين وهواه اوبدر الّذي ايشع بالفله الشاعر المرحوم عبود غفله (429) #اللهم_عجل_لوليك_الفرج

#تـراث لـيـلـى تـنادي يا مظلوم ... گلي يا شبل حيدر بـظـلـع أمــك أحـلـــفنك ... عليمن وجهك تغير ــــــــــــــــــــــــــــــــــــــ يـحـسـين اللسب گلبـي .. وحالــي تغير لحالك لـيـش بأمرك إحتإريت .. وليــش لزمـت دلالك وبـروحك اشوف تجود .. يابن المصطفى شمالك منهو الوگـع بين الخيل .. گلـي وإنـدهـش بالك يـا عطـشان عالتربان ... طاح إبني علي الأكبر ــــــــــــــــــــــــــــــــــــــ يـحـسـيـن الولـد مريود ... شمعه لوالــده وأمـه وهـالـشـمـعـه يعلگوهـا ... وگت الشــده والهمه چنـي الـشـمـعـه طفوها ... وعيوني غدت ظلمه وچني وليـدي مني راح ... وچنه تخضب بدمه يـا عـطـشان عالتربان … طاح إبني علي الأكبـر ــــــــــــــــــــــــــــــــــــــ تدريني إشـكثـر باريت ... وشگد تعبت بــربـاه ومن ثدي الوفه رضعته ... دمي وإنـمزج بدماه ذابـت شـحـمـة عيوني ... من جور السهر وياه چن سلمته بيد الموت ... وچن سهم المنيه رماه يـاعـطـشـان عـالتربان… طاح إبني علي الأكبر ــــــــــــــــــــــــــــــــــــــ إلك ضرب المهد مــانام .. بگد ماتوسد بحجري وحدر ضلوعي ضحيته .. وعليه إنكسر ظـهـري ردتـه تچويـتي للسيف .. لو دهري بعكس دهري ربيته وحسبت حساب .. ينــزل جثتي بگـبري يـاعـطـشان عـالتربان ... طاح إبني علي الأكبر ــــــــــــــــــــــــــــــــــــــ عيني اللي سهرت وياه ... وماغمضت ولا ليله مـن شـد للمعـاره وراح ... صارت شمعة تضويله تـمـنـيت الـرماح تصير ... ورود ولبني تزهيله وحدود الصوارم كون ... اغصان وچن تفييله يـاعـطـشـان عـالتربان ... طاح إبني علي الأكبر ــــــــــــــــــــــــــــــــــــــ چنـي فـاجـده ولـيـدي … وچني تگبعت بالهم وچن بيه إنگطع يحسين … وبعد الشمل ما يلتم وچن چوچب سعود يغيب … وچن راسي خضيب بدم وچنـي بـشـمـعـتك تطفي ... وچن بيتي التهدم يـاعـطـشان عـالتربان ... طاح إبني علي الأكبر ــــــــــــــــــــــــــــــــــــــ گلـبـي مـن حـدر للكــون .. فگــد روحه أنشرته وروحي اللي تلفتها عليك .. رداني وبيها حزمته بـسـم الله يـابـو السجاد .. من ودعني حصنته أمـري وأمـرك الـمـحـتــوم .. بيـد البــاري سلمته يـاعـطـشان عـالتربان ... طاح إبني علي الأكبر للشيخ المرحوم سامي الخفاجي الكربلائي #اللهم_عجل_لوليك_الفرج

ابوذيه يروحـي اشبيچ ونـه  ظِهري لحسين شـبـيـه الليل صـايـر  ظهري الحسين انكسر مرتين بالطف  ظهري الحسين للأكـبــر والـگـمـــــر عـبـاس اخـيــه *-------------------------*------------------* ✍خادم الحسين ع الشاعر رعد الجريخي